السجن والتعويض على أجنبي باع لشاب سوداني (كافيتريا وهميّة)!
دار السلام – منى ميرغني
أصدرت المحكمة الجنائية بدار السلام برئاسة مولانا “سليمان خالد موسى” قرارها في مواجهة أجنبي بتهمة الاحتيال وأمرت بحبسه بالسجن (6) أشهر والغرامة (500) جنيه وبعدم الدفع السجن شهرين وأن يدفع تعويضاً للشاكي قدره (10) آلاف جنيه.
وتشير الوقائع إلى أن المتهم الأجنبي كان قد حضر إلى شاب سوداني وساومه في بيع كافيتريات بمنطقة الثورة وأخبره بأن شقيقه أراد بيعها من أجل تكملة إجراءات السفر وقابل الشاكي بمنطقة السلام وسلمه مبلغ (10) آلاف جنيه وعند موعد استلام الكافيتريا اكتشف أن الأجنبي قد باعه كافيتريا وهمية ليقوم الشاكي بتدوين بلاغ في مواجهة الأجنبي وبعد القبض عليه والتحري معه قدم للمحاكمة.
المجهر
المواطن ده يستاهل الضرب،بالله عليك اجنبي ينصب عليك،اكيد المواطن ده مختل عقليا كيف تسلم مبلغ زي ده لاجنبي ما تعرف عنه شي وكافتيريا اصلا ما شفتها بعينك،الله يدمر الكيزان
دار السلام…وكر الجرائم
يشترى ويسلم المال بدون أن يستلم الكفتيريا وبدون أوراق ولامستندات ,,؟؟؟ ده راجل طيب كما يقول المصريين
ياخ من ابجديات التجارة تمشي تشوف الموقع وترجع الي الشخص صاحب الموقع الأصلي وتشوف الكهرباء والماء تكون باسم البائع وورق المحامي والعقد وتششمر وتجسس حتي تعرف مستوي البيع هل مغري أم محل ماسورة
معليش انا مفلس اسع لكن الرأس مليان واديناك معلومة ببلاش يله نقوم نشوف شغلنا
العلاقة بين الشيطان والكيزان و اسرائيل شنو ?
يعنى الواحد لمن يعمل حاجه ما كويسه يندم ويقول الله ينعل الشيطان والكيزان لمن يقعو فى مصيبه يقولو اسرائيل هى السبب والمعارضه لمن تحصل حاجه لى اى زول حتى لو كديسه وقعت من الحيطه يقولو الكيزان هم السبب يعنى الزول ده لو مشى شاف الكفتريا كان ماحصل حاجه.
الحاله فى بلدك يا طقم يعنى لو مشيت ليهو هناك حيعمل ليك شنو
يا ربي شامي ولا مصري ولا حبشي المقولة المتداولة لدينا ( صحي سوداني) (الغفلة)
بلد اهان شعبه وفتح زراعيه للقاصى والدانى من حثالة البشر ماذا نتوقع غير مثل هذه المواقف ,وقانونا مع الاجنبى حسب سياسة مافيا السلطه , يا بلد ليك رب يمهل ولا يهمل