وان تكون غراء فرعاء مصقول عوارضها .. رشيقة زي الغزال وتقدر تنط من العربية قبل ما تقيف ..
والحريم هن اقدر على التنظيم والترتيب والابداع والتطقييم ولان النساء يعشقن التغيير تقوم تجيب ناس جبل اولياء في محل الثورات وناس الحاج يوسف في الدروشاب وناس الجريف غرب في الرميلة وتودي ناس الكلاكلة في امبدة وناس عد حسين الى عد بابكر بس المشكلة ناس كافوري وين؟ وسكنتم في مساكن الذين ظلموا انفسهم ..
يعنى زي التغييرات القاعدة يعملنها في البيت وفي اوضة النوم والمطبخ والصالة.
ثم تقوم بتوزيع نساء الولاية الى لجان لجنة للطالبات ولجنة للفنانات والقونات ولجنة للتشكيليات ولجنة للأمهات ولجنة لستات الشاي ولجنة للعاملات ولجنة لأساتذة الجامعات ولجنة لربات اليوت وديل يكونن مسؤولات من المحليات ، والله إلا يخلن الخرطوم ترقش بالنهار وتلمع بالليل.
غايتو انا برشح خالة صاحبي اسمها فتحية لانو قالوا لكل زول من اسمه نصيب يمكن الله يفتحها علينا ويصلح الحال المآل ..
والخالة فتحية ذات شخصية قوية دي اول مرة بتقولك يا زول هوي فتح عينك .. والمرة التانية عينك ما تشوف إلا النور … ودي لما تقول يا ولد او يابت كل زول في البيت يعتقد انه هو المقصود وكلهم يجري الى مصدر الصوت كما قال الشاعر:
إذا القوم قالوا من فتي خلت انني عنيت فلم أكسل ولم اتبلد
الراجل : الله لا كسبك ولا تاجرك عاملة ارهاب في البيت … والله تاني اسمع صوتك إلا ….
المرأة : إلا شنو؟ أه قول .. يقلقلك فيها.
الراجل : شوفي اصلها تلاتة حلول :
1- اكلم ناس تجمع المهنيين يعملوا مليونية قدام البيت ويهتفوا الليلة ما بنرجع إلا البيان يطلع .
2- او أكلم ناس الدعم السريع وانت عارفة
المرأة : والتالت شنو؟
الراجل : إلا اقدم شكوى لمندوب البعثة الأممية في الخرطوم السيد / فولكر بيرتس. يختوك تحت البند السابع.
الراجل : والله لو ما الأولاد والبنات ديل كان طلقت بالتلاتة .. لكن صبراً آل ياسر فإن موعدكم الجنة.
المرأة : جنة؟؟ الجن الما ينادوا
يقول صاحبي يا اخي دي يوم زواج بتها جيت من البلد قبل تلاثة أيام للزواج.. قامت طردتني من البيت قالت له ..
أجي يا ود اختي تجينا زي الضيف ؟ جاي بعد ده تسوي شنو؟ .
صاحي : يا خالتي أنا جاي أدق الريحة ولا أعلم بتك الرقيص .. لسة باقي تلاتة يوم على العرس .
غايتو ياناس الراكوبة فعلا اصبحتم غثاء
ماهذا الهباب الذي يكتب في زمن محن الوطن؟