طالع كيف تبرر الدبلوماسية السودانية عدم سفر البشير الى أندونيسيا
ألغى الرئيس السوداني، عمر البشير، بشكل مفاجئ زيارة كانت مقررة له للمشاركة في قمة دول عدم الانحياز بالعاصمة الإندونيسية جاكرتا.
وقال علي الصادق المتحدث باسم الخارجية السودانية للصحفيين، إن إلغاء زيارة الرئيس البشير بسبب انشغاله بمتابعة الأوضاع بعد الانتخابات، وسيرأس وزير الخارجية علي كرتي وفد السودان المشارك في القمة.
ورفض الصادق، الربط بين إلغاء الزيارة وملاحقة المحكمة الجنائية للرئيس البشير.
كان المتحدث باسم الخارجية أعلن الأحد أن البشير يغادر الاثنين للمشاركة في القمة، التي كانت ستصبح أول رحلة يقوم بها خارج أفريقيا والشرق الأوسط من منذ حوالي 4 سنوات.
وتلقى البشير في مارس الماضي دعوة من نظيره الإندونيسي للمشاركة في القمة، بحسب بيان صدر من الخارجية السودانية وقتها.
يا شيخ الصادق هي تلك الحقيقة انه خايف العالم اجمع يعرف ذلك ، ولو جعلتيه ليه ما مشى عشان تاني ما يشوف النور كان امشي كان ما خايف .
هو خايف ونتمنى ان ياتيه نكير هنا في السودان ويشيلوه اودوه الجنائية وبالمناسبة هو كرت محروق البشير اين يذهب من الله .
ماقلت بتجينا ياحليل مجيك ههههههههههههههههههههههههههههههه
أي دولة في العالم تهتم بعلاقاتها الخارجية .. حتى أمريكا لا تريد أن تخسر في علاقاتها الخارجية أي دولة مهما كان حجمها ….. طيب نحن عندنا رئيس أصبح عقبة في علاقات السودان الخارجية … ومن المفروض والطبيعي أن يعزل …. لكن كما أردد دائماً الناس ديل شغلهم كله كذبه ويصدقوها…
هم مفتكرين المحكمة الدولية بتجي يوم وتقول خلاص عفا الله عما سلف … لا والله الناس ديل مطاردين البشير إلى النهاية…
طبعا طبعا. الكذب ما هو سمتهم اجمعين, الغريب فى الجماعة دى يكذبوا الكذبة ويصدقوها هم انفسهم, وهذا يعنى انهم جبلوا على الكذب, وهذا بالمقابل يعنى انهم بالنص الشرعى يعتبروا ” منافقين “, وصدق سيدى رسول الله صلوات ربى علية وسلم, اذ قال ( ( آية المنافق ثلاث ، إذا حدث كذب ، وإذا وعد أخلف ، وإذا اؤتمن خان )،فهم اجمعين بنص الحديث الشريف انهم منافقون لامحالا, ولاجدل فى ذلك. والله المستعان, ونعوذ بالله من النفاق والمنافقين. وكفى ……………….
يا اخي سلم نفسك ريحنا وريح نفسك عشان نقلب الصفحة ..
جاكرتا يا بتاع الكرته !!؟
انت زي جندي الشطرنج تتحرك في مسار محدووووود .
يا جماعة ساقطين وكمان فيها سفر
رئيسنا دا بقى ركشة
ما بقطع الكباري
ان قال الروب
اخير من ينقطع نفسه بالجري
خلاص مادام خائف وماحيقدر يمشى خلى الكابلى يجيك فى القصر ولافى حوش بانقا فرع كافورى ويغنى ليك:
“عندما اذكر ياقلبى الاناشيد القديمة…
فانا مازرت يوما اندونسيا ….”
ههههههههههههههها احلى حاجة في الصورة الماسورة الكابة في السروال
ود ام زقدا
هههههههههههههههههههههههه كابة الزوغة من أندونيسيا,البشير عرف حجمه الحقيقي
تفاجأ الرئيس بمشغولياته بمتابعة الاوضاع بعد الانتخابات بعد ان اعلن عن سفره!!!!! حكمه عجيبه فاشلين حتى فى الكذب
بالمناسبة .. لقد تتبعت صباح اليوم أكثر من 10 مواقع عالمية ذكرت خبر إلغاء سفر البشير ، وقمت بالتعليق فيها جميعاً وذكرت السبب الحقيقي الذي دعاه إلى إلغاء السفرية حتى لا يخدع القارئ العربي بما تقوله الخارجية ..
