آلية.. (مكافحة!!).. الفساد..!ا

آلية الوازع الديني لمكافحة الفساد:

عبدالباسط سبدرات الله يطراهو بالخير، ولا ندري أين موقعه الآن من الإنقاذ، في مؤتمر الشفافية ومكافحة الفساد الذي انعقد بالدوحة قبل عدة سنوات، طرح على الحاضرين الذين اجهدوا أنفسهم في اعداد أوراق علمية وتجاربية عن الفساد آلية فذة في مكافحة الفساد، حيث قال في مخاطبته للمؤتمرين " نحن في السودان يقل عندنا الفساد لأننا نكافحه بالوازع الديني"، لذلك لا غرابة البتة أن يصر أهل المحفل الخماسي بعدم وجود فساد وسطهم فهم مبرؤون من كل عيب وحتى الحديث الشريف " لو سرقت فاطمة بنت محمد لقطع محمد يدها" لا يعنيهم ،،، وليس من العجيب أن يؤكد أحمد أبراهيم الطاهر رئيس البرلمان المنتخب بفساد تزوير الانتخابات عدم وجود فساد وأن المسئولين في الإنقاذ نزيهين،،، غير أن الرجل غضب كما لم يغضب سيدنا عمر بن الخطاب عندما وجد ذميا يسأل الناس حينما ذكرت الصحف راتبه المهول ومخصصاته ومن شدة غضب الطاهر دخل في مهاترة مع الدكتور الطيب زين العابدين دلت على إفلاسه كقانوني مثله ومثل أخيه في التنظيم القانوني الفاشل الذي لم يترافع في قضية ولم يمارس مهنة المحاماة " القول الاخير راجع لأخيهم في التنظيم حسين خوجلي" ،،،، وتجدني في أشد الحيرة في التركيز على البحث عن الفساد لأن هذه الآلية لن تجده فمن يمارسونه في يدهم القلم والختم والتنفيذ وتوزيع الادوار والأحرى وضع آلية للبحث عن النزاهة طالما أن الفساد قد رحل عن سماء السودان بمجئ هؤلاء الملائكة ليطهروا السودان من شياطين الفساد وهم نحن الذين نخطئ ونتوب ولكننا هربنا بجلدنا من السودان حتى لا نعطي الدنيئة في نزاهتننا بسبب لقمة عيش أو نعمل في أجهزة نرى فيها الظلم فنكتب مع الظالمين ،،،،،

انتو بي جدكم؟!
فساد شنو البتكافحو فيهو اذا كان رئيسكم اكتر واحد فاسد في البلد
ماشايفين اياصوفيا البناهو لي ابوهو والقصور السواها والحسي بسوي فيها لي حريمو واخوانو واخواتو في كافوري؟
يعني بالمختصر حاميها حراميها وصحي الاختشو ماتو

يا عثمان إنت ما عاقل ؟؟؟
إقرار ذمة شنو مع بتاعين …….فقه الحاجه ….و,,فقه الضرورة …و…فقه السترة ….ناسك ديل و المتوضئة أياديهم على قولة المتخلف رئيس البرلمان ………الطاهرين الأقوياء الأمناء !!!!!!!!
أفرض واحد عمل قصور و فلل و ركب من السيارات أفخمها و إكتنز من المال و الذهب و البلاتين ( مش الفضه ) الشئ الفلانى و تمتع بالحريم مثنى و ثلاث و رباع و ما ملكت أيمانه …….و بعدين جا قال ليك (( هذا من فضل ربى )) أها حتقول شنو ؟؟؟؟ و هل لإقرار الذمة دى سند شرعى ؟؟؟؟

يا ناس الانقاذ المستمرين فيها والبدأوا يتزاوقوا منها والبين بين والخلوها وأىّ واحد فيهو ريحة منها بالله عليكم أختونا
نحن مابنثق فيكم لأننا تعودنا منكم تلوين الكلام بما يخدم مصالحكم ويغطّس حجرنا تقول الكلام وبمفرداته الأصلية الصحيحة لكن عندكم ليهو تفسير آخر تفرضوه بالقوة وبسياسة اليد الملوية خلف الظهر والتجويع والمعاكسة فى الرزق

يا عثمان ميرغنى غناك ده ممكن يطرب ناسك وانت مش بخلوك تكتب عشان انت مطارد للفساد أو متحرى للحقيقة. انت بخلوك تكتب عشان الناس شوية يتفشوا ( ودى تلقاها عند الغافل ) ولو عاوز تلاوى فى دى شوف الناس المامحرشين زيك الواحد فيهم لو قال كلمات بسيطة مع جارو أو صديقو تلقاه بكرة معتقل وتحقيقات وعذابات و و و

ياهو ده انت بتكتب ومافى زول بيسألك ولا حد بيسأل عن ماتورده برغم أن فيهو اتهامات بتستحق التحقيق ولو ثبتت بتستحق العقاب لكن مافى حد بيجيب خبر

يا عثمان والى يكفى تعليق الأخ عصمت عن اتفاقك انت والعتبانى على دسدست وغتغتت موضوع الفساد الأعلنو شيخكم عشان الواحد يعرف معدنكم

يا زول باختصار كده نحن ما دايرنكم ………. أختونا

يا باشمهندس ما كان في داعي تفقع مرارتنا اكتر من كده وتجيب لينا طاري مهندس البكور عصام صديق الله لا عادو ولا كسبو دنيا واخري يا خي ده حرمنا من القيلولة وخلانا زي الشياطين اظنه ما سمع بالحديث الشريف الذي يقول قيلوا فان الشياطين لا تقيل عليك الله يا هندسة كلم الحيطة خليها تلغي البكور ده رحمة بالعباد