السوداني منو؟

ي اخونا انحنا ما ندس رسينا فى الرمال العنصريه موجوده وزادت فى زمن الانقاذوالمتعلمين وغير المتعلمين موجوده بينهم يعنى مثلاً بعض الشمليين الواحد يكون مولود فى غرب السودان ومن قبل ميه سنه هو واجداده وكان سالته الواحد سوال عادي ياخى انت من كوستى يقول ليك انا مولود فى كوستى لكن اصلى من الشماليه ي اخى انا سالتك اصلك من وين يعنى كوستى ولا الابيض ودار فور ديل غرابه وما بيتشرف ان يكون من ناس المنطقه ياخى طيب قاعد معاهم ليه والموضوع ده حقيقى وكل الناس عارفن عندى جاره عندها بنتها اتزوجت واحد من ناس الفاشر وبتحكى لى بس عشان افهم انو العريس ما من اغرب قالت بس العريس تاجر عيش فى الفاشر ومن الشماليه يا اختى انا ما سالتك من الشاليه ولا من الجنوبيه كلنا سودانيين وبلدنا اسمه السودان يعنى اسم عى مسمه

شكراً لك أيتها الكاتبة السودانية ، بمثلك نفتخر و نناطح السحاب شرفاً و إعزازاً ،، مقالك جميل وهادف ..

العنصرية داء خبيث عادة ما يصيب أشخاص ذكاءهم متدنى ويعانون من أزمات ومشاكل نفسية يهمن عليها حقد دفين وكراهية نحو كل ما يعتبرونه غريب ومهدد لهم, هكذا تبلورت الفاشية وأصبحت رمزا لهذا الداء الخبيث البغيض المكروه عالميا.

والله محن و دي كمان جيبتوها لينا من وين يا ناس الراكوبه . مقال أقل ما يوصف به أنه عاااااااادي .

شوف الغبا طيب يا ستي انت بنفسك قلتي اهلك كانوا بصفو جيرانهم بالسودانيين بعد كلامك دا عايزاه تفصلي منو من شنو ؟ جنس غباء

للاسف ماقصدتي الا الفتنة من مقالك والعنصرية مازالت في دمك وانا واثق انه لباسك للتوب لن يجعل منك سودانية

شكرا يا أستاذة لأنك أوضحت لذاك السائق معنى المواطنة وحتى الشمال البعيد
والذى إنتمى إليه لا مكان للغة العربية التى جعلت من السودان دولة عربية
ونحمدالله كثيراً أن أدرجوا الهوية فى خوارهم الذى يدور وهناك سؤال يجب الإجابة
عليه ممن يعتقدون أنك ( ما سودانية ) من الذى أبعد الناس عن الوطنية فى
السنوات التى خلت ؟؟؟ لماذا يسكت الناس عن مقالات الخال العنصرية الغذرة
ويسكبون الحبر على من يتساءل عن معايييير الإنتماءءء للسودان ؟؟؟؟
عرباً حملناهه ونوبة

شكرا يا أستاذة لأنك أوضحت لذاك السائق معنى المواطنة وحتى الشمال البعيد
والذى إنتمى إليه لا مكان للغة العربية التى جعلت من السودان دولة عربية
ونحمدالله كثيراً أن أدرجوا الهوية فى خوارهم الذى يدور وهناك سؤال يجب الإجابة
عليه ممن يعتقدون أنك ( ما سودانية ) من الذى أبعد الناس عن الوطنية فى
السنوات التى خلت ؟؟؟ لماذا يسكت الناس عن مقالات الخال العنصرية الغذرة
ويسكبون الحبر على من يتساءل عن معايييير الإنتماءءء للسودان ؟؟؟؟
عرباً حملناهه ونوبة

اسا انت لتصرف شخص واحد جاهل عايزة تستخدمى الميديا عشان تدينى امة كاملة و اين الجاهل الذى استطاع استخدام الوسائط و لم يستدمها الا لمرض فى نفسه اما البسيط الجاهل الذى يتعامل مع الموقف باللحظة ..اعلمى انك اجهل من سائق الامجاد

مقالة عظيمة

ويؤسفني انها تجيء في القرن الواخد وعشرين بعد ان ظننا اننا

امة واحدة

ولن تجدي هذا في اي دولة افريقية اخري غيرنا

حتي النسوة في داخل البيوت فلهم هذه العنصرية البغيضة

هل تعلم يا ولدي انه اهلي في اواخر الستينات… عندما كان يسكن جوارهم شوايقة او جعليين او دناقلة كانوا بوصفوهم ب( السودانيين اللي جنبنا) !!

معنى كلامك انكم ما عندكم لا انتماء و لا ولاء للسودان، بدليل انكم بتوصفو القبائل البتسكن جنبكم بالسودانيين اللي جنبنا عشان اصولكم غير السودانية و اللي راجعة لاسطنبول على حد قولك، و ليه انتو قاعدين في السودان اذا بتقولو كده

دا جهل منك و إثارة للفتنة و مافي داعي من الأول، أصولك ما سودانية علي كيفك أرجع محل شايفة أفضل أما تتكلمي مثل هذا فغير مقبول إطلاقاً.

دا شخص واحد و بالتالي لا يؤخذ بهذا السفه و إثارة الفتنة بين المسلمين. بديتي بقصة طفل محتاج و اتحولتي لفتنة كبيرة، دا إنفاق و شفقة علي الفقراء و المحتاجين و لا دعوة للفوضي.

إعملي حسابك و اتق الله يا أمة الله

اولا الكاتبة للاسف الشديد تظهر في مقالها انها ضد العنصرية والتفرقة بين الناس ولكن هي لا تدري انها موغلة في العنصرية فكل كلمة من هذا المقال تنضح عنصرية نتنة وبغيضة .كلام هذا السائق لا يمكن لاي انسان سوي ان يسحبه على شعب كامل او على جزء منه تعني به هي اهل الوسط والشمال كما قالت ومثل هذه المواقف تحدث يوميا والحكم السوي على صاحب التصرف يقع عليه هو ايا كان تصرفه فان احسن للسائل او اساء له فاجره له ووزره عليه. ثم من قال لك ام السائق من بني العباس؟ وان سلمنا انه من بني العباس فان كان تصرفه غير الذي حدث فهل تكتبين مقالا تشيدين فيه بكرم بني العباس وحسن معاملتهم لطالبي العون في الشوارع والموصلات؟ وان حدث ذلك فسوف تحصرين مقالك في شخص السائق دون غيره من بني جنسه ولكن لان في نفسك شيئا انت ادرى به لذلك جاء هذا المقال ليظهر دواخلك التي لا اريد ان اقول انها مريضة ولكن على الاقل غير نظيفة تجاه شريحة كبيرة من ابناء جلدتك ان كنت اصلا تعتبرين نفسك واحدة منهم والسلام

والله و الله انت عنصرية للنخاع و تثيري الفتن ويطهر عليك واجدة بتاعة فتن ومفروض تحكمي علي هذا المقال و لو كنت وزيرا للعدبل لاتخذت اجراءات نحوك و لفتحت لك مواد في القانون تسجنك سنين عدة دة اذا كان ماطلبت بشنقك

الهام هاشم و الله انتى العنصرية بعينها اذا قلنا سائق الامجاد جاهل و متخلف انتى تكونى الفتنة نفسها اتقى الله فيما تكتبين لكن الغلط ما منك الغلط من منابرنا الاعلامية المنحطة التى تسمح للزيك بالكتابة انتى زكرتى الدناقلة و الشوايقة و الجعليين انتى تكونى شنو ؟ و انا متاسف انو ارد على واحدة فى تفكيرك لكن الوطن فوق كل شئ و انا اؤكد ليكى انت ما من جدة و لا حضرموت و لا اليمن

كل المعلقين وصفو الكاتبة بالعنصرية و إثارة الفتن بفهم مغلوط او لسؤ نيه من جانبهم كانهم يعيشون خارج السودان ، كانهم لم يسمعمو و يقرأوا للطيب مصطفي ، كأنهم لم يسمعمو حديث الرئيس عن الغرباويه ، كأنهم لم يسعموا عن الكتاب الأسود ، كانهم لم يسمعو بحديث عبد الرحيم حمدي عن مثلته ، وو القائمة تطول ، العنصرية و الفتن أثارتها جماعتكم الحاكمة بإسم الدين من الترابي و مرورا بعمر البشير حتى أصغر من يدعى المسئولية حتى جعلوها معلما بارزاً في الرقم الوطني ،مقصد الكاتبة بسيط وواضح و هو تفشي روح نتنه لابد من أجتثاثها من جذورها ، و الله يكون يكون في عون بلد لايدري أهلها أين تكمن مشكلتهم .

شي غريب لكن هذا هو الواقع لان معظم اهل وسط وشمال السودان يعتقدوا انهم هم وحدهم السودانيين وغيرهم من اهل الغرب والجنوب والشمال من الدخلاء الذين قدموا من خارج الحدود وهو غير صحيح طبعا . لاثبات هذا الامر عمدوا الى تزوير تاريخ السودان وطمس تاريخ وهوية السودانين الاصلاء . لن نصل الى غاية توحيد السودانين ابدا طالما ظللنا نفكر بهذه العقلية . ذهب السودانيون الى كل اصقاع الدنيا واصبحوا مواطنين في تلك البقاع البعيدة وتعذر عليهم ان يكونوا مواطنين في وطنهم .

