الترابي .. كيف صنع الرجال؟! 1-2
منكم
يوم امس الخامس من شهر مارس يصادف الذكرى الثانيه لرحيل الشيخ العلامه حسن الترابي زعيم ومؤسس الحركه الاسلاميه في السودان ..وبهذه المناسبه احكي عن تجربه شخصيه لي معه ..ستبيّن لكم من خلال تفاصيلها كيف انه كان يعد ويصنع الرجال..!.
كانت ليلة شتويه شديده البروده من ليالي العام 2007 والوضع في الميدان حينها لم يهدا ..حتى بعد ان وقعت الحكومة اتفاق ابوجا للسلام مع عدد من فصائل الحركات المسلحه الدارفوريه ..فكانت حركة العدل والمساواة التي رفضت التوقيع على الاتفاقيه تريد ان ترسل رساله قويه للحكومة والمجتمع الدولي لتقول ان المشكله ماتزال قائمه وتثبت بانها الحركه الاقوى فبدات بتصعيد هجماتها على ارض الاقليم .
رن جرس هاتفي في تلك الليله و اذا بالرقم المتصل غريب فرفعت السماعه و قال لي المتصل ان اسمه (النعمان ) من اتحاد طلاب جامعة النيلين .. اتصلت عليك يا (استاذ) لتكون (معقبا) على ندوة ينظمها الاتحاد بعنوان (تطورات الاوضاع في دارفور وافاق الحل) ..المتحدثون فيها ( د.مريم الصادق المهدي ،دكتور قطبي المهدي ،الاستاذ غازي سليمان المحامي) وانت ومعك الاستاذ مصطفى ابو العزائم رئيس تحرير صحيفة اخر لحظه حينها (ستعقبون) على حديثهم.
لم اتردد فوافقت على الفور ولكنني تساءلت وقلت اختارني هولاء للحديث في هذه الندوة مع شخصيات كبيره (تهز وترز) ..وانا مازلت صحفيا صغيرا جدا ..، فقد كنت حينها اعمل محررا بالقسم السياسي بصحيفة راي الشعب ولم اكمل عامي الاول الا اني استدركت وقلت ربما يكون الاختيار تم بناءا على متابعتهم للصحيفه وملاحظتهم الى اهتمامي الزايد بملف دارفور.
المهم اني لم ارفض رغم ضيق الوقت الذي حدده المتصل بيوم غدا الساعه الثانية عشر ظهرا بمسرح جامعة النيلين..فقمت لحظتها بضرب (اخماسي في اسداسي) وبدات ارتب في مالدي من معلومات..حتى اكون جاهزا ليوم الغد.
عندما كنت اذهب مجيئا وذهابا داخل غرفتي بالمنزل للاعداد لامتحان يوم غدا .. فجاءة تذكرت حديث احد رجالات الاسلاميين الكبار معي قبل ايام قليله من ذلك التاريخ ..عندما كان يحدثني عن (عظمة) رجل اسمه (حسن الترابي)..وشرح لي محدثي كيف ان هذا الرجل النادر صنع كل هولاء القيادات الذين يملاءون ارض السودان ضجيجا واضاف بقوله ( كل اولئك الذين تراهم يتحدثون في الندوات العامه وفي التلفاز وحتى في الصحف من قيادات الحركه الاسلاميه ..كانوا لايذهبون الى حديث لهم في ندوة او مؤتمر او جهاز اعلامي اذا كان داخل او خارج السودان الا بعد ان ياتو الي شيخ حسن لا اخذ( البخره) ويقول لهم ماذا يقولون؟! وقال (ماتشوف الفصاحه دي ديل صنيعة شيخ حسن ..ولولاه ماكانوا بشرا يهتدون)..!.
لم التفت (يمنة ولايسرى) وقلت في سري (مادام الدقون الكبيره بتعمل كدي انا برضي ما امشي لي شيخ حسن واخد من (بخراته لندوة بكره)فااتصلت مباشرة بالاخ الكريم ابن الاكرمين الاستاذ عوض بابكر مدير مكتب الشيخ حسن الترابي في ذلك الحين وتحدثت معه حول امري..ولم يتوانى في مساعدتي وقال لي (بكره تعال قبل الساعه 8 صباحا لانه الشيخ (بطلع) المركز العام 8 بالضبط عشان تلاقيهو وهو خارج من المنزل وتحدثه في امرك).
