السودان يستورد لحوم بـ 3.5 مليون دولار وأسماك بـ 4.5 مليون دولار..المفاصلة في أسعار اللحوم والخضار..آخر صيحات التجـار
مجاهد العجب
ظاهرة جديدة غزت أسواق العاصمة الخرطوم ومدنها الثلاث حيث باتت المفاصلة في أسعار اللحوم والخضر والفاكهة أمراً عادياً في شوارع الأسواق الذين تتعالى اصواتهم بين الحين والاخر (اها انت بتدفع كم, عايز شنو واحد ولا اتنين, ما بنختلف يا حبيب, قرب تعال وخلي السؤال) عبارات عديدة تتقافز الى المسامع وتختلط بمن ينادون عبر مكبرات الصوت (اي حاجة موجودة, العايزو بتلقاهو) ومع كل تلك الاصوات يعاني المرء قبل ان يحدد وجهته ويختار سلعته التي يريد ان يبتاعها من الدكان أو المحل المعين.
وعن المفاصلة والنقاش حول أسعار الخضار واللحوم والفواكة يقول أمين الزين اعيسر: انها ظاهرة جديدة وغريبة على أسواق المأكولات فقديماً كانت المفاصلة والتفاوض حول الأسعار من سمات اصحاب محلات الملابس والاحذية الذين يدخلون مع الزبون في مفاوضات طويلة ومفاصلة غالباً ما تنتهي بعد شد وجذب لصالح صاحب المحل الذي يضع في ذهنه سعراً محدداً ولا يتنازل عنه أو يتراجع, أما الآن فما يحدث شيء غريب ولم نسمع به من قبل إلا في هذا العام فعلى سبيل المثال ينادي صاحب المحل كيلو السجك البلدي باربعة عشر جنيهاً وبعد ان تعلن رفضك وعدم مناسبة السعر ينادي ويلح (عليك الله تعال, ما بنختلف انت عايز تدفع كم!!) لهذا لا ندري هل هناك سعر ثابت لهذه السلع أم ان التجار يقومون بتحديدها لوحدهم دون أن يسألهم احد, واضاف الزين في حديثه لـ(مع الناس) ولم يقتصر الأمر على اللحوم فقط بل يمتد الى الفاكهة والخضار أيضاً حيث يبدأ التاجر من أعلى قيمة للسلعة حتى يصل الى السعر الذي يناسبه ويريد ان يبيع به للمواطن, ولا يملك المواطنون من حيلة كل تلك المحاولات إلا وان يوافقوا إن ارادوا الشراء أو يولوا ظهورهم لصاحب المحل وسلعته على الرغم من رغبتهم في شرائها إلا ان المبالغة في السعر تحتم عليهم شراء ما يناسبهم والانصراف عما يفوق مقدراتهم المالية.
ومن جانبهم ذكر فاكهاني بمجمع الأوقاف عندما سألناه عن سر المفاصلة في الأسعار والنقاش الدائم مع الزبائن قال: (إننا نشتري السلع بأسعار عالية وغالية ولا يمكننا ان نبيعها بذات القيمة لهذا نبدأ من فوق الى ان نصل للسعر المناسب) واضاف هناك من لا يحتمل المفاصلة ويذهب بينما يفضل آخرون المفاصلة والتفاوض حول السعر إلا ان يشتروا حاجتهم.
الاحداث
وكتبت صحيفة الخرطوم في عددها الصادر يوم أمس :
كشف د.فيصل حسن ابراهيم وزير الثروة الحيوانية والسمكية أن وزارته استوردت في النصق الاول من العام الجاري وفق مواصفات عالية لتغطية العجز في السوق لحوم بمبلغ 3.5 مليون دولار كما استوردت اسماكا بمبلغ 4.5 مليون دولار في نفس الفترة وألبان بمبلغ 60 مليون دولار.
معقولة يا ناس القاعد يحصل التاجر يغش في سعر اللحمة والفاكهة والادهى والامر من كدا حكاية استوردنا لحمة وسمك ولبن . وين سلة غذاء العالم يا ………….؟؟؟
ما باقي لينا الا ان نستورد مسؤلين للبلد الهاملة دي لماذا تتبجحون باننا نملك اكبر رصيد من الثروة الحيوانية والله حرام لو ده حصل في اي بلاد تانية كان في رؤوس قطفت ,,,السؤال مين البقدر يقطع هذه الؤوس ما كلهم حرامية وشيلني اشيلك هي السياسة الحاكمة البلد
ربنا ياخد الجبهجية الجهجهو السودان
لتغطية العجز في السوق لحوم بمبلغ 3.5 مليون دولار كما استوردت اسماكا بمبلغ 4.5 مليون دولار في نفس الفترة وألبان بمبلغ 60 مليون دولار.
