أستاذ جامعي يستولي على أموال طالباته ويفر خارج البلاد

البلد لسع فيها اساتذة جامعيين ويحملون الدكتوراه كمان ؟ والله انا متخيلهم فزوا كلهم

هل يمكن أن يحدث هذا من د عبد الله الطيب او د ابو سليم او د داوؤد مصطفى او كمال شداد او…. اى استاذ من جيل ما قبل الانقاذ …. انه السقوط الكبير … والناس على دين ملوكهم

طالبات اخر زمن عاوزات الاستاذ يكون لهن خطابة اكيد يكون لعب معهن اولا ثم تم المقصر وما خفي اعظم – كما اننا لا نلوم الاستاذ او الدكتور لانه اكيد بكون حصل على عمل وما عندة بتاع التذكرة شنو يعمل ، اصبرن يا جاهلات سوف يرد لكن المبالغ بعد صرف راتب اول شهر

يستاهلن طالبات متخلفات بلاهى اخجلوا على انفسكن تدوين بلاغات شنو العايزات ترفعنها لو سألكن القاضى لما دفعتن هذة المبالغ حتقولن شنو القانون لا يحمى المغفل خليكن فى غفلتكم الى ان يقضى الله كان مكتوبا

طيب ياجماعة اسم الاستاذ دا منو . يجب التشهير به .هذا زمن الدكتوراة المضروبة

والله هذا الكلام لا يصدق -اولا كيف لاستاذ جامعي ان يعمل خاطبا لطالباته -ثانيا اذا كان تفكير هؤلاء الطالبات بهذه السزاجة فيستاهلن ما وقعن فيه

الأمر الأكثر غرابة كان من ناشر الخبر . لماذا لم يذكر اسم الاستاذ الجامعي المحتال ،؟ لأنه من المحتمل أنه احتال حتى على الجامعات التي يعمل بها مادم متعاون ، وقد يكون ما عنده أي مؤهلات ، وطبعاً هذا ليس بالأمر الجديد إذ كان هناك من احتال على مستشفى وعمل بها عدة شهور وسنوات وأجرى عمليات جراحية ولم يتم اكتشافه إلا بالصدفة ، أيضاً ممكن يكون المحتال هذا مثل المحتال الذي أدعى أنه طبيب . ولذا أرجو ذكر اسمه والجامعات التي عمل بها وتخصصه العام وتخصصه الدقيق ، ولأي شيء عنه بيته أصحابه اسم كلبه كما يقول السي أي أي من الأمريكان في أفلامهم .عشان نتجنبه لأنه من المحتمل أن يكون هناك ضحايا في طريقهم إليه حسب وعده . وهذا النوع من البشر يستمر في احتياله على الناس حتى في بلاد الغربية التي ذهب إليها ويحرجنا في الخارج كما تحرجنا حكومتنا ملايين المرات يومياً ، لدرجة أننا أصبحنا نتجنب ذكر انتماءنا .

يابنات الزول عايز يدفع حق مكتب الاستخدام وحيرجع يسددليكن القروش على داير المليم
بس اصبرن شوية !! اما حكاية العرس دى فتعيشوا وتاكلوا غيرها

دة كلام ملغوس هو الواحدة لو عندها مبلغ ( مقدر ) كما ذكرتم وظيفة شنو البتفتش فيها ووعد بالزواج كيف بالقروش دة كلام خارم بارم ساكت

من حسنات الإنقاذ :
1/ مافي تهيب وتعظيم لي زول تاني .. كل واحد يشتغل شغلته ويأخذ أجره ويتّكل
2/ ضباط ودبابير وهيبة مافي .. مسخوا .. مسحت بيهم الواطة .. تاني زول فيهم يقول يحكم مافي
3/ الأئمة والدعاة وأصحاب الحلاقيم ..انتهت منهم .. مصداقيتهم هبطت ل 2٪
4/ التكاسة .. افتروا في الديمقراطية .. هل تسمع لهم حساً ؟
5/ نافع علي نافع كان أستاذ جامعي .. في داعي تاني زول يعظم ليه زول

لا تقللوا من شأنكم بتوهم عظمة الآخرين