البشير : السودان يتعرض لمؤامرة كبرى لتقسيمه باسم الديمقراطية والحرية ..أدعو الأحزاب السياسية إلى ضرورة التوحد لبناء أحزاب قوية تتحاور بدلا من أن تتناحر، ومن أجل وطن آمن مستقر.
قال الرئيس عمر البشير إن السودان يتعرض لمؤامرة كبرى لتفتيته وتقسيمه من قبل دوائر غربية باسم الديمقراطية والحرية وأن هذه المؤامرة تحتاج من الجميع وقفة صلبة.
ودعا الأحزاب السياسية إلى ضرورة التوحد لبناء أحزاب قوية تتحاور بدلا من أن تتناحر، ومن أجل وطن آمن مستقر.
وقال البشير فى كلمة له اليوم فى اجتماع اللجنة المركزية للحزب الاتحادى الديمقراطى " أحد الأحزاب المنضوية تحت جناح حزب البشير " قال إن السودان يتمتع بعلاقات جيدة مع كل دول الجوار، كما أنه حريص على علاقات طيبة مع دولة الجنوب.
وأشاد بدور الحزب الاتحادى الديمقراطى فى إرساء مبادئ الديمقراطية بالبلاد، وحيا الرعيل الأول من قيادات الحزب ومن رواد الاستقلال.
من جهته، أوضح الدكتور جلال يوسف الدقير الأمين العام للحزب الاتحادى الديمقراطى ورئيس لجنته المركزية أن الحزب يتخذ الحوار مبدأ مع كل القوى السياسية، ويعمل على كافة مستوياته لإرساء قيم السلام والاستقرار السياسى بالبلاد، مبينا أن الحزب أعد خطة شاملة تخاطب كل قضايا الوطن.
ياربي الحكومة دفعت كم مليار لحزب الدقير المتوالي لاقامة هذا المؤتمر ؟؟؟؟؟؟؟؟؟؟؟؟؟؟؟
عجبي لمن يوقع بنفسه تقسيم السودان وتفتيته ويوافق علي ذلك ، ثم ياتي ليحدثنا عن مؤامرة لتقسيم السودان !!!؟
قول البشير "السودان يتعرض لمؤامرة كبرى لتقسيمه باسم الديمقراطية والحرية"، واضح منه انه شخصياً يضيق بالحرية والديمقراطية لأنها تفضحه ونظامه وهو في حقيقة امره يريد التضيق على الشعب اكثر لو وجد طريقة لذلك لأن ثقافته وفكره ينبني على حجر الفكر والرأي الآخر وفاقد الشيء لا يعطيه, أما دعوته للأحزاب إلى ضرورة التوحد وبناء احزاب قوية تتحاور بدلاً من ان تتناحر، فهذا الحديث مردود عليه، فهو وحزبه يعملون بكل قوة لإضعاف الأحزاب الأخري من اجل ان يستمروا في السلطة التي اصبحوا يتمرغون هم ومحاسيبهم في نعيمها الزائل فلو دامت لغيركم لما وصلت إليكم، وإدعائهم هي لله هي لله باطل كما اثبتت الأيام … اما الدقير فهو أول من شق الحزب الإتحادي الديمقراطي الشامخ من اجل ان يجد له نصيب في الكعكة الإنفاذية وهذه الأيام جماعتو قايمين عليهو وجاب الرئيس في اعتقاده عشان يكبر بيهو كوموا …. امشي يا بتاع المصالح وعالج مشكلة مصنعك بتاع حديد التسليح البنيتوا بعرق الشعب من موقعك الرسمي.:lool:
من جهته، أوضح الدكتور جلال يوسف الدقير الأمين العام للحزب الاتحادى الديمقراطى ورئيس لجنته المركزية أن الحزب
رحم الله الرعيل الاول من أبناء الحركة الاتحادية بشقيها الشريف حسين الهندي ورفاقه يحي الفضلي ومبارك زروق ….. فعلاً النار تخرى الرماد ….
(قال الرئيس عمر البشير إن السودان يتعرض لمؤامرة كبرى لتفتيته وتقسيمه من قبل دوائر غربية باسم الديمقراطية والحرية)
يااخي طخ!
يا سلك شوف اللخ!
يا بشبش ما معقول تبقى لينا زى الحربويه كل يوم بلون
مرة العاوز الحكم يجى يقلعا / والحسو كوعكم /ومافيش تعدد ثقافات
ومرة الحقو يا أبو مروه واتوحدوا واعملوا احزاب قوية…..
كيف تكون هناك احزاب قوية وانتو افسدوا الحياة السياسية بشراء الذمم…. يأخى دا حسبك مافيهو ديمقراطية… كلو ورا خالك
واخيرا بدأ المشير الشرير يصرح ان السودان يتعرض لمؤامرة لتقسيمه السودان تقسم وانتهى وانت تقول يتعرض ألم تسأل خالك الانفصالى من اين اتت هذه المؤامرة لتقسيم وانفصال السودان ! ! والله لا نعل انت عبيط والله بتستعبط دون أن تعترف بأنك رجل فاشل واحمق ؟؟
حسبناالله ونعم الوكيل…………………….
