استمرار اغلاق معبر القلابات

انا بستغرب المنفذ الحدودي ده السودان مستفيد منو شنو ؟ غير الاذى ما جايب لينا شي ملايين من الاثيوبين في القرى الاتكونت في الجانب الاثيوبي عايشة على حس المنفذ تاكل وتشرب وتتكسي من السودان وبعد كده اول مايشبعوا يهاجموا القرويين على الجانب السوداني لحدي ما هاجروا من قراهم واصبح الجانب السوداني مافيهو قرية قريبة من المنفذ ولا من الحدود لانها مامستفيدة من المنفذ الحدودي ده شي وبنفس الوقت لا تأمن على حياتها في مكان وجودها القريب من الحدود الاثيوبية المفروض يتم اغلاق هذا المنذ نهائيا ولا يتم فته الا اذا عادت العلاقات وانتهت اطكاع الحبش في ارض الفشقة فأحسن يريحوا الناس من شر الاحباش وهجماتهم منفذ القلابات ده كل ما قفلوهو وتاني ما حيتفتح ونقول ارتحنا تاني الحكومة الغبيانه دي ترجع تفتح المنفذ تصرفات الحكومة اقل من يمكن وصفها انها بتستهتر بالمواطنين السودانيين القريبين من الحدود مع انه اغلبهم طفش ولا ياتي الا للزراعة وولايعود الا للحصاد لان المنطقة غير آمنه تماما