هل تنتقل احداث أم دوم الدامية الي حي الصداقة جنوب الحصاحيصا

والله ماقلت الا الحق لو ماخلينا كلمة الخواف ربى عىالو عمرنا مانكون بنى ادم

حصل في بورسودان وامري وكجبار ونيالا وحاصل يوماتي في دارفور والجبال وكردفان وكان حاصل في الجنوب خمسين سنة ولا زال حصل في كل بادية وقرية ومدينة حصل جوة الخرطوم ذاتا وبحصل يوميا انو الناس يموتو لو ما بالفقر والمرض والاهمال والجريمة بموتو على يد الحكومة حصل في كل مكان وبحصل يوميا لكن ما في زول جايب خبر التاني كل ناس عايشين في دولة داخل دولة او فقاعة داخل فقاعة مع انو الظلم واحد والظالم واحد والمظلوم كمان واحد كل واحد بقول اللهم حوالينا ما علينا كل زول ماشي جنب الحيطة لحدي ما تجي واقعة تكسر راسو كل خواف ربى عيالو على الخوف والذل نحن في عجزنا وخنوعنا عاملين بالزبط زي خرفان الضحية كلنا فاهمين الحاصل شنو لكن ما في زول بفزع للتاني الواحد افضل مبلم لحدي ما يجي دورو تحت السكين اقعد امومي واسكلب لاننا مسكونين ب24 سنة خوف وما قادرين نواجه حقيقة انو سكين الكوز جاية جاية لانها عادلة في ظلمها كلها مسالة وقت ليست الا…

شباب الصداقة واعي ومهذب

اخى العزيز احداث امدوم ظهرت فى معظم بقاع السودان حيث كانت مناوشات مع ناس توتى ومناوشات مع ناس المقرن ومكناوشات مع ناس الرميله الخرطوم وبالنسبه للرميله الخرطوم كانت الاقوى حيث باعت الحكومه حرم ابناء الرميله واغلقت مصرف طبيعى وباعتها الى معظم الدناقله بقدرة قادر لكن ناس الرميله حسب ما سمعت من اهل الشان كانت هنالك مصادمات قويه رحت فيها امراة وجرح عدد من ابناء وبنات الحى بنفس طريقه امدوم حيث قذف البنبان داخل البيوت وضرب المواطنون وعملوا صيوان و سط الميدان
ثم ناس طيبه الحسناب وناس التريعه اضف ناس الفتيحاب والسروراب والجيلى وود رملى وسوبا وبترى والجريفات
كلها اكاذيب ونهب وسلب من الحكومه ضد ابناء الوطن
مشكله امدوم ليست الولى ولا الاخيره وهنالك الكثير من ابناء الوطن يحمون مسقط راسهم وسكن اجداد اجدادهم منذ القدم احكومه تشترى بثمن بخس للشركات هم اصحابها ثم يبيعوها الى الشركات الاجنبيه بالمشاركه والمصاهره ديل خونه وحراميه جنهم سلب ونهب وجشع وطمع لعنه الله عليهم فى الدنيا والاخره
وانا المقاومه مازالت تسرى وتنشط على قدم وساق ضد الطغيان والاستبداد والبلا حكومه حكومه حراميه
ناس امرى وناس الحماداب بالشماليه وناس حلفاء وناس امدوم وناس الرميله وناس الكلاكلات مازالت قضاياهم لم تنتهى وهم مصرون ان يحموا مناطقهم بكل انواع التضحيه والموت فى الارض والعرض شرف وشهاده عظيمه ولسع الايام تحكى وتنظهر ماهو مخفى +

و بالمناسبة قبل فترة في القرية ابوفروع تم استخراج الرقم الوطني و اللجنة الشعبية فرضت عشرة الف جنية على كل فرد مع العلم بان الرقم الوطني بطلع مجانا لو البيت فيه عشرة افراد اللجنة الشعبية تشيل مائة الف مقابل هذا الرقم و الرسوم الفرضتها هذه اللجنة راحت لجيوب اعضاء اللجنة لانها لم تدخل في اي بند لصالح القرية و المواطن العجز عن الدفع ما طلعو ليه رقم و في شخص شجاع جدا من اهل ابوفروع اعترض على هذا المبلغ و قال ممكن يقدم شكوى ضدي اللجنة الشعبية فقام بعض اعضاء اللجنة بتهدئة الرجل و استخرجوا ليه الرقم و لافراد اسرته مجانا و الظاهر انو لجنة ابوفروع فيها ناس لعابين جدا !!!

صداقه ايه الانت جاي تقول عليها حليل المزارع البقت بيوت من دورين فى حي الجنائن ولا احسن اقول كمبو تلاته حليل الدبه ام دبه