جزيرة مساوي.. حكايات مولد السيد علي الميرغني وقدسية المكان

ارتولى ليس أرتوري

ياخي دا جنون العظمة منو بيعرف علي الميرغني ولا غيرو وبعدين قليك مكان ولادة ما تكسر طيب يعني شنو ايش المرض هذا وتانيا دا استنساخ لسيرة الرسول صلي الله عليه وسلم ودا طبعا قال شنو لما وصل قال اللي بيسلم مفتاح بيتو هينزل عندو والمرة حاملة بواحد سفاح عبد للمستعمر والملام دا ما يجوز بعدين الكرامات اللي ذكرها كلها عادية انا ما الوم الا كاتب المقال لانه اكبر جاهل والظاهر كدا انو فاضي وما عندو شغلة وما لاقي موضوع يتسلي فيهو ياخي ناس الميرغني ديل حبش ومرتزقه دخلو البلد خلسة وتهريب مشو قرو في الخلاوي وعاملين فيها اشراف زي ناس المهدي دناقلة قالو انحن اشراف هم على بالهم الشرف دا بيشيلوه في الشوارع وفي الزبالة قد ما حاولو بتغير اصولهم الا ان الناس ما جاهلة الاشراف في مكة يا حبيبي ومعروفة الحسب والنسب واخيرا اقول لك الشريف من شرف نفسه

السيد علي سيد وابن سيد رغم انف الاصاغر الذين لا يعرفون حرمة الموتي ومنزلة اهل الشرف والسيادة وان شئت يامدعي العلم والثقافة ويا من تنكر نسبهم فأقرأ كتب النسابة والمؤرخيين بعين وبصيرة فاحصة

لقد اسهم هؤلا الرجال في تحفيظ ابائنا القران وتفقيهم في الدين. فلاداعي ان تسبوا هؤلا الاكارم بعد ان غسل ادمغتكم الفكر الداعشي. فلولا جهودهؤلاء الرجال امثال والد السيد علي لكنتم يامن تتبجحون الان بالدين والسنة مسيحين.

ياعزيزى الناس ديل تأريخهم بدا بقصة معروفة وواضحة وهى إنو فى بت فى بارا إسمها أرقية ويقال ان كلمة أرقية تعنى رقية بلغة الدناقلة وهى من منطقة بارا والمعروف ان منطقطة بارا فى وسط السودان كلها دناقلة أو الغالبية العظمى دناقلة بجانب الجوابرة والركابية وهذة المراة كانت متدينة وقال لها رجل من أهل الدين أنتى يتزوجك إحدى العثمانين وفعلا بعد فترة جاء رجل غريب أبيض اللون وقال إسمو عثمان وجاى من مكة وطلب أيد أرقية وتزوجها وما أن مكث أسبوعا لإ وإن جاء رجلا أخر أيضا إسمو عثمان وطلب بالإسم أرقية للزواج وقالوا لية تزوجت عثمان وكان الأخير هو عثمان دانفوديو مؤسس الدولة الإسلامية فى نيجيريا وإختنع الرجل لأنه كان زاهبا إلى الحج ونزل مع ود دوليب بقرية خرسى شرق بارا والمعروفة للجميع ومكث عثمان جد المراغنة ديل فترة بسيطه وقال ليهم أنا ذاهب إلى مكة وزوجتى دى كان وضعت وجابت ولد إسمو الحسن وفعلا وضعت أرقية وجابت ولد وسموه الحسن (سيدى الحسن)والمحير فى الأمر قالو ولدوة بى جلابتو والكلام دا عندنا فى بارا بقولوا ليك الكبير والصغير والأغرب من كدا حبوباتنا وأمهاتنا كانو بيقولوا يا سيدى الحسن يا أبو جلابية نور يا الجدك الرسول ولمن كبرنا سمعنا بى دار أبو جلابية ببحرى أظنها على سيدى الحسن الإتولد فى باراوتوفى فى كسلا ولا كان دا واحد تانى الله أعلم وبعد أن كبر الحسن ساقوه خيلانو من بارا إلى مكة مرورا بمصر وقتها كان الحج عن طريق مصر باليابسة التى حفرت فيها قناة السويس الآن ومكث فيها عشرة أعوام حفظ القران والتفسير وعلوم الفقة ثمم رجع إلى بارا والشاهد الآن فى منزل وقبة إسمها منزل وسرة سيدى الحسن وياتيها الزوار من كل مكان وبعد أن رجع إلى بارا قال لهم إنى ذاهب إلى كسلا يقصد أنه موجه بس ما عارف التوجيه دا جاهو من وين وذهب إلى كسلا ومكث فيها حتى الوفاة وما عارف تانى الشمالية دى ولدو فيها منو وهو فى كسلا تزوج كم وكن الآن موجودة أسر فى بارا وهى تقول نحن أهل سيدى الحسن والسوال مش سيدى الحسن دا هو الجاب الجماعة ديل وأنا زرت ضريح سيدى الحسن فى كسلا فوالله ما أن دخلت الضريح حتى خلت نفسى فى بارا نفس الملامج وتفاجأت بأن هناك أمرأة كبيرة فى الحسن وهى تتوسل إلى الله وتقول يا مولود بارا وراقد كسلا فتأكدت بأنة سيدى الحسن مولود فى بارا وهذة القصة للحقيقة والتأريخ

يقول كاتب المقال ….(ومن الكرامات الاخرى حسب ما قاله الخليفة احمد عبدالرحمن أن جميع الفيضانات التي شهدتها مساوي لم يتكسر موضع ولادة علي الميرغني والماء يرقد في محيط الموضوع لمدة شهر، ولم يتحطم في الوقت الذي انهارت جميع المباني التي كانت مجاورة للموضع.) ؟؟؟؟؟؟
…..

بينما الكعبة المشرفة جرفها السيل عدّة مرات …..