الغلاء يسيطر على السوق.
الخرطوم: سلوى حمزة
فشلت كل المحاولات الساعية لضبط الاسواق وتخفيض اسعار السلع الاستهلاكية، والضرورية، بعد الارتفاع الجنوني للاسعار، واعتراف وزارة المالية بعدم السيطرة علي ارتفاع اسعار السلع الاساسية.
وتفيد متابعات (السوداني) الاسبوعية بسوق بحري ان اسعار السلع والخضروات واللحوم استقرت في اسعار الاسبوع الماضي المرتفعة،وان بطء حركة البيع والشراء هي السمة السائدة في السوق.
واكد التجار الذين تحدثوا لـ(السوداني) لعدم وجود رقابة في الاسواق، مطالبين الدولة والجهات المختصة متابعة الاسواق لفرض الرقابة وضبط الاسعار خاصة ان شهر رمضان على الابواب ومتوقعين ارتفاع الاسعار الي ثلاثة اضعاف اذا لم تتدخل الدولة.
واكد التاجر بسوق بحري عبدالله البشير لـ(السوداني) عدم توفر سلعة السكر عبوة “10” كيلو بالسوق الذي بلغ سعره “42”جنيها وسعر الكيلو “5”جنيهات. واعتبر توزيع السكر بالاحياء ومراكز البيع المخفض بسعر “35”جنيها “تسكينا للالم ” لان معظم المواطنين لم يصلهم السكر في الاحياء ووجود السكر بالاسواق ضروري، وقال اذا تم توزيع السكر للتجار سوف تنخفض الاسعار لان عدم وجود السكر بالسوق يجعل بعض التجار يتلاعبون في السعر ويقومون بشرائه من الاحياء لبيعه باسعار مرتفعة في السوق، مبينا ان عبوة عشرة كيلو من سكر سيقا متوفر نوعاً ما ب”38″جنيها وسعر الكيلو “4”جنيهات.
وقال البشير ان سعر زيت الفول زنة “36”رطلا انخفض من “200”جنيه الي “180”جنيها ،و سعر كرتونة الشاي “116”جنيها، و سعر جوال الارزالمصري “130”جنيها وسعر صابون الغسيل الحجم الكبير “24”جنيها والصغير”12″جنيها وسعر صابون البدرة زنة 4كيلو “22”جنيها وكرتونة الشعيرية “28”جنيها والمعكرونة “28”جنيها ،وسعر لبن البدرة 2كيلو بلغ “80”جنيها. مؤكدا ضعف القوة الشرائية.
وقال تاجر الخضروات بالسوق عصام سليمان ان اسعار الخضر مرتفعة، بينما انخفضت اسعار الطماطم من “60”جنيها الي “25”جنيها وسعر الكيلو “3”جنيهات، معزيا سبب الانخفاض الي وفرة الكميات بالسوق من المزارع المحمية.
وقال سليمان ان سعر صفيحة البامية “60” جنيها وسعر الكيلو “12” جنيها وسعر صفيحة الخيار “40” جنيها وسعر جوال الليمون “90” جنيها وسعر ربطة الجرجير “15” جنيها وسعر جوال العجور “110” جنيهات واستقرار سعر ربطة الخدرة الكبيرة “15” جنيها وربطة الرجلة “8” جنيهات وسعر جوال الاسود “50”جنيها وسعر جوال البطاطس “125” جنيها وسعر ربطة الجزر “7” جنيهات وسعر ربطة البصل الابيض “8”جنيهات وسعر صفيحة الفلفل الاخضر “60”جنيها وسعر الكوسا “40” جنيها.
أما فيما يتعلق باسعار اللحوم الحمراء فانها مستقرة حيث يتراوح سعركيلو العجالي 26″ جنيها الي “30” جنيها وسعر كيلو الضان “34” جنيها الي 40″ جنيها واللحمة المفرومة “28” جنيها، وقال تاجر اللحوم فارس محمد حسن ان اسعار اللحوم البيضاء تشهد ارتفاعا في الاسعار عزاه الي ارتفاع الاعلاف ،حيث ارتفعت اسعار الفراخ من “19” جنيها إلى “21” جنيها حسب الاوزان وسعر طبق البيض “15” جنيها، وسعر السجوك “28” جنيها، وقال فارس ان القوة الشرائية ضعيفة الا من قطاع اصحاب المطاعم والشوايات.
فى ذات الوقت تشهد اسعار الفواكه استقرارا في الاسعار حيث بلغ سعر دستة البرتقال من “8” جنيهات وسعر القريب فروت “36” جنيها ويتراوح سعر دستة المنقة بين “8” جنيهات الي “15” جنيها وسعر كيلو الموز “2” جنيها و سعر التفاح “20” جنيها وسعر الجوافة “6” جنيهات وسعر التفاح “20” جنيها والعنب “20” جنيها، مؤكدا ضعف القوة الشرائية.
السوداني
أمانة يا زمن ….. كفاية
كفاية علينا هّم كل يوم
هّم العيشة – هّم الغربة حتى – ونحنا بين نيلين
وألم مدفون ( بقالو ) سنين
يبتق لي شقاوة الحال
زراعة المحن توطين!
شهر شهرين يموت فارسين
أصحاب كلمة دغرية..
نُضاف وعُفاف..
جباه بالعزة مروية
كانوا لطاف … كانوا خفاف
وجد سمحين.
سماحة وطن
بي فد شختة..
صار نُصين!
…
بحر.
( حميد )
من اللحن البيحكي ألمنا .. وحمم ناساً كرام طيبين
يحس إحساسنا يبكي أحوالنا .. يبكي عمرنا
وفي شعره
بنتلذذ معاناتنا ونتناسا العذاب والويل
لاهو شيوعي لا شعبي
ولا بعثي لا أنصاري لا ختمي ولا حالتين!
كل الوطن حميد يا هو هو السودان
كل القيم حميد يا هو هو الانسان
شال الأمانة بدلنا وقال التنوع خير
قال السلام إسلام! … قال العدل إسلام! … قال الأمانة إسلام!
وكل التعايش زين!… لا للمحبة بديل
جانا الخبر يوم داك
زاد المرارة أضعاف
عكر مزاج النيل
قامت قيامة الناس
إشهدو وقالوا البلاك سودا
قالوا السكك خطرة كل السكك خطرة
نمشي الطريق من وين
منو البلاك دليل
وداليا ..
في فضاء أم در .. تعِدّ في مآثره أكان تِنعد
.. تعزينا
دموعا تصب ..
.. تواسينا
تبكي على بلد
صبح ( سُلفة! )
تجرِسنا .. وتبكينا
بلد منكوب ..
تزيد آهاته كل يوم..
صُبح وغُروب
وناس أخوان .. عشان تفهم … تهِـد الحيل
.. تعذبنا
……
فقدنا الحكمة في الكلمة!
مسكنا السونكي والبارود
طريقنا أشتر و ماهو عديل
نحاحي نخاف من الخازوق!
حليل جلسات صفاء النية
راح طعم الحلال لي وين
طال المُسخ حتى الحان غناوي النيل
طال المَسخ حتى صورة بنات النيل
طال المُسخ حتى مكارم السالفين
طال المَسخ حتى وحدة قبائل النيل
حليلو الكان نعدو نحسبو مليون ميل
فقدنا إحساسنا بي وطن
صبح في غفلة مجرى
.. وسيل! ..
……….
ألف حكاية
أمانة كفاية…
ألف حكاية..
حكايات شعب كلو أغراب
يصدِق وعد كل كذاب
يداوي أمراضه .. كل آلامه
بالأعشاب!
نسألك إنت بالمحجوب
ألطف بينا صبرنا داب
سلاح مرفوع
كفانا خراب
وجع مصنوع
وجع تلقاه في كل
باب
وطن..
في كل ( لفة !)
تحلف..
تقول محروم..
من الإنجاب!.
……….
وطن مكلوم .. وطن مذبوح .. وطن ممكون بي جنس تمكين!
نعيشا حلم ..
يعبوا زفير!
نسوي عمل..
يشخروا شخير!
وياكلوا الزين يعيشوا الحين زي ما يبين!
ونتوسد دفاتر الهم
ونتكاشش ونتدافر
وتتوه آمالنا
في طلت
( قمر تسعة وعشرين!)
كتر الكلام يا ناس
طول اللسان مترين
ايه لازم العمل مادام
الكلمة بي قرشين
يبست عروق عزة من شفط العدار والويل
…………
وبابك.. يـــااااا كريم
.. مفتوح
تبدل همنا..
المفضوح
ويتحقق أمل حميد
تشرق شمسك..
