مجلس الوزراء يحدد أيام عطلة عيد الفطر المبارك

يعنى يا مجلس الهنا لو اعلنتوها بتفتكر الناس حتقول أخ خ خ راحت علينا؟؟؟ داهية تلمكم و الطريف البيان قال:

(أن يزاول العاملون بالدولة أعمالهم في تمام الساعة السابعة والنصف من صبيحة يوم الثلاثاء الموافق 21 يوليو 2015م، وفقا للنظم واللوائح التي تنظم أيام وساعات العمل الرسمية.))الساعة كم يا حبيبى ؟؟؟؟؟؟ ووفقا للنظم ….. هاهاهاهاههاهاهاهاهاهاههاههههههههه

اللهم دمر عمر البشير وزمرته وادخلهم جهنم وبئس المصير

يـــوم واحـــد كفايــــة علينـــا. الميــــزانية ما بتسمـــح

Thanks

احتمال كبير جدا الجمعه عيد كيف تبدا الجمعه يعنى يوم الوقفه شقل ها بينى وبينك كتير اجزوا وفاتوا والخرطوم اصبحت خاليه

اذا كان العيد يوم الجمعة فسيموت نصف المسافرين في حوادث مرورية دا اذا لقوا عربات توديهم اهلهم علما بان اغلب الناس تذهب لقضاء الاعياد مع الاهل والاحباب في ولايات السودان المختلفة

هو السودان فيه زول شغال علشان يأخذ عطلة … ولا عطلة من تعب عدم الشغل ….
مجلس الوزراء خليه يشوف ليه موضوع تاني مافي زول منتظره عشان تحدد ليه متى تبدأ العطلة ومتى تنتهي كل زول بأجز حسب ظروفه لا حسب قراركم …. دولة سائبة راتب ضعيف وشغل ما فيش …. ووطن مجروح شعاره ( دعوني اعيش )

كيف تكون العطلة ابتداء من الجمعة ومتوقع ان يكون اول يوم فى العيد هو الجمعة يعنى تحرى الرؤية بالخميس ..خلاص بقينا تبع للسعودية لهذه الدرجة واصبحنا نحدد اول يوم للعيد قبل اسبوع حسبنا الله وملعون أبو ريالاتهم

لو كانت البلاد تقوم على العدل مفروض الإجازة تبدأ من يوم الأحد وليس من يوم الجمعة إلا أننا تعودنا الضيم والظلم والقهر ،،، يا جماعة الجمعة والسبت أصلا إجازة ثابتة

ها تتبع قنصلية جدة لجمهورية السودان ؟؟؟
فقد أعلنت عن العطلة ابتداءا من الثلاثاء و تعطيل مصالح البشر كالعادة في حين أنها تمثل أهم قطاع خدمي و مسكين الزمن – أن ينتهي جوازك تشيلو و تجي بعد العيد عشان يرسل للسودان و لمدة 21 يوم كما زعو قابل للزيادة لعدم و جود الجواز الإلكتروني بالقنصلية المعفنة بالجد ؟؟؟؟؟؟؟؟؟؟؟؟؟

مفروض الاجازة مش فى العيد بل فى الاسبوع يكون4 ايام فى الاسبوع لان مرتب العاملين لا يقضى ثلاثة ايام فى الشهر اما المتمكنين من الحكومة مفروض عمل 24 ساعة دون توقف حتى الجمعة والسبت والاعياد لان دخلهم وصلت حد التخمة هم لايعملون الا السمسرة والتجارة المسمومة والعاملين الغلابة(غير الجماعة)البيلوا الخزينة

مستعجلين ترجعوا الاس للشغل لشنو ؟ من الانترلوك العاوزين تبلطوا بيه الاحياء ولا من التشجير الراجينا ولا من النضافة المستعجلة ولا من خطوط السكة حديد الراجيانا نكملها ولا من المحاصيل الزراعية الراجيانا نصدرها ولا من مصانع …..