السلطات توقف (32) فتاةً وشاباً بمزرعة في سوبا .
الخرطوم:سلمى ادم:
تمكنت مباحث رئاسة شرطة امن المجتمع فجر امس، من ضبط (32) متهماً بينهم (14) فتاة و(18) شاباً فى اوضاع مخلة بالآداب داخل مزرعة بمنطقة سوبا غرب. وعلمت (الصحافة) ان المتهمين تم القبض عليهم فى حفل عيد ميلاد لاحدى الفتيات، وكانت معلومات قد تواردت لدى مباحث رئاسة ادارة امن المجتمع ،بأن مجموعة من الشباب والفتيات اقاموا حفل عيد ميلاد فى جلسة مخلة بالاداب تتخللها زجاجات الويسكى والخمور والحشيش، وفور البلاغ تم تشكيل فريق من الشرطة قام بمداهمة المزرعة حيث ضبط بداخلها المتهمين بحوزتهم زجاجات خمور وقطع حشيش وازياء فاضحة وسيارات مظللة ليتم حجز المركبات المظللة واحالة المتهمين للحراسة وتدوين بلاغات فى مواجهتهم تحت مواد تتعلق بحيازة الخمور والسكر والافعال الفاضحة، بجانب المادة 20/أ من قانون المخدرات والمؤثرات العقلية تعاطى الحشيش تمهيدا لتقديمهم للمحاكمة.
وعلى صعيد آخر، اصدرت محكمة النظام العام بالخرطوم شرق، احكاماً باستكتاب تعهدات لـ(13) فتاة بجانب الغرامة وازالة التظليل لثلاث مركبات تخص ثلاثة من الشباب كانوا قد ضبطوا فى حفل اقيم على شرف عيد ميلاد احدى الفتيات داخل صالة بأحد المطاعم الشهيرة بشارع المطار، وبحسب التفاصيل فإن الفتيات المتهمات قد ضبطن وهن يرتدين ازياء فاضحة داخل الحفل، اما الشباب فتمت محاكمتهم بإزالة التظليل. يشار الى ان الفتيات اللائى يرتدين ازياءً فاضحة عثر بداخل حقائب بعضهن على عباءات كن يخفينها داخل الحقائب بغرض ارتدائها عقب نهاية الحفل.
الصحافة
يا حليل يا انبلد
حفلة عيد ميلاد..وسيارات مظللة..وزجاجات ويسكى..وأزياء فاضحة…ديل أولاد منو؟؟؟
بالغتوا .. كان تجيبوا حراس امن يحرسوا الحفلة لما تنتهي خربتوا حفلة ابناء المسعولين وسوف تحاسبون
والله السودان دا باظ من ما ظهرت طبقة اثرياء الغفلة اللذين اثروا في يوم و ليلة فأنتجوا
سلالة من الحناكيش المطاليق الفاسدين اخلاقيا اللذين لا يعرفون مصادر اموال اهلهم بل يعرفون
اين تذهب .. شتان بين هؤلاء و ابناء الاسر الثرية زمان حيث تجدهم مقرمين و رجال حتى لاتكاد
تميز بينهم و بين ابناء الكادحين
عيد ميلاد !! انا من الله خلقني ما اتذكرت يوم ميلادي لي روحي لمن يتذكروا لي ناس تانيين
واعمل حفلة كمان … كيييف الناس بتحتفل باقترابهم من الموت والعداد نازل ناس فارغين
في مناسبة فارغة ديل بعد ما يجلدوهم حقو ينفوهم لي المتمة عشان يتعلموا الرجالة الجد
الشعب يرجع اخر اليوم الى منازلهم كدارى واولاد المسؤلين راكبين سيارات مظلله ووسكى وجوال الذره ب 200000 جنيه ديل اولاد المشروع الحضارى والجباه الساجده والايادى المتوضئهوالعلامه الفى الجبهه
الحكاية ذكرتني بالتسوية المرورية التي تمت لأحد ابناء مسئول مهم بناء علي تلفون من المسئول لضابط المرور ومن المشعر الحرام بعرفة والتي إنتهت بقيام الضابط بإزالة التظليل من عربة إبن ذلك المسئول دون تحرير المخالفة!!! سبحانة الله حتي وهو يؤدي هذه الشعيرة يفسد ويستغل سلطته وصدق الشباب الحاضرين للموقف وهم يقولون للضابط (سعادتك ده هواء).
