أخبار السودان
جمعية امريكية علمية تختار سودانيا ضمن قادة المستقبل
اختارت الجمعية الأمريكية لعلم الأمراض؛ الدكتور محمد عبد الله الحسن المتخصص في علم أمراض الدم؛ ضمن أفضل 40 شخص من قادة المستقبل.
ونال الدكتور محمد الذي يعمل في مستشفي الشيخ راشد بامارة دبي، بكالريوس المختبرات الطبية من جامعة شندي؛ وحاز على ماجستير المختبرات – علم الدم والمناعة؛ من جامعة السودان للعلوم والتكنولوجيا.
ونال الدكتور “محمد” الذي يبلغ من العمر 33 عاما؛ البورد الامريكي تحت مسمي اختصاصي علم امراض الدم.
وهو ما جعله اهلا للمشاركة ضمن قائمة قادة المستقبل التي تشترط ان يكون عمر المرشح اقل من 40 عاما.
للمزيد من المعلومات يرجي زيارة الرابط
[url]https://www.ascp.org/content/functional-nav/40under40[/url]
الجميل فى الخبر دة إنو الدكتور محمد عبدالله الحسن خريج جامعة شندى ولا تهمنى الجهة بل إمكانية الجامعات الإقليمية أن تنافس محليا وعالميا بقليل من الدعم والرعاية فهنالك اليوم أطباء وطبيبات خريجى الجامعات الإقليمية فرضوا أنفسهم ويعملون بالمستشفيات خارج السودان.
ما شاء اللّه تبارك اللهم زده علما وفهما ورفعة ووفق كل ابناء السودان في الداخل والخارج.
ما شاء الله تبارك الله. رغم مآسي بلادي و ظلام الايام التي نعيشها منذ العام 89 و الي اليوم، يبقي الامل بأشخاص مثل الدكتور محمد. فالشكر لله و له لإقرانهم اسم السودان بخبر ايجابي يبعث الامل في غدنا المشرق بإذن الله
فيها واحد مصري وفيها هذا السوداني لكنه لم يعرف بتخرجه من جامعته ولا ذكر شيئا عن بلده بعكس الأخ المصري فكان من الأولى ذكر البلد التي قامت بتأهيله حفاظاً على حقوق البلد
ماشاالله تبارك الله السودانيين في الخارج دوما مبدعيين اسي دا لو قاعد هنا اييييييك كان شبعان في العطاله ,, منعول ابوك بلد ,, الف مبروك يادكتور وللامام
ال40 اسم المنشوري خاليه من اى عربي ناهيك عن سودانى من جاء الكاتب بهذا اللقب للابن السودانى
مبروك د محمد مبروك الاسرة الكريمة مزيدا من التقدم ابنائي وبناتي عليكم الله ما توقفو قرايه وما تضيعو لحظة من عمركم الغالي
صدقوني ان لم تجدوا فرص تستفيدو انتو والبلد فاستفيدو انتو خارج السودان اي صاحب علم محترم ومقدر لحدي ما البلد دي يطهر ليها سيد يعرف قيمة البشر الموجودين فيه
لكل مجتهد نصيب
مليون مبروك يا دكتور … شرفتنا كلنا كسودانيين …و فوق فوق سوداني فوق ..
فيما يلي النبذة المذكورة في الموقع عن هذا الدكتور السوداني المرموق :
Mohammed Abdalla Elhassan Mohammed Abdalla, MS, SH(ASCPi)CM
Age: 33 | Dubai, Dubai
Mr. Abdalla is a Clinical Scientist in Hematology, working and living in Dubai UAE Since 2013.
In addition, he holds the holds the position as Safety Officer in his laboratory, monitoring the commitment of staff to the safety roles, educating newly-hired staff about the basic principles of the Occupational Safety and Health Administration and its guidelines.
Conducts method comparison studies of new instruments.
دا ودضبعه دفعتنا في جامعة شندي ,,, اصلو الزول دا من يومو كااااري الدفعه وعلمون وزول قراي وبتاع بحيييت مراجع ماشاالله الف مبروك وللامام ..
بكالريوس المختبرات الطبية من جامعة شندي؛ وحاز على ماجستير المختبرات – علم الدم والمناعة؛ — من اين اكتسب هذا الشاب المحترم والذي شرف اهله وشعبه صفة ولقب دكتور … السودانيين عندهم مشكلة مع الارقام والالقاب
احيييييييك يا حبيبنا على هذا الجهد المقدر ودائما فى المقدمه رغم المحن
احبك انت يا وطنى برغم قساوة المحن
برغم صعوبة المشوار ورغم ضراوة التيار
دا ودضبعه دفعتنا في جامعة شندي ,,, اصلو الزول دا من يومو كااااري الدفعه وعلمون وزول قراي وبتاع بحيييت مراجع ماشاالله الف مبروك وللامام ..
بكالريوس المختبرات الطبية من جامعة شندي؛ وحاز على ماجستير المختبرات – علم الدم والمناعة؛ — من اين اكتسب هذا الشاب المحترم والذي شرف اهله وشعبه صفة ولقب دكتور … السودانيين عندهم مشكلة مع الارقام والالقاب
احيييييييك يا حبيبنا على هذا الجهد المقدر ودائما فى المقدمه رغم المحن
احبك انت يا وطنى برغم قساوة المحن
برغم صعوبة المشوار ورغم ضراوة التيار