إحالة عصابة من فتاتين و(6) شباب للمحاكمة لابتزازهم شخصيات
الخرطوم: مجدي تيراب :
مثل أمس (6) شباب ضمنهم فتاتان بمحكمة جنايات الخرطوم شرق برئاسة القاضي عثمان بشير يواجهون تهماً تتعلق بالنهب، الابتزاز، الأعمال الفاضحة، الصور الفاضحة ،الاشتراك الجنائي وتنظيم تشكيل عصابي والأذى، وانعقدت الجلسة الإجرائية بحضور جميع أطراف الدعوى ، وتقدّم أحد محامي الدفاع عن المتهمين بطلب للمحكمة التمس فيه فرصةً للجلوس مع الشاكي بغرض التسوية ، ووافقت المحكمة على الطلب وحدّدت جلسةً أخرى لمتابعة سير القضية.
ويذكر أن شرطة قسم الرياض ألقت القبض على المتهمين ، بعد أن توفرت معلومة بأن المتهمين متخصصين في نهب الشخصيات العامة ، وأن لديهم شقة بضاحية الرياض يستغلونها لتنفيذ جرائمهم بعد أن تغوي الفتاتان ضحاياهم وأصطيادهم من أمام الشوارع الرئيسية ، واستدراجهم للشقة لممارسة الفاحشة ، وآخر ضحية تم استدراجه قاموا بتصويره عارياً وابتزازه مبلغ (10) ألف جنيه ، وبعد إبلاغ الشاكي تم إلقاء القبض عليهم والتحري معهم ، ومن ثم وجهت لهم الشرطة الإتهامات تحت المواد أعلاه.
اخر لحظة
طالما ان الامر وصل الى المحكمة و اعترف الشاكي بانه ذهب الى الشقة طلبا للمتعة الحرام , فلا توجد تسوية بعدذلك اذ ان التسوية مقبولة لوكان الامر لا يزال في قسم الشرطة ولم يقفل المحضر وهنا يجب مراعاة ما ياتي
1. ذهب الشاكي بغرض المتعة الحرام و لم يختطف او يدخل الشقة لامر مشروع ,لذا يجب ان يعاقب و لو بالغرامة على محاولته القيام بفعل غير شرعي “غير قانوني” الا وهو المتعة الحرام ولو لم ترق الى الزنا
2. اذا اعترف الشاكي بالزنا يطبق عليه الحد
3. يجب معاقبة هذه العصابة – حتى لو تمت تسوية الشكوى- فهذه العصابة تهدد امن المجتمع كما انه من الواضح انهم اعتادوا على ذلك وسيستمرون ان لم يعاقبوا و مثل هؤلاء ينشرون الفساد كما انهم سيحاولون تجنيدالمزيد من البنات و الشباب لاغراضهم الاجرامية
4.من المؤكد ان هؤلاء سيعطون المحامي اجره من مالهم الحرام الذي جنوه من هذه الممارسات غير الاخلاقية و غير القانونية, كيف يقبل رجل قانون اخذ اموال اكتسبت بطريقة غير قانونية؟
في هذه الحالة يعاقب الشاكي والمشكي. ويسحب ترخيص المحامي ود ال… دا.
هذه هى افعال اخر الذمن ارحم الله امهاتنا واحفظ بناتنا وبنات اولادنا سؤال هل نحن فى السودان اشك فى ذلك
المفروض الشاكي زاتو يكون في السجن
هو شريك في كل الاعمال الفضائحيةبي اعترافو
يعني الحكاية بقت علي الابتزاز بس ؟
يا سلام ( ريا و سكينة في السودان ) ؟!!! ما معقول .
على الأخوة الزملاءاولمحاميين أن يدققوا في القضايا التي يتولون الدفاع عنها لأنهم محاسبون أمام الله على كل صغيرة وكبيرة وفي النهاية الرازق هو الله ومن يتوكل على الله فهو حسبه وترك القضايا المشبوهة لله سوف يعوضه بخير منها انشاء الله .
تسويه شنو ؟؟ ده زنا واعمال فاضحه ..
انا المحيرني البنات ديل … البنات ديل بطلعو من البيت ويدخلو في اي وقت سااااااي كدة؟ ولا الستة المعاهم ديل من الاهل ؟ ولا هم ما سودانيات ولا هم عايشين براهم محيرني اكتر من الراجل الشاكي العينو قوية دة . يعني هو مشي القسم وقال ليهم انا احتالوا علي وين؟
كلامكك صحيح دا اخر الزمن وكمان البنتين ديل ما خجلانات من روحن وين اهلهن معقوله دا السودان السبناه الكان الواحده فينا ما تقدر تطلع من البيت الا امها وابوها واخوانها يكونوا عارفنها ماشه وين وجايه من وين هذا بالاضافه الى ضمير الواحده فينا نفسه وخوفها من ربنا يخليها تحافظ على نفسها . يا اباء ويا امهات اذا بناتكن اصبحن ما عندهن ضمير ومخافه لله فلتنتبهوا انتم لهن وتراقبوهن فى كل صغيره وكبيره
لك الله يا وطنى ..اللهم أسترنا دنيا و آخرة
اقتباس:
(بعد أن توفرت معلومة بأن المتهمين متخصصين في نهب الشخصيات العامة ، وأن لديهم شقة بضاحية الرياض يستغلونها لتنفيذ جرائمهم بعد أن تغوي الفتاتان ضحاياهم وأصطيادهم من أمام الشوارع الرئيسية ،)
هذا فساد كبير
بس النتهمون والضحايا من المصارين البيض زى ما هو واضح
هدانا الله واياهم ,,,
طل ما عندو 10 الف بعرس لهو ود ابيي
عصابة متخصصة في نهب الشخصيات العامة
يا حليل الشخصيات العامة: يعني الواحد من ديل لو البت غمزت ليه ساي يقوم يمشي معاها بدون النظر في عواقب الأمور وبعدين يبقى في حاو وهُش!!؟؟؟
الناس العاديين بترفعو من الحاجات دي خوفا من الأمراض الشائعة في البلد اليومين ديل ما عارف الشخصيات العامة دي محصنة ولا الواحد ما بقدر يمسك نفسو؟
والشاكي ده صوروهو ملط وللا كان لابس شراب .. وملص هدومو ليه ؟؟؟ اكيد كان عندو نيه السباحه ..
حليل السودان وحليل ايام انا البضرب الزول بعيقو وانا المأمون على بنوت فريقو …
نسال الله السلامة ,,, الاسلوب قديم بس اصطياد الشخصيات العامة دي الجديدة …وبرضو شخصيات عامة دي عاوذا شرح شوية …شخصية عامة تلغط من الشارع في دناوة اكثر من كدا؟؟
اؤيد راى الاخوة فى سؤال الشاكى فى توجيه تهمة لة من النائب العام لوجودة فى بيت دعارة
ذكرنتى القصة دى لما قبض على الشاعر مقدم البرامج اللامع
والغريبة لم يؤثر الامر علية حيث فصل من التلفزيون القومى ولم تمر سنة حتى تعاقد معة النيل الازرق ولازال نجما فى الوسط الاجتماعى
برغم استهداف الشخصيات العامة من قبل هولاء…
لكن يبدو ان الفضيحة عندنا مات مؤسفأ عليها
يعنى عادى والدليل الشاكى عينة قوية وشكلة حا يوافق على التسوية بعد اقرار صريح من المحكمة بموافقتها ضمنيا على طلب محامى الدفاع
المحيرني المحامي ****دا
المحامي مسكين ما لاقي شغل لأنو معظم قضايا الشيكات الطائرة انتهت الآن لانو البيع ياكاش
وبقي ما في زول بيقبل شيكات …..كما أن جرائم الأراضي انحصرت في بيع أراضي الحكومة وقل
الإحتيال الخاص فيها….المحامي مسخن شديد عشان كده رضي بالدفاع في هذه القضية……..