أبناء مريض غاضبون يسكبون الماء الساخن على طبيب و يعتدون على أطباء آخرين بالضرب
ام درمان
في حادثة غريبة من نوعها تعرض عدد كبير من الأطباء يتبعون لمستشفى امبدة النموذجي لاعتداء وحشي من قبل أربعة شبان كانوا يرافقون والدهم المريض الى المستشفى .
و تعود التفاصيل عندما كان أربعة من الأطباء يتناولون طعام الإفطار خارج المستشفى حضر إليهم عدد من الشبان يسالون عن الأطباء و عندما علموا بمكانهم انهالوا عليهم ضرباً بالكراسي و قام احدهم بصب ماء مغلي على احد الأطباء مما سبب له الأذى الجسيم و نقل على اثر ذلك الى المستشفى لتلقي العلاج ، بينما أصيب بقية الأطباء بإصابات متفاوتة و تمت إصابة احدهم بكسور في يده .
و قال مصدر أن سبب العراك بين الشبان و الأطباء أنهم كانوا يبحثون عنهم لمعاينة أبيهم المريض و عندما لحقوا بهم أثناء تناولهم طعام الإفطار و قام احدهم بقلب وجبة الإفطار على الأطباء و بدا في العراك الذي انتهي بهم الى قسم الشرطة .
صحيفة الدار
عشان كدا الحمد لله الما قرينا طب يعني الطبيب مطلوب منو يكون ماكينة لاتاكل ولا تتعب ولا تتضجر والله حضرت كم حاله زي دي غايتو الله يعينكم يا الاطباء في بلادي
وحتي عند الاغتراب للسعودية يجوك الهمج البديوية من السعوديين يشبعوك نبذ غايتو بشتنة شديدة
غايتو ديل الغلبتم العيشه الفرضته عليهم الحكومه فصبو وجعهم علي احسن الطبقات يستاهلو بس ايبي بوتاسيوم .جبانين
يستاهلوا
التصرف غير حضارى بالطبع _ لكن رد الفعل ماساكت _ الاولاد حسوا بتجاهل الاطباء لوالدهم
ومامعقول يتفقوا الاربعة على هذا التصرف المشين الا كما قلت برد فعل الاطباء _
وبصراحة كده فى أطباء مفروض أساسا مايدرسوا طب لانهم عديمى الانسانية _
ونفس الموقف حصل لى قبل أكثر من ثلاثين سنة فى مستشفى حوادث الخرطوم وكان المريض
والدى رحمة الله عليه يتألم الطبيبعليه اللعنة ينفخ بسيجارته فى الهواء فى منظر استفزازى جعلنى
أحاول الاعتداء عليه _ وقام بالاتصال بالشرطة وحضروا فعلا ولولا تدخل الوساطات لاصطحبونى
معهم __ هذا حال موجود فعلا طالما تواجد مثل هؤلاء الاطباءعديمى الاخلاق والانسانية –
كان من المفترض ان يكون هنالك احد الاطباء موجود على الاقل تحسبا لحاجات المرضى العاجلة والخطره .
هنالك الكثير من المخالفات والاخطاء تحتاج الى عالجات واصلاحات .
مرة تانية يستاهلوا
( يا خي الموظفين والاطباء وكل من له وظيفة ميري في السودان بيشتغل ساعتين والباقي ونسة وأكل والموضوع ده ما ساكت أكيد تم استفذاذهم من قبل الاطباء المتعجرفين أما في العيادة الخاصة فهم لايضيعون الوقت ليس من أجل المريض بل من أجل الدراهم فقط ( من حقهم يجمعوا القروش لكن يجب أن يكون الطبيب انسان أولاً والبقية تأتي ).
كل ما يكون في موضوع عن الدكاتره بجي عشان اشوف اصناف وانواع الحقد الغريبه علي الناس ديل ياخ متين انتا كنتا الوفي الملتزم بي عملك عشان تلوم الناس ديل ..لو حكومتك السجم دي الراكباك فوق راسك وانتا مبسوط ما قدرت توفر للدكتور ده وجبتو جوه المستشفي ما يمشي اكل يموت بالجوع يعني عشان منو عشانك انتا البتنبز فيهو والداير فيهو فرصه عشان تفش فيهو غبينة فشلك انك ما بقيت زيو يا زول يمشو وياكلو ويشربو وينومو اها :mad: :mad: :mad:
ياخوان باالله عليكم ماتكونو ناس جهلة …… يا خوانا الاطباء ديل اكتر فئة مظلومة في الشعب الناس دي تعاني ماتعني من اوضاع صعبة بالجد صدقوني ماتليق ابد ابد بيهم .. الحكومة اسقطت هيبتهم امام الشعب عش ان كدا مانكون ناس جهلة ونكمل الغالط اتقوا الله فيهم … دي شغالين زي المكن والله العظيم
3shan kida almreed alsudane beysathel algzma ho wal copatients beta3o…fe kol 50 3yan bet3algo wa7d bas albetzkr y8ool shokran…allah y7r8om homa wo aboohem alma rbahom
جااابو المويه المغلييه من ووين :confused: :confused: :confused: :confused: :confused: :confused: :confused: :confused: :confused: :confused: :confused: :confused: