الجمارك: نتحدى المشككين في إبادة حاويات مخدرات بورتسودان

كديه اول حاجة ورونا سيدها منوولا جاء شايلها البحر سبحان الله الكيزان ديل الدين ماشى جهة وهم ماشين جهة تانية نفسى القى لى كوز تثق فيهو ابدا لايمكن ان تجده سبحان الله ناس تدعى التدين وهى ابعد الناس عن الدين كذب وسرقة وسفك دماء وتسلط وما خفى اعظم سبحان الله

من هو مالك هذه الحاويات و من اين ارسلت و على اى باخرة تم شحنها و ما نوع الشحنة للتمويه؟؟؟؟؟؟؟؟ لا بد من مستندات توجد عليها اسماء اشخاص او شركات و لا بد من بلد الشحنة و لا انتو بتخاطبوا شعب تجم زى ما قال مدير موقف كركر

عجيب!!!!!!

كيف ولماذا تمت إبادة كميات الحشيش قبل تقديم المتهمين للمحاكمه إذا أصلا كان هناك متهمون؟!! كيف سيقدر القاضي حجم الجريمه دون أن يرى جسم الجريمه؟!! وهل القاضي عندنا يحكم دون ان يرى المضبوطات راى العين أم بيحكم بقالوا لى وقلت ليهم !! على كل حال من الواضح أن الجماعه أخفوا جسم الجريمه وبتاع مكافحة التهريب نقول ليه إرتاح لا تتحدانا ولا نتحداك ووحياة شرفك الشرطى كان انت ما جبت السيره مافى زول كان جايب خبر!!نحن هسه في هم التحصيل الإلكترونى الما معروف ليه اول ولا آخر قبل اسبوع موظف المحليه ضيع من وقتى الاصلا ضايع ثلاثه ساعات بالتمام والكمال عشان يتحصل رسوم الرخصه بسبب محاولته المستميته لتشغيل الآله التي كان بيحملا ..قال إيه؟!! الشبكه واقعه ولاحظ ونحن في قلب الخرطوم (حاضرة السودان!!) ويا لهفى على سكان الأقاليم واطرافها إذا كانت كل معامله حتم بالطريقه دى وخاصة إذا كان موضوعهم تعلق بالمستشفيات!!إن شاء الله ايصال الخدمه الطبيه سيسلم للمرحوم الكان عيان في المقابر !! وللمصرين تشبيه ظريف نقال في مثل هذه الحالات (أقرع ونزهى )وهذا هو حال حكومتنا حتى في التقليد فاشلين !!.

يعني تسطلونا وتجوا تتحدونا !!!

ومن الذى شك فى ذلك .. الظاهر انو انتو شاكين فى نفسكم .. هسه فى زول قال ما حرقتوها .. وبعدين انتو فاعد تكذبوا .. ما أى حاجه بتقولوها بسوها .. ما انتو
من زمان قلتوا نأكل مما نزرع ونلبس مما نصنع وبرنامجكم نجح .. هسه شغالين نأكل
فساد ولابسين انفكو ..!!

اقتباس :
(وتحدى اللواء بشير المشككين في إبادة كل حاويات المخدرات التي تم ضبطها في بورتسودان، وأضاف: “تمت إبادة كل الحاويات بحضور كل الجهات المختصة ولن نقبل أي تشكيك في هذا الأمر”.)

الابادة على حد زعمكم قبلناها – اكشفوا عن اسماء المتهمين المتورطين فى هذه القضية وان تكون المحاكمات مفتوحة للراى العام. خلاف ذلك هنالك تشكيك فى الامر لانها قضية رأى عام.

كده يادوب صدقنا انك كضاااااااااب………..

التشكيك وعدم قبولكم نعم تخمجوا وتعجنوا لوحدكم, والله فوضى لا بعدها فوضى … أبحث عن أغبياء يمكنك غشهم, ما هذا الكلام الفا رغ. أين الجناة أصحاب تلك الحاويات وهل تتم ابادة المخدرات مع ترك من هم قاموا بجلب تلك المخدرات …. لا غريب على الانقاذ فقد قامت بارتكاب الموبقات السبع ومايزيد. إن الجناة طلقاء يعوثون في الارض فسادا. وهذا البوق يقول متجديا( وتحدى اللواء بشير المشككين في إبادة كل حاويات المخدرات التي تم ضبطها في بورتسودان، وأضاف: “تمت إبادة كل الحاويات بحضور كل الجهات المختصة ولن نقبل أي تشكيك في هذا الأمر”.)

* بلاش كذب! معقول “بكورى” إسمح بالبذار ده!!

يا جماعة انتو مهبولين
الجماعة ديل اصدق من الصدق زاتو
شوفوا البلد من يوم هلوا علينا هلت معاهم الرفاهية بلا حدود
عمر مديد ليهم ودعوات صادقة مننا ليهم كمان
قولوا معاي النشيد داك
ايوا كدا ياهو زاتو
شاطرين