الكلام ده فى سوبا ولا فى لاس فيجاس؟
ديل أولاد الكتلوا الولد ونهبوا البلد !!!!
ما كان تضبطوا طيارات مصنع اليرموك
واللع دا بس الفالحين فيه
النظام العام وامن المجتمع الله لا يطرح فيكم بركه اما صحف السجم والرماد ووكلاء النيابه والقضاة في عهد المتأسلمين العالمين فهم شهود زور وقضاة السلطان وفقهاء الحمل والنفاس وطول الفستان ونوع الستيان ويا حليل رئيسكم الرقاص فهو بكل المقاييس احسن من علي عثمان المشهور ب علي جنينه الفكاكم اليومين ديل في خلق الله وبدل حراسة حدود البلاد وسماواتها بتحرسو في لبس النساوين وتطبقو في نظرية =الدفاع بالنظر = يا وهم يا سجم , اما علي جنينه المأكل لحم الفهود وموز القرود والطامع في وراثة البشير فنهمس في أذن قوش ونقول له = اخير تجئ عديل لانو زولك ده مااااا مقبول =
اكيد ح يفرج عنهم لا نهم اولاد المنتفعجيه المؤتمرجية الانجاس ولو كاموا من اولاد امدرمان الغبش ولا امبده واللا الكلاكلات كان السيطان اشتغلت فى الضهر…..+ الحكومة فالحه توقف ديل ما توقف لينا الطيارات الاسرائيليه دى
دي ما اجازت من ضمن الحريات الاربعة ولي شنو
غاب النص الفوقانى .. وإشتغل النص التحتانى
دى عالم تطلع مظاهرة ؟
التحية لكل من ناضل وتلقى جسده التعذيب على إيدى كلاب الأمن ( شبان وشابات)
والعار للغافلين عن تربية أبنائهم
العار للمروجين للكندوم.. وتربية الجضوم
يا شباب ليه ما دعيتونا على الاقل نجيب الهديه وكدا
18 على 14 لا تقبل القسمة………….. فى باقى يحتاج لشراكة
شيلوالفاتحة على البلد يا جماعة الراكوبة
التحية لجنودنا الاشاوش و هم يخوضون المعركة تلو المعركة لرفعة و شموخ هذا الوطن العظيم.
لا اظن معاهم واحد زيي كده ولا من رفاقى لاننا حق قزازة الوسكى ده يقعدنا شهر ..ديل اولاد ابان كروشا كبار شرابين السجار ..كن لقيتا فى الغابه بيقول ليك يابا ..ومن لقيتا وحيدتا بديك وليدتا ..وكن لقيتا فى المؤتمر الوطنى بيقول ليك هى لله هى لله سكرتنا دى ….
ديل يا ربي اولاد وبنات الغبش ابام مسوحا مي؟
تساؤل مشروع
اذ ان اولاد المصارين مش البيض
بل المصارين التي كانت خاوية حتي وجبة السخينة كانت عزيزة علي اللي جابوهم
ديل اولاد المصرين المتعفنة من اكل مال السحت
والذين ملوا البلد اولاد سفاح
ففاضت بهم دور المايقوما واحشاء القطط والكلاب
ديل اولاد الكلبالذين لا يجب اعتقالهم متلبسين فقط بل
يجب اولا فضحهم بالاسماء في وسائل الاعلام والسماح لاهل الفتيات
اللاتي انا شبه متاكد انهن بنات فقراء يستغلهم هولاء الوحوش السماح لاهلهن بالقيام بتاديب
هؤلاء الكلاب
قال ايه قال حملة ورازيا قبضوا فيها بويسكي وحشيش قال
يا بوليس كفاية مهازل
ركزوا على الفقرة دي ياناس
( يشار الى ان الفتيات اللائى يرتدين ازياءً فاضحة عثر بداخل حقائب بعضهن على عباءات كن يخفينها داخل الحقائب بغرض ارتدائها عقب نهاية الحفل)
شوفوا السقوط والانحلال الاسري ده لحد وين!!
المهم مالقوا فيهم واحد من الطبقة البروتارية وكلهم اولاد برجوازية
كهكهكهااا تقولي الشعب يثور .. تثور انتوا وتفوروا انتوا الشعب انسوا خلاص حدد مساروا انتحار أمو حلوه والله ..
