قائد الجبهة الاولى للجيش الشعبى يعلن السيطرة على 80% من الولاية وقرب السيطرة على كادقلى

هل عندكم طريقة للانضمام اليكم أو دعمكم ما دام هدفكم هو تحرير كل الشعب السوداني والدولة المدنية الحضارية دولة المواطنة والحقوق المتساوية. كل السودان معكم.

Good news, makes me feel much better…forward..forward

نسأل الله ان ينصركم عليهم …. والشعب السودانى كله معاكم

أضربوا ملشيات المؤتمر البطني بيد من حديد، هذا ليس بجيش السودان الذي نعرفه فهو يدافع عن حكومة عصابة الدمار الشامل فقط لذا فهو لا يعنينا في شئ ونتمنى زوالة اليوم قبل الغد أضربوهم كلنا معكم والله معكم وسوف ينصركم على الذين لعبوا بدينه الحنيف وجعلوه طعما لاصتياد السلطة الثروة.

أحني قامتي احتراما وإكبارا وتقديساً لكل جندي جيش شعبى,مبروك لجيش الشعبى .منصورين باذن الله.

التحية لجيش الشعبى بس كمرد كادوقلى جوة اقبض المعفن المجرم هارون حىححىحىحىحى

سجمي البشير ما قال بيصلي في كاوده يا بنات اختي كاودة دي رحلت من حتتها و لا شنو

جكوت ده كلب منو ؟

حلم الجعان عيش
لو شفت حلمه ادانك كادقلى صامدة كصمود جبال التاكا

ياخى شوف الهيبة العسكرية و الاجساد المكروبة دى.. تقول لى ظباط المؤتمر الوطنى المرخرخين الضاربين الترطيبة فى عمارات الوزير اللمبى.. ياهم ديل جايينكم فى مكانكم مادام البشير لا يؤمن الا بالحل العسكرى مع الجبهة الثورية و لا تفاوض او اعتراف بالحركة الشعبية شمال… يللا يا مجاهدى الكيزان ورونا شطارتكم بدل ما قاعدين تهينوا فى المواطنين العزل وتكتلوا فى طلبة الجامعات..

(وتمسك اللواء جكوت بان قضية الحرب الرئيسية هى قضية رد الحقوق للشعب السودانى وليست قضية اثنية ، لافتا الى اتساع رقعة الاحتجاجات ضد النظام لتصل حتى الخرطوم وليس الهامش ، وحذر من ان استمرار نظام الانقاذ سيؤدى الى انقسام بقية السودان على غرار الجنوب.)

ده الكلام الصاح عشان مافى زول تانى يجى يقول الجهوية والكتلة السوداء والحزام الاسود.. السودان ثم السودان ثم السودان..

معتمد الخرطوم اليومين الجايات دى قالو ماشى يضع حجر الاساس لمسجد فى سوبا غرب ,وتجدر الاشارة بان مهندسى البناء من كوادر الانقاذ وهم مصممون على الانتهاء من الصرح بمساعدة دراويش الدفاع الشعبى ,, وسيتم افتتاحه بحضور الرئيس ووزير الدفاع عبدالرحيم ونائب الرئيس نافع والصوارمى المتحدث الرسمى لقوات المؤتمر الوطنى المسلحة .

* الجدير بالذكر ان هذا المسجد سيطلق عليه اسم ( كاودا ) ليتم الصلاة فيه باحدى الجمع القريبة
رفعا للحرج على الرئيس , بدلا عن الصلاة بكاودة (جنوب كردفان ) وفقا لفقه الضرورة المفتى به من رئيس مجمع الفقه الاسلامى د.عصام البشير .

* ذى ما بقولو كلو زول يعرف خلاصو !

** انا بقول : كل زول بيحمل رسالة أمينة صادقة بعيد مداها
التاريخ بيعرف كل خطواته المشاها .

هههههههههههههههههههههههههههه شر البلية ما يضحك .. انتو صدقتوا الزول دا … قال كل السودانين قال .

انتم اسوود السودان وافريقيا…انتم الاجدر بالنصر المؤذر على فلول العصابات الحاكمة…وانتم من تحمون الوطن والمواطن اليوم وانتم من ستحموون الوطن والمواطن بعد ازالة العصابات والتغير الي الديمقراطية وحكم القانون..لنعيد بناء جيش وطنى من هؤلاء الاسود…ثورة حتى النصر..