يعني تااااني خمس سنوات بي جنس الحال دا ؟؟؟
ههههههههههههههههههههههههههههههههههههه
الكبه الزوغه منو يا ناس الكبه الزوغه منو
بشه
اللهم ضيقها عليه أكثر ..
فانا ما زرت يوما اندونيسيا….
يا جماعة الخير انتو ما شايفين انو البشير وجماعتو ربنا بدأ في عقابهم بالسيسي. حبة حبة والله في غاية الإستمتاع انا اتفضحوا فضيحة السواد والرمادز
دة كلو حق الشعب يا ظالم يا مفتري كتال الكتلا مغتصب الحرائر الكضاب المجرم الوسخ….
يا رب زيدفي عذابو.
صدقناكم خلااااص …. ياخي تخ .
سؤالي لمن انتخبوا هذا الشخص ، ما مبررات انتخابكم له و هو مطارد و مطلوب مثوله أمام المحكمة الجنائية…. هرب من نيجيريا مخافة أن يلقى عليه القبض ، و أرجعت السعودية طائرته من اجوائها حين أراد أن يذهب لأيران للمشاركة في حفل فوز الرئيس الايراني …
زول سجله الإجرامي تنوء به العصبة فكيف تنتخبون من لا يستطيع ان يقوم بجميع واجباته الرئاسية؟ على القضاء السوداني اعفاءه و إراحتنا من هذا الهم الكبير…
فضحنا الله يفضحه
الضرب على الميت حرام .الكيزان اساسا دي حاجات عاديه بالنسبه لهم يكوتوا مطالبين وملاحقين .وهم لا يختشون ابدا .كل همهم جمع المال وكل شئ مباح لهذا المبداء . ولكن هذه وصمة عار لنا نحن السودانيين ان يكون رئيسنا مطلوب للعداله الدوليه .خجله لينا نحن .الله يغطس حجركم كيزان السجم .
الدبلوماسية السودانية تتعامل غالباً مع المواطن السوداني كتعامل أي شخص مع شخص في مقهى باستخفاف واستهبال
هذا العمل الغير مسئول من يتحمل مسئوليته ؟؟ رئيس دوله كانت محترمه جدا
منذ اﻻستقﻻل خاصة فى المحافل الدوليه منذ مؤتمر باندونق – السيد الزعيم اسماعيل اﻻزهرى الى آخر حكومه منتخبه بزعامة السيد الصادق المهدى ويؤخذ برأيها فى كثير من قضايا المنطقه سواء كانت على النطاق اﻻفريقى اوالعربى واﻻسﻻمى الى شخص مكروه دوليا ومطارد بل كل يوم شارد بفضيحه !! ماذنب هذا الوطن العظيم ان يحكمه شخص يفر منه العالم كالمجزوم ؟؟ ولماذا يتحمل الناس والبلد هذا ؟؟ ثم اﻻيوجد شخص ينصحه كيﻻ يدخل نفسه ونظامه فى حرج ؟؟
واين مايسمى بالوزراء والمستشارين الذين يملئون دواوين الدوله وقصر الحاكم ؟؟
والله لو كان هذا الشخص تهمه كرامة البلد وعزتها والتى اساء اليها هو ومن معه
ﻻستقال او انتحر اليوم قبل الغد بعد ان يقتل ذلك الطاقم او على اسوأ الفروض يرميهم فى غياهب السجون .
اقتباس ((ورفض الصادق، الربط بين إلغاء الزيارة وملاحقة المحكمة الجنائية للرئيس البشير.))
ما زال الرجل يكذب ويتحرى الكذب حتى يكتب عند الله كذابا .
الغريبة اسمه الصادق وهو لا يحمل ذرة صدق فى حديثه .
حقا أشباه الرجال ولا رجال .
كدى خلى يمشى لندن دى بس لو هو اصلا راجل وعامل فيها عنتر
اتخيلت البشير بعد اعلان (((فوزه))) يقيف ويقول لينا قررت اتنحى ويخلى خشوم (((عصابته))) ملح ملح اسوى شنو عايتو بحاول اطمئن فى نفسى شويه …
يالك من رجل جبان يابشة افو يا البشير تخاف يادودو بتعرف دودو كان زمان بيدق الدلوكة مع ناس حمبرا فى كبوشية بتعرفوا ياجبان على الطلاق ارجل منك الله يرحمه ويسكنه فسيح جناته ويدخلك يابشير جهنم خالا فيها ابدا يارب العالمين ماقلت راجل ياعديم الرجولة
المهم فى الامر يابشة انت انسان غير مرغوب فى شخصك دوليا ولا من شعبك بلاى انت صنفك شنوا من البشر انتخابات وانت تعرف الواقع وانك شخص غير مقبول ولا يمكن لمواطن شريف ان يقبل بامثالك ان يشجع فريق كورة مش دولة بحجم السودان يحكمها حمار بزيل فاقد الاضنين لا فهم ولا تعرف اى حاجة راجل دلدول ( ودودو ) صاحبك وعرفك بيه نافع كدى اسالو منه وبالرغم من ذلك ارجل منكم الاتنين
ياريت لو سافرت ومسكوك ريحونا من وجهك القبيح دى يافقر
منقولة من منتدى ابو جبيهه ومهداه للسيد الرئيس
قصيدة اسيا وافريقيا ……. للشاعر تاج السر الحسن
عندما اعزف ياقلبي الاناشيد القديمة
ويطل الفجر في قلبي على اجنح غيمة
ساغني اخر المقطع للارض الحميمة
للظلال الزرق في غابات كينبا والملايو
لرفاقي في البلاد الاسيوية
للملايو ولباندونق الفتية
لليالي الفرح الخضراء في الصين الجديدة
والتي اعزف في قلبي لها الف قصيدة
*********
ياصحابي صانعي المجد لشعبي
ياشموعا ضؤها الاخضر قلبي
باصحابي وعلى وهران يمشي اصدقائي
والقنال الحر يجري في دمائي
وانا في قلب افريقيا فدائي
وعلى باندونق ستمتد سمائي
ياصحابي ياقلوبا مفغمات بالصفاء
يا جباها شامخات كالضياء
عند حلفا وعند خط الاستواء
لست ادري فانا مازرت يوما اندونيسيا
ارض سوكارنو ولا شاهدت روسيا
غير اني والسنا من قلب افريقيا الجديدة
فد رايت الناس في قلب الملايو
مثل ما شاهدت جومو
ولقد شاهدت جومو مثل ما امتد
كضوء الفجر يوما
*******
مصر يا اخت بلادي يا شقيفة
يا رياضا عذبة النبع وريقة
يا حقيقة
مصر يا ام جمال وام صابر
ملء روحي انت يا اخت بلادي
فلنجتث من الوادي الاعادي
فلقد مدت لنا الايدي الصديقة
وجه غاندي وصدى الهند العميقة
صوت طاغور المغني
بجناحين من الشعر على روضة فن
يادمشق كلنا في الفجر والامال شرق
********
انت يا غابات كينيا يا ازاهر
يانجوما سمقت مثل المناير
يا جزائر
ها هنا ينطلق القوس الموشى
من كل دار وكل ممشى
نتلاقى كالرياح الاسيوية
كاناشيد الجيوش المغربية
واغني لرفاقي في البلاد الاسيوية
للملايو ولباندونق الفتية
*******
اهديكم هذه القصيدة الرائعة والتي كتبها الشاعر الفذ تاج السر الحسن وقام العملاق الكابلي بتلحينها واداءها في اول مؤتمر لدول عدم الانحياز وتم تسجيلها وتوثيقها ووضعها في متحف باندونق واشاد بها الزعيم الخالد جمال عبد الناصر.
رئيس محبوس…اسد افريقيا اصبح محبوس فى قفص… فى جنينة الحيوانات
هو اسد افريقيا كلو كلو ما بيطلع من عرينه ويدي العالم الفسيح ده طله
دي بقة زي زي المرا المحبوسة مايقدر يمشي اي مهل تاني فصاتوا الا في الشعب المسكين دي رفع الدعم وزيادالاجور وميدان القتال والسلاح والبندقية .
تبا ليك ايها الراقص الهغير والابلح .
YA OMER EL BASHIR..DO YOU FEEL HAPPY NOW WITH GETTING ANOTHER 5 YEARS OF DARK RULE ?? DO YOU ENJOY RULING, SUFFERING,, MISRABLE,,HELPLESS CITIZINS OF YOUR COUNTRY WHO 99% OF THEM DISLIKE YOU?? ..IF THE ANSWER IS YES,, THEN CHECK YOURSELF AT TEGANI EL MAHI PSYCHIATRIC HOSPITAl
7 سنوات زوغان من المحكمة الجنائية علي حساب رفاهية الشعب السوداني ؟