صفاء تحكي تفاصيل سر الاختفاء ..!!

والله عمليتك دي الدكتور ال في حلة ال لادرس طب ولا سمعه بالطب كان جلاد عناقريب والله كرمه مايعملها والله كان قاليك حولي رصيد كان اخير من العمايل دي

صفاء خدراء أصيلة و سمحة ، و أسرتها من المتضررين من كوارث الامطار و صفوف البنزين و الخبز و غيرها.
الا انها مدفوعة بأشواقها الاسلامية السودانية الاصيلة و نداء اعضائها الخاصة مثلها مثل ملايين الغبش من هذا الشعب ، اندفعت لتلبى صوت الايمان الاخدر السمح فى الانضمام لبوكو حرام و الجماعات الاسلامية التى دربتها الحكومة الاسلامية السودانية هناك لنشر قيم الدين و المناكحة الغبشاء السمحة.
ولم يفصلها سوي حرج الحكومة من المجتمع الدولى بعد ان وصلت قصتها الى الاعلام المحلى و العالمى و باتت تحت الانظار .
و يجدر بالحكومة الخدراء تطوير جهاد المناكحة الخدراء بالنظر عبر تقنيات الانترنت درءا للحرج الدولى و أعادة ترشيح البشير.

با جماعه لم نفهم شئ والظاهر الحقيقه لا تظهر مع هذا النفاق الذي عم جل المجتمع

كلام ما يخش العقل شكلها كانت ماشه ليبيا…..

حمدا لله على السلامة. لكن يا بتي قصتك ما بتختلف عن قصة البت الخطفوها الخواجات العيونم خضر و نطت من العربية في الدويم.
كيف يعني شخص يوافق على اوامر ناس و هو لا يعرفهم و ينفذ اوامرهم. قصة الايحاء بتأثير قوى خفية في الموضوع لا تصمد كثيرا . نصيحة للاباء و الامهات انتبهوا لاولادكم و راقبوا المواد و الاشخاص التي يتلقون منها افكارهم و لا تتركوا الحبل على الغارب.

سلام عليكم ورحمة الله وبركاته. الاخوة الاعزاء حمد لله علي سلام الاخت صفاء وربنا يحفظ ابناء السودن من احزاب التطرف الاسلام.
لكن ي اختنا قصتك دي مافي انسان بصدقه الا لو كوز ممكن. الاسباب كالاتي:
اولا انتي طالبة جامعية كيف بس تمسكي تذكرة من مجهول وتسافري للابيض؟ ولماذا لمن تخبري اهلك بقصة السفر هذه؟ ولو فرضنا انك اتغلفتي في سفرك من الخرطوم للابيض, كيف تقبلي وتسافري تاني وثالث ورابع كمان؟ اذا انتي غبية بهذه الصورة كيف دخلتي كلية الطب. لانو طالب الثانوي انا لو اليوم اديته تذكرة ليسافر مدني بقل لي ليه اسافر واعمل شنو ومع منو ودقيقة اكلم ناس البيت وووووووو.

من الافضل انك توضحي القصة كاملا بصورة منطقية او اصمتي. لكن من خلال سردك للقصة الانسان بشوف انه في اتفاق من ناحية الفتاة مع جهة معينة للسفر لجهة ما. وشكرا للاجهزة الامنية القدرت تنقذ هذه الفتاة.
واخونا انت التهدد مافي داعي للتهديد زمان كنت بفتش في اختك وهسي بديت تهدد. من الافضل ان تشكر الله وسامح.
والسلام عليكم ورحمة الله وبركاته.

