الهلال يوقف نشاط هيثم مصطفى ويلوّح بشطبه

للمفترض ان يتم شطبه من لائحه النادي والفرصه للشباب الصاعده يكفي من مشاكله الداخليه مع الاعيبه ومع الاداره

يا حليل زمن الرياضة والاخلاق العالية والاحترام للكبير
هذا زمانك يا مهازل فا مرحي
جيل بلا اخلاق ليس جدير بخلق الاختلاف
رحم الله شعبا عرف قدر نفسه

مخطط البرير لنسف برنس الهلال و السودان هيثم مصطفي كان واضحا وضوح الشمس من اللحظة التي نبش فيها البرير طيبي الذكر حمد كمال و خالد بخيت و ادخلهما الجهاز الفني للفريق و معلوم لدي الجميع خلافات البرنس مع الاثنين خاصة حمد كمال ولو كان البرير يريد الاستغادة من شباب الهلال في التدريب فهنالك من هو اجدر من هذين الاسمين مثلا مبارك سلمان، صبحي، السادة ثانيا هيثم مصطفي وبكل وضوح هو مستقبل الهلال في الناحيه التدريبية . اتمني ان يطير البرير واعوانة ولو بي جمعية عمومية قبل مايطيروا برنس السودان فقد قدم للهلال اضعاف ماقدم البرير

ام جركم ما بتاكل درتين
هيثم نحن نكن لك كل احترام بما قدمته للهلال ولكنك مصّر على تواجدك ولياقتك لا تسمح لك بذلك وكل نجوم الكرة الكبار يعتزلون وهم فى قمة مشوارهم فلا تستمع لتحريض من شخصيات لا تريد استمرار الهلال .
تاريخك حافل بالبطولات والذكرى الحلوة فلا تجعلنا نراك بعين اخرى .
لا تعاند العمر وتبقى زى البشير بعد شوية كرعينك بتكعوجو .

البرير من الرأسماية الطفيلية الإنتهازية وكان وصوله لرئاسة مجلس الإدارة بخبث وكيد المؤتمر الوطني وابتككارات عباقرة الخبث لدى اللجان المتمرسة والقاسم المشترك بين هذه الكوادر التسلط والعنجهية ويحبذون أن تكون الكوادر المساعدة لهم من الكوااد الخانعة ذات الكفاءة المتدنية من والذين دائما يجيدون الملق ومن هذا المنطلق فإن الصراع شكله كما جاء في هذا المقال وسيذهب المدرب وسيذهب البرير ولكن يبقى الهلال كمؤسسة تربوية عريقة صمدت طويلا أمام فساد الإنقاذ حتى أوصلت البرير أخيرا ونفضل أن يكون ضغط الجماهير متواصلا

هيثم بنحبوا لانو لعاب لو الهلال ده خرج من بطولة الكنفدرالية لا قدر الله وانتو شطبتو هيثم المجلس كل يخرج من النادى دا لنكم مابتعرفوا مصلحة الهلال نحن ما لاهاى ولا الاتحاد الافريقى عشان نتظر القانون والكلام الفارغ البتعمل فيه دا يا مجلس الهلال وانزار يا البرير.

بعيدا عن ما اذا كان الكابتن هيثم مصطفى مخطي ام لا ما علاقة مدير العلاقات العامة بالنادي بالنشاط الرياضي على المجلس تحديد صلاحيات ومهام الادارات حتى لا يختلط الحابل بالنابل ويصبح كل مسؤول يتدخل في غير اختصاصه وبالتالي تحدث الفوضى ويعم الهرج والمرج وعلى رئيس النادي ان يتدخل بقوةلحسم مثل هذه التفلتات الهلال في حاجة ماسة لخدمات الكابتن واللاعبين واستقرارهم نفسيا ومعنويا هو الاهم في المقام الاول لمسيرة النادي لان اي تراجع في اداء الفريق يكون مرده للاعبين ولا يسال عنه مسؤول علاقات عامة ولاخلافه ومن يحاول ان يحرم او يوثر في تحريم الفريق جهود احد اللاعبين ليس مكانه نادي رياضي يسعى لفرحة انصاره وتشريف البلد الذي يمثله

البرير رئيس غير مناسب وهيثم لاعب غير مناسب في المرحله الحاليه …… ياخ الرئيس الكبير مامناسب … الاكل مامناسب الشغل مامناسب … الكوره لزومه شنو ياخ …. اللهم لاتغادر فيهم احدا

والله حكاية

نذكرهم بالخفعلاً انت سوداني جداً وده واضح من خيالك الواسع لتضخيم الامور !!! منو القال ليك في مخطط؟
انت لو متابع الرياضة خاصةً كرة القدم لعرفت من غير صعوبة انو هيثم مصطفي لم يعد كما كان
من ناحية ضيق اخلاقه والتمرد الكثير والذي لا يحصي والدلع ورفض توجيهات المدربين والجهاز الفني
وسبق ان تم ارضاؤه في اكثر من مرة علي حساب رؤسائه . هل شاهدته مرة واحدة فقط كيف يتصرف داخل الميدان عندما يطلب منه الخروج من المبارة في حلالات تبديله بلاعب آخر ؟ عطاؤه لم يعد كما كان في السابق .نعم قدم للهلال لاننكر ذلك ولكن عليه ان يذهب محترماً بدل ان يصبح خميرة عكننة . لا نريد
ذكر اللاعبين الذين قدموا للهلال فالقائمة طويلة ومازلنا ير.