الحرة
وتنقذنا.. من المُقبِل
وفي المُقبِل..
بنحلم بي سفينة نوح
وتحفظ ( نورا ) بي قدرك
ونتعشم.
تلم من تاني كل السوح
وتتلون وجوه دنيانا
خدار .. أخضر شمع وقموح
أريتك .. أريتك
أريتك تجبر الخاطر
وتختم لينا ساعة خير
تصالحنا..
وتلملمنا
يغور في سمانا..
.. كل ممحوق
وكل كذاب ..
وكل مسنوح
ونكتبك يا وطن آية..
…….
أمانة .. كفاية
أمانة عليك.. يا زمن.
كفاية
دا البلد أصبح..
حكاية
تحرت في البلاء وتنكت..
حواديتاً تحرق قلب العدو الما بلين
يقولولك:
أسكت عيب!.. إستغفر
دا حكم الله .. وحكم المولي ألف حباب
وقدر الله أصلوا كتاب.
وكت ما يحين.
الاسعار قابله للذياده بنسبه 1 الي 3 ،، بالله عليكم كيف الحكومه تبيع دولار بنفس سعر السوف الاسود بدل ان تحارب التجار اصبحت هي الاسود شركات لم تنوي تستورد بترغم بنك سودان علي سداد بقيمه القديمه 2.5 الان سعر موحد 5.2 شركات تغطي كيف الا علي حساب مواطن ،،، الله اكون في العون
مافي صادرات يعني مافي دولارات , يعني مافي سيولة بيد الناس , يعني مافي بيع وشراء , يعني في ركود, يعني اي زول عنده حاجة فارشها للبيع فاعد ينش (ضبان) هي دي عايزه ليها خبراء؟؟؟؟؟؟؟؟؟
والله البلددى حيرتنا ,الاسعار ح ترتفع كل يوم والتجار ح يواصلو زيادة ارباحم لانو ببساطة الناس بتقبل باى سعر مهما كان مرتفع يوم واحد ما شفنا الناس وقفو الشراء, اسعار مواد البناء طارت السماءوبعد دا الناس تخمخم فى السيخ والاسمنت وكمان جابت ليها سيراميك ,والله حيرتونا يا ناس بجيبو القروش دى من وييييين ,زارعنها وين خلونا النزرع معاكم اكان نمرق لينا بى ربطة ربطتين.
ياناس الحقوا اشتروا دولار من الصرافات
الحكومة السجمانة عرفت الفيه وفكت الجنيه انتوا ما سكنوا لي شنو ؟
انتو بتعرفوا اكتر من الحكومة
والله بغد اسبوع الا تعملوا بالجنيه ملاح ورق
نصيحة لوجه الله الكيزان باعوكم في سوق الله واكبر باعوا البلد كلها
اشتروا الدولار من الصرافات
امسكوا دولار حي احسن ليكم من جنيه ينازع سكرات الموت
للاسف الشديد كل القائمين علي امور الناس شرط تعيينهم ان يكون حرامي من الدرجة الاولي ثم ولاءه للحزب(الكيزان) فمن السهل جدا علي وزارة الداخلية انشاء اسواق ومجمعات تجارية تعاونية مثل عفراء مول وتخفض وارداتها هذه الاسواق من الجمارك نسبيا لتضمن عدم رفع الاسعار خارجها من التجار وعدم احكارهم للسلع وتكون هذه الاسواق التعاونية في معظم احياء الخرطوم وجميع المدن والقري في السودان وان تكون تحت اشراف خبراء في التسويق والادارة وتخضع لمعايير الجودة وجمعيات حماية المستهلك وتحتوى علي جميع مستلزمات واحتياجات المستهلكين .
هذا ابسط شيء يمكن ان تنفذه هذه العصبة الطاغية ولك الله يا بلدي وللمواطنين المغلوب علي امرهم
الحكومة ناسية او “او تتناسى” انها مسؤولة من كل بطن جائعة على هذه الارض… كلكم راع و كلكم مسئول من رعيته… و الله حراااام البيعملوه في الناس.. ديل داخلين السياسة تجارة و المشكلة انهم بيتاجروا بارواح الناس… يمهل و لا يهمل.. اشوف فيك يوم يا حكومة يا فاشلة
اللهم لا تؤاخذنا بما فعل السفهاء منا ..