تفو عليها ونعم التربية بت ناس تترك أسرتها وتسافر متابعة المجهول بدون ما تفكر تتصل عليهم من أي محطة توقفت فيها أو حت أثناء الطريق؟
وجدت تذكرة وسافرت عليها! مين جاب التذكرة وكيف جابها لاقاها في الجامعة ولا طلب تجي تستلمها في مكان ما وبعدما ركبت الباص إذا صدقنا موضوع التذكرة وعلى الأبيض وهناك تجد تذكرة للنهود المنكوبة وتنزل مع أسرة على أنها طبيبة متطوعة في درء الكوارث حسب التلفون الذي يلاحقها وهي مستسلمة لهذه التلفونات المجهولة تخبرها بالتذاكر المجهزة لها فتأخذها وتسافر لنيالا ثم الجنينة ومين عارف لو ما لحقوها هناك كان التلفون التالي يوديها وين؟
يا عالم سودانكم اتلحس خالص يا ناس، أدري اتخطف من زمان لكن بكدا خلاص منو العوض – استقبلوها بالزغاريد والتبشير قال زي رئيس الجمهورية بدل ما يركب كل نسوان البيت بصوت عنج لما حسهن يجيب التايهة، وأخوها سبع الكرمبة قال إيه أنا شغال بي الله ما بي زول، شكله هو ذاتو ممثل في الفلم الهندي بتاع الكلاكلة دا!
عجيب يا بلد منك العوض ووين لينا العوض فيك يا بلد؟

بس علي حسب ما ذكر من بعد وصولها للجامعه اصبح جوالها مغلق ؟؟
كانوا بتصلوا عليها بشنو ؟؟
الفاهم منو يا ناس
اللهم ارنا عجائب قدرتك في البشير واسرته وعائلته وزمرته وعصابته
اللهم انا نشكو اليك قله حيلتنا
وما عندنا شي غير الدعاء زي المشاطات

نحن في رسينا قنابير ، أنا عمري أكثر من خمسين وعندي ثمانية أطفال لو اتصل بي نبي عديييل كده مش زول ساكت وقال لي ده تذكرة أركب تعال مدني لما سافرت دون أن أخبر أحد من أهل بيتي ولو زملائي أو أي ناس ف الشارع يخبر أهلي .
ده كلام فارغ واضح أن البت كانت عندها النية لدعاش لكن كان في خطأ في التنفيذ في مرحلة ما مما اضطرها للعودة واختلاق القصة العبيطة دي.

يعني نفهم انك مغيبة ولا مسحورة ولا نفهم شنو شي غريب خالص

هذا كلام خبئ معناه ليست لنا عقول

هي بتقول في شخص بيتصل عليها في كل مرة يعني تفونك فاتح ، طيب ليه اسرتك ما اتصلت عليكم وريتيهم الحاصل عليك وعرفو مكانك يا ناس مجنون يتكلم وعاقل يسمع.

ياجماعه دا شنو العباطه البتنشروه دا? طالب طب في سنه تانيه لا يستطيع علاج تفسو ناهيك عن مساعده الاخرين دا كلام فارغ ولا ذهبت لامور اخري ?بطلو الكذب واسالوها لماذا ذهبت هناك ?نحن نعرف الطب وكذبو للناس المابتعرف??

نسأل الله المغفرة والهداية . القصة زي قصة التنويم المغنطيسى. امرأة بعقل طبيبة تتبع تلفون وتعليمات مجهول!؟! فرضا ممكن تخبر الاسرة بالموضوع وتأخذ رأيهم قبل ماتغادر الي خارج الخرطوم حتي وان كان من اجل قافلة والله المستعان.

حها ناس دا كلام ينقال ويقبلو عقل! أسّ يعنى خلاص كوللنا نصدّقوهاانها هى الدكتوره المتطوعه.. بس حلفت ولا قالت الكلام دا وبدون حليفه!.. الناس النزلت عندهم ديل فى الابيض والفاشر ونيالا كانو بلاقوها فى المحطات ولآ المطارات؟. ما كانتش معاها مرافقه؟ .. وهى بس تمشى تركب كدا ساااكت متى ما جاها تلفون ولِقت ليه تذكرة سفر. ومحل ما ترسَى تمسَى.. الناس البتنزل عندهم الحكبمه المتطوعه ديل كيف عرفو بجيّتا وتاريخ وصولا .. التذاكر دى مين الارسلها ووجدتها اند مين؟ خليكم كدا دايمن مصدقين كل ما يقال! ما انتو اصلكم دايمن ناس طيبين مدفوعين باشواقكم الاسلاميه السودانيه الاصيله! موش انتو برضو الشرف الباذخ .. جداد الكر .. خبوب الطين!