الاخت الهام هشام
كلامك هذا مخز ومجحف لكل السودانيين اذا انتي بتتخلي كلهم زي خال البشير او سايق الامجاد ابدا هذا كلامك هو العنصريه بذاتها وماذا تستفيدي بنشره في موقع الراكوبه وفيه كتاب من كل انحاء السودان ولانقبل بما تكتبينه بهذه الصورة انتي خايفه من بتاع الامجاد ينزلك اكتر من خوفك علي الوطن والله نحنا افصال الجنوب موجعنا خلي ينفصل الغرب او الشرق لاننا لما درسنا بالجامعة لدينا اصدقاء من كل انحاء السودان ولكن دتير اسالك اءا انتي اصولك من اليمن او تركيا هل بحق لكي فصل شرق السودان ومن المفترض ماتذكري جذورك لانك مولوده في السودان وخلاص بقيتي سودانية لكن رجوعك لي جذورك هو العنصريه وكل السودانيين افارقه ان رضوا او ابوا

ارجعي تركيا احسن ليكي … طالما ماعاجبنك السودانيين الجنبكم..
لانه ببساطه انتو الجيتونا من تركيا مع الغزو التركي مش نحن الجيناكم..
عشان كده ارجعوا بلدكم افضل ليكم …
وكما قال جمال الوالي : العارف عزو مستريح….

معذرةأخوتى المتداخليين ممن لم يروق لهم ما اوردته الكاتبه فى مقالها و اتهموها بالعنصرية و أنها أجنبيه و غيره من الكلام الذى لا يرقى الى الحوار وليس 7+7 بل حوار و مداخلات بين أخوة يهمهم أمر هذا البلد و ينشدون فيه الفضيلة و محاربة العنصرية و الجهوية و القبلية التى انتهجها النظام من أجل تثبيت أركان حكمه و استعباد خلق الله و لا يفرق بين شمالى او جنوبى او غرابى او من الشرق ؟
من ابجديات النظام للهيمنه على الوطن و المواطن الفتنه و خلق الصراعات القبليه و العقيدة و اللون و الانتماء ؟
اخت الهام هاشم مواطنه سودانية من شرقنا الحبيب و بالنظر الى مكونات الشرق تجد أنها من تجمع بين كل القبائل السودانية و القادمين من دول الجوار و استخدام كلمة جيرانا السودانين عفوية أكثر من عنصرية و تجد أن جارك هندى او حضرمى او نيجرى و هذا لا خلاف عليه و انما تأكيد لسوداينة الجار ايا كان من أى قبيله ؟
الاستدلال برأس النظام و خاله دليل على علمها و بدراية بما يدور خلف الابواب و ما يتفوه به هؤلاء الشرزمه من بنى كوز متابيهين بعروبيتهم و هم أقل عروبة لاختلاط الدم الافريقى بالعربى و الناتج هو البغاث و علابى نصف كم ؟
ما عايش الاعراب و دول الخليج و حتى الفراعنه يتأكد تماما بأن الادعاء الك عربى تعتبر مزمه و أنك لا تنتمى الى العرب بصله و أسال مجرب و لا تسأل طبيب ؟
ليكن السودان و طن يسع الجميع و الكل سودانى و لا قبلية و لا جهوية و لا أنتماء لنخرج من هذا الصراع و النفق الضيق الذى توكرنا بفضل سياسة النظام و ما زرعه فى نفوسنا من بغضاء و كراهيه لبعضنا لكى يأمن هبتنا و ثورتنا و ينعم بالامن و الاستقرار و كما ادعى اللمبى هذه أمة واحدة هربا من الواقع المرير الذى نعيشه و الله يهدى الى سواء السبيل و يجمع كلمتنا و يوحد صفوفنا و يقوى من شكيمتنا و يجعل النصر هدفنا و التوحد و نبذ القبليه مبتغانا و ليعيش السودان حرا و موحدا و مستقلا .

