ليك …
ياعاشق الدنيا
الجد كاذبه
زي ماحكومة الكوز وكلابه ..
اقتل وانهب
وامشي اٍدسه
ورا الدبابة ..
وخلي دمانا
التروي الارض ويبابا
لكن اعرف ..
لا التاريخ راح يرحم جبنك ..
لا الحرية ح نقفل بابا ..
نحن ح نهتف
وانت اٍدسه
ورا الدبابة
لا بنخاف
مرتزقة و(جنجد)
ولا خايفين
تاريخ اٍرهابه
بالارواح
راح نفدي وطنا
وانت ..
زيده سجونك
الف حبابا
ما دي بلدنا
ونحن شبابه
والحريه
من غيرنا الجابه
نحن ح نهتف
وانت اٍدسه
ورا الدبابة
️️️
اقتل
ابطش اُسرق
املا الدنيا
دماء وحرابه
زيده جيوشك
واحكم بي قانون الغابة
باكر..
فجر الثورة ح يشرق
ورحال الثورة
يخت اتعابه
وننعم بي حريه عداله
وكم من قبلك
بطشو وقتلوا
وذل اعمالم
حصدوا سرابا
وانت اليوم في طريقم ساير
سير ياناسي
الاخرة حسابه
(لودامت لغيرك مالت اليك)
سير ….
ياعاشق الدنيا
وناسي
بانُ الدنيا
بالجد (كضابه)