وويش فيكم سلامات ما تستحووووو علي وجوهكم تخدعوناااااااا والله كزابين والله لا امطكم مط ووويش فيكم ازعجتوناااااا

م اظن الكلام ده صحيح

يعني تفهم من كدة انت الناس ديل عملوا ليك كادوك وطشيتي شبكة اليس كذلك.؟؟!!!

هل إنسان في كامل وعيو يتصرف كدا؟ لكن تعالوا أحكي لكم هذه الحادثة عشتها شخصبا. راكب شماعة تكلم معي رجل مشمع أيضا خمسيني أو أكثر نحيف أشبب لابس قميص كاروهات أبيص بأزرق. وعرض علي خريطة كان بحملها. هذا بيتي هذه الحديقة ما رأيك؟ نظرت ونحن مشمعين قلت تمام ما شاء الله. نزلت في الشهداء أمدرمان. نزل معي. عزمني عصير على أساس ببننا كلام. قمت أنا دفعت على أساس ما يكون له علي فضل وقتها انا في الجامعة ما شاء الله شباب وحيوية.المهم لقيت الحوار تحول كان يقول لي أنا عندي بنات متدينات دايرات زول يعلمهن. زول زيك كدا. ممكن تمشي معاي البييت؟ حسيت إنو تعبان من البنات. تعاطغت معه. قررت أمشي معه البيت. ركبنا بحري. وصلنا قسم الشرطة قريب سوق بحري. دخل القسم وقال لي: بس دقيقة داير أشوف زول هنا ونشيل لنا بطبخة ونمشي. تقريبا الساعة 1 ظهرا. مكثت إلى ما بعد العصر لم يظهر. قمت دخلت المكاتب لفيت مكتب مكتببن كدا بتاوق وأرجع. جا وراي واحد. باخينا تعال هنا. دابر شنو؟ سين جيم. تعال معاي للضابط يلا نمشي الضابط. وقف باحترام. جنابك ياهن ديل ذاااتهم. الزول دا لقيناهو داخل القسم وبفتش في المكاتب. بدا الحوار مع الضابط. روايتي واحدة صامدة بثبات. الضبات : فتشو للعسكري. طلعت البطاقة وشوية أوراق في المحفظة. كان في إحداها مذكرة ( اللقاء يوم الأربعاء). أيواااا كمان لقاءات!! دا لقاء شنو؟ أنا طالب وبنتقابل في الجامعة ندرس. زراني شديد. أبيت أتزحزح. يا زول أقيف عديل. عدلت وقفتي بامتعاض. تحقيق طويل. صمدت بنفس الإجابات. الوكت بقى عصيييير. الضابط أخيرا مل وتعاطف معي لكن بتعال. قال لي لابس نضييييف كدا! صمت وقلبي يقول يعني دا غايظك؟ كنت فعلا شياكة بنطلون أسود مكوة سيف وقميص أرضية بيضاء مخطط خفيف مربعات متعاكسة ازرق ببنفسي. غايتو فكوني قريب المغرب جوعان ونفسياتي محطمة. والزول راح بي سرو. وأنا راجي يوم القيامة أعرف هذا السر بشوق.

واحدة مشت للحرام وجات الزغاريد في شنو ؟!!! الله يكون في العون والله الاسرة السودانية فكت خلاص

عرسو لبها والموضوع انتهي يا ناس الراكوبه الجاهز منو
لو بتقبل الدبيل الشاحوطي جاهز
ده الحل الوحيد لبنات الزمن ده خاصة الطبيبات معظمن بايرات
معليش للكلمه لكن هي كده

الأخو كوز.. تمام! والبت كوزة حمارة..تمام!. شنو نادوني ونزولوني وجابوني. قصة غريبة لو كان إتخطفت كان بكون مبرر منطقي أكتر من القصة الوهم دي. طيب ليه ما إتصلت بأهلها ما دام هي ملتزمة بدل ما يفتشوا عليها ويعملوا بلاغ.إخس عليهم. أمشوا صلحوا أسنانكم المكعوجة دي وإختشوا على روحكم.

