بعد يوم وصفه مراقبون بالأكثر دموية واصلت القوات الانقلابية الرصاص والغاز المسيل للدموع بكثافة على مئات المتظاهرين في الخرطوم، اليوم الجمعة، احتجاجاً على الحكم العسكري. وخرج موكب اليوم في الساعات الاولى من الصباح بهدف الوصول إلى القصر الجمهوري بعد المجازر والقمع المفرط الذي تعرضت له مواكب الامس سقط على اثره (9) شهداء ومئات المصابين.
وردد المتظاهرون شعارات تطالب باسقاط النظام (الشعب يريد اسقاط النظام) والقصاص لدم الشهداء (الدم قصاد الدم ما بنقبل الدية)، ورفع المحتجون صور الشهداء الذين سقطوا امس الخميس.
ودعت تنسيقية لجان مدينة الخرطوم الثوار والثائرات السلميين لدعم اعتصام مستشفى الجودة والعودة بذات المسارات المعلنة لمليونية مواكب الامس. ومن المتوقع توافد الثوار من كل احياء الخرطوم عقب صلاة الجمعة في مواكب حددت لها التنسيقية مسارات نوهت الى انها ذات مسارات مواكب الامس.
وكان ثوار مدينة أم درمان قد اعتصموا أمس أمام مستشفى الجودة، بعد تمكنهم من إزاحة (الكونتينرات) من على كبرى النيل الازرق ودخول الخرطوم، حتى وصلوا مستشفى الجودة بعد محاولات كر وفر لدخول محيط القصر الجمهوري، بعدها انسحب الثوار الى محطة باشدار بشارع الصحافة زلط والتحفوا الارض رافضين دعوات ثوار الخرطوم للمبيت بالمنازل التي تمت تهيئتها بالكامل لاقامتهم.
ورصدت متابعات (مداميك) الاشتباكات التي تمت بمحيط شروني منذ الصباح حيث صمم الثوار الوصول للقصر الا ان آلة القمع منعتهم وأطلقت الرصاص والغاز المسيل للدموع بكميات كبيرة وتراجع الثوار لمحيط الاعتصام واقاموا صلاة الجمعة.
مداميك
ومافي شك صلاة الناس الصادقين اخوان الشهداء الماتو عشان يفدوا الوطن ..صلاة الأنقياء الماسرقوا فلوس ست الكسرة المسكينة ..صلاة الشباب الزاهدين المقدمين أرواحهم رخيصة للوطن ..الما هربوا مشوا لتركيا بقروش المساكين ..ديل بأذن الله صلاتهم ماشة فوووق..وفي واحدين صلاتهم ما فايتة عممهم المطرظة..
المفروض العواطلية ديل يمشوا يشوفوا ليهم شغل
حياة الناس وقفت من العبث البعملوا فيه دا
ويجب أن تتعامل معهم الحكومة بالحزم اللازم
الكل كان منتظر مليونية امس وفشلت
اتضح انو الجماعة معتمدين على الشفع وحبوب الخرشة
خلوا الناس تشوف اشغالها
إنت يا خرا في واحد قال ليك تعال أطلع معاهم !! أمشي شوف شغلك وين وخليك مع فلولك يا زبالة .. الشباب ددول شرف لن يناله الأنصاص من أمثالك
لا بد من التصعيد الثورى اليومى .. أى فرصة للتنفس .. ح نبدأ من الصفر .. الجيش لا محالة سوف ينحاز فى النهاية .
هههه قال صلوا صلاة الجمعة مومنين شديد ديل وبيعرفوا الله هههه واي واي ههههه اتوضوا وين هههه ولي هي صلاة بدون وضاء غايتوا انشاءالله الله يهديهم ويرجعهم لعقلهم القحاتة ديل وياناس الحكومة عليكم الله ايام المظاهرات ارفعوا الإذن في الجوامع طول اليوم والقران عشان الشواطيين تطلع من البلد وبعدين بدل ماتعملوا الاعتصام في الجودة الشيوعي المافيه فائدة احسن امشوا اعملوا الاعتصام اما بيت السفير السعودي او اليسفارة السعودي عشان يترك شان السودان ومايتدخل في شئون البلد امشوا كسروا ليهم السفارة التي لايتم فيها غير العمالة للامريكا او القتل للصحفيين