مصــرع (3) كماســــرة حــــرقاً داخـــل حـــافلة بالحاج يوسف
مي علي
لقي «3» كماسرة أمس الاول مصرعهم حرقاً داخل حافلة ركاب أثناء توقفها ليلاً داخل موقف الحاج يوسف بشرق النيل، حيث اشتعلت النيران داخل الحافلة التي كان ينام بداخلها «3» كماسرة هم موسى محمد آدم وموسى عمر النعيم ومحمد أبكر عمر والذين تتراوح أعمارهم ما بين «12 – 15» عاماً، وخفت شرطة محلية شرق النيل فور تلقيها البلاغ إلى مسرح الحادث، حيث وقف العميد زين العابدين عثمان مدير شرطة المحلية، والعميد عمر حسين رئيس الهيئة النقابية للحافلات بالمحلية وجمال سليمان علوي- الأمين العامة لنقابة الحافلات بولاية الخرطوم، وعبدالله أبو رية الأمين العام لوحدة الحافلات بالحاج يوسف، قد وقفوا على تفاصيل الحادث حيث تم استخراج الجثث التي تفحمت تماماً من الحافلة وإرسالها لمشرحة الخرطوم، وفي الوقت نفسه شرعت شرطة شرق النيل في التحقيق لكشف غموض الحادث.
آخر لحظة
دي مفروض طوااالي من الالف البتشال مع كل شحن او كل فرده يتعمل ليهم خدمات منها .شراء موقف ليلي +سكن وحراسه للعربات .والا ما الضروره من تمن الفرده البتتشال دي.
اذا كنا في بلد بيحكمه الضمير او كفءه علي الاقل نتعلم من الاخطاء وده اسوأ نوع من الادراه انك تتعلم من اخطاءك .لكن ناسنا حتي من اخطاءهم ما بتعلموا الله يلعتهم
ربنا يرحمهم و يعوض شبابهم الجنة
(القدرهم) قاعدين يقروا أو يتعلموا في ( السباحة وركوب الخيل )…….ربي ارحمهم وصبر اهلهم…12 و15سنة ياربيييييييييي…..!!!!!!!!!!!!!!!!!
مصعب أنت بتتكلم بالرندوك ؟؟
أطفال .. لا ذنب لهم إلا أنهم لم يجدوا الرعاية ولا الصحة ولا التعليم … قضية كهذه في دول أخرى تقوم لها الدنيا ولا تقعد !!
أحملو هذه الأوزار أيها الإنقاذيون المجرمين .. وإني والله لا أدري بأي وجه تقابلون الله يوم لا ينفع مال ولا بنون ((ولا سلطة ولا جاه ولا عمارات أو سيارات أو حتى هجليج)) إلا من أتى الله بقلب سليم …
رب ارحمهم وصبر أهاليهم البسطاء رب واكرم نزلهم ووسع مدخلهم واغسلهم بالماء والثلج والبرد ونقهم من الذنوب والخطايا كما ينقى الثوب الأبيض من الدنس …
ياجماعة انا اشك انو الحرائق البتحصل دى ماساهى يعنى قطع شك تكون من فعل فاعل
لانو الايام الفاتت دى كلها حرائق شى مغالق وشى مصانع وشى مطاعم
يعنى كل الحرائق الحاصلة دى من غير سبب
الله يستر بكرة ما معروف شنو
ياعبدالله الزول برطن ماكلام عربي..الا انت تكون براك ماعاوز تفهم