مسكينة الدكتورة ما كملت التفويج لنكاح الجهاد جاهدى داخل بلدك

كيف لطالبة تدرس في السنة الاولي أن تخرج متطوعة لعلاج المرضي في انجاء السودان المختلفة !؟ثم كيف تسافر من مدينة إلي مدينة من غير حتي سؤال الوجهة التي تسافر اليها !!القصة غير مقنعة وفيها استخفاف بعقول الناس هذه الفتاة خرجت للالتحاق بداعش وفشلت في الوصول إلي ليبيا ،علي اسرتها وقف محاولات إقناع الرأي العام بجدوي هذه الرواية المليئة بالتناقض وان يعالجو مشكلة إبنتهم وان يحصنوها من الأفكار الارهابية الداعشية .

الاحتفال والحضن والبكاء على شنو شيء غريب وكمان منتهى الجرأة في فيديوهات مفتكره ده ممكن يغيب حقيقة ولا يمنع كلام الناس .. انت جبت لأهلك الكلام من مافي وبقيتي نقطة سوداء في حياتهم ..

هذا البيان الذي تلته الطالبة صفاء يعتبر -على أحسن الفروض- بيانا ناقصا و بالتالي كان من الافضل الا تتحدث.

ثانيا : طالما ان جهاز الامن -حسب بيان الطالة صفاء- هو الذي وصل اليها في الجنينة , فأين بيان جهاز الامن؟؟؟؟
هل وصلت الامور من السوء و عدم المهنية و الاستهتار بالامسؤولية الى هذه الدرجة؟؟؟

كيف توصل جهاز الامن الى انها في الجنينة؟؟؟

الأخوة المتداخلون ربنا يستر علي ولاينا جميعا ويحفظهم ، أي ما كانت الحقيقة والتي يعلمها الله لكن أعلموا ورغم معارضتي للنظام ورغم إنفلاتات الأمن التي يحكى عنها ، ولكن أخبرني من أثق في كلامه من داخل الجهاز أنهم في كثير من القضايا يحاولون الستر وتلك عادة متأصلة لدى السودانيين وليس كل الجهاز سئياً وفيه السودانيون الأصلاء الذين أوجدتهم الظروف في خدمة الجهاز الذي يحمي نظاما بانت سواءته ، أرجو أن نراعي شعور أسرة نكبت وأن نواسيهم أو نصمت .

فبماذا يفيدنا التشهير والإساءة وهل نظام الإنقاذ ومحاربته وقفت علي هذه الضحية لنبشع بها نكاية في الإنقاذ ، فيكفي أن نحارب الإنقاذ بالمنهج الذي أوجد أولئك الضحايا دون التركيز علي الضحية فصفاء ضحية واسرتها مجروحة فلنعزي الأسرة بدلا من جلدها .

ولكم التحية

اراهن إن لم يكن شقيقها الظاهر معاها فى الفيديو هو وراء كل هذه القصة .
حققوا معه وسوف ينكشف المسـتور .

دا كلام شنو..هي طبيبة و للا طالبة طب؟ بعدين الأخبار الأولى كانت بتقول إنها طلعت من بيت أهلها و كانت ماشا الجامعة لإمتحان.. زول عندو امتحانات يسافر الأبيض ثم نيالا ثم الجنينة؟ دا فلم هندي!!

دا كلام ما بدخل الراس هنالك سر وخفايا اخري

دة مصير كل اولادكم مالم تنبذوا التطرف والتزمت بكل اشكاله… بعدين دي زولة راشدة وعارفة بتعمل في شنو.. التعامل معاها كانسان ما عنده قدرة على اتخاذ قرارات وما فاهمة ويجيبوها ناس الامن.. ما منطقي… خلوها هي ومن لف لفها تصل ليبيا وتفجر نفسها وترتاحوا منها بدل بكرة تفجر نفسها في كافتيريا جامعتها ..

