ضبط عصابات تزوير شهادات جامعية وثانوية
الكلاكلة:
وضعت شرطة الكلاكلة جنوب ملف المتهمين بتزوير شهادات جامعية وثانوية وشهادات ميلاد أمام محكمة مولانا مصطفى محمد الحسن بمحكمة جنايات الكلاكلة وتعود تفاصيل البلاغ كما هو مدون بدفاتر الشرطة أن معلومة وردت إلى جهاز الأمن والمخابرات تفيد بذلك وبناء عليه تمت المداهمة بعد استخراج إذن تفتيش.
وعثروا على المعروضات وهي عبارة عن أجهزة حاسوب وطابعات ونماذج من شهادات اتضح بأن المتهمين يعملون في التزوير منذ ما يقارب الثلاثين عاماً كما تبين بأنهم كانوا يعملون موظفين سابقين في استخراج الشهادات ويعملون حالياً في أعمال هامشية وبعد التحري معهم اعترفوا وقدموا للمحاكمة.
الوطن
حاجة مؤسفة جدا ان الشهادات الجامعية تزور وتباع في سوق الله أكبر لليسوي والمايسوي، وهناك من يسهر الليالي ويجتهد في التحصيل العلمي لسنوات طويلة ومن بعد ذلك لا يحصل علي وظيفة !!!! هذا هو نتأج ثورة التعليم العالي التي إنتهجها نظام المؤتمر اللاوطني والتي أوصلت التعليم الي الدرك الأسفل
ليه بس تم ذكر العيلفون بالذات ورونا السبب
دا الشغل
يعني في ناس كثيرين واهمننا بشهاداتهم المزورة من زمان
عشان كده حملة الدكتوراة كتروا في السودان والغريبة هي بالقروش وبعد ده تكون في ( نواقض الوضوء ) ؟؟؟؟؟؟ يمكن رخيصة الله أعلم
كدى شوفوا الخبراء الوطنيين ديل كانوا من زباين العصابة ؟؟
واللا داك بتاع امدرمان المزور فى شهادة الميلاد عشان ما ينزل معاش
عشان كدا أمخاخم مليانه مخاخيت
اتضح بأن المتهمين يعملون في التزوير منذ ما يقارب الثلاثين عاماً
وانتو كنتو ويييييييييييييييين دا كلووووو ؟؟؟
يعملوا بالشهادات شنو …. اطباء من جامعة الخرطوم مالاقين شغل بعضهم شغالين سولقين ركشة دي دايرة ليها شهادة ولا عشان كلام الوالي حتي النجار لازم يشتغل بمؤهل جامعي
ذكروا العيلفون في الكاريكاتير المصاحب للمقال
ياخوانا الناس ديل شغالين ليهم 30 سنه انا اقترح علي القاضي يعمل معاهم اتفاق يكلموا القاضي عن الشهادات الطلعت في الثلاثين سنه دي ويديهم براءه ، والله راح تطلع بلاوي 30 سنه شغالين لو في اليوم بطلعوا 10 شهادات يكون عملوا 109500 شهاده ياربي نوزعها كيف ميلاد + ثانوي + بكالريوس + ماجستير + دكتوراه طبعا الاكثر بكون الماجستير والدكتوراه لانها تبع سياسة التمكين كدي ياخوانا قولوا لي الحسبه دي صاح ولا امشي افتش لي شهاده زي الجماعه
( اتضح بأن المتهمين يعملون في التزوير منذ ما يقارب الثلاثين عاماً ) يعني على حسب الكلام المذكور معنى كده انو الجماعة ديل شغالين تزوير من سنة 1983….معنى كده الشايلين شهادات مزورة موجودين قبل الانقاذ ما تجي…