ادي النتيجة دولة اسلامية
اولا نريد محاكمه عاجله …الادله موجوده والمالعروضات موجوده … ولكن لدى اقراح يجب تصويركل مفسد فى المال العام والمخدرات والاغتصاب و التهريب واصحاب اعيادالميلاد المفسدين وعرض صورهم على الصحف وهذا ليس لفضحهم فقط بل لمحاربةهذه الظواهر والتقليل منها بقدرالامكان وحتى كل واحديعر فولده اوبنته فى الصوره …احدالدول الخليجيه سلكت هذا الموقف للشبابالذين يعاكسون الفتيات كلمن تمالقبضعليه متلبسا بالمعاكسه تنشرصورته والله سرعان ما اتخفت تلك الظاهره نتمنى ان تطبق هذه النظريه .. واكيد ديل الحناكيش اولاد المكنكشين . ترجومن صحيفةالراكوبه ان تكون متابعه هذه القضيه حتى تتم المحاكمه وتنفيذها تماما ما يكون حكم صورى
سلاما يااا ابو مريم ومي بناااااتك خلن راااسك فوق..وحاشااااك الكلام الني …بدل شااهيك اشرب دم اذا قلت الكلام الني …
هههههههاااااااااي يا جماعة هسي الكلام داا ما ملاك عدديل …ويسكي ..وحشيش ..وكمااان انتو الكلام داا خلو انحنا دايرين ناس نخابرات زي ديل يشوفو لينا الطايرات خشت بوين وطلعت بوين بدل يقعدو يفسدو للناس حاجاتهم ومشاغلهم ..ديل اولادكم ..ما في داعي للامور دي ..حقوا تستروهم اخير من الشوشار
اولاد وبنااات كبار وصغار
ما يااهو دا الناقصنا
ما الكبار عايشين في جهل والشباب دايرين فهم ..والصغار دايرين لبن واللبن فوق البقر ..والبقرة طالعة في المنصة بتعلم الناس الرقيص ..اهاا كداا كيف
ده حقد اجتماعى منكم عشان مادعوكم ولا شنو؟
بنات فى حفلة تشوف عشرة طيارات ما تشوف
دا واحد من مخرجات المشروع الحضاري بتاع الجبهجية الله لا يوفقهم
It is sad to see all of these happening in the Sudan. In the past it was very different. If a by or a man approached a girl in the street where she used to live, not her brother only, but the son of the neighbors will beat you up to death. Those days every GIRL has a Mobile Phone, when it rings her family will shout and call her your mobile is ringing, of course she comes running and take , the she disappear in a room, ALLAH Only KNOW with whom she is talking.
اما الشباب فتمت محاكمتهم بإزالة التظليل.
يامثبت القلوب والعقول !!!
الناس ديل بدل ما يتابعوا اولاد الناس احسن يستفيدوا منهم في عمليات الرادار بالنظر
بس دى فلاحتهم ,,
بوليس ونظام عام يقهر ويزل فى المواطنين
يجو ناس خليل يخشو امدرمان البوليس يفك البيرك
تجى اسرائيل تضرب العاصمة الحكومة كلها تفك البيرك
يلقوك معاك بت تعال شوف
دى منو المعاك دى ؟ مرتك ؟ حايم بالليل مالك ؟ انت ما عارف ده زمنا نحن ؟
اقعد تحت .. طاااخ كف اركب البوكس ,, الليلة نوريك ليه عامل فيها راسك كبير ؟
انت قايل البلد دى فاكا ولا شنو ؟ افتح لييه بلاغ .. دخلو الحراسة ..
تجى للقاضى يحكم عليك بى غرامة مليون و100 جلدة ..
الجلد عرفنا الغرامة لزومها شنو يا مولانا ,,؟ لازم تدفع لينا انت ما عارف دى حكومة
جبايات ؟
او السيناريو التانى ,, يجيك البوليس .. خلاص جيب حق العشا
20 ما بتمرقك جيب ليك 200 الف ,, جدا هاكم ال 200 الف ,, اقطع وشك تانى
ما نشوفك حايم بى جاى .
للاسف عناصر الشرطة فى السودان تتميز بالحقد والجهل وحب اظهار القوة ويعشقون الاذلال
لمن يقع تحت ايديهم
وياااا ويلك لو وقعت فى سكتهم
على الطلاق دي تربية الاسلامين الجابة لينا الفقر الجوع والمرض والضنك اللهم اكفينا شرهم وتب عليهم
انتوا بريئين ولا بتدعوا البراءة والله العظيم البلد دي بقي يحصل فيها اكتر من كدا تقولوا شنو في اغتصاب الاطفال وزنا المحارم الاخبار من النوع دا بقت اكثر من عادية فوقوا واجهوا الحقيقة المرة اخلاق المجتمع السوداني زماااان ماتت وشالوا عليها الفاتحة والله انتو زيكم وزي الخواجات البتقولوا عليهم فاجرين يمكن هم افضل لانهم واضحين
والسبب المعكر كيفا ..
دق بنوتا بالكرباج ..
ناس غلبانة بس دغرية ..
ما بتعرف تخت طاقية في طاقية ..
والدين الحنيف في شرعها الحرية ..
زدتها في الحرج احراج ..
وزدتها في الدجل دجال ..
عوج شفناهو ماسمعناهو في قول زول ..
قال بنات دقوها دق العيش ..
ولاد ما أندقوا في شبال ..
بقت في غصة الأيام ..
قيم غنيتا يا قدال ..
قيم شلناها عمة وتاج ..
رقيص الشامة بت حمدين ..
وخت الحنة لي يات من حضور ضفرين ..
ونمات العديل والذين ..
ورقصة جون مع أوهاج ..
مشينا نقدم البنوت على ضو الرتاين ..
خفت وهج الغنا الوهاج ..
ورحل صوت المغني حزين ..
ورطن صوت العنج هراج ..
سقط في غفلة نون النسوة ..
أخوان البنات والنخوة ..
ستار العيوب والرسوة ..
شيال الحمول أبعاج ..
.. فيا حجاج أكل نارك ..
واتلفح بشاكيرك ..
مع طلعة شهر زو الحجة ..
وأحرم حاج ..
وطوف فوق الجثث طاؤوس ..
وشعبك لا أكل لا علاج ..
وحاج في شنو؟ ..
معاك كل البلد هاصت ..
وفار نحل الجباية وهاج ..
فيا فالق نواة الحبة يافراج ..
ويا باسط عجايب الإسرا والمعراج ..
ويا خالق الخلايا الحية .. أمشاج ابتلت أمشاج ..
طحنتنا طاحونة الفقر ..
طحنتنا سنواتا العجاف ..
يا الله تلزمنا الصبر والسترة ..
والعيش الكفاف ..
وترحمنا من صرة وشي ..
في وش وليداتنا الضعاف ..
????..
غرقان بيرقص منتشي ..
ووطنا مقطوع من خلاف ..
وبأسم الله ما خلالنا شي ..
وفصلنا في آخر المطاف ..
يا ناسي أقدار الرجال ..
ما تخشى غدر الله وتخاف ..
كتر عوج الكلام والميل ..
وتحت الجزمة مليون ميل ..
تحت الأزمة طاحونة حوافر الخيل ..
سقط تلت البلد عفوا ..
سقط نص البلد لهوا ..
سقط كل البلد سهوا ..
فهل صحاك ضمير الأمة في هجعة هوايد الليل ..
على زبد الغنا الممحوق؟ ..
شنو الخلاك تنوم تحلم على على خرطة وطن مسروق؟ ..
وطن في السوق .. وطن أشتر ..
مرق من ذمة التاريخ على ذمة كلاب الحر ..
ينوم في جبة الدرويش ..
يقوم بي بدلة العسكر ..
.. فيا ويلك في يوم الويل ..
ويا ويلك .. تقوم تحتك قيامة الناس ..
أفواج الضحايا ..
ستات الكجيك والشاي ..
والناس البعرفو شليل ..
حشود الطلبة والعمال ..
وبنوت الغياب والليل ..
طفولة مشردة ونازحين ..
وكم حجاج .. يجيك من ديل يجيك من وين ..
أولاد الشوارع عووك .. المعدمة ومعدومة ..
قطامة وقرضمة وراندوك ..
لماضة وطرقت حلقوما ..
من كل حتة يجوك .. يوم التسود يوما ..
ناسات حكومة الجن .. وناس جنها الحيكومة ..
ما طالا الشوارع في .. في ولاد بعرفوا القوما ..
ولاد راقدين .. وأولاد اسمها المايقوما ..
ديل أولاد شريعة قوش .. المستضعفين في الأرض ..
يبنوا ويهدوا عروش ..
لا بتخون البعض لابتشتريها قروش ..
في كل حته وراك تمرق تلاقي جيوش ..
أصدق لسان الحال من نضمك المهبوش ..
نفس الولاد جايين من طينة حضارة كوش ..
حافظين شعر حميد ..
فاهمين قصايد الدوش ..
ما تمشي يا محجوب دايرين نظبط بوش ..
يا داب عرفنا الصاح ..
دخل الكلام الحوش ..
وشكرا .. شكرا سيدي الحجاج
سؤال برئ…. لماذا الان بالذات رجعت حملات النظام العام بعد ان همدت وحشيه كلابها؟؟؟؟ هل لتغطيه عوره الحكومه الامنيه وشغل الناس بانفسهم؟؟؟ اسد علي و في الحروب نعاااااامه ودونك اليرموك
يا اخوانا المشكلة ليها اسباب كتيرة لظهور مثل هذه الممارسات ، وبعدين صاحب الخبر جاب الخبر مبتور مداهمة( فجراً) يعني الشباب ديل قاعدين من الساعة كم ؟ وبعدين الاشياء الدخِيلة على المجتمع كتيرة و الظروف الاقتصادية والضيق جعلت المجتمع أما طبقة في الأعلى وإما في الدرك الأسفل واثرت تأثير مباشر على الاخلاق والتربية والجو الاسري والرقابة اللصيقة للشاب وللشابة من قبل الوالد الوالدة الاخ الكبير كل الادوار اختفت بسبب الايقاع السريع لاسلوب العيش ،ثم ثقافة الهاتف النقال ،الانترنت الفيس بوك ، المسلسلات التركية والمكسيكية ،وحليل زمن بت الفريق وود الفريق ولما الناس كانت نفوسا حلوة ونظيفة ، نسأل الله السلامة وأن يحفظ أخواتنا وأخوانا وعلى قول حبوبتي الله يرحمها أكل مال الحرام يظهر في عيالك قبل حساب الأخرة .
الحرام
ديل حاكمتوهم وبعدين نحن لسع راجيين محاكمة البلدوزر!!!!!؟؟؟؟؟
انو الكلام فيه شنو قلت ناس دايرين احتفلو بي صاحيتهم دي الناس قايمه وقاعد فيها اتركو سفاسف الامو والاصلاح لا يكون من البوليس بل البيت ونتمنا ان يكون البيت هو الاساس الصحيح .ومن المقال انو الناس دي اوضاعهم الماديه كويسه لانو عندهم عربات ومضلله يعني اولاد حكومه او انقاذيين المال يجي بسحت ويطلع برزيله والعياذ بالله
لكن المشكله فى البنات بعد يسوقوهم الكلاب ديل
( باقيلكم الناس ديل بيبقو على المحاكمه بس .ولا بيكون فى حاجات تانى )
ديل ناس الشهادة العربية…عاملين فيها متحضرين
غراب السوبا ديل الجهاز الامن
ياجماعه اعزرونى انا سوبا قريته سوريا من زوهلت الخبر اصلى انا غايب عن السودان 22 سنه والكلام ده فى زمنا بنسع بيه سمع الله يكون فى عون البلدديل اولاد الانقاذربنا يدمركم ذى ما دمرتو البلد
فعلا الكلام ده صالح انا كنت في ادارة المن المجتمع لاستخراج تصديق حفل زواج ، وصادفته الجماعه ديل ماسكنهم في القسم وبحققو معاهم ، صراحة شفته الاولاد بس لكن مع الاسف ديل اشباه رجال مياعه ومياصه ودلع وسبسبة والله تسمع صوت الواحدفيهم بتكلم تقول اختو ..اهههههه باين عليهم اولاد عز شديد . انشاءالله بس يطبقوا فيهم القانون زي باقي الناس القبش .ما تكون تحريات ساي
عفوا تعف نسائكم نسال الله الستر فوق الارض وتحت الارض ويوم العرض .
والــــــــــــمزرعة سيدا منو ؟؟؟
خمور ؟؟؟ ازياء فاضحة ؟؟
اكيد جنوبيين
لا للحيات الاربعة
يعيش فخامة المهندس الطيب مصطفى حامي حمانا وشيال همومنا .
هذا ما ظل يحذر منه وهذه الايام تثبت ما كان يقول