لا حول ولا قوة الا بالله العلي العظيم

– لقد أصبحت قنابيرنا في قايمة الأخ جنيس بطولها لما تورده الراكوبة أحياناً من قصص لا يصدقها مخبول و علينا التفاعل معها سوي ان كنّا موالاة او معارضة !
– سردت حكايتها في سلسلة من الاتصالات اللا موضوعية و توجهها من أقصي الشرق حتي اوصلتها الي الجنينة في أقصي الغرب و لم تشير الي الجهة التي تتصل بها ، تستقبل هناك بصفتها طبيبة متطوعة و لا زالت طالبة طب و تصدق انها طبيبة متطوعة !
– يا عالم اهتموا باشياء ذات موضوعية تمس عَصّب الحياة و هم السوداني منذ شروق الشمس حتي مغيبها و ان يكون بموضوعية و اتمني ان تزال كل الموضوعات التي تخص طالبة ألطب الطبيبة الموهومة من علي الراكوبة حفاظاً علي المصداقية و لا تلحق المنشورات الصفراء !

االناس دى مفتكرة فى روسينا قنابير ولا شنو عموما اهنئ اهلها على رجوعها وحلمهم وتعقلهم فواضح انهم اسرة متدينة وواضح جدا ان ابنتهم كانت فى طريقها لاحدى دول الجوار للانضمام الى داعش ولو لم يكونو واثقين من ذلك لم يكونو ليستقبلوها هذا الاستقبال فالان كثير من الناس يعتبرون من ينضم لداعش انه بطل وما استقبال الداعشيات الذين قدموا من ليبيا عننا ببعيد لكن لايجب ان يمر المرور مرور الكرام هكذا مفترض محاولة الانضمام لتنظيم ارهابى يكون عقابها صارم اما الاحتمال الاخر اانها ما مشت لداعش يعنى هربت او عنده امشكلة اسرية فده موضوع شخصى يخصها هى واسرتها ولم نكن لنعلق عليه لولا انها اصبحت قضية رأى عام وفى احتمال اخير انو يكون جهاز عايز يشعل الناس بموضوع جانبى عن ازمات البلاد فحبك القصة كلها

قصة محلجلة وما متماسكة ابدا…نحن لا نيسئ الظن بالناس ,لكن كلامك يا صفا وكلام قريبك في الفيديو لا يمكن لعاقل او سكران او حتي مجنون يصدقه…

لا يا دكتورة انتي جندوك للجهاد وعاملين ليك غسيل مخ ،معقولة؟ مرقتي ماشة الجامعة وبدون سابق انذار لقيتي نفسك تتنقلي من ولاية لولاية .نصدق كلامك في واحد من الحالتين اما مريضة نفسيا او استخدمتي مخدر قوي المفعول..طفل ما يصدقكم.

سلامه يازول!! بتكم كان ماشه داعش. بس الموضوع بقه صعب!!! قوش وقف تجارة الامتجيه الفاسدين عن طريق المطار ولحقوها في الجنينه لانهم عارفين السكه!!!! خليك من الفلهمه وودوها اكتوردتور نفسي وشيخ مزمل فقيري!!يقنعه بانو الناس ديل نصابين!!

صياغه غبيه للموضوع ما تفهم منها أي حاجه! و البنت في الفيديو تتكلم كأنها مغيبه مسلوبه الاراده . جاني تلفون و ركبت و مشيت ؟! ماشه وين و لشنو مافي اجابه!!

معقولة الكلام الذى قالته هذه الفتاة والطبيبة؟ لو كنتى أمية كان عذرناك فى هذا السرد لكن بنت خريجة طب وطبيبة يعنى متعلمة فكيف تنساقين كالمعزة وراء تذكرة وراء تذكرة هذا الكلام لايعقل هنلك ملايين الثغرات فى موضوعك بل ربما تشير الأيادى لأشياء أخرى نعف عن ذكرها .هذا الكلام لا يدخل العقل وهل اهلها أمنوا على كلامها أم السترة هى سيدة الموقف.

دا كلام غير منطقي وليس فيه شئ من الواقع كيف يعني شخص سوي وكمان متعلم وذهب الى الجنية بدون ما يعرف هو ماشي ليه ويعمل شنو حتى لو طفل يسال ما يمشي زي الحيوان والمهم الموضوع غير كدا تماما .

كلامك ده يصلح يكون حجوة للاطفال عشان ينوموا و لكنه غير صالح للنشر هنا
لعدم وجود اطفال !!!!!

