امرأة تقاضي شقيق زوجها بسبب وجبة عشاء
مايو: نصرة عبد الرحمن :
تقدمت امرأة لتدوين بلاغ ضد شقيق زوجها، أفادت فيه بأنه بتاريخ البلاغ أقدم على ضربها بحربة في يدها مما سبب لها الاذى، وذلك داخل منزلها الكائن بمايو جنوب الخرطوم، إثر نقاش دار بينهما..
وكانت الشاكية قد أفادت بأن المتهم حضر للمنزل وطلب العشاء، وعندما أحضرته له قال إن الملح زائد. فهرع تجاه الحربة التي كانت موجودة في المنزل.. وحاول تسديد طعنة لها.. وعندما حاولت التصدي له ضربها في يدها.. وفور ذلك ذهبت للمستشفى وتم اسعافها بموجب أورنيك (8) جنائي وفتحت بلاغاً ضد المتهم تحت المادة (139) من القانون الجنائي الأذي الجسيم، وألقت الشرطة القبض على المتهم وتحرت معه وأحالت ملف القضية للمحكمة للفصل فيه.
اخر لحظة
الشي الملاحظ عندنا في السودان دايما المرأة بتحاول تختلق و تفتعل المشاكل مع اهل زوجها و الزوج السوداني في الغالب بضحي بأهله و يتبع المرأة و في نفس الوقت اهل الراجل بعاملو زوجة ابنهم معاملة تافهة عشان كدة في الغالب ما بكون في ود بين اهل الزوج و الزوجة و اهلها عشان كدة يا رجال البلد لو الواحد فيكم حس انه في عدم احترام بين اهله و زوجته مفروض يكون منصف ما يتحيز لجهة و يكون حاسم يقيف مع المظلوم
لو نظرنا للموضوع من ناحية دينية . اولا زوجة الاخ غير مكلفة بخدمة اخ زوجها من الناحية الشرعية واذا فعلت زلك يكون فضل منها تجزى عليه . ثانيا التسامح السودانى فى بعض العائلات اضر كثيرا بالاسر كان يأتى اخ الزوج الى بيت اخيه فى غيابه ويتصرف كانه صاحب البيت يطلب الاكل ويضرب الزوجة اين هى الحدود الشرعية للتعامل مع المحارم . ثالثا واخيرا اين وازع الرحمة بان تضرب مرأة بالة حادة مهما كانت الاسباب . نسال الله العافية . ودمتم
أصلها زعلانة منو ربما لأنو فارض نفسو على زوجها قامت كبت ليهو الملح زيادة عشان تاني ما يقول ليها سوي الأكل وهو فاهم الحركة دي عشان كدا زعل وتلاسن معاها وردت عليه بالجامد ومن ثم لجأ للحربة أفهموها بهذه البساطة ووالحكاية ما عايزة ليها تنظير ياخواجة ويا ود البلد
الزول لسانو واقع والسبب واضح مع العلم انه في جوهنسبيرج السودان ضاحيو امسمكولو وكراي زي بليفت كونتري
بالله عشان الملح زائد طعنها بحربة !!! يعني لو رفضت تجيب ليهو العشاء كان ضربها بانتوف عديل !!!!ا السودان بلد العجائب..والله اخبار السودان لو بترجموها للغات اجنبية زي الانجليزية والفرنسية كان العالم ده كله يقعد ينتظر اخبارنا..وصحفنا نسبة توزيعها حتكون اكتر من صحيفة الشرق الاوسط والواشنطن بوست والاندبندنت …
انا مستغرب الناس ديل بجو من وين