كلو يوم نسمع قصة جديدة عن خيراتنا التي تعبر بغباء وخيانة منا الى مصر
*كلو يوم الشاحنات المصرية تشيل خير نصيبنا منو الخبر
*الشاحنات المصرية شالت السمسم خام
*لأ وايه
*في ناس قالوا السمسم جواهو دهب
*وفي ناس قالوا السمسم ماكفاهم جلبنالهم سعية
*جهدية الحلبونا
*وقصص تحدثنا عن عجولنا التي تحملها الشاحنات المصرية
*ويبقى السؤال :
*إذا ذهبت عجولنا مصر
*اين ذهبت ضمائرنا وعقولنا؟؟؟؟؟
*والشاحنات المصرية تتحمل بالمحاصيل النقدية السودانية وتتحمل تبعات الانهيار الاقتصادي السوداني اليومي
*وقصص كتيرة نطالعها واخرى تقرف مسامعنا
*وجوار دكان عمك عبدالمجيد
*دار نقاش اهل الحلة عن ماتقوم به الشاحنات المصرية
*ولما فاضت الحسرة من النفوس
*وحينما فاضت المآسي والعيون
*وتحشرجت الكلمات في الحلاقيم الغبش
*صاح حمودي ابن بشير الذي كان يرافق اباه للدكان
*صاح حمودي بمغصة
*هي مصر دي مالها!!!!!!!!!
*مغصة حمودي خلوها
*تعالوا احكي ليكم مغصتي
*مغص…مغص…مغص
*هو مغص نصاح
*حدثني احدهم مماغصا لا ممازحا
قال لي الكركدي بتاعنا ده بنوديهو مصر خام
*المصريون يغربلوهو وينضفوهو ويصدروهو للعالم ككركدي مصري !
*أها قال لي في مؤتمر للكركدي بالمكسيك
*قال السودانيين لما جو داخلين
*المصريون قالوا ليهم انتوا الجابكم ايه؟؟؟؟
*شفتوا المغصة دي؟؟؟؟
*حمودي ماليهو حق يسأل
*مصر دي مالها؟؟؟؟
*وقصص كتيرة ابطالها الشاحنات المصرية
*والنفوس الضعيفة العيفة غير العفيفة السودانية
*وصدقوني
*اي تقدم شبر لصالح مصر بفضل تلك الشاحنات الشوم
*يعني تأخر متر للسودان
*دي عملية لاتقبلها عسكرية ولا مدنية ولا حتى تنزانية
*دي عملية لاتفوتها إلا سلطة حرامية
*أيها الناس
*اذا صدقت الانباء حول العملة السودانية المزورة التي تجلبها الى ديارنا شاحنات الشؤم تلك
*يبقى الموضوع مابسكت عليهو بعد ده
*وماتقول لي مخابرات ولاغيرو
*عملت شنو المخابرات دي لابي أحمد وسد النهضة؟؟؟؟
*نحنا ذاتنا بي مخابراتنا وخباراتنا وشماراتنا
*ومن يهن يسهل الهوان عليه
*أها
*نجي لي شمارات والي الخرتوم
*والينا المكلف بينا
*نشيل السودان ده ونجري بيهو ولا شنو يا اخينا!!!!
شمارات الكلب
ننساك كيف والكلب قال الحرامي ببقى اخطر لما زول من ناس البيت يخلي ليهو الباب فاتح ويعمل نايم….نايم ياخاين؟؟؟؟
وإلى لقاء
سلك
نقلاً عن الحراك
اهم حاجه يا سلك تكونوا استريحتوا واعصابكم هديت وتقوموا تناموا بعد ما رميتوا سبب تخلفكم وجهلكم على مصر والمصريين ههههه