I am sick to death of this horrible man….can he just shut up…under his rotten regime our country soon or later will be another SOMALIA ..its just a matter of time before the big bang…unlucky country..just unlucky….people of this character be in position of power…what a disaster …what a disaster
الدقير هو تصغير للدقر والدقر هو ثعبان سام وقاتل وغدار وهو معروف فى جميع أنحاء السودان …
ترى ثمة علاقة بين هذا وذاك ؟
لا ياشيخ ومع احترامنا لك كرئيس البلد لكن والله ضحكتنا. انتو كنت وين لمن بدأ تفتيت السودان بانفصال الجنوب .دى برضها مؤامرة غربية امبيريالية صهيونية واميريكية. ياخي بالله اتق الله ومرة واحدة قول ليم كلام يدخل المخ والله مللنا هذا التهريج
والله سئمنا هذا (الهُراء) ..
بالله السودان ده بالذات « مستهدف » ليه ؟؟
بلد اتخمه ابنائه بالمشاكل ، فمصّنف من افشل دول العالم واكثرها فساد ، يعاني حروباً وتناحراً بين كافه اثنياته لفشلهم في إداره تنوعهم الفريد للإقصاء الذي ُتمارسه السلطه ضد الآخرين .
بالله الغرب فاضي عشان (يفتت) السودان ، والله لو كان الغرب شاغل نفسو بهذه الدول الفاشله لما كان (عالم أول) وما بقينا نحن (عالم متخلّف) .
ياجماعه اخرجوا من القمقم الذي تقبعون بداخله ، هذا الخطاب قد عفى عليه الزمن .
انظروا الى الأمام .
المؤامرة الكبرى التي يتعرّض لها البلد هي من ابنائه ، من زي ناس (الدقير) البقول ليك « الحزب يتخذ الحوار مبدأ مع كل القوى السياسية، ويعمل على كافة مستوياته لإرساء قيم السلام والاستقرار السياسى بالبلاد، » .
اي حوار واي ارساء ، لو سألنا هذا الدقير ، اين حواره بل اين حماره وماذا ارسى ؟؟
لاشك بانه سلا يجد رداً ، وإن وجد ، سلايكون (مقنعاً ) لاحد !!!
سئمنا
سئمنا
سئمنا
هؤلاء ..
والله ياخائن وطنك وشعبك يابائع أرضك وعرضك مافي وحدة صف وطني معاك لو يتقسم السودان وفي كل كيلو متر تقوم دولة مافي وحدة صف وطني إلا بعد إبادتك حرقاَ إنت وخالك السافل وبقية مخنسي الجبهة بشقيها وثني وشغبي
ألم تكن تعرف إستهداف وحدة السودان عندما إنفردت أنت ومهندس التوجه الإنحطاطي رجل الإستسلام والإنبطاح بتوقيع نيفاشا ألم تكن تدرك وزن وقيمة الأحزاب السياسية عندما كونت شراكة لحكم السودان بينك وبين الحركة الشعبية مستعيناَ بمجموعة لصوص وحرامية ومخنسين من الوثني مستبعداَ كل الحادبين على وحدة واستقرار البلد
ألم تكن وقتها تشعر بتلك المهددات
ألم يشير عليكم الخبراء السياسين والأصدقاء للشعب السوداني من بعض دول الجوار بأن هذه الإتفاقية ستجر السودان إلى التفتيت والتقسيم بينما أنتم تراهنون على وحدة جاذبة لاوجدو لها إلا في عقولكم الخربة التي أدمنت الفشل والخراب والدمار ولاتعرف غير التخطيط للسرقة والإنحراف والإنحطاط
لاوحدة صف وطني مع خونة
لاوحدة صف وطني مع عملاء
لاوحدة صف وطنني مع مخنسينن
لاوجدة صف وطني مع مثليينن
لاوحدة صف وطني مع لصوص
لاوحدة صف وطني مع المنافقينن
لاوحدة صف وطني مع تجار الدين
لاوحدة صف وطني مع المفسدين
لاوحدة صف وطني مع من باعوا الأرض والعرض
لاوحدة صف وطني مع من ذبحوا الذبائح ورقصوا وهللوا فرحاَ عل تقسيم الوطن
ليس أمامك سبيل بعد مايربوا على اثنين وعشرين عام سوى أن تتنحى غير مأسوف على طلعتك الكريهة وأن تستعد للعقاب والمحاسبة أنت ومجموعتك من المفسدين على كل ما إرتكبتوه في حق هذاالبلد وفي حق شعبه الفضل والباقي بعد جرائم إبادتكم وتشريدكم
بشبش الرقاص: المؤامرة دي منو البنفذ فيها؟ تلت السودان قسمته بيدك يا ابو البشابش و ساعي تفصل جنوب كردفان و بعده النيل الازرق و دارفور…. مش سعادتك اعلنت انك عايزها عربية و ما عايز " دغمسه" و رطانه و زرقه؟
بعدين يا بشبش " البنحر" في الاحزاب من غير حزبك؟ و الرافض الحوار من غيرك؟ و العيز الناس اما معهاو او هم " عملاء و خونة و ماجورين و اصحاب اجنده اجنبية"؟
اتق الله يا بشبش الرقاص
االحريه والديمقراطية تعنى اننا كلنا اولاد حواء و لا عايزنا نصدق الرقى الكل يوم بنسمعوا منكم
الواحد منكم فوبيا المؤامرة خلتوا اصدق كذبته
جحا الشفع عذبوه عشان اصرفهم قال ليهم اللبيت داك فيه سماية الشفع خلوه وجروا ناحية البيت
قام جحا جرى وراهم وقائل فى نفسه امكن صحى البيت فيه سماية
البشكير قال طخ طرخ بح أن الســــــــــــــودان بتعرض لمؤامرة غربية كبري لتفتيته وتقسيمه
ومبروك للغرب أنت نفذت ولبيت رغباتهم في فصل الجنوب والبقية تأتي وأنت عارف ….
بالله خليك من الاستهبال وكــــــــــون زول مسئول وللأسف رئيسنا كذاب وغير مسئول وأناني
وبدون خجل مقدم كل السودان فـــــــــــــداء لروحه الطيبة والمفروض يحصل العكس أن
تفــــــــــــــدي الســــــــــــودان بروحك – لكن أنت ضحيت بالبلد وخفت من ورقة أوكامبو
والمؤسف جداً أنك خايف من الموت – والله إذا كنت مكانك – كنت أما أستقيل وأحل حكومة
النهب اللاوطنية أو أمشي لاهاي كــــــــــــداري حتي يزغردن الجعليات ويقولن أنك بطل زي
المك نمــــــــر – بس أنت طلعت نمر من ورق – الحقائق واضحة فلا تشمت فينا إسرائيل اكتر
من كده – ومالك ما حررت فلسطين – ضيعت بلد كبير وشعب كريم وخليتنا مهزلة ومضحكة أمام
العالم – وين نودي وشنا يا سجم الرماد –
حكى لي صديق سوداني بأن والدة المرحوم الوحيد في أسرتة ( المرحوم مجـــــدي ) قتل عمداً
قالوا حرامية المؤتمر اللاوطني أنه تاجر عمله – وبالله شوف اليوم تجارة العملة على عينك
يا تاجر ؟؟؟ والدة القتيل مجدي جازفت وقابلت البشكير شكت له رقة الحال بعد أن كانت من الميسورين
وبسبب البشير ونظامه الظالم صارت تشحت والمسكينة تفاجأن عندما قال لها وهو مسئول عن رعيته
أن ولدها مجدي مسجون وليس مقتولا فقالت له دفنت الجثمان بيدي فغالطها السيد الرئيس وقال مبرراً
موقفه أنه لم يوقع أوراق الإعدام ووقعها المرحوم الزبير ولكن ? كيف تبرر حجتك أيها الرئيس الراقص
يوم لا ينفع مال أو بنون ? يوم توضع في ود الأحد والقبر ? ذلك يوم قريب ولا تنفعك الأكاذيب .
قال الرئيس عمر البشير إن السودان يتعرض لمؤامرة كبرى لتفتيته وتقسيمه من قبل دوائر غربية باسم الديمقراطية والحرية وأن هذه المؤامرة تحتاج من الجميع وقفة صلبة.
:eek: :eek: :eek: :eek:
كدي حتى لو صدقناك يا مسيلمة زمانك البقنع الديك شنو؟
أقصد البقنع خالك شنو؟
سؤال للدقير، هل عاد أخوك من الخارج بعد نهبه لأموال السيخ والحديد أم لازال خارج البلاد؟؟!!!!
وأخيرا قلت الحق ،نعم السودان مهدد بالتفتت وقد ضاع جزء منه وأنتم السبب فالحكومة تتعامل بأسلوب الروابط والاتحادات الطلابية مع قضايا الوطن. فالوطن للجميع وأنتم جعلتموة دولة واقطاعية الحزب الواحد.
أنتم أنقلبتم على برلمان منتخب تشاركون فية
أنتم جمدتم الدستور
أنتم شردتم الكفاءات باسم الصالح العام ولم تكن كوادركم قدر التحدي
أنتم من مزقتم الأحزاب بالقواننين الآستبدادية وشراء الذمم والضمائر وقد قال نافذ منكم: من أراد الوزارة فليأت للمؤتمر الوطني
أنتم أفسدتم الحياة السياسية بقوانين تعسفية مثل قانون الصحافة
أنتم دمرتم الاقتصاد ليسطر الحزب الحاكم وكوادركم ومن حولهم
أنتم جعلتم السودان مجمعا للمعارضين وأعتبر أرهابا
لأنتم احتكرتم السلطة والثروة والسلاح
أنتم أيقظتم القبلية والجهوية لعدجز كوادركم في المدن
أنتم سبب الفساد والخراب الاقتصادي
أنتم من امتلأت دولتكم بالفاشلين والمنافقين
أنتم من ظلميتم السواد الأعظم من الشعب لمصلحة كوادرطكم
أنتم من دمر التعليم والثقافة
أنتم وأنتم أنتم سبب دمار هذه اللاد
والحل:
حكومة قومية عريضة
دديمقراطية حقيقيةوسليمة
حل مليشيات الحزب الحاكم وشركاته
محاربة الفساد والمفسدسن من كانوا
برامج اسعاف للتعليم والاقتصاد
تنظيف الخدمة المدنية من المتسلقين
محاربة الفقر بسرعة
فصل الحزب عن الدولة خاصة في التمويل
تحين الملرتبات والغاء كل التعاقدات الخاصة
سيدي الرئيس أنت أخر أمل للإصلاحات وسط هذا الخراب وانت تحتاج لرجال مخلصين وهؤلاء يوجد اكثرهم خارج الحزب الحاكم فالقوي الأمين هو حقا من لم تغرة المناصب تخلص من الفاسدين والمتآمرين اللذين يحجبونك عن الشعب ولا ينفذون قراراتك ليحرجوك
قال الرئيس عمر البشير إن السودان يتعرض لمؤامرة كبرى لتفتيته وتقسيمه من قبل دوائر غربية باسم الديمقراطية والحرية وأن هذه المؤامرة تحتاج من الجميع وقفة صلبة.
