إنخفاض الجنيه السوداني مقابل العملة الأثيوبية يعجل بعودة الأحباش إلى بلادهم
كشفت مصادر شرطية امس عن بداية عودة عكسية عشوائية للعمالة الأثيوبية من كافة المدن السودانية الى بلادهم ، وقدرت المصادر معدلات العودة ما بين (20) الى (30) أثيوبيا يوميا عبر منطقة القلابات الحدودية ، وأرجعتها الى انخفاض قيمة الجنيه السوداني مقابل العملة الأثيوبية “البر” ، وأشارت الى ان الجنيه كان يساوي 5 بر اثيوبي ، وإنخفض هذه الأيام الى 2 بر اثيوبي ، بجانب ارتفاع تكلفة المعيشه بالسودان نتيجة الأزمة الإقتصادية ، وربطت المصادر العودة بتوفر فرص عمل للأثيوبيين بدول الخليج .
وفي السياق اشارت المصادر ذاتها الى انخفاض وارد الأبقار الأثيوبية “الكرور” الى السودان نتيجة لإرتفاع سعر تكلفة إستيرادها بسبب إنخفاض العملة السودانية .
المجهر السياسي
يعني الجنيه عام والاثوبيين غرقوا ؟!! . انخفاض الجنيه مزعج جداً لكن عودة الاثيوبيين الي ديارهم أو هجرتهم الي دول الخليج خبر طيب .
يا خسارة شوفوا حال السودان وصل إلى فين الله ينعل أبو الإنقاذ واليوم الجاب الإنقاذ الضيعت البلاد زمان الحبوش كانوا في السودان بكثرة حتى كانوا يديروا بيوت الدعارة ويجدوا الفلوس من كل النواحي والآن ذهبوا ونعلوا السودان لأنه صار بلد طارد وغير مرغوب فيه بلد ما فيه عمله نسأل الله العافية للسودان وأن يخلصه من هذه الشرذمة التي طغت عليه وأحرقته حريقاً لا يستطيع إحياءه مره ثانية
المجلس الاعلى للذكر والذاكرين من مؤسسات الكهنوت الدينى الحرامى الذى يتغذى على دماء الشعب السودانى .. ياترى كم تبلغ ميزانيته السنويه ؟ نطلب من هؤلاء الكرور مدحة لسيدهم وولى نعمتهم المشير البشير .. المدحة جنييييييهك يالبشير .. تمجدوا فيها الجنيه وتوضحوا فضل التعامل به .. وتنصحوا الناس بتجنب دولار الامريكان الكافر .. ما معقول تاكلوا ساااااكت والجنيه واقع يارمم .. اصحوا معانا ..
والله خبر محزن جدا
عليك الله يا عبدون بلد ما فيها حبش بتتقعد ؟؟؟
بس خلاص بعد دا كلنا نفارق البلد دي نهائي .. وحبذا لو الواحد لقى ليهو فرصة عمل او استثمار في اديس
ويعجل بهروب السودانين من بلادهم
هم بس الأثيوبيين ( الحبش ) عايزين يخرجوا من السودن .. طيب ما نحن السودانيين ذاتنا عايزين نخلي البلد للكيزان ديل … وفينا ملايين تركوها .. وأنا منهم …..
السؤال طيب متين تذهب هذه الحكومة
حتي الحبش جروا مننا ..
اذا رحل الاجانب من بلد، على أهله ان ينتظروا الكوارث، وجود اجانب و مهاجرين في اي بلد دليل على عافية الاقتصاد، الاثيوبيين عمق السودان النفسي، و امتداد السودان الطبيعي جغرافيا و عرقيا، كما الحال مع جنوب مصر و تشاد، و اريتريا، محزن ان نراهم يرجعون، و تنتظرنا ايام صعيبة.. آمل ان لا يحتفل البشير و عصابة اللصوص حوله بـ ٢٤ سنة لحكمهم في ٣٠ يونيو
و متى يذهب هؤؤؤؤؤؤؤؤؤؤلاء
خبر ممتاز جدا جدا
في اجازة السمستر الاول قلت اشتغل احسن مشيت المصانع بقسمونا في القبول الي حبش وسودانيين
السودانيين مطلوب منهم جنسية وشهادة سكن
والحبش بقبلوهم كيري ساي
شغلو الحبش قالو لينا انت خلاااااص امشو المرة الجاية
– في نفس الصياق قلت كدي امشي اشوف الشركات الامنية لقيت ناس التعين حبش
وقعد الحبشي يفتري في السودانيين ومعظمهم طلاب سبيت ليهو و لعنت الحبش والانقاذ معهم
خورو بيت ابوكم
الازمة القتصادية سبب فى مشاكل كثيرة نتمنى ان تزول وتصبح البلد بخيرة و مواطنيها سعيدين بعد ما تمر الازمة
حتى الحبش خلونا براااانا مع الكيزان ديل الوسخين ديل
…حتى الطير يجيها جعان,,من اطراف تقيها شبع …يبدو ياعمى اسماعيل الحوض ذاتو ..نشف,,لك الرحمة والمغفرة…!!!
مصائب قوم عند قوم مصائب .. على قول صديق حتى اهلى الحبش خلوناا برانا مع الكيزان