سائق ملاكي يحاول دهــس شرطي حرّر له مخالفة مرورية!
سائق ملاكي يحاول دهــس شرطي حرّر له مخالفة مرورية!
حاول سائق عربة ملاكي دهس أحد رجال المرور اعتراضاً على توقيع مخالفة مرورية له، وقال رجل المرور برتبة العريف في أقواله لشرطة غرب سوبا إن متهماً بارشاده حاول صدمه بعربة كامري محاولاً قتله. وأوضح في بقية أقواله بالتحقيق بأنه كان من ضمن قوة من شرطة المرور تنفذ حملة لمراجعة رخص القيادة وترخيص السيارات وقد اوقفت الحملة المتهم الذي اتضح بانه لا يحمل رخصة اثناء قيادته للسيارة الملاكي فطلب منه الشرطي مقابلة الضابط المسؤول وسداد تسوية مرورية على تلك المخالفة الا أن المتهم تحرك بعربته وحاول دهسه. وقد أمرت النيابة بفتح بلاغ (بالشروع في القتل) في مواجهة سائق الكامري وواصلت الشرطة تحرياتها للقبض عليه.
الاهرام اليوم
الظلم حار (0) اكل مال الناس بالباطل اصبح سمة مميزة لاداء رجال شرطة المرور (0) للصبر حدود (0) قد نري حوادث انتقام باشكال متختلفة ضد الذين يظلمون الناس
انا عمري ما شفت اظلم من رجال المرور في السودان, والله لو ماتو كلهم لا اسفا عليهم عايشين بعرق جبين الناس , ادعو عليهم وانا صائم يااااااااااارب……………؟
الزول ده مفلس وعاوز يفر من العسكرى .يعنى القضية ما بتستاهل. بس العسكرى ما عجبه
انو صاحبنا يفحط بالحديد المتين ده وهو واقف فى حر الشمس قام لفق ليهو التهمة دى
يا ابو الشيماء الراجل ما عندو رخصة مالكم كيف تحكمون
اليوم حدث ان خرج احد قطاراتنا التحفه عن مساره في طريق "الغابه" ,كل الخرطوم انشلة حركتها بالساعات نسبة لهذا الحادث ,تخيل انك تقضي كل نهارك للخروج من "سنتر" الخرطوم او الدخول اليه في رمضان ودنو زمن الافطار ,وبوليس الحركه من الزحمه انصرع ,,,,تخيل انك واقف في تقاطع "بالساعات" وياتي احد اللذين علي راسهم (ريش) ويمرره هذا الشرطي امامك وعتدما تريد ان تمر يرفع لك اشارة "هتلر" النازيه ان قف في مكانك وتظل واقف بالساعات في حر رمضان .
انا راي مع الاخ ابو "شيماء" اول مره نراه يطلع من "طورو" ويقول الحقيقه(للصبرحدود)
صراحