قررت الرجوع لـ(الميدان) وترتيب اوضاعها،..العدل والمساواة (القيادة التصحيحية) تعلن الغاء اتفاقها مع الحكومة
الخرطوم :
غادرت حركة العدل والمساواة (القيادة التصحيحية) الخرطوم مساء امس ،غاضبة وقررت الرجوع لـ(الميدان) وترتيب اوضاعها، بعد ان اتهمت الحكومة بالتنصل عن الاتفاق الذي وقع بين الطرفين اخيرا وعدم تنفيذ اضافة بندي الترتيبات الامنية وتقسيم السلطة والثروة في الاتفاق .
وابلغ المتحدث الرسمي باسم الحركة يوسف مخير (الصحافة) ان قيادات الحركة وكوادرها غادرت امس الى ولايات دارفور لتعزيز مواقفها العسكرية بعد ان تنصلت الحكومة من اتفاقها ولم تفي بوعودها وقال « اتحدث معك الآن وانا في تخوم ولاية الخرطوم في طريقي الى الميدان «وتابع « غادرت اغلب قيادات الحركة وسيلحق بهم آخرون «.
وقال ان الحكومة تماطلت في اضافة بندي الترتيبات الامنية وتقسيم السلطة والثروة تعهدت باضافتهما مسبقا في اتفاق يوقع في الخرطوم مع الحركة ،مضيفا ان مفاوضوا الحكومة نقلوا لهم ان الوقت غير مناسب لتطبيق البندين وتابع « قررنا مغادرة الخرطوم واعتبار الاتفاق لاغيا واخلينا مساكننا التي كنا نقيم بها في احياء الرياض والطائف شرقي الخرطوم «.
الصحافة
خلو بالكم يا حركة العدل و المساواه الاصليه دول استخبارات مؤتمر وطني
أنتم بعتم القضية بسكناكم في الرياض والطائف ونسيتم سكان المعسكرات واللاجئين وخرجتم بسبب المناصب والخلاف عليها فروجو غير مأسوفا عليكم وعودوا للحرب بعد أن بعتوها من أجل المناصب والرياض فلا موضع لديكم أنتم لاتحدمون قضية دارفور بشيئ
خلو بالكم يا حركة العدل و المساواه الاصليه دول استخبارات مؤتمر وطني
كل واحد يجي ويتفاجا بانو الكيكة خلصت ومابقي حاجة فيها يعمل نفسو بطل ويرجع يفتش الاعلام شعب كلة حرامية ومرتزقة ربنا يخسف بيكم ارضة
هى وين الثروة الكل يوم بتتقاسمة فيها جننتونا والله شئ عجيب :
انتم متى وقعتكم اتفاقية مع الحكومة يارشباب ؟ عتى كل حال الشارع السوداني لم ىيسمع بهذه الإتفاقية بل انكم ظهرتم في الإعلام الحكومي بأنكم انسخلتم من حركة العدل والمساواة بحجة عدم شفافية الحركة اما ما تعتبرون تخليكم عن الإتفاقية يدل على ان الحكومة وعدتكم واخلفت وهذا طبيعي مع المرتزقة
أخلينا مساكننا التى كنا نقيم فيها فى ( الطائف ) و ( الرياض ) ! !!!!!!!؟؟؟؟؟
مسكين يا بلدي الحبيب الكل بقطع في لحمك وطمعان فيك وكله بأسم المهمشين والغلابة شال سلاحه وعمل فيها بطل وهو كل همه السلطة والثروة !!!! وثروة شنو البتتكلموا عليها ما خلاص بترول وبح ومشاريع زراعية وبح وثروة حيوانية ونصها راح مع الجنوب وحتى الصمغ العربي حالو يغني عن سؤالو والاراضي خلاااااااااااااااص اتوزعت تاني فضل شنو ؟؟؟ ثروة ثروة انتو فاكرين نفسكم دول الخليج كل واحد داير الثرة ؟؟؟؟؟؟؟؟ يا ناس يا هووووو اهلنا المساكين في دارفور وجنوب كردفان تعبوا منكم ومن حروبكم وما دايرين منكم حاجة لا انتو ولا الحكومة بس خلوهم في حالهم يعيشوا في سلام ….كرهتونا البلد الله ياخدكم كلكم وكل من اتسبب في تعب وشقاء اهلنا وشردهم من بيوتهم وقتل اولادهم ربنا ينتقم منكم جميعا
هوييي دا كلام كتير نحن جوا البلد جاهزه والتار التار جوا الدار وانتهي الكلام
كلام المهندس مظبوط يا ناس العدل والمساواة , يقول الكيزان ان الحرب خدعة وفاكرين بيقدروا يخدعوكم. لا تجعلوا الذين مدوا ايديهم لناس المؤتمر الوثني ان يعرفوا اي شئ عنكم ولا تضموهم اليكم ، الحذر ثم الحذر اللهم هل بلغت اللهم فاشهد.
