عناوين الصحف الصادرة الثلاثاء 31 يناير 2017م
علي مسؤوليتي
عناوين الصحف الصادرة الثلاثاء 31 يناير 2017م
📰 الجريدة
🔹 قوي الاجماع الوطني: مبادرة امبيكي الجديدة لا تعنينا في شيء ولا علم لنا بها
وهي مبادرة ضد الشوارع وحراك الجماهير ولا تعني الجماهير في شيء ✌🏻✌🏻
📰 الجريدة
🔹 عشرات الأطباء ينفذون وقفة احتجاجية بوزارة الصحة
ما لقوا الا وزارة الصحة البتداهم عيادات الاطباء وما بتقدر توفر المستهلكات الطبية 😡😡
📰 الجريدة
🔹 توقف اكثر من 30 مصنعا للمعجنات بسبب انعدام الدقيق
والدور ماشي علي المخابز بالتأكيد 😁😁
📰 الجريدة
🔹 وزارة البيئة تحذر من تنامي التلوث بسبب المشروعات التنموية
طالما الناس بتقبض عمولاتها والرشاوي شغالة ما اظن يشتغلوا بقصة التلوث دي 😡😡
📰 التيار
🔹 البرلمان : الداخلية ليس لديها حصر للاجانب
الداخلية تحصرهم كيف لو الحدود مستباحة وممكن يتم احتلالها بدون ماتقولوا حاجة 🤔🤔
📰 التيار
🔹 انشقاق يعصف باحزاب تحالف الحوار المعارضة
سبب الانشقاق النثريات ولا ال15 % ماكفت الناس كلهم 😝😝
📰 أخبار اليوم
🔹 الاحتجاجات الامريكية تتوالى عاصفة ضد قرارات ترامب وواشنطن ترفع دعوى لوقف الامر
هناك طبعا لافي مليشيات ولا عربات بدون لوحات 😁😁
📰 أخبار اليوم
🔹 وفود رسمية من الاتحاد الاوربى تصل البلاد الاسابيع القادمة
والكان بجوكم زمان ديك من الاندية بتاعة كرة القدم ولا شنو 😳😳
📰 الوفاق
🔹 بداية إنتاج وتوليد الكهرباء من “ستيت” الخميس المقبل
مايطلع ليكم زي سد مروي يتعسر في التوليد وينتج ليكم كهرباء خدج تطفي وتفصل براها 😂😂
📰 الوفاق
🔹 تشريعي الخرطوم يشدد على محاسبة المعتدين على المال العام
زي محاسبة المجاهدين الاكلو قروش التلفزيون ولا محاسبة رسمي وبالقانون 🤔🤔
📰 الوطن
🔹 الحكومة تقر باستخراج وثائق سفر لـــ “أجانب” وتتشدد في دخول السوريين
في الاول ورونا وديتو دولارات السوريين العملتو ليهم بيها الجوازات وين 😡😡
📰 الوطن
🔹 جاك شيراك: بوش دمر العراق للقضاء على “خرافة” ياجوج وماجوج
الغريبة ياجوج حايم لسة في العراق وماجوج هسي بقي رئيس امريكا 😁😁
📰 سودان فيشن
🔹 النائب الأول : المكونات السياسية كافة ستشارك في الحكومة الجديدة
طيب ادوها يانسون وحركوها كويس واخلطوها تمام ونزلوها تبرد عشان تطلع ليكم حكومة مسبكة تمام 😝😝
📰 الانتباهة
🔹 أعالي النيل تشتعل.. سقوط الناصر.. والمدفعية تدك (ود دكونة)
اعالي النيل دي قريبة مننا ماتبقو زي البوم البعجبو الخراب 😳😳
📰 الانتباهة
🔹 أمبيكي : السودان وافق على تشكيل حكومة مؤقتة مع المعارضة
واتنازل عن رئيس الوزراء للمعارضة الجاية الحكومة ولا الناس ديل تورو نفسهم ساي 😡😡
📰 الصيحة
🔹 (تشريعي الخرطوم) يكشف الشركات الحكومية الرافضة للمراجعة
وبقدر يعمل ليها حاجة ويحاسبها ولا كشف حال ساي للناس 😂😂
📰 الصيحة
🔹 (المالية) : إلغاء دعم الوقود والقمح والكهرباء بالكامل بحلول 2019
يعني انتو هسي بتدعموا القمح والوقود ؟ يعني نتوقع 2019 شمة البنزين ومشاهدة الرغيفة تبقي بي جنيه 😳😳
📰 السوداني
🔹 خبير بجهاز الأمن : مكتب الـ (سي آي إيه) في الخرطوم من أكبر مكاتبها في الشرق الأوسط
يعني اكتر عملاء في الشرق الأوسط طلعو من عندينا 😅😅
📰 السوداني
🔹 (المالية) تتوقع ارتفاع تحويلات المغتربين إلى 4 مليارات دولار سنوياً
انتو تقديراتكم بتاعة ايام العقوبات وهسي واحد يابدر الدين 😝😝
📰 المجهر السياسي
🔹 ملثمون ينفذون أخطر عملية سطو مسلح على شقة مهندسة نهاراً جهاراً
ملثمون زي افلام الأكشن ولا لابسين كدمول المرة دي 😳😳
📰 الصحافة
🔹 النائب الأول : الحكومة القادمة جامعة
المشكلة تمشوا تبيعوها زي جامعة الخرطوم 😂😂
📰 الصحافة
🔹 محافظ بنك السودان : العام المالي الحالي سيكون بلا عجز
والاستدانة من النظام المصرفي او بيوت التمويل بتجيكم هبة ربانية ولا كيف ياحازم 😡😡
📰 الصحافة
🔹 المؤتمر الشعبي يتبنى خطة لتوحيد المعارضة
في البداية وحدوا رأيكم حول المشاركة والحريات يا شباب 😁😁
📰 الرأى العام
🔹 النائب الأول للمتمردين : أرضاً سلاح والسودان يسع الجميع
الغريبة الكلام في كسلا كان لو رجال اطلعوا الشارع وعارفين البحصل ليكم شنو لو طلعتو 😡😡
📰 الرأي العام
🔹 تشكيل لجنة عليا للحد من انتشار مرض الفشل الكلوي
يعني ح تقدروا توقفوا كل شركات الكيزان البتستورد السموم والأغذية المضروبة 🤔🤔
📰 آخر لحظة
🔹 الخلافات تشتعل داخل الاتحادي وقائمتان للمشاركة في الحكومة
الدواعش البرة قائمة الحسن بكون شفطوا هواء ساي 😂😂
📰 آخر لحظة
🔹 استرداد 71% من الأموال المعتدى عليها في الخرطوم
الاعتدي عليها منو المدير ولا دا سواق الترحيل المرة دي 😁😁
📰 آخر لحظة
🔹 الاتحاد الأفريقي : لا وجود لجيش الرب بالسودان
والله طالما امريكا ماسكة ليكم العصا والجزرة ممكن تقولوا الاسلام ذاتو في السودان بقي مافي 😡😡
📰 الاهرام اليوم
🔹 تشريعي الخرطوم يطالب بتطبيق العقوبات الحدية علي المعتدين علي المال العام
وزي الزول الضرب 27 مليار من التلفزيون دا يقطعواةيدو بس ولا يفرموهو 😳😳
📰 المستقلة
🔹 بنك السودان يعلن 2017 عام بلا عجز
وال3 ونص مليار دولار القلتوها في البرلمان كانت كاميرا خفية ولا شنو 🤔🤔
📰 الوان
🔹 البشير يزور الامارات منتصف فبراير بدعوة من سفيرها بالخرطوم
يعني هسي ممكن محمد بن راشد يزورنا لو دعاهو السفير السوداني بالامارات 😂😂
📰 الوان
🔹 الاتحادي الأصل يدعو نداء السودان للدخول في الحوار مع الحكومة
لما تعملوا قائمة واحدة تشاركوا بيها الحكومة اعزموا باقي الناس 😁😁
📰 الميدان
🔹 الشيوعي بحلفا الجديدة يدعو للتصدي للارهاب
التصدي للحكومة هو التصدي للارهاب ارحكاكم علي الشارع ✌🏻✌🏻
😝 بشير اربجي 😝
😝 Basheer Arbagi