صراحة البرير والمدرب الكيسو فاضي المطرود من الوداد المغربي سوف يدمرون الهلال ونحن هلالاب بالميلاد ولكن حال الهلال لايسر في زمن هذا التاجر البربري وهذا الخواجة المضروب قولوا لي ماهي الفرق زات العيار الثقيل التي قابلها الهلال حتي الان؟؟؟ الشلف طيش المجموعتين في الابطال طيرنا من الابطال والتي كنا زبائن دائمين في مجموعاتها يجي فريق زي الشلف يتعادل معنا في المقبرة.. مباراة المريخ في الدورة الاولي بالرغم من فوزنا بهدف بشة لكن المريخ كان ممكن يغلبنا 6 صفر واول مرة نشعر بعدم هيبة الهلال في هذه المباراة رغم الفوز… مباراة سيركل باماكو والله العظيم لو كان عندهم مهاجمين ممتازين كنا رجعنا من مالي بهزيمة تاريخية.. ومباراة اهلي شندي الاخيرة غلبناهم اتنين بعد ولادة وكنا ننتظر صافرة النهاية زي انتظار الوالد لمولوده الجديد من شدة العصر.. والطامة الكبري مباراة القمة الاخيرة نتعادل مع فريق يلعب بعشرة ومستسلم حتي جمهوره قنع من الكورة وكانو عايزين يبوظوها باي طريقة خوفا من الفضيحة ولكنهم لا يدرون بانهم يلاعبون نمر من ورق في زمن هذا الغارزيتو ولم يفتح الله لهم طوال ال90 دقيقة بهجمة سوي 3 كرات خطيرة علي مرمي الحضري. ياجماعة الهلال الان يفتقد القائد داخل الميدان وصانع الالعاب الاول في السودان حتي هذه اللحظة ولكن بدون اي مبرر سوي مكايدات لا تودي ولا تجيب مكايدات من شاكلة انا مدرب ولازم افرض راي ياخي هيبتك ورايك لكن ما علي حساب مصلحة التيم داخل الملعب في الوقت الحالي. خلاصة القول اذا استمر هذا المدرب طريد اسياد الكورة والمرشح الاول للقب الكونفدرالية فريق الوداد المغربي لو استمر في هذه العنجهية فعلي الهلال السلام ومن الان اذا صعدنا لدور الاربعة فهذا انجاز كبير جدا مع هذا الغارزيتو ولكن لا نعشم في الكاس مع هذا المفتري وحدنا هنا مع محلينا وربنا يكفينا شر الوداد مع دفاعنا الفاتح دا.

أخشي عليك يا برنس من مصير لاعب المريخ السابق ابرهيم حسين ( ابراهومة) لم يشفع لهو تاريخه الطويل أخيرا خيروهو بين الشطب أو الإ عتزال فأختار الثانية والحمدلله اسي امورو باسطة مع الفريق ، صراحة مع حبنا ليك الجارف بس فيك كل ملامحو ،أنا والله نفسي إنك تتوج ببطولة خارجية مع الهلال وبعد دا قربت ما بعيدة بس عايزة منك شوية صبر وإنضباط مع زملاك وإدارتك الفنية والإدارية وخليك كبير يا برنس كما عهدناك وحبيناك من قلوبنا وإختناك يا حلو .

لا احد يمكن ان ينكر تاريخ هيثم فى الهلال.. لكن السؤال ماهى الاسباب التى جعلت لاعب بقامه كابتن الهلال ان يتصرف بهذا الشكل مع إدارة نادى صنع تاريخه…… لو لا ان الكابتن تعرض الى ضغوط لا يتحملها اى بشر. ثانيا هل تجميد نشاط لاعب مثل هيثم اجزل العطاء لمده17عام هو من موروثات وادب الهلال…. فليذهب هذا البرير ومجلسه لمزبله التاريخ ويبقى الهلال بابنائه الذين صنعوا تاريخ هذا النادى العظيم.

يا أخوانا الزول دا كبر وبقى زى ( كبر )!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟

بالله عليكم الله انتوا ما فارغين وواهمين نفسكم برنس شنو وكورة سودانيه شنو ياخي والله الواحد لمن يشوف ليهو ماتش كوره سوداني بطنو بتطم يا جماعة والله دي جريمة انوا نسميها كورة البعملوا فيها دي وخصوصا بعد مشاهدة كورة في الدوري الاسباني او الانجليزي او حتي السعودي باي ذا وي .انا كنت هلالابي وعلي السكين البرنس مع احترامنا ليهو ولما قدموا للهلال وبقي يا دنيا ما فيكي الا انا. يامر وينهي ويسب ويسجل ويشطب كما يحلوا له معقولة دي يا اخوانا البرنس عمروا كم وتلاتين سنة بيعمل في النادي وفي ادارته كده يعني لو كان عمروا 22 سنه كان عمل شنو!!! علما بان هذه هي سنوات العطاء الكروي , كم وتلاتين سنه يعني عمروا الكروي خلاص انتهي يعني بمعني تاني البرنس لو احترم نفسوا وبطل الطنقعه البسوي فيها دي فنادي الهلال دائما حايكون فاتح مفتوح ليهو اما اذا استمر في حركاتوا دي يمشي غير ماسوف عليه والهلال العمل البرنس ما البرنس هو العمل الهلال يمشي وصدقوني حا يعمل برنس تاني وبس وهو زاتوا لو عندو راس مفروض يخلي الشغله دي ويمشي بسمعتوا اخير من ما يجدعوهوا الجماهير بالحجار