فعلا قمت مبكرا وعملت بتوجيهات الاخ عوض فحضرت في السابعه صباحا ..وكان حماسي عاليا انتابني شعور كبير بالغبطه.. لانني سالتقي بعالم ومفكر وداعيه ليس للقاء صحفي معه وانما لكي انهل من علمه وتجربته وفكره وبحره العميق في المعرفه واضيفه لنفسي..!.
في صالون الشيخ الفسيح وفور وصولي وجدت عوض وافراد الحماية على اهبة الاستعداد .. ينتظرون فقط ان يخرج عليهم الشيخ ليتحركوا ناحية المركز العام بالرياض ..شربت معهم شاي اللبن (مرتين) فكيف لك ان تجد فرصة في شاي السيده وصال المهدي ولا (تدبل) منه..؟ الا ان تكون (داقسا) ..ثم مكثنا قليلا فخرج علينا الترابي بهيبته العجيبه ..تقدمت نحوه وبعد التحيه حدثته بغرضي فا ابتسم وقال لي (اركب معي وبعد ان نصل للمركز العام انشاء الله سا اقول لك ماذا تقول).
نواصل
[email][email protected][/email] 
ياخي دا انت والغ في الوحل حتى أذينيك، رجال شنو اللي بيصنعهم حسن الترابي؟ فعلا لله في خلقه شؤون.
بالله شوف كلام الراجل دا ووصال فى عينك يا غبى…
كيف صنع الخوازيق الودوا السودان في ستين داهية منذ دخولهم الشؤم في الامرالعام للسودان منذ العام 1977 بعد المصالحة ، بدأ العد التنازلي للسودان ومنذ استلامهم السلطه في 89 تبدلت اخلاق السودانين وتحول كل جميل في السودان الى سوء وكمان عاملين فيها شطار وفالحين كدي قال صنع رجال بالله شوف الاهبل دا بقول في شنو.
حلاااااااتك يا مجاهد
بس كدي عليك الله قول لينا …. القشه ليك خشمك من بعد شربت الشاي باللبن ؟؟؟
و إلا قالوا ليك ما تقشه عشان ما تودر طعمه !!!!!
بس يا مجاهد ما وريتنا لما مشيت لمصنع الرجال لقيت رجال ؟؟؟؟؟؟ و المهم كانوا شنو قبل ما يبقوا رجال ؟؟؟ و إنت لما ركبت !! أقصد العربية !! شعرت إنك بقيت راجل و إلا قالوا ليك لا لازم تركب مثني و ثلاث ؟؟؟
وشيخكم ده ما علمك تكتب كيف ؟؟؟
إن شاء الله يا صحفي (رأي) الشعبي لا تُكتب كما اوردتها في نهاية عمودك البائس الذي يشبه كتابات زولكم عبدالباقي الظافر وهو يمجّد و يقدّس (ترابيكم) هذا.
يا استاذ .. (الترابي) الذي ملأ (خشم) كل السودانيين بـ (الترابة و الرماد) لم يصنع الرجال كما تدّعي ويدعي جماعتك بل صنع ببلادنا ما صنع الحداد
فكانت الحصيلة المعروفة .. قتل اكثر من 5 ملايين سوداني دون جريرة او ذنب ، و مثلهم هائمون في الصحاري و قابعون بمخيمات المنظمات الدولية
وفي بيوت اشباح حركتكم بالخرطوم .. !!
يلا الترابي بلا لما بسببو نحن الان في محلك سر.
هههه كلام عجيب .يعني انت برضو واحد من الناس الصنعهم؟عشان كده كتاباتك كلها عصا نايمة وواحدة قايمة.
علي العموم العملو شيخكم في البلد دي ليوم الدين مابطلع
الترابى صنع الأوهام ولبسوا جلباب فرعون
اختشي علي دمك وانصحك الا تواصل لان في اول حلقة ملا المعلقين خشمك ب التراب
قوم لف يا منحط
شر البلية ما يضحك , قال كاتب المقال نقلا عن احد الدراويش : (قال (ماتشوف الفصاحه دي ديل صنيعة شيخ حسن ..ولولاه ماكانوا بشرا يهتدون)..!.)