معقوله….. ناس الجهاز عارفيييين عشان كده
جابوها

شوفوا الكجـــــوووووووور وين ؟؟؟؟ دا كلام تاااااااني

قصتك التى حكيتيها ايتها الدكتورة لا تصدق لسبب بسيط هل كنتى منومة مغنطيسيا تؤمرى فتطيعى هكذا ….. صدقينى خريجة روضة لا تتصرف هكذا …… انتى عارفة انتى ماشة وين ومن وراء هذا الاختفاء…. اما الاخ المتحدث فخليك من قصة تشتكى لله دى… يبقى السؤال الى اين يسير هذا السودان فى ظل هذا النظام المتأسلم؟ القادم اخطر صدقونى…

كلام وموضوع فارغ واهلها عارفنها وين تكون هربت مع من تحب وطبيبة شنو واحده في اولي واللا ثانيه طب كل واحد قرا كلمتين قال دكتور وبروفسير

فى حاجه غريبه ما مفهومه.
البت دكتوره يعنى زول فاهم مالها متابعه تلفون مجهول

هو انت لسه مادرستي شي عشان تطوعي. وبعدين انت وين التربيه بتطلعي من اهلك ساكت كده من غير تكلمي حد . انهيار وتفكك اسري رهيب في السودان الله ينعل البشير وبقية الحراميه القتله. قصتك دي شوفي ليك ناس كوكب تاني يصدقوها

بنت جاهله أو مريضه نفسيا واكيد فاشله اكاديميا
لم تراعي لاهلها ولا للأثروالضغوط النفسيه لهم
ماهو هذا الدين الذي يسمح للبنت ان تغادر منزلها وتسكن مع ناس غرباء لها

فبركة جهاز أمن قوش الله يقشكم من الواطة

انا راجل وغرباوى. لكن مشوارك ده ما بمشيهو براى

المجنون عاقل والعاقل مجنون. العيد ثبت.

دا عمل الشرطه راكبه بصات وعبرت عده نقاط تفتيش وعاملين منفستو والباقي نمو يراكم

طيب هى مادام من شهر واحد بتمشى طبيبة نفسية وبستدرجو فيها ليه انت ما عارف ولا امها وابوها ما عارفين عليك الله شوف لى جنس لعب بى عقول الناس ى زول امشى اتونس بعيد والله صفا حقتك دى كان شغلت الناس من مواضيعن المهمة لانو كانو مفتكرنها قضية راى عام للاسف

طالما فرطوا في (الارض) فسيفرطون في (العرض) امر طبيعي.

كل الاحاديث المتداول منصوب لها بعيد عن كل العبد من الحقيقة تعرفهاوهى من ينسجون الحديث، هى فى اصل ممنوعة من تصريح باى حقائق عن موضوع بامر من جهاز الامن كل منشور تتخطبة الحقيقة شخص مجنون لايمكن يصدق الرواية لن تسافر الى جنينة ولا الى حديقة قرشى هى كانت موجودة فى الخرطوم ونسج الكزبة لخدمة جندة ما الموضوع اشغال الراى العام وصرف الانظارعن تمدبد السفاح من جديد سيظهر الحقيقة بعد فترة اوزمن طويل

هل اجريت لها فحوصات طبية ماتكون مصابة بمرض منقول

يخوانا ماتخوضوا فى موضوع اسرى يمس الشرف خلوهم يحلو مشكلتهم مع الخكومه والشرطه والقضاء انا هنالك حكومه او قضاء او شرطه

المنتصر بالله: وأنا ماشي في الصحراء وقعت على راسي قزازة
سهير البابليم إزاي تكون ماشي في الصحرا وتوقع على راسك إقزازة!!
المنتصر بالله: ما انا استغربت!!!!!!!!!!!!

سيناريو قام بإعداده جهاز الأمن بامتياز!! من يوافق؟

وضحت الرواية الاصلية البت ربنا يشفيها نفذة بي ذكاه خبيث خطة الهروب من البيت لوحده استعانت في بعض المراحل بي اصحابها
اعتقد انها تعاني من مرض نفسي ربنا يشفيها