مقالات وآراء سياسية

أب شنب كضاب!

بابكر سلك

*كنت داير اتكلم عن دولة بتسمح بتصدير سمسم خام من اراضيها
*قول مثلا السويد تصدر سمسم خام للنرويج عن طريق شاحنات نرويجية يقودها افراد من استخبارات النرويج التي لاتنتج السمسم اصلا ولكنها تصدره بديباجات مكتوب عليها سمسم انتاج نرويجي!!
*واذا علمت بان قوانين السويد تمنع متل هيك تصدير
*لكن ماذا تفعل قوانين السويد مع الناس الفوق للقانون بالسويد!!!!!!
*فالقانون في السويد يطبق على الناس التحت القانون دون الناس الفوق للقانون
*موضوع السويد والنرويج والسمسم ده برجع ليهو لو كان في العمر بقية
*والبقية في حياتكم
*أها
*نجي لأب شنب
*اب شنب ببقي شكلو شين ومحرج لما يطلع كضاب
*زي ود جاد الله
*زينة في زينة
*جسم زي الجسم
*تشوفو تقول جبل مازول
*أها
*قال ليك ود جاد الله جا لي فريق سايق جملو
*سلم على الناس ونزل
*الجماعة خوف ساااي منو اكرموهو
*وحلفوا طلاق يستضيفوهو  اسبوع
*وبعد داك عرفوا انو ود جاد الله مقطوع من شجرة
*قالوا نعرس ليهو مرة من قبيلتنا دي ونقعدو معانا
*علة الاقل القبائل الحاقرة بينا دي ينجمها لينا
*عرضوا الفكرة على ود جاد الله وقِبل
*وعرسوا ليهو وبنوا ليهو القطية الماخمج
*قطية خمسة نجوم تليق بفارس القبيلة وشيال التقيلة
وصاحبنا ركلس
*يومي يطلع على ناس القبيلة
*آناس هوووي الحرب مو جات؟؟؟؟
*يقولوا ليهو لسة
*يزعل ويتنفخ ويقول
*لي متين ياناس؟؟؟ انا مابعرف اعيش بدون دواس
*لمتين ياناس
*ويستعرض جسدو الضخم ويدخل قطيتو
*أها
*يوم قال ليك ود جاد الله راااقد والمرة بتمسح فيهو
*مسحت رجل ومشت على التانية
*دخلت صويبعاتها في الزيت
*الروراي ضرب
*والناس هاجت
*ود جاد الله قال للمرة منزعجا في شنو؟؟؟
*المرة تاوقت بي باب القطية ورجعت
*قالت ليهو العدو جانا
*سجمنا العدو جانا
*ود جاد الله قال ليها بي وين؟
*المرة اشرت على الشمال الجغرافي وقالت ليهو من جاي
*ود جاد الله قد القطية من الجنوب الجغرافي وقال يا فكيك
*شرد !!
الحراك

‫7 تعليقات

  1. أحاول منذ فترة متابعة ما يكتب هذا الرجل… و ثابرت على ذلك زمناً… ثم قمت بجرد حساب و سألت نفسي: ماذا استفدت من كتابات هذا السلك.. و جاءني الجواب قاطعاً: لا شيئ، بل قد تكون قد إنحدرت بذائقتك اللغوية و الفنية و الفكاهية إلى درك سحيق و أنت لا تدري.
    إن ما يكتب هذا الرجل مجرد إسفاف و خواء فكري و ثقافي و علمي و ثقل دمل و بؤس في كل شيئ….
    أرجو من الر اكوبة أن تعفينا من هذا الهراء و السخف الذي يتقيأه سلك على صفحاتها الناصعة.
    كما أرجو أن يتفاعل القراء معي في هذا الأمر سلباً كان أم إيجاباً..

    1. أتفق معك بلة الغائب مية بالمية … هذا السلك يجب ان يقطع عن الراكوبة او يكتب كلام فيه فائدة…

  2. أالملاحظ جميع الشعب السوداني صار يتحدث براهو 5 % مع الموبايل و95% مع نفسهم … والكاتب يتحدث مع نفسه كتابةً
    ومعاها هزة الكتف الاستنكارية كمان ؟؟!!

    اظن دى حالة سلك عريان !!!

زر الذهاب إلى الأعلى