الخرطوم: الراكوبة
لجأ جهاز الأمن والمخابرات لتعيين افراد بـ(اليومية) لفض التظاهرات وتؤكد الخطوة حالة الارهاق والتعب وسط قوات الامن من توالي المواكب بمعظم المدن بولايات السودان المختلفة.
وقالت الصحفية عائشة السماني في صفحتها بفيسبوك :”أمس في بحري النظام لجأ لناس اخرين علشان يقمع المظاهرات، عندي اخوي في ناس شغالين معاه يوميات امس ما جو لما اتصل سألهم انتو وين قالوا ليه عندنا شغلة بسيطة في بحري وقروشها كويسة بنخلص ونجي بكره لما أصر عليهم الشغل شنو قالوا ليه جونا ناس الدعم السريع قالوا لينا تعالوا دقوا المتظاهرين”.
ولم يتسنى لـ”الراكوبة” معرفة الأجر الذي تقاضوه، وعلمت “الراكوبة” أن فردا من جهاز الأمن عصى الأوامر وخرج مهددا “أعملوا العايزنو”. ورجح مصدر ان الخطوة يمكن ان تكون مؤشراً على وجود بوادر تمرد او عصيان للاوامر في ظل حالة الخوف التي باتت تعتري افراد الامن من طول فترة الاحتجاجات واتساعها.
هماً يبكي وهماً يضحك… رواعية غنم?!… النصر قادم بإذن الله.