ظهور(مسكول الجزار) ولحم الغلابة..أرتفاع كبير فى أسعارالسلع الإستهلاكية بالأسواق
فى جولة واسعة بالأسوق في اعقاب حديث وزير المالية علي محمود حول انعدام الغلاء في المعيشة وكشفت جولة الأسواق عن تواصل ارتفاع أسعارالخضروات والفواكهة واللحوم والمواد التمونية ، فى الوقت الذى عبر فيه عدداً من المواطنيين عن سخطهم وعدم رضاءهم تجاه مايحدث من غلاء بالاسواق مؤكدين أن حديث وزير المالية لايسنده الواقع ولاعلاقة له بما يحدث في الأسواق.؛ حيث طالب البعض الدولة بالتراجع عن سياسة التحرير، أوالتدخل الغير مباشر فى تخفيض الأسعار، بتقليل الرسوم والجبايات والضرائب على المواد الاستهلاكية والسلع الأساسية ، فى مقابل زيادة الدعم للسلع المدعومة ، وادخال سلع جديدة فى مظلة الدعم التى وصفوها بالمحدودة والغير مؤثرة ايجابا على الأسعار.
وسجلت أسعاراللحوم ارتفاع متواصل فى المحلات العادية بعد أن صار كيلو الضأن فى حدود (55) جنيهاً ، بعد أن كان (50) جنيهاً الأسبوع الماضي ، ووصل سعر كيلو الفراخ (21) جنيهاً بزيادة طفيفية عن السابق 20 جنيهاً ، وزاد طبق البيض بمقدار (جنيهين) عن الأسبوع قبل الماضي ليقف عندحدود 20 جنيهاً. وأكد أصحاب الجزارات أن حركة البيع تراجعت الى النصف عن السابق،وقالوا إن معظم الزبائن تركوا لحوم الضأن واتجهوا (للعجالي( والباقين (بعاينوا بى عيونهم) وأضافوا:» البعض أصبح يطلب نص الربع فيما يعرف (بمسكول الجزار)؛ فيما لاحظت «الصحيفة» انتشار طرابيز بيع اللحوم (بالأكوم) ب( 4-5) جنيهاً ؛ حيث أوضح الباعة أن هذة الأنواع تسمى (لحوم الغلابة) وهى عبارة عن عظام وعصب ودهن وشحوم مع قليل من اللحوم لزوم «حلة الملاح» بعدارتفاع اسعاراللحوم ، وقالوا إن الإقبال عليها أصبح كبيراً جداً، من فئات كانت تصنف من مرتادي الجزارات.
الوطن
إهداء الى معالى الوزير المتعافى:
تسرقي ضحى ونهار آ بره مالك
لا الطير انعدم لا الفار غلالك
برة : مديني حلفت ما تخليك
ان طلعتي سكنتي في امية التمر ديك
طول ليلا ونهارا فزع بنوته باريك
لا التمر طلعنو.. سارقي اللحمة اتاريك
تفتحي في المغتغت برة شن ليك
لحم نص كيلو مو سوسيوة سيك سيك
برة جابوك للجقور خاب ظنهم فيك
يال البقيتي بلاوي رب العزة يبليك
(نجم ) )
…..
………..وعود عيالك فضيلة الرضا ء
لا نو احنا طبعا عبيد القضاء
ورزقك ورزقي ورزق الكلاب
ده موضوع مؤجل ليوم الحسياب؟؟؟
£
الواحد بقى ماعارف اقول شنو لكن فى واحدسالوه قالوا ليهو علم السعوديه مكتوب فيه لا اله الاالله وعلم العراق مكتوب فيه الله اكبر دايرينا لينا جدعه نكتبه فى علم السودان فصمت فتره ثم قال اكتبوا حسبى الله ونعم الوكيل فعلا حسبى الله ونعم الوكيل عليكم ياناس ال000
كيف نفهم ان سعر كيلو الضان السوداني في اللؤلو هايبر ماركيت في دبي وابوظبي وقطر يساوي34 درهم وهذا المبلغ بسعر البنك يساوي 48 جنية بسعر البنك للتجار دي نفهما كيف حتي لو ما حسبنا رسوم الترحيل ورسوم النقل من المطارين وتكلفة النقل من المستودعات الي الهايبر ماركت والجمارك يعني لو اللحمة دي فكوها بانبلة مش ممكن يكون كيلو الضان السوداني في الدوحة اغلي من السودان .. يا حليل التتر والله ارحم من ناس ديل
كيلو الضان السوداني في دبي ي 33 درهم يعني 46 جنية بسعر الدولار للمصدر (البنك) علي تجار المبوبايلات يقلبو لحمة سودانية من دبي سوق الجملة حيكون سعر الكيلو اقل من 46جنية يا خوانا جيبو لينا التتر والله ارحم من الهبل اللي بيحكموا ديل الشي اللي بيحير الناس ديل جيين من اسر فقيرة ومنهية واحد ابو غفير في حديقة عامة والتاني ابو بيحلب البقر وساكنين مع البقر ومصطفي اسماعيل ومين عبدالرحيم فقر الطفولة وسوء التغذية باين في وشهم خلاصة الامر الفقر فقر
الصورة المستفزة دي مناسبتا انو الايام ديك جا مرض انفلونزا الطيور و تجارة الدواجن وقعت الواطة
guess who اكبر المتضررين من وقوع التجارة دي ….