يعني هو نقلهم من مرحلة الحيولنات الى مرحلة البشر؟؟؟؟؟
هل هناك جهل اكثر من هذا و المصيبة ان هذا الصحفي ينقل لا هذا الجهل الذي يعتز به .
هذا سبب من اسباب تاخر السودان .
اذا كان الصحفيون بهذا المستوى من الجهل ! فماذا تتوقع؟!!!
وين 2-2؟
ياجماعة خلونا نشوف 2-2.
وبعدين ( إن شاء الله ) نحكم.
كفى كده – احفظ 2-2 لنفسك لو تسمح
ياخي دا انت والغ في الوحل حتى أذينيك، رجال شنو اللي بيصنعهم حسن الترابي؟ فعلا لله في خلقه شؤون.
بالله شوف كلام الراجل دا ووصال فى عينك يا غبى…
كيف صنع الخوازيق الودوا السودان في ستين داهية منذ دخولهم الشؤم في الامرالعام للسودان منذ العام 1977 بعد المصالحة ، بدأ العد التنازلي للسودان ومنذ استلامهم السلطه في 89 تبدلت اخلاق السودانين وتحول كل جميل في السودان الى سوء وكمان عاملين فيها شطار وفالحين كدي قال صنع رجال بالله شوف الاهبل دا بقول في شنو.
حلاااااااتك يا مجاهد
بس كدي عليك الله قول لينا …. القشه ليك خشمك من بعد شربت الشاي باللبن ؟؟؟
و إلا قالوا ليك ما تقشه عشان ما تودر طعمه !!!!!
بس يا مجاهد ما وريتنا لما مشيت لمصنع الرجال لقيت رجال ؟؟؟؟؟؟ و المهم كانوا شنو قبل ما يبقوا رجال ؟؟؟ و إنت لما ركبت !! أقصد العربية !! شعرت إنك بقيت راجل و إلا قالوا ليك لا لازم تركب مثني و ثلاث ؟؟؟
وشيخكم ده ما علمك تكتب كيف ؟؟؟
إن شاء الله يا صحفي (رأي) الشعبي لا تُكتب كما اوردتها في نهاية عمودك البائس الذي يشبه كتابات زولكم عبدالباقي الظافر وهو يمجّد و يقدّس (ترابيكم) هذا.
يا استاذ .. (الترابي) الذي ملأ (خشم) كل السودانيين بـ (الترابة و الرماد) لم يصنع الرجال كما تدّعي ويدعي جماعتك بل صنع ببلادنا ما صنع الحداد
فكانت الحصيلة المعروفة .. قتل اكثر من 5 ملايين سوداني دون جريرة او ذنب ، و مثلهم هائمون في الصحاري و قابعون بمخيمات المنظمات الدولية
وفي بيوت اشباح حركتكم بالخرطوم .. !!
يلا الترابي بلا لما بسببو نحن الان في محلك سر.
هههه كلام عجيب .يعني انت برضو واحد من الناس الصنعهم؟عشان كده كتاباتك كلها عصا نايمة وواحدة قايمة.
علي العموم العملو شيخكم في البلد دي ليوم الدين مابطلع
الترابى صنع الأوهام ولبسوا جلباب فرعون
اختشي علي دمك وانصحك الا تواصل لان في اول حلقة ملا المعلقين خشمك ب التراب
قوم لف يا منحط
شر البلية ما يضحك , قال كاتب المقال نقلا عن احد الدراويش : (قال (ماتشوف الفصاحه دي ديل صنيعة شيخ حسن ..ولولاه ماكانوا بشرا يهتدون)..!.)
يعني هو نقلهم من مرحلة الحيولنات الى مرحلة البشر؟؟؟؟؟
هل هناك جهل اكثر من هذا و المصيبة ان هذا الصحفي ينقل لا هذا الجهل الذي يعتز به .
هذا سبب من اسباب تاخر السودان .
اذا كان الصحفيون بهذا المستوى من الجهل ! فماذا تتوقع؟!!!
وين 2-2؟
ياجماعة خلونا نشوف 2-2.
وبعدين ( إن شاء الله ) نحكم.
كفى كده – احفظ 2-2 لنفسك لو تسمح