يعني تقولوا لناس الحكومة الاتفاقية ملغية ونحن ماشين الميدان عشان نحاربكم ونحن هسع على تخوم الخرطوم وكان دايرن دواس تعالوا لينا .. والحكومة تعاين ليكم وتقول ليكم قشة ما تعتر ليكم ؟؟؟؟؟؟؟؟..
ياخي نحن قنابرنا اتظعمطت زمان وما فضل لينا قنبور ..
قوموا بلى يخمكم ديل على ديل
ناس المؤتمر الوطنى اتفاقهم معاكم أنو يسكنوكم الرياض و الطائف فى ارقى احياء الخرطوم و ليس اكثر من ذلك
والله اي زول شايق عندو الحق يحارب الحكومة الباب مفتوح لكن نقول لناس القياده التصحيحية انتو ما اياديكم اتلوثت بدما الشعب بعد ما جتو الحكومة واكلتو من المال المسروق ونفزتو اجنده الحكومة وجيشكم قاتل جنبا الي جنب مع الحكومة في قتل الابريا والعزل في ارجاء السودان غربها وحنوبها وحسي خلاص المصاريف الادوكم انتهي ولاشنو ياجماعة شدو حيلكم وكونو علي كلام واحد يا حرامية يا ابطال النصر وحددو يا ضل ياشموس ماتبقو رقراق
كلام قصير مابتسمع
مخير…..
ههو محامي ينتمي الي قبيلة الرزيقات العربية في دارفور…..ومعروف عن هذا الرجل بعدم نزاهته والمتاجرة باسم قضية المهمشين وهو مع من يراهم انهم سيحققون له تطلعاته…..فعندما كان مع الهالك خليل ابراهيم كان يأتي الي نيالا خفية وكان يشكو من عنصرية ابناء الزغاوة داخل حركة العدل والمساواة وان العرب داخل الحركة مضطهدين وهم اخر من يعلم بتحركات القوة القوة ووجهتها……وكان من الذين يحثون خليل للحاق بطاولة المفاوضات لضمان والسلطة والثروة….وبعد مقتل خليل شعر هذا الرجل بان مصير الحركة هو الهلاك خاصة بعد مقتل قائدها, فهرب مع مجموعة من محبي السلطة ليرتمو في احضان الحكومة لينالوا قطعة من الثروة والسلطة…..وكانت اجتمعاتهم مع الحكومة في برج الفاتح ….وبعد التحقيق والرجوع الي خلفياتهم علمنا بأن هؤلاء مجرد محبي سلطة لن يقدموا شيئا لوطن وليس لهم اي قواعد عسكرية تذكر فهم 8 اشخاص هربوا من حركة العدل والمساواة……وعن حديثهم عن توجههم الي الميدان بدارفور فنقول لهم بأن دارفور خالية الان من كل متمرد عربيد……ولن يستطيعوا الرجوع الي حركة العدل والمساواة لعلمهم بالمصير الذي ينتظرهم…….
نتو ناس وسخين وساخة غبر عادية انتم عار علي ثوار دارفور وثوار السودان عامة….كمان بكلو بجاحة وسفالة وقلة حياء بتقول اخلينا مساكننا في احياء الرياض والطائف واضح انكم اسفل من الكيزان بالف مرة بعد ماشلتوكم بالجزم جيتوا تاني راجعين ماقلتوا بعد مقتل خليل نحن رواد سلام انتو ناس خونة وجزم….انتو عار علي دارفور والسودان اجمع عار علي كل شخص ابي ابي التفاوض وسكني الفنادق وكافوري والطائف وبعد ده قال انا ثائر ….امشي بلي يخومك انت والخونة المعاك والله حقوا ناس العدل والمساواة يصلبوكم ويقتلوكم كلكم……….جزاء خيانتكم ….السودان لا يعرف الخونة وبائعي قضاياهم بالمال والجاه ياسافل يامنحط ياحقير ياتفه ياحشرة
نخشى أن يكون ذلك مجرد مسرحية لاتقل عن مسرحية أذهب للقصر رئيساً وسأذهب إلى كوبر سجيناً بحيث تصبح هذه المسرحية أبقى في القصر راقصاً وسأذهب للمعارضة الدارفورية جاسوساً فيكونوا هؤلاء قد تم تجنيدهم وإعدادهم لزراعتهم وسط ثوار دارفور حتى يسهل تصفية القيادات واصطيادها على شاكلة تصفية الثائر المناضل الدكتور خليل أبرهيم
اعملوا حسابكم يا ناس العدل والمساواة
هذه مسرحيه … هذه طبخه
ما يسمي القياده التصحيحيه هؤلاء عباره عن عملاء للنظام
يمكن الحكومه ارسليهم عشان يقوموا باغتيلات جديده وسط قادة الحركه
بتاعين الانقاذ هولاء مجرمين جدا
يجب الحذر … الحذر واجب
………………………
انا عارف انكم فلستو تعالو عشان تاخذو 20مليار ومصاريف العيال 00000000 ابو ريالة المحترم000000000عمكم عبدالرحيم محمد حسين