الذبح الاكبر
آآه من جُرحك شايل وجعك
تتزف وحدك تبكى كمان
ذبحوا هويتك
دبحوا ثفافة
اعراق و تمازج الوان
حسدوا شموخك
عملاق صامد تتحدى الجلاد
ذاكرتك واعىة ماهى خراب
رافضة النسيان
مكر ثعالب
كانو صغار
رد حميلك ….كان الغدر وكان نكران
رياح من شعوذة بذرة حقد
كرِهت نيل
لية يانبل شامخ ممتد
و كاسك بالحب دايما مليان ؟؟
باعوا نصفك
سلبو البافى غنيمة
اهدوك عُمامة ترقص دجال
غرزوا الشوك مسموم
فى جلدك عريان
حتى الباقى من اَشلاءك
قطع خلاف يدّك وساقك
و بالانياب السامة نزعوا لسان
لصوص الدين
سلبوك غنيمة هجموا واكلوا
باقى الجثّة كمان
مافى ضمير
وحوش تتناسى
ستر الميت هو دفان
باعوك الدين المغشوش
ماركة اصبر فقرك وجوعك
بس من اللة
وليه تسالنا نحن كمان !!!
اهدوك المصحف
نسخة فقراء ابيض واسود
صفحات صبرك
دون الوان
وكان الورد والدنيا الزاهية
وليهم مصحف تانى كمان
صفحات دولار
كنوز مرجان
فيها الحور حور الدنيا
كل الارقام
نصيب الريس فيها وداد
و بافى الشرزمة احلى حِسان
ادوك المسجد مغلوب زيـك
سقفك بائس
سجاد الجهل اوزان اطنان
ليهم مسجد تانى كمان
بس من روضة اسوار و جِنان
ادوار متعددة من دولار
مولات صفقات
و استرلينى
احلى الاموال
والكل فى عبادة
خاشع ولهان
ربى ربى يادولار
خلينى كمان
شبعان مليان
وتراهم بدعون ليل ونهار
مافى القلب غير امريكا
هى الر ب و غيرِك شبطان
ليها طقوسى كل تقديسى
وليها كمان
اوراد علماء السوء
علماء سطان
……..
و فى جلسة ذبحِ وشواء !!
حاطب اكبر ذئب ُُفيهم
ذئبا اخر شبعان
ارسل اولادك للتغليم
فى امريكا ولا بلاد العجمان !
رد الاخر و ماذا نفعل
فى جمع الهُبل
وباقى القطعان؟
بخبث تبسّم رد سربعا
يتلوى مكرا كالثعبان
يالك من ذئبٍ ساذج وغبى
لاتبديل لخطتنا
سيظل المكر كما كان
الفكرة بسيطة كما تعلم
بالدين تزيد تجارتنا
بالزور و بالبهتان
وتكون مدارسهم خلوه وشعوذة
ونخدعهم بالجنة
وشوية قرآن
ابناءنا نرسلهم
طبعا ارض الافرنج
لينالوا شهادتهم عصرية
من بلد الصلبان !
ونكون بذلك سادتهُم
ويظلو ا ابد الدهر
لنا اتباع ُ خُدام
زاد تجهُم فى التكشيرة
وهو يفول
يالك من ذئب ٍ احمق وغبى
لولا ذلك باللة عليك
كيف حكمنا ارض السودان
خمس وعشرون عِجاقا
نتقلب فى النّعمة
نغرِف ُحيث نشا ء
كبف نشاء
دون حساب او ميزا ن
[email][email protected][/email]
