“عواسة” جبريل

ونحن مشغولين بالمواكب والمظاهرات اتخيلوا العواسة القاعدة تحصل في البلد وصلت لي ياتو درجة … (جبريل) زاد سعر الكهرباء براهو بدون م يعرضو علي اي زول وقال عشان يسدد فاتورة استحقاق سلام جوبا عشان القروش البتجي من برة وقفت بسبب الانقلاب (وبرهان وحميدتي مشغولين بحاويات الكباري) وناس الشمالية قفلو شريان الشمال لانو زيادة الكهرباء للمشاريع الزراعية انتهت تماما من زراعتهم (وبرهان وحميدتي مشغولين بحاويات الكباري) (وبرطم) شالتو الهاشمية وقام بالغاء زيادة الكهرباء براهو بدون م يشاور زول (بلد مافيها حكومة يقدل فيها برطم).. (وبرهان وحميدتي مشغولين بكباري) الحاويات ومقر اليوناميد اتنهب للمرة التالتة الساعة عشرة بالليل في ظل حظر التجوال المفروض وبرهان (وبرهان وحميدتي ولا على بالهم مشغولين بحاويات الكباري) ووالي شمال دارفور قال القوات الحارسة المقر هي السرقتو وطلع بيان قال فيهو حركة (جبريل) في نص الناس السرقوا (ومناوي) قال للامانة نحن السرقناها (وبرهان وحميدتي) بخططوا لي حاويات جديدة يختوها في شارع القصر والترويكا طلعت بيان طالبت فيهو الحركات المسلحة والقوات الامنية بايقاف قتل المتظاهرين (وبرهان وحميدتي براجعوا في الخطة الجديدة لقفل الكباري) (وجبريل) طلع بيان قال فيهو الترويكا تتهم قواتي اناااااا بانها قتلت المتظاهرين حسبي الله ونعم الوكيل (وبرهان وحميدتي في نفس الكباري) وشركة بدر سلمت معارض مصري كان راكب في طيارتهم تسليم ملوك للامن المصري وطيارتم الماشة تركيا وراكب فيها المصري نزلوها في الاقصر سلمو المصري وواصلو مشوارهم عادي (وبرهان وحميدتي لسة غرقانين في خطة الكباري) وظهر لواء حركات مسلحة جديد بوزع في الرتب والكاكي للناس في احد الاسوق وتاتشرات الجيش بي دوشكاتا بتطارد في المتظاهرين في شروني وبانت والمؤسسة (وبرهان وحميدتي شكلهم بدرسوا في خطة الاستعانة بسلاح الطيران لتأمين الكباري والقصر الجمهوري ) … المهم لو خلينا البلد دي للناس ديل بنتهوا منها رسمي … سيبكم من دا كلو (الليلة في مليونية في بورتسودان وبكرة في كسلا وبعد بكرة في الخرطوم و16 مدينة اخرى) لانو البحصل دا مابتسكت عليهو والله…

سلام ومحبة