طيب الوقع على نيفاشا منو؟………… يعنى جورج بوش و لا اوباما و لا تونى بلير ولا ديفيد كاميرون . خلونا من الاسطوانة البايخة دى!!!!!!!!!!!!!!!!!!!!!!!!!!!!!
حدثنا البشير عن المؤامرة الدولية لتفتيت وتقسيم السودان ? والله فالح وشاطر وسياسي محنك يا وهم فاكرنا ما بنفهم زيك أنت وقعت على بند ( تقرير المصير ) وعارف أنو بودي البلد في ستين داهية وبرضو جاي تقول لينا البلد ? بالله ما تخجل استلمتها موحدة قطعتها حتت ? تعرف يا بشبش إذا كنت مكانك كنت استقلت أو طفشت أو وقعت في النيل وأفضل من أوقع على تقسيم البلد بيدي ? أعرف يا جاهل في عهدك ذقنا الذل والمهانة وضاعت قيمة السوداني في الخارج وأصبح موقفه ضعيف وقبل مجيئك المشؤم للسلطة كان السوداني إنسان رائد وقائد وفذ وصنديد ورأسه فوق وهسه بقينا حاجة ما معروفه ? وبالمناسبة أنت خايف من الموت وعشان كده وافقت على فصل الجنوب إرضاءاً لأمريكا وإسرائيل وخايف على روحك وللأسف أنت مش قدر المسئولية وليه مكنكش فيها. ياخي فكها. والفساد انتشر في كل شبر ? صيدليات كوينز التي يملكها أخوك علي البشير ومجموعة شركات زوايا التي يملكها أخوك العباس وكل الشركات high tech)) يملكها الثعبان علي عثمان الذي وقع على انفصال الجنوب إرضاءً للأمريكان حتى يظل في دست الحكم وأبو العفين البقول الداير الحكومة يلحس كوكو ( أنت ألحس كعب كعراك ) حرم نقشكم ونكنسكم كنس يا وساخة البشر ويا زبالة متضارين ومحتمين بكلاب الأمن المرتزقة مصيركم مصير بن علي والقذافي ومبارك وهلم جرا . كل شركات الباصات السفرية ملك آل البشير وعلي عثمان ? شوف العرب مطنشين فلسطين وأنت عامل في بتحررها شوف نتيجه تهورك شنو ? للأسف ما بتراعي مصلحة الشعب السوداني ? متبني حماس وتدفع في الدولارات ونحن مشردين والفلسطينيين عايشين أحسن مننا وانت فاتح لهم بيوتنا واستباحوا عرضنا وأرضنا ? ويا وهم والله أنا عاشرت فلسطينيين والله بضحكوا عليك وبقولوا الزلمي ده عايز مننا إيه وليه متبني قضيتنا وناسي شعبه وبلده بتتقسم حتت وأنت في نظرهم لست بعربي وبهذا كان سلفا كير أولى وأقرب لك من الفلسطيني العايش في الخليج أحسن من السوداني مليون مرة ومقيم ومقدر ومحسوب إنسان أما نحن بفضل تهورك ونطيطك ورقيصك يا سجم الرماد ضيعتنا وضيعت البلد ? بالله شوف خريطة السودان شكلها بشع كيف ? كانت حلوة وكنا نفاخر ببلدنا مهما كانت ظروفها وأبشرك يا سجم كل السودانيين في الخارج بطنهم طمت من البلد يعني قسم وبيع براحتك ? والمصريين ما كفاهم حلايب وشلاتين وأوسيف كمان بتتبرع بتوطين عشرة ألف أسرة مصرية ليه ? وبتتبرع بخمسة ألف ثور ( يا تور أنت ) ليه ؟؟؟ وبتترع بعشرة ألف دولار للفريق الوطني المصري لكل لاعب وعربية أكسنت من جياد ? ليه ؟؟؟ – أنا عارف ليه عشان يدعموك في قضية الإبادة الجماعية وخايف من الموت والناس الفطايس زي ما قال إبليسكم الذي علمكم السحر ( الترابي ) أنهم فطايس بعد أن كان يقيم عُرس شهيد لكل وهذا معروف ? والان بتتبرع بالمخزون الاستراتيجي من الذرة لارتريا وبالمناسبة يوجد جسر مفتوح بين تسني وكسلا لنقل الاغاثة السودانية اليهم وكذلك اتبرعت بخمسة وعشرون الف طن من المخزون الاستراتيجي من الذرة لإثيوبيا وده كلو عشان أوكامبو ? وساكت عن الاراضي المنهوبة : ( الفشقة ) في الحدود الإثيوبية. مثلث ( لامي ) في الحدود الكينينة. ( حلايب ? شلاتين ? أوسيف ) في الحدود المصرية ? البلد منهوبة في كل إطرافها وكمان تفصل الجنوب ? بالله اذا مت شهيد مش أفضل وأكرم ليك من أن تموت وتلعنك كل الأجيال القادمة حتى تقوم الساعة ? أنصحك توب وأستغفر ربك وأطلب العفو من الشعب السوداني الذي ضحى بأبناءه من أجل وحدة البلد وأنت بحبر بارد توقع على الانفصال ? عارف يا بشكير السودان
تمخض الفيل فأنجب فأرا. ارجو ان تطرح برامجا بدل المساومات و التسويف. ما فضل شئ ما لم يتم مناقشته والاتفاق عليه ولكن ينتهي الامر باترفض و الي ما لانهاية وقدامك جنوب كردفان… وكمان النيل الازرق و دارفور يا اخوانا كفاية
ههههههههههههه .. قطعت مصارين كرعينا يا بشير التفتيت والتفرقة والمؤامرات اللى على اصولا.. لكم الخزى والعار اينما حللتم
والله والله والله العظيم انت اكبر مؤامرة واكبر خازوق واكبر ماسورة ضربت السودان وعملت على تدميره وتقسيمه وتفتيته وجاى تقول ان السودان يتعرض لمؤامرة خارجية ، من يقوم بتنفيذ هذة المؤامرة يادجال ويا كذاب ويامنافق ، سوف تلعنك كل الاجيال الحالية والمستقبلية على ما اقترفته فى حق السودان وسوف يلعنك التاريخ والجغرافية على مافعلته بالمليون ميل مربع وسوف نظل نلعن سنسفيل حزبك وحركتك الاسلاموية على مافعلتوه بنا من تقسيم وتفتيت جهوى وقبلى ، وسوف نظل نلعنكم حتى تقوم الساعة على ما اوصلتموه لحالنا من فقر وتشرد وسوف نظل نلعنكم ابد الدهر على الاموال والموارد التى قمتم بنهبها وسرقتها نهارا جهارا وتركتونا نستجدى اللقمة من افواه اللئام ، لعنة الله عليكم جميعا ويومكم جاى قريب ابقوا مستعدين ليوم الحساب الدنيوى قبل حساب الاخرة
صح النوم يا بشبش توك صاحي ؟ بدري نايم ليك 22 سنة وقبلها اكثر من اربعين سنة وجايي اليوم تقول في مخطط لتقسيم السودان المخطط دا والله قالوا لينا استاذنا الجليل الماحي ونحن في المتوسطة في مطلع الثمانينات وكان المؤتمر انعقد في 1927 في امريكا وقرر تفتيت هذا البلد لانه مشابه لامريكا من حيث الموارد والمناخات والانهار
انت يا با جاعورة جايي الليلة بعد ما قسمت نصه تقول لنا في مخطط ؟
لا ياخي يادوب صحيت
وانت ما عارف المخطط دا ؟
انت فاضي لي من اللهف واللغف والحلف باليمين والطلاق وحنثه ؟
ياخي شوف لك بقرة احلبها واللا روب خشه
انت مالك ومال السياسة والرئاسة الم تقرأ عن سيدنا ابي ذر الغفاري عندما كان مع ثلاثة من اصحابه وقرروا ان يأمروا احدهم عليهم ورفض الامارة وقال تجنبوها لو عرضت عليكم ؟ لماذا لأنها مغرية ومفتنة
انتوا لا فاهمين في الدين ولا في السياسة ؟
فاهمين في البزنس والزواج مثنى وثلاث ورباع والحراثة بس
هل تعلم انك افضل من ينفذ سياسات اليهود ولاامريكان يا عمر ؟
لانهم عرفوا كيف يبتزوك لانهم عرفوا انك من النو ع الذي لا يمانع ويعمل فعلا من اجل انقاذ نفسه مقابل بيع بلده وتفتيتها
انت قايل نفسك عايش لمتين
انا لو مكانك بسلمها للاحزاب وبجي مكة او المدينة استفغر باقي عمري دا كله عما ارتكبته في حق المواطنين والبلاد عسى ولعل تخفف من الحساب الراجيك
ياخي ده غباء
متين ربنا يريحنا منو 0000000يا عمر البشير ياخي افهم الشعب دلوقت ما زي زمان الناس اتغيرت الكلام ده بقي ما بقسم كلم الوهم المعاك ديل خلي يعلموك حاجه تانيه تقولها
كيف تتوحد الاحزاب وخالك يقيم الذبائح ويضرب الدفوف فرحا بالانفصال وكيف يتوحد السودان وانتم الذين شطروته وهذا الشطر اهتزت له الجبال وجمدت له مياه النيل ورفضت المسار كيف يتوحد السودان وذبل القطن في الاوساط وبكى النخيل في الشمالي لم تجعلوا مصلحة السوداني جوهركم وكانت مصالحكم هي الاساسي
يا ريس عمر البشير خليك واضح وصريح عشان رسالتك تصل واضحة لا لبس فيها، بدل تقول السودان يتعرض لمؤامرة، قول أن مؤسسة الجلابة التاريخية المنحطة أخلاقياً وسياسياً والممتدة من الزبير باشا رحمة، مرور بـ عبد الرحمن المهدي وعلي الميرغني ويوسف الهندي وعبد المنعم أبو العلا، بشير حسن نصر، عبد الله بك خليل، محمد أحمد محجوب والصادق المهدي، جعفر نميري، عبد الرحمن محمد حسن سوار الدهب وأنتهاءاً بـ عمر البشير، قول أن هذه المؤسسة البغيضة التي تكرهها الأغلبية الميكانيكية الساحقة من الشعب السوداني، والتي كانت مفروضة بالفهلوة واللف والدوران إلى جانب السحل والقتل، تتعرض للحصار والأضمحلال وفقدان النفوذ والقدسية أمام المهمشين السودانيين.
وقول للمخاطبين بأنكم جربتم كل أساليب القتل والسحل وسفك الدماء، إلى جانب التعاويز وأساليب الأستهبال واللف والدوران والفهلوة السابقة، إضافة لفزاعة الدين ما نفع والجنوبيين شالوا مننا البترول الذي ظننا بأنه سيكون من أسباب خلود (دولة الجلابة)، وقول لهم ثم لاحقاً جاربنا العنصرية القبلية، فإذا بالنوبة الضعفاء المساكين شوفونا نجموم الغايلة، ودحين خسرنا جنوب كردفان وخوفنا على كوستي وسنار وكنانة وعسلاية والقضارف.
عليه يا عمر البشير، يجب أن تتحدث بمنتهى الصراحة والوضوح وتقول أنك بتدعو أحزاب مؤسسة الجلابة التاريخية المنحطة سياسياً وأخلاقياً (حزب الأمة، الاتحادي، الشيوعي ) إلى جانب حزبك المؤتمر الوثني وتدعوهم للتوحد لمجابهة ثورة المهمشين التي هزمة مؤسستكم في الجنوب وقلعت منكم عنوة وحمرة عين أكسير قلوبكم المملؤة بالشجع والطمع (البترول)، وحولت حياتكم إلى جحيم في دارفور ،وها هي تقض مضاجعكم في جنوب كردفان والنيل الأزرق.
نتمنى لكم سيدي الرئيس ولمؤسسة المنحطة و من أعماق قلوبنا الدمار والهزيمة والاندحار، ولسعادتكم الذل والهوان والمصير المهين علي أيدي الثوار.
احمد البقاري
هذه نتائج السياسة المتخبطة بعباراتها الساقطة التي لم يعرف لها الشعب مثيلاً من قبل (لحس الكوع .. شم الأباط ) عبارات تبعث على الإشمئزاز و القرف من وضع وطن يتهاوى متمزقاً تحت وطاة أخطاء هذا النظام الذي شدنا من وطننا.. إن هذه الحكومة هي أكبر خازوق في حد ذاتها .. و المصيبة الكبرى هي أن المشاكل التي خلقتها مشاكل سرمدية تتوارثها الأجيال على عكس الحكومات السابقة التي ذهبت و تنركت السودان وطناً موحداً مثل صحن الصيني لا شق و لا طق ..
اللهم يا مجيب دعوة المظلومين والمضطرين أنصر شعبنا الفقير الغلبان على المفسدين الطغاة الظلمة و أرنا فيهم يوماً أسود و افضحهم و رد إلى الشعب السوداني موارده التي سرقت و ثرواته التي بددتز. اللهم إنا نشكوهم إليك فقد طغوا و بغوا و أسرفوا في البلاد اللهم فصب عليهم سوط عذاب يا حي يا قيوم … و صلي اللهم على سيدنا محمد و على آله و صحبه و سلم ..
سودانى بالجد..اوفيت..وكل الشباب غاية الوطنية والمصداقية..عجبى للشعب السودانى كلهم يجتمعون فى رأى واحد عندما يشعر باستغفال..نميرى قتل وفسد بس كان صريح..لما مات مافيش حد حنق عليه زى الكذابيين..والله نحن جيل نشأنا نعارض نميرى..لم نكن نعرف قبيلته ابدا إلا بعد ظهور اخيه وجمعية ود نميرى والرجل لم يكن مهلوع زى الجعانيين ديل..البشير ده..كان يتجول فى سوق كادقلى اى دلالة يوم الجمعة يحضرها..قبيل انقلابه اشترى..بقر واستأجر واحد ..يوصلهم له الخرطوم..لما وصل الراجل ام روابة قال له القائد الرسلك قلب الحكومة ..لما وصل ..قال للراجل شيل البقر عارفين البشير ده وعقدة البقر يشترى بقر ويهدى بقر وخلو يذبح ثيران ؟؟عارفين له خلوها مستورة اسألو ناس كوبر وكافورى سيد الإسم؟؟
..والله البشير ما كان متوقع نجاح الإنقلاب من شدة خوفه..سجل البيان واذيع مسجل وخلى الاهبل ابراهيم نايل ايدام رغم اقدميته فى الجيش جهز الإنقلاب ..وبعد كده قالو له شتت؟؟ دائما الكارثة من الجبان لان ضربته كارثة..وضحاياة اقرب الناس مستعد يبيع رفاقه ..اسألو الحاربو معاه..الراجل حارب شنو فى غرب النوير..الان كادقلى ما بقربها إلا وسط الدفاع الشعبى ويحمس من بعبيد تعال ادخل الكراكير زى احمد هارون..المصيبة السودان بلد مكشوف اى واحد عامل عنتر..عارفنو وعارفيين تاريخو..بس خلوها مستورة ليس من شميتنا شر الغسيل المتسخ لكن ..استهتارك بعقول هؤلاء الشعب دفعنا ..نقول قليل من كثر بالله اسكت الترابى الثعلب ..حيولعها ويعمل بطل منقذ ..زى نهاية نميرى وتبنيه الإنتفاضة..
خالك يا بشبيش بوديك فى داهيه يثير فى العنصرية عشان نلتهى بالقبلية لا والله ثم لا نحن كلنا سودانيين من حلفا لنملى ومن كسلا لجنينة من اى نقطة الى نقطة كلنا يجمعنا حب هذا الوطن ونحب بعض ونحترم بعض بضاعتكم بارت عليكم سيتوحد السودان باذن الله وبعزيمة شبابه..
يعنى((المرقود النشفانة سنةكاملة فى الحر)وتلقى جسم نايم مهدود..تمصوا كله…
((المركود))ده الجماعة النشفانيين والجسم المهدود..دى الشعب السودانى..