اما الحقيقه فهي ان الجيش السوداني يضرب بيد من حديد برا وجوا وعملاء الجنوبيين في تقهقر مريع وزيادة رقعة المناطق الامنه وباعتراف الامم المتحده

وتمسك اللواء جكوت بان قضية الحرب الرئيسية هى قضية رد الحقوق للشعب السودانى وليست قضية اثنية.. لا شك ان هؤلاء هم الجيش السودانى الحر..وكل مواطن سودانى حر سيقف فى صف هؤلاء الاسود…وليس بجانب عصابات تنتهك اعراضنا وتقتل شبابنا واطفالنا..وتغتصب نسائنا ورجالنا…التخلص من فلول المؤتمر اللا وطنى..يعنى شروق شمس السودان من جديد…يعنى مقتل العنصرية والعنصريون…فى اركان السودان الاربعة..ووحدة طوعية واعادة خارطة السودان كما كانت وبناء جيش وطنى من كل الثوار جنوبا وشمالا شرقا وغربا بصورة اقوى وتطويره لحماية الوطن والمواطن..واعادة كل الاراضي السودانية المنهوبة دون قيد او شرط ..ان لم ننجح اعادة تلك الاراضى بالطرق السياسية..ولا بد من الاشارة هنا..ان خلف هؤلاء/ الجيش السودانى الحر الأسود خلفهم ايضا صقور من السياسيون..وليس عصافير فى قفص يٌطعمون…!!!!

قول 30% يمكن تصديقها لكن 80% هذه مبالقة وتطعن في مصداقيتكم واستغفال عقول البشرية الصابرة على ما يدور حولها

اللواء جقود مكوار مرادا / قائد الجيش الشعبي لتحرير السودان / شمال …..التحية لك ولكل الرفاق الاعزاء…… التحية لك ولكل الجنود البواسل…. التحية لك ولكل ابطال الجبال ….. التحية لك ولكل فرسان الاحراش …. التحية لك لكل شعب جبال النوبة الاحرار ….. متابعين الانتصارات….. متابعين التقدم ….. متابعين التحدي ….. متابعين البطولات ….. ان الله معنا نحنالصابرين…… ان الله معنا نحن المظلومين…… ان الله معنا نحن المهمشين …… ان الله معنا نحن الصامدين ….. قريبا باذن الله سندخل الخرطوم

ما شاءالله عيني باردة… ده الجيش ولا بلاش.. ضبط وربط وهيبة. الفرق واضح بين هؤلاء الأشاوس وبين مليشيات نافع واللمبي. نحن فخورون بك سعادة اللواء جقوت مكوار وكل الأبطال في الجبهة الثورية فأنتم الجيش السوداني القومي الحقيقي الذي يسميه كهنة وأرزقية النظام في الخرطوم بالمتمردين.

أنا حزين جداً جداً.. لأنه لولا ضيق أفق وفساد الكهنة الفاسدين العنصرين في الخرطوم لكانت هذه القوات أضافة حقيقية وجوهرية للجيش السوداني الذي أصبح في خبر كان.. خسارة والله…!!! أنظروا أيها الأخوة أين بلغت بنا الإنقاذ ومشروعها الحضاري العنصري… حروبات في كردفان ودارفور والنيل الأزرق وتململ في الشرق وتاريخياً قوة السودان الضاربة تتكون من هذه المناطق.. منذ المهدية.. ألم يتجه المهدي إليهم لنصرته وقد نصروه. حتي زمن نميري كان الجيش قوياً ويتكون من جميع مناطق السودان. اللهم نسألك بقذف مطلوب المحكمة الجنائية واللمبي وكل أرزقية مؤتمر النفاق إلي مزبلة التاريخ وتنصيب الجنرال جقوت وزير دفاع لجيشنا حتي تعود له عافيته وهيبته. آميييييييين.

معقولة 80% ومافيها مدينة النسبة غير مقبولة

والله كذابين ومنافقين الجيش السودانى حرر المنطقه بأكملها وأنا عندى إبن خاتلى توفى هناك ولاأقول شهيد لأن الشهاده أمرها لله والمؤتمر الوطنى ضيع لينه إثنين من إخوانا ويستاهلوا لأنهم مغشوشين بس المنطقه تحت سيطرة الجيش السوداني للمعلوميه والمصداقيه