أعمال الكاردينال فطيرة ..!!..استغلوا أسماءهم للترويج لأعمالهم..!!
* الخرطوم: تفاؤل العامري
شن عدد من المراقبين للساحة الفنية هجوماً كاسحاً على بعض رجال المال الذين ولجوا للمجال الفني كشعراء أو ملحنين مستنكرين استغلالهم لمراكزهم وهذا ما أشار إليه الإعلامي والشاعر سعد الدين إبراهيم الذي أكد أن رجال الأعمال سعوا لترويج أعمالهم عبر الفنانين الذين بلا شك يتعاملوا مع تلك الفئة من أجل المصلحة واستثمار العلاقة بينهم، مضيفاً أن الكثيرين منهم يقدموا تنازلات في التعامل مع رجال الأعمال ويعملوا بالمثل القائل: (من جاور السعيد يسعد).
من جهة أخرى شن الكاتب الرياضي حسن فاروق صاحب عمود (أصل الحكاية) بالزميلة (الرأي العام) هجوماً عنيفاً على تلك الفئة وشبهها بالفيلم العربي (مرجان أحمد مرجان) الذي درج بطله الممثل عادل إمام على شراء كل شئ بماله، ووصف فاروق أعمال الشاعر ورجل الأعمال أشرف الكاردينال بـ(الفطيرة)، لافتاً إلى أن المبدعين باعوا إبداعهم بثمن بخس وأصبحوا مجرد معلنين لأعمال رجال المال الذين لا يمتون للإبداع بصلة، وضمن سياق تقرير ينشر لاحقاً أشار حسن إلى تصريح الراحل الموسيقار محمد وردي الذي وصف ألحان رجل الأعمال صلاح إدريس بالضعيفة.
فنون
ولماذا لايكون الفنانون هم من زينوا لرجال الاعمال انهم شعراء حتي يحتالوا للوصول الى جيوبهم؟ وبهذا المنطق يكون اشرف وصحبه ضحايا مؤامرة(فنية) خبيثة.
هاهاهاهاهاها .. التور لمان يقع بتكتر سكاكينو ؟؟ بعد شنو الهجوماً الكاسح ؟؟ كلكم طبطبتو وكسرتو التلج هسي اول ماوقع قومتوا عليهو ؟؟
ومن زمان وين انت ياحسن فارووق الكاردينال وصلاح ادريس ماقادين اضانا ليهم سنييين جاي تكتب وللاتصرح في 2013 وقفوا النقاطه وللا شنو؟؟ عليك الله رووووق ياحسن فاروووق
اولا الكاردينال اشرف سيد احمد ليس بشاعر وكتابته بالعربيه فى تل تلا ناهيك عن الشعر وترباس كلها قصائد مشتراه من السوق — اما صلاح ادريس ربنا يفرج كربته لا علاقه له بالتلحين وعذفه اشتر بصوره لا تليق بالعزف ولا بالفن بس لانه صلاح ادريس يمسك عود هو ملحن وفنان —- فى النقاذ ظهرت اشياؤء غريبه العجلاتى بقى مهندس والفران بقى خبير عدسات والسباك اصبح دكتور والداعره اصبحت شريفه والشريفه اصبحت داعره والغنى تسول والمتسول بنى بيوت والرشوه اصبحت سمه طيبه والغير مرتشى اصبح منبوز –
مره كنت اشاهد عودة الكاردينال وكان منتشي وفي نهاية اللقاء قالت المذيعه للكاردينال:
عايزنك تلقي لنا اخر ماكتبت فقال : والله الان مامتذكرها ..وكثيرا ما يقرأ قصائده التي يقول
انه ألفها من الورقه …
ههههههههههههههههههههههههههههههههههههههههههههه
قالوا شعراء
الحلزونه وماادراك ما الحلزونه الحلزونه وقعت فى البئر والحلزون مكبوت واسير
لو الوسط الفنى مافيهو حاجة نحنا ماعارفنها الناس ديل الناقصهم شنو انا بجرى لما شبظى اتقطع عشان المال ديل اللهم لاحسد القروش وعندهم بس فى حاجة تاااااانية الناس ديل دايرنها الله يكون فى عون الشعراء الحقيقين الواحد تلقاهو بقميص وبنطلون واحد الاسبوع كله غايتو شعراء اليومين دى راكبين الكامرى ويقولوا شعراء مابتخجلوا اخجل ليكم انا
هههههههههههههههههههههههههههه
اهو ده السودان عندك قرش انت الكل في الكل يمشي القرش الجماعة ينسحبو منك أما الكرورانال ده ذي بتاع جده قروش ملح أندروس ساي لا بالشعر ولابغيره مش حتمشي لقدام لانه العيب في الأساس