بعد مافات الاوان ..ياريت جاى تعتذر..وتقول قتلنا رفاقنا القدام..وفقدت شعب الهمام..وذبحت كل الحمام..وتركت حولى الذئاب اللئام..والله بعد ده ماعندك كلام؟؟؟
سعادة الرئيس حديثه جميل يقود الى بر الامان لجمهوريه ثانيه بمشيئة الله نسأل الله له التوفيق0 ثانيا نسمع دائما بان السودان مستهدف من دول لم نسميها دائما نضع الكلام فى شماعه مجهولة 0 وعليه ارجو ان يتجه الرئيس البشير بمفرده الى الجلوس مع كل الاحزاب والاتفاق معهم حول مشاركة فعاله يضمن لهم كفالة الحريات للتعبير عن الراى ومواصلة الاتفاق الإتفاق الإطارى مع الحركه الشعبيه منطقتى النيل الازرق وجبال النوبه وقفل الزرائع امام المؤامرات الخارجيه 0
ثالثا الابتعاد عن مسميات الاحزاب لايفسد للراى قضيه شنو يعنى الحركه الشعبيه شمال السودان مجرد حزب ليس الا مثله ومثل حزب الامة او المؤتمر الوطنى –الحركه الشعبيه حزب مسجل ونزل انتخابات حره ولديه والى للنيل الازرق واعضاء فى البرلمان القومى فلامجال لمسجل الاحزاب ان يتدخل فى مسميات احزاب والا اذا اراد سماع صيحات الطيب مصطفى والصادق الرزيقى والهندى عزالدين فهذا يجر الى حرب لايحمل عقباه 0 وتحصل تدخلات الفصل السابع وتجر السودان الى هاوية0
تدخل مسجل الاحزاب اين كان عندما تم تسجيل الحزب واين احمد ابراهيم الطاهر نعم بفضل الاستفتاء تناقصت عضويته واتجهت للجنوب وبقى الشماليون المقيمين يمارسون حقوقهم السياسيه فى الدوله مثل غيرهم ك-مالك عقار واليا للنيل الازرق واعضاء البرلمان القومى والولائى – بالله اناشدكم بلم شمل السودان بكافة الوان طيفه المختلفه وجنبونا شر الفتن ماظهر منها وما بطن وترك (كلام الحكامات)
سوداني بالجد..أوفيت..وكل الشباب غاية الوطنية والمصداقية..عجبي للشعب السوداني كلهم يجتمعون فى رأى واحد عندما يشعر باستغفاله..
نميرى قتل وفسد بس كان صريح وكان معترف بمجونه.. صدق فى توبته أهدر الخمر صادقا عندما بدء في قبض المنافقين ورأس الأفعى حركوا الشارع..وتبنى كبيرهم الإنتفاضة.. لما توفى ابو عاج لم يحنق عليه الناس زى الكذابين المكنكشيين إلا قليلا..وكان وفيا للامكنة التى عمل فيها وللشخوص من ترزى فى الموردة لابكر فى الفاشر..لشياب اطلع بره فى جوبا..خبر الجنوب شجرة شجرة..وهذا خرج من كادقلى لم يزورها طيلة حكمه إلا مرة او مرتين.زولم يحنو لاحد ولم يساعد احد عمل معه بل الاقارب وحصريا حوش بانقا ..نميرى والله لم يقرب إليه احد ومات اشرف عسكرى..
والله نحن جيل نشأنا نعارض نميرى من المتوسطة..لم نكن نعرف قبيلته أبدا إلا بعد ظهور اخيه وجمعية ود نميرى فى نهاية عهده..هذا ليس تمجيد لعهد دكتاتورى ولكن المقارنة بيين عسكريين سودانيين الفارق شاسع هذا وطنى شجاع وهذا جبان مفجوع ..يابشش الدنيا رايحة..اعمل حاجة لذكروك بحاجة ولو ..تقول ايها الشعب انا غلطان واعتذر لكم ؟؟سوف تتحول الى بطل الشعب مسامح ..الصريح الشجاع..
نميرى لم يكن مهلوع زى الجعانيين ديل..البشير ده..كان يتجول في سوق كادوقلى اى دلالة يوم الجمعة يحضرها..قبيل انقلابه اشترى..بقر واستأجر واحد ..يوصلهم له الخرطوم..لما وصل الراجل ام روابة قال له الناس القائد الرسلك قلب الحكومة ..لما وصل ..البشير قال له شيل البقر ..
عارفين البشير ده وعقدة البقر يشترى بقر ويهدى بقر وخالو يذبح ثور؟؟عارفين له؟؟ خلوها مستورة اسألو ناس كوبر وكافورى سيد الإسم؟؟
..والله البشير ما كان متوقع نجاح الإنقلاب من شدة خوفه..سجل البيان واذيع مسجل وخلى الاهبل إبراهيم نايل ايدام رغم اقدميته فى الجيش يجهز الإنقلاب ..وبعد كده قالو له شتت؟؟
دائما الكارثة من الجبان لان ضربته قاضية بدون رحمة دائما الشجاع والفارس قلبه مرتبط بالرحمة والشفقة..نميرى عندما بكى امامه فليب عباس غبوش رحم شيبته فعفاه..حتى حارسه اشترك فى الإنقلاب عندما سأله نميرى لماذا اشتركت بكى الرجل واحتضن نميرى والله شاركه نميرى البكاء وعفلى عنه..الراجل هل رايت دمعة زرفت ام ترقرت عينيه قتل 22ضابط فى رمضان بدم بارد كانوا من اشجع فرسان القوات المسلحة كان المتوقع جسر من جوبا من رفاقهم لو غدرهم وشيمتهم الغدر بالكدرو لكانت الخرطوم ستكون مجزرة للإنقاذ بعد دفنهم ويقول ده الزبير الله يرحمه والرئيس دلدول؟؟.