بصراحه يا أخوان الشكر للاخوه فى الراكوبه لاتاحتهم الفرصه لنشر المقال وفى ذلك رد على الاخوه المتداخلين باعتراض فى نشر الموضوع.
هنالك حقائق يجب ان نتفق عليها ونتعاطى معها بواقعيه وموضوعيه وشفافيه وتجرد ولابد من مواجهتها بشجاعه حتى نكون فهماً مشتركاً لمعنى المواطنه.
ماذكرته الكاتبه حقيقه وواقع ومكابر من ينكر ذلك ثم أنه أس البلاء ومكمن الازمه ومنبع الشر فالسودانيين فى نظر العرب هم دونهم ومعروف ماتم من رفض لقبول عضوية السودان فى جامعة الدول العربيه عندما تقدمت بطلب الانضمام.
ولكن للاسف الشديد نمايز بعضنا عن بعض ونعير بعضنا هذا رفيع وهذا وضيع وأترفع عن العبارات العنصريه المستخدمه ونشهدها يومياً فى الاماكن العامه ومواقع العمل.
وكما هو معلوم أن السودان نتاج لهجرات وتمازج لمكونات مختلفه أنتجت السودان وكما هو واضح من الاسم هو رمزيه للون سكان السودان الذين نعيرهم بعبارات عنصريه والعنصريه تجاوزت اللون الى الجهه فمن ينتمى لجهه معينه من السودان هو صاحب النصيب الاوفر فى الوطنيه وماسواه له الدونيه.
علماً بان السودان الحالى هو نتاج لهجرات من ثلاثه مداخل هى الشمال وهولاء قدموا فاتحين ومحاربين ولم يكون معهم نساء فتزاوجو مع السكان المحليين والان يعيرون أجدادهم وأخوالهم بعبارات عنصريه.
وهجرات دخلت من الشرق عن طريق البحر وهولاء جاوا للتجاره ومعهم نساءهم واختلطو بالسكان المحليين وهم البجا ولاتوجد مشكله فى التنابذ والتعنصر والكل واحد والحمد لله سواء كان وافداً بالهجرات الخارجيه او قادماً من السودان الداخلى.
بخصوص ماقالته الكاتبه من أطلاق عبارة السودانيين الجنبنا هذا صحيح وأنا من الشرق حيث توجد عموديه ضمن العموديات فى الاداره الاهليه أسمها عمودية السودانيه وكان عمدتها العمده/صابر مكوار ولم يستنكر ذلك أحد ولم يقصد منه التنكر من الاخرين بسودانيتهم وحصرها على هولاء ولكن كان ذلك إشاره الى مجموعه معينه من الناس وكان ذلك محل إتفاق وكانت الحكومه تتعامل على هذا الاساس فى المعاملات الرسميه التى تتطلب التعامل على أساس قبلى ويمكن الرجوع الى أرشيف مجلس ريفى طوكر للتأكد من ذلك.
وعند إندلاع الحرب فى مناطق طوكر وجنوب طوكر وصول الجيش الى المنطقه تمت الدعوه لاعيان المنطقه وكان من بينهم دعوه لعمدة السودانيه فاستنكر الحضور من خارج المنطقه ذلك فشرحو لهم الامر وأوضحوا لهم أن هذه العموديه وبهذا الاسم عمرها أكثر من نصف قرن فلاقرابه فى الاسم.
لمعالجة أشكاليات السودان المطلوب الصدق مع النفس والترفع عن التنابذ والعبارات العنصريه والتصنيف على أساس جهوى أو قبلى وهذا الامر الان موجود ومن ينكره مكابر وجاحد ولايريد خيراً للسودان واهله فكروا فى المعالجه فالمرض موجود بكثره
ودمتم

البقولوا الكاتبه دي تركيه وما سودانية ما ينسوا انو غازي صلاح الدين العتباني رفض يوقع علي اتفاقية نيفاشا عشان فيها بند تقرير المصير وعلي عثمان الشايقي مشي وقع !!
هل السودانوية بالانتماء والاخلاص ولا مجرد ام واب ؟

لا تدفنوا رؤوسكم في الرمال ……….وتتنابذوا بالألقاب الكاتبة لامست الجرح والجميع يعلم مكامن الداء والدواء ولكن هروبنا إلي الأمام وإنكار البعض أن ثمة مشكلة فلقمت وزادت (الطين بلة) يا أولاد بلة .

لفظ العنصرية صار يحمل اكثر مما يحتمل،يوجد سودانيون في مصر منذ الخمسينيات و خدموا في الجيش و لليوم هم احفادهم لم يمنحوا الجنسية المصرية،في السودان ينال الجنسية اللاجئ و المتسول و المجرم و الهارب و المروج و عندما يتحدث الناس بتفعيل ضوابط منح الجنسية يوصفون بالعنصرية،هل في دولة ج السودان يستطيع الشمالي نيل جنسيتها بطرق ملتوية،بنفس فهم الكاتبة بماذا تصنف وصف جيرانها الذين تصفهم بسودانيين،هذا اعتراف ضمني بانها ليسو من السودان،السودان يحتضن الان المتسولين و فقراء افريقيا و مهربي المخدرات السوريين،اي مواطن له غيره لن يرضى بانتهاك حرمة وطنه بهذا السفور الفاضح

ولا يهمك يا استاذه، الرسالة وصلت، لكن معذرة، فالفهم قسمة. ما تزعلي نفسك,. عملتي العليكي. تحياتي، دي ناس اعماها الحقد، وغالبا ما يكونوا فاقد تربوي أو طرف السوط لحقهم