إستعدادا لجمعة شذاذ الآفاق، إتفاق على توحيد شعارات الثورة

نعم الكل مستعد لجمعة شذاذ الافاق فالنخرج جميعا في كل مدن وقرى السودان الحبيب قبل وبعد صلاة الجمعةحتى نسقط نظام العصابه ياشباب كل من يجد رباطي شرطي امني يتم تصويره واخذ بينات عنه اذا امكن ليتم حسابه قريبا بعد نجاح الثوره والله سوف يحاسبوا حسابا عسيرا للذك عليهم الانضمام للثوره الان قبل فوات الاوان ولا عذر لمن انذر

كتاحة كتاحة … جوة البلد لافة
يا العسكري السراق
مين فينا شاذ آفاق !!
ياالكاذب الافاك .. لا خلقة لا أخلاق
مين الاباد شعــــبو ؟؟
مين الخســر ربــو ؟؟
مين الكــلام كذبــو ؟؟
مين الخلف وعدو ؟؟

مين البخون للـعهد .. للكلـمة والميـثاق؟؟
مين فينا شاذ افاق !!مين الكلامو نفاق ؟؟
ياالكاذب النقناق .. لا خلقة لا أخلاق

قول ياا
اسم مكتوب .. في المحكمة العلياا
يا متهم مطلوب…… لعدالة دولياا
يا هاربــا شــارد .. في هذه الدنياا
وينك تمش حتروح ؟؟
من رب عوضيــــاا ؟؟
انت الشذوذ نفسو لو تم وصفك بيه
اتبرا منك وزاق !!
مين فينا شاذ آفاق!!!
والكل منك ضاق
طبعك كضب ونفاق ..اصلو الطبع غلاب
عفارم تمام ..صاح الكلام ..كده يا شباب
كتمت خلاص بلغ النصاب.

قرفان خالص

أخخخخخخخخخخخخ

الكل له الحق في ابداء رايه

اري انها شعارات جميله وومتازه جدا
نحن معك حتي الموت
جمعه شذاذ الافاق

يا اللي بتسمع والما بتسمع
لازم تفتح اضانك وتسمع
صوت الشارع لمن يدوي
كل قلاع الخونة بتهوي
وكل جباه الكهنة بتركع
وشمس الحق السرقو شعاعها
بكرة بامر الشعب بتطلع
ياللي بتسمع
والما بتسمع
نحن اسودا ما بتدجن
ونحن سدودا ما بتهدن
ونحن جبلا ما بتصدع
لملم ناسك ولحمة راسك
وارفع ايدك عننا ارفع
يا اللي بتسمع
والما بتسمع
لو بي بنادقك ما بترهبنا
ولو بى خنادقك ما بترعبنا
*****
والتاريخ يا جاهل بيشهد
والايام لسع بيناتنا
وكل الحق الضايع بيرجع
يا اللي بتسمع
والما بتسمع
اسأل كل العسكر قبلك
وكل الحاول فكر متلك
الاستأسد والاتنمر
مهما استعلا ومهما استكبر
برضو في يوم الغضبة بيهلك
وبيلقى مصيرو نفس المصرع
واننا أمة عظية اصيلة
لينا خصايص ما في مثيلها
وفينا طباع بالفطرة نبيلة
والاسلام ما جانا الليلة
ولا اخلاقو علينا دخيلة
الايمان من بدري سبيلنا
والقرآن في الصدر دليلنا
انقى وارقى واسمى وارفع
يا اللي بتسمع
والما بتسمع
نحكي ليك لو كان ما بتعرف
حاجة بسيطة بس عن ماضينا
انحنا رضعنا الثورة رضاعة
وبالوطنية انحنا ربينا
التدجيل ما بنفع فينا
والتضليل ما بيمشي علينا
انحنا عبرنا السكة مشينا
وشفنا عدونا وشفنا صفينا
وما بنهاب لا سيخ لا مدفع
يا اللي بتسمع
والما بتسمع
الانقاذ ما بالدبابة
ولا احلام شايلاها سحابة
ولا اوهام عالم كضابة
ولا ارقام خاوية وخلابة
والاصلاح ما جربندية
الاصلاح ما بالزندية
الاصلاح عدل وحرية
الاصلاح موضوع وقضية
الاصلاح عزقة وطورية
نحن بنفكر بتاريخنا
يا اللي بتسمع
والما بتسمع
نحن اولاد الوطن الواحد
متسامحين من يوم ما قمنا
عشنا حبايب ولسه حبايب
ما اتخاصمنا ولا اتصادقنا
فينا مساجد بتهليلها
وفينا كنايس بي انجيلها
وفينا معابد يسرج ليلها
ربنا واحد وشعبنا واحد
وحبنا واحد ودربنا واحد
يا اللي بتسمع
والما بتسمع
دايرين نختم نحن كلامنا
ودايرين نحسن نحن ختامنا
للاحرار نديها تحية
وللثوار تعظيم وسلام
نحن الفوق الشمس مقامنا
ونحن جبين الثمسر مرامنا
ونحن وقود الحارة ونارها
ونحن منية الباغي سهامها
الا ارادة المولى ارادت
حكمت فينا وفي حكامنا
بعد ما ازهري كان هو زعيمنا
بعد المهدي الصلى امامنا
بعده الغرد الضوو جبينا
بعد الدرر الزانو زمانا
جات البقرة عشان تحكمنا
وام رخم الله مشت قدامنا
جل جلالة الملك الواحد
يأتي وينزع
ويعطي ويمنع
ويخفض ويوفع
يا اللي بتسمع
والما بتسمع
يومك قرب يا ظالمنا
وبكرة حناخد منك تارنا وما بنرجاهو حساب الآخرة
داكا حصابا من غفارنا
يمكن يصفح ويمكن يسمح
ويمكن يعدك من اشرارنا
الا انحنا حسابنا براهو
يوم الحارة بتوقد نارنا
تحصد كل الداسو حقوقنا
تحرق كل الخربو ديارنا
دايرين نعرف وين شهدانا
دايرين نعرف وين ابرارنا
والشرفا الراحو اوانطة من طلابنا ومن احرارنا
والآلاف الشردتوها من خبراتنا ومن اخيارنا
والمؤتمرات الدبلجتوها من اخوانا ومن اعمارنا
نحن عرفنا البير وغطاها
ونحن خلاص قرارنا
ونحن حنضرب كل العملا
ونحن حنصلب كل الجهلا
نحن حنغبن عصابة القتلة
ومن الباغي حناخد تارنا
وعالية ترفرف راية العزة
وغالية عزيزة حترجع دارنا
ونور الفجر القادم يسطع
يا اللي بتسمع
والما بتسمع…
للشاعر محجوب شريف…