الجبان.وضحاياة اقرب الناس مستعد يبيع رفاقه ..اسألو الحاربو معاه..الراجل حارب شنو فى غرب النوير..الان كادوقلى ما بقربها إلا وسط الدفاع الشعبى ويحمس من بعيد تعال ادخل الكراكير زى احمد هارون الجبان جبان يضيع الحبان..
المصيبة السودان بلد مكشوف اجتماعيا متواصل من بيت لبيت من ديوان لديوان من ((تكل))((لتكل)) ومن عمود لعود ومن ناصية لناصية.. اى واحد عامل عنتر..عارفنو وعارفيين تاريخو..بس خلوها مستورة ليس من شميتنا شر الغسيل المتسخ لكن ..استهتارك بعقول هؤلاء الشعب دفعنا ..نقول قليل من كثر بالله اسكت الترابى الثعلب ..حيولعها ويعمل بطل منقذ ..زى نهاية نميرى وتبنيه الإنتفاضة..
خالك يا بشبيش بوديك فى داهيه يثير فى العنصرية عشان نلتهى بالقبلية لا والله ثم لا نحن كلنا سودانيين من حلفا لنملى ومن كسلا لجنينة من اى نقطة الى نقطة كلنا يجمعنا حب هذا الوطن ونحب بعض ونحترم بعض بضاعتكم بارت عليكم سيتوحد السودان باذن الله وبعزيمة شبابه..
يعنى((المرقود النشفانة سنةكاملة فى الحر)وتلقى جسم نايم مهدود..تمصوا كله…
((المركود))ده الجماعة النشفانيين والجسم المهدود..دى الشعب السودانى..
بعد مافات الاوان ..ياريت جاى تعتذر..وتقول قتلنا رفاقنا القدام..وفقدت شعب الهمام..وذبحت كل الحمام..وتركت حولى الذئاب اللئام..والله بعد ده ماعندك كلام؟؟؟
الزول ده بقه عامل زي الحربويه يوم يقول في موامره ويوم يقول الداير السلطه يجي يقلعه ويوم يقول في موامره لتقسيم السودان وبعد ده كلو هو اول ما وقع علي اتفاقيت نيفاشا و حضر احتفال انفصال الجنوب
اخوى احمد ول ضمى..مصطلح الجلابة والغرابة والجنكى..وزرقة وحمرة..نريد ان نلفظ بها الى مذبلة التاريخ..لا نحاكم وضع حالى بسياسة ظلامية كانت تكتنف عصرا..يغض الناس فى جاهلية ..الان هناك اختراق فعلا لتمزيق النسيج الإجتماعى الذى كان سائدا ولو بحده الادنى..نريد مؤسسات مدنية مكان مؤسسات عنصرية..كما قال الكاتب النيجرى (( سونكا))انا اعتز بانى زنجى افريقى ولا ادعو للعنصرية المضادة اذا انا مارست العنصرية كمخزون ورد فعل ..لاصبحت مثلهم فلا الومهم ويدور الكسر الدائرى…اتجاوز ذلك واكون اكثر منهم تحضرا..
اذا اردنا ان نصير شعب راقى..متحضر..ننظر بالمعايير العالمية حيث يقاس الإنسان حسب عطاءه الفكرى والإنسانى وليست قبيلته..فقد دخلنا وولجنا مع القوم ..الزاحفيين..وإلا الى الدرك الاسفل من الجهل..
الان خال البشير يقوم بتعكير الجو..وتعكير الماء ..وتعكير المزاج..فوتوا الفرصة نتوحد ونرتقى ..لتكون دولة المؤسسات ..ولا يتأتى إلا بما فعله شباب مصر وتونس وليبيا واليمن وسوريا ..هل هؤلاء سبقون بهذه الثورات..الان والله ارى التوحد قد..تشرنق..
وشعاع الفجر قد دنى..
والحرارة الجو والغيوم توحى بأمطار غزيرة..وبعدها..
وغداً ننسى فلا نأسى على ماضٍ تولّى
وغداً نزهو فلا نعرف للغيب محلا
وغداً للحاضر الزاهر نحيا ليس إلا
ارجو ان يتجه الرئيس البشير بمفرده الى الجلوس مع كل الاحزاب والاتفاق معهم حول مشاركة فعاله يضمن لهم كفالة الحريات للتعبير عن الراى ومواصلة الاتفاق الإتفاق الإطارى مع الحركه الشعبيه منطقتى النيل الازرق وجبال النوبه وقفل الزرائع امام المؤامرات الخارجيه..
يا ود الأمين باقي ليك ناس البشير الكلام دا ما عارفينو ؟؟؟؟
يا أخي ديل تقول حالفين بالطلاق أنهم يدمروا البلد تماما و الحكومة دي أحسن حكومة
تعمل على تمرير أجندات الأمريكان و إسرائيل … و سلملي على نظرية المؤامرة و الإستعداء …
الي زمان قريب كنت اعتقد ان الترابي احقر من مشي علي قجمين..
اكتشفت ان بشبش وعلي والدقير والسماني والصادق والميرغني وابو العفين وسوار ومصطفي وربيع واقول منو واخلي منو
انتم اتفه ما خلق الله