الله يفتح علييييييك ياهو المتعافي زاتو لانو صاحب اكبر مزارع الدواجن في السودان الفضل
و عمل مؤتمر صحفي و عزم فيهو الصحفيين الجعانين جداد مشوي و مسك الجدادة زي ما انتو شايفين
ضرب شديد عشان يثبت للمستهلكين اللي هم نحنا انو المرض انتهى خلاص
اييييييييييه والله كانت ايام جميلة الجدادة المشوية بي 4 جنيه و شاورما الجداد بي 40 قرش و يقعد يحشي في العيشة لمن تثبتوا انت و طبق البيض بي 3 جنيه
اتوكلنا و ضربنا فيها ضرب غرائب الابل و نحمد الله ما جاتنا الحبة
وزير المالية قال مافي غلاء معيشة نحن صدقناه بس علي شرط يقبل بالحد الادني للأجور يعيش بيه لمدة سنة ويتعالج هو واسرته بالتأمين الصحي مش في امريكا وبعد السنة دي يمكن ان يكون كلامه لا شك فيه صحيح مائة بالمائة
والله لو كنت في مكان البشير لقدمت استقالتي فوراً وقمت بحل حزب المؤتمر الوطني واعتذرت للشعب السوداني فيما فعلته وفعله حزبي بهم ..
هل كان عمر البشير يعلم في يونيو 1989م أن الحال بعد 23 عاماً سيكون أسوأ بألف مرة مما كان عليه في 1989م ؟ البلد انقسمت وفي طريقها إلى مزيد من الانقسامات ودخلت البلد عنصرية وقبلية ما كانت موجودة من قبل والبلد نفسها أصبحت طاردة وكل الشعب يفكر في الهروب ولو إلى الواقواق ..
بالأمس قابلت مهندساً معمارياً رجع مرة أخرى إلى السعودية بعد ثلاث سنوات قضاها في السودان والله يشيب الرأس مما حكاه رغم أنه كان من المنادين بالعودة إلى الوطن حتى ولو باع موية باردة في أبو جنزير ..
يا عمر البشير ارحم ما تبقى من الشعب الله يرحم والديك ..
تستاهلوا ما دام الي الان بتكوركو سير سير يا بشير عجائب ..
السودانين بعد كدا اكلو لحوم الحمير عشان ماتسعروا فينا وتزيدوا كسل زيادة علي الكسل العليكم قاعدين تتفرجو بس شوفو المتعافي بعضي اللحوم كيف انتو اقعدو اتفرجو عليهم بس
يا علي محمود انت كذاب ما عارف الحاصل في السوق لانك مالع بطنك بالمال الحرام
ياجماعة كليو الضان السواكنى فى السعودية ب25 ريال حاجة تحير اللحمة المجمده الجاية من البرازيل واسترالياالكيلو ب15 ريا ل نحنا بلداللحمة مانشبع ملعون ابوكى بلد
رسالة من رب العالمين …..ليس بالدين وحده يحيا الإنسان!
عليكم الله شوفوا الصورة كلامى صاح الجماعة ديل قلت ليكم تربية جوع جحمانين وشرفانين عايزين ينهشوا هسع شوف جنس ده غايتوا المرحوم مامون بحيرى كان شاف الصورة دى ما كان عرس ليك بنته بنت الاصول لكن دقسة والبنية جراها معاه تتذكروا لما وقعت به الطيارة بدل تقول رحمة الله ولطفه قالت عامل رجيم نفعه ساعده على الخروج بالشباك رجيم قال هسع جنس النهش وحشى الخشم ده بتاع زول عامل رجيم ديل ما بشبعوا نازلين لبع لبعكم بلاء يشلكم
علي محمود وزير المالية دا متزوج تلاتة نسوان في الزمن الصعب دا ربع البصل بتلاتين جنيه لو ما بلغف من دم الشعب السوداني الفضل ح يقدر يعيش كيف!!!! لكن طالما الناس لسه شغالة هتيفة يستاهلوا!!!!
ياجماعة مافى انفلونزا الابقار ولا الضان
سعرنا عدييييييل كده
صــدقوني ، الوزير على محمود ســـوف يبعــد عن وزارتــه بمجــرد تحســـن الاحوال الاقتصادية للسودان.
فهــو موجــود في هذه الوزراة كبش فــداء .سجلوا كلامي هذا للتاريخ.