سرقة قضبان السكة حديد بين الـخرطوم وشندي لتباع بالسوق المحلي
الخرطوم ــ طارق عبد الله
أوقفت مباحث السكة الحديد بالخرطوم عصابة تتاجر بفلنكات الخط الحديدي وتبيعها لتجار الخردة بالسوق المحلي وقد ضبطت الشرطة ما يقارب الــ(5) أطنان من الحديد الخردة وقطع تم تسريبها من مناطق عمل لصيانة خط القطار. وكشفت مصادر بأن معلومات تلقاها رئيس قسم شرطة السكة الحديد بالخرطوم، العقيد حاتم حسن نصر، عن نشاط عصابة تسرق فلنكات القطار على طريق الخرطوم ــ شندي فأمر بتكوين فريقين من أفراده أحدهما تحرك لمراقبة الخط الحديدي بينما انخرط الفريق الآخر في مراقبة سوق الخردة ونشاط مستلمي المال المسروق، وتوصل الفريق الثاني لمعلومات عن العصابة التي نجحت عبر وسيط في عقد صفقة بين معتادين في هذا المجال ومستلمي مال مسروق بالسوق المحلي بالخرطوم، فقام فريق شرطة السكة الحديد بجمع معلومات عن الصفقة ومداهمة المتهمين ليتم توقيف شاحنة لوري محملة بالحديد المسروق من خط القطار. وكشفت التحريات أن الصفقة نصت على شراء الحديد المسروق بمبلغ (15) ألف جنيه. وأشاد مسؤولون بهيئة السكة الحديد بالإنجازات التي قدمتها الشرطة، لافتةً الانتباه الى أن مثل هذه الممارسات تعرقل من مسيرة الاستفادة من الخط الحديد الناقل للبضائع والمواطنين، خاصةً بعد أن اتجهت الأنظار لنقل البترول عبره.
الاهرام اليوم
اذا سرق الضعفاء أقاموا عليهم الحد والكبار سارقي قوت الشعب في الهواء الطلق
الله الله الله !!! لااعلم والله ماذا جرى لابناء بلدى لهذه الدرجة وصل بنا الانحطاط والانزلاق !!! حسبى الله ونعم الوكيل !! اذكروا الله يكون بجانبكم !!! ولاتنسوا بان هذه البلد التى تسرقون قضبانها هى بلدكم !!!! ومن سيحميها ويقويها وانتم تسرقون قضبان السكة الحديد وهى احدى الوسائل التى نتواصل بها لكى نصل اى كان بسر بضائع او غيره .لا لالالالالالالالالالالالالالالالا والف لالالالالا يابناء بلدى .
قطار الشوق الناس سروقوك
عليكم الله هو وينو السكة حديد وقطار السكة حديد البتتكلمو عنو ده مش ده قطاركم الدخل بيهو الانجليز وطلع بيهو مع الجلاء ولا واحد تاني لافى تطوير ولا يحزنون بس قاعدين تلحسو في قروش الخام البتنقلو في مقطوراتا الاتحولت زي رواكيب ستات الشاي نحن مابينفع معانا الا محلات ابو حنك للعماري الجيد وفوال ود البلد ونقعد بعد داك ننق وننظر مايسرقو مش صنع فى الانجليز الحرامية شوية الناس سرقت جمل بقت على الحديد الخردة
مافى مبرر لى انو الزول يسرق اذا كان مال عام او خاص .
لكن العدم كعب وما كل الناس بتتحملو . والفقر صعب والشفع ما برحمو .
دحين يا سعدون يا اخوى الحكومة دى موش قاعدة تجلد بنات الناس الابسات المحزق والملزق عشان ما يثيرن غرائز الرجال . طيب بى نفس المنطق دة الحكومة دى ما تلم لم الحاجات المدفقة فى الشارع دة عشان ما تثير غرائز الناس السرقوها ديل . باللة اكان محفوظة فى مخازن كانو الناس ديل كسرو المخازن وسرقوها ؟ لكن المال السايب بعلم السرقة ذى ما قالو .
الناس جاعوا يعنى يموتوا عشان الكيزان يشبعوا ولسه بعد شويه القلع حيكون فى الشارع اى زول جعان يشوف بيت كوز كارب يتلب فيه دى فتوى منى
الناس جاعت خلاص بكره حيقلعوا عواميد الكهرباء
خبر قديييييييييييييييم. محصل وبايع اكياس القمامة بيمشى يلقط الاخبار القديمة ويجى يبثها على انها اخبار جديدة. اه يا حرامى . مصيركم قرب. وتمشوا لمذبلة التاريخ
إنحطاط شنو البيتكلم عنو ياسعدون حلم الجعان عيش
النــــــــــــــــــــــــــــــــاس دي وســـــــعــــــــــــت