شاب يسدد طعنه لعريس امام عروسته
ابلغ احد المواطنين قسم شرطة دار السلام بمحلية ام بدة افاد فى بلاغه بان المتهم قد سدد له طعنه فى بطنه مسبباً له الجراح وفور تلقي الشرطة للبلاغ تحرك عدد من افرادها الى مسرح الحادثة وتم إسعاف المجنى عليه الى مستشفى ام درمان باورنيك 8 جنائي ومن خلال التحريات التى قامت بها الشرطة اتضح بأن المجني عليه تزوج حديثاً وفى يوم الحادثة خرج هو وعروسته الى الفرن لشراء خبز واثناء سيرهما فى الشارع كان العريس يمسك بيد زوجته اعترض طريقهما المتهم فطلب من المجني ان يفك يده من زوجته فرفض الزوج ذلك واخبره بأنها زوجته ويحق له ان يفعل ما يشاء فدار بينهما نقاش حاد فما كان من المتهم الا ان اخرج سكينة وغرزها فى بطن المجني عليه الذي سقط ارضا مضرجا بدمائه امام زوجته التى استنجدت بالمارة والذين اتصلوا بالشرطة وتم اسعافه الى المستشفى وعليه تم اتخاذ كافة الاجراءات القانونية وفتح بلاغ تحت المادة 139 من القانون الجنائي.
الدار
بعد شوية حيقولوا المتهم دة عنده نفسيات.. المتهم دا عااااقل وعندو سبب تاني ومابعيد يكون ماخد شاكوش .. والسبب المذكور ده ما منطقي لقتل رجل يمسك بيد زوجته
والله حاجة غريبة . ياربي لو شافه يمسك بيد واحدة أخرى غير زوجته كان عمل ليه شنو ؟؟؟؟ عالم غريبة .
دا شنو التخلف دا؟!!! نحن عايشين في ياتو عصر؟!!!
وين يا جماعة دار السلام دي من الرياض؟ لانو أنا لمن أحب أتمشي مع خطيبي بحب أمسك يدو عشان أحس بالرومانسية.
الرجل يزن في رأسه المثل القائل ( اذا رأيت رجل سوداني يسمك بيد امرأة فاعرف انها ليست بزوجته) وقد رأيت واحد اخونا لا اعرفه حاول الامساك بيد زوجته ليساعدها في عبور الشارع المزدحم بالعربات ولكنها نفضته نفضة كادت تسقطه على (قدومه) فتركها وفعلاً كادت ان تصدمها عربية في اثناء محاولتها الافلات من يد زوجها بالقوة !!!
الموضوع وآآآآضح و ضوح الشمس انو الجاني سلفي
ينسبوا للاسلام ماليس فيه
والله العظيم المفروض اي زول مربي دقن يكزب بيها علي الناس و يدعي بيها علي الاسلام يعلقوهو منها
حسبنا الله ونعم الوكيل ما هذا الهوس وهل يعد هذا جريمة او فعلا شائنا وحتى لو فهناك جهات مختصة وهذه دار……. التي لايخلو اسمها يوميا من صفحة الحوادث
الشارع العام ليس لممارسة الحب والرومانسية راعو شعورنا ياخ
يستاهل و يستحق الموت كمان عريس السوء …..
المجتمع السوداني يعتبر من النواحي الاجتماعية و الاداب العامة من احسن المجتمعات في العالم و اكيد العريس بكون واحد من الحناكيش او يكون جاي من احدي البلدان التي تمارس اسوأ انواع انتهاك حرمات الشارع العام..
الشارع العام مثله و مثل المركبة العامة يجب احترامه و مراعاة مشاعر و لا ندري ماذا تكون كلمة القضاء في مثل هذه الحالة لان هذه الحادثة تعتبر استفزازا مباشرا ادي الي وقوعها…
هو ما يمشي شارع النيل والا الكافتريات الموزعه في الخرطوم ويشوف كيف
طيب ما يضربو ساكت الطعن لزوموا شنوا ولا دا حد جديد من الحدود, والجاني دا جاي من وين ما من سكان الحته يعني عابر سبيل وحتى لو فالعرسان شكلهم ظاهر عروس حنه وتبعاتها… وابتسامه.
دا كلو في مسكة اييد. يظهر انو المتزوجين حيحرموا الاقتراب من بعضهم حتي في داخل البيوت خوفا من المتشنجيين والمعقديين والمرضي النفسيين .
خليهو عشان يتادب فى زول عاقل بيمسك يد مرتو وفى الشارع كمان السمكة بعد تصطادا وتجيبا البيت الصاج طوالى
غايتو…الله يعينا ,نحن عايشين برة من الكرة الارضية..دي زوجته يمسك يدها ولا يمسك راسها انت مالك ومالو