*******************************

سَنظلُ نحفرُ في الجِدار
إما فتحنا سَلةٌ للضوءِ
أو مِتنا على سطح الجدار

مساهمة من هُتافات وقفة التضامن مع الشعب السوداني التي كانت أمام السفارة السودانية بحي قاردن سيتي، القاهرة، مصر، أمس الأربعاء 4 يوليو 2012:
1. سلِّم سلِّم وما بنسلِّم..نحنا ثورة شعب معلم
2. شذاذ آفاق شذاذ آفاق..وإنت حتدخل الأنفاق
3. شذاذ آفاق يا أفاق
4. مصير قذافي مصير بشير
5. يسقط يسقط حكم العسكر..نحنا فجر الثورة الأخضر
6. ثورة ثورة سودانية..ضد الطغمة الإسلاموية
7. ثورة ثورة سودانية..ضد الطغمة الفاشستية
8. من الدمازين لأمدرمان..ثوار ثوار في الميدان
9. من دارفور لكردفان..ثوار ثوار في الميدان
10. ياخرطوم ثوري ثوري..ضد الحكم الديكتاتوري
11. ياخرطوم ثوري ثوري..لن يحكمنا لص كافوري
12. نحنا مرقنا ومافي رجوع..نعلم نافع لحس الكوع
13. نحنا مرقنا مرقنا مرقنا..ضد الناس السرقو عرقنا
14. عصينا عصينا وشلنا عصينا..على الحرية منو بوصينا

وبالتوفيق
علاء الدين أبومدين
الناطق الرسمي بإسم تجمع شباب السودان الحر

اعصروا الكلاب ناس البوليس ديل اجبن ناس انا اشتغلتا معاهم الالزاميه وعارفم كويس واجبن مافيهم ناس المرور اكتر فئة تاخذ الزبالة

يجب ان تكون المواضيع التى تطرح للتعليق والمشاركة من الجميع على هذا النسق افكار واقتراحات وتنسيق وتنظيم بدل الكتابات والتعليقات الفرغة نريد جدية فى التناول وشعور بالمسؤولية

وصلتني في إيميلي وأردت ان تشاركوني بقراءتها
تلميذ يعرب اسمـ السودان إعـــرابـــاً تدمع له
العين
?
?
?
?
? … … …
قال اﻷستاذ للتلميذ… قف وأعرب يا ولدي:
“عشق السوداني أرض السودانـ”
…
وقف الطالب و قال:
عشق: فعل صادق مبني على أمل يحدوه إيمان
واثق بالعودة الحتمية،
و السوداني: فاعل عاجز عن أن يخطو أي خطوة
في طريق تحقيق اﻷمل،
و صمته هو أعنف ردة فعل يمكنه أن يبديها،
و أرض: مفعول به مغصوب وعﻼمة غصبه
اﻻنفصال و استنزاف مواردها
سودان : مضافة إلى أرض مجرورة بما ذكرت
من إعراب أرض سابقا
معذرة حقاً أستاذي ..
فسؤالك حرك أشجاني … ألهب منّي وجداني،
معذرة يا أستاذي …
فسؤالك نارٌ تبعث أحزاني، و تهد كياني…
و تحطم صمتي، مع رغبتي في حفظ لساني…
عفواً أستاذي..
نطق فـــؤادي قبل لساني