ربنا يحاسبهم بعد ان اوصلو السودان لاستيراد لحوم
دنـــــــــــــــيا مهازل ياكيزان
لصوص الزمن
خلونا من الحدوتة بتاعة ناكل مما نزرع,ونلغف مما نجمع,وسلة غذاء العالم,واكبر ثروة حيوانية مائة وعشرين مليون راس وماادرئك. يعنى باختصار شديد نحن فاشلون حتى الثمالةوالشاهد على ذلك كما يقول اخوان الشيطان اننا نستورداللحوم والاسماك. ثروتنا الحيوانية فقيرة جدا فى اللحم واللبن.شركة البان واحدة فقط فى السعودية وهى المراعى تنتج يومياثلاثة مليون لتر يعنى ستة مليون رطل يوميا وغيرها الكثير من الشركات متوسط الانتاج للبقرة الواحدة ستين لتر ويقد يكون اكثر من ذلك ليس لديهم انهار ومراعى كما عندنا يصدرون البانهم الى كل الدول بما فيها السودان المدعو سلة غذاء العالم اصحو يانائمين وبطلو الجعجعة والتصريحات الجوفاء
بسم الله الرحمن الرحيم
(( من لا يملك قوته لا يملك قراره ))
هذا أحد شعارات الحكومه خلال ال21عام أسودالماضيه
هسع البلد مافيها أى انتاج والمنتتج المحلى محارب بواسطة منتج مستورد بواسطة احد اعضاء الحكومه
الطماطم و البيض و الثوم والخيار شيئ مخجل مخجل يا حكومه يااسلاميه
المسأله هى اغتناء ناس الحكومه بواسطة الصفقات للاستيراد لكل ماهو سهل الربح وسريع التسويق فى السودان وكله لاجل التمكين
الغريب في الأمر ان البلد الهوان دا بدأ تصدير اللحوم إلى مصر وحسب المواصفات العالمية يا ناس دي حاجة محتاجة إلى تفسير …… :rolleyes: :rolleyes: :rolleyes: لكن رايكم شنو في التفسير دا …. تصدير اللحوم السودانية يعني طائرات وطيارين ووقود طائرات وعمال طائرات وتأجير مسارات للطائرات وطبعا دا كله بالدولار بتاع دول الاستكبار وبالتالي الربح مضمون وطبعا الاستيراد نفس الموال طائرات و ….. و ,,,,,,,,, وما معروف اللحوم المستوردة تبع المواصفات ولا منتهية الصلاحية والدليل المفاصلة في الاسعار يعني المال تلتو ولا كتلتو ولا عزاء للموطن ولك الله يابلد المعاناة و الشقاء :mad: :mad: :mad: :mad:
كان كده نحمد الله انه دول الخليج دي وظفتنه ولمتتنه من العصابه الموجوده هناك دي والله يستر على القاعد هناك نصيحه مني ليكم كان الوضع اصبح كده احسن تهجوا من البلد البتحكمه العصابه دي الله اسمعوا نصيحتي دي قبل بكره ما يحصل الندم وتشوفوا كلامي ده وبتتزكروني بعدين انا عايز مصلحتكم
شر الامور مايضحك ياجماعة الخير البلد دى ماعندها وجيع ؟ البحصل دا شنو فى السودان لحوم واسماك تستورد من الخارج ! ! الظاهر دى اشاعة من الجماعة المعارضين البلد تنتج سيارات ومعدات زراعية وحربية فى جياد وصنعنا قبل فترة طائرات سودانية وتقولوا نستورد لحمة وكمان سمك ! ! !
لم ار لعيب الناس عيبا كعيب القادرين على الكمال — الحاصل شضنوا ياجماعة ؟ والله الواحد صراحة بقى محتار وكأنك بتشاهد ليك فى فيلم او كمرة خفية
زمان سمعت قصة تقول ان الاستاذ المصرى فى اليمن التلميذ يدخل جحش ويتخرج حمار مع الاعتزار للاخوة اليمنيين الحصل الان السودان يصدر المواشى الى مصر ويستورد منها اللحوم وطبعا الاسماك تمر من عندنا وترجع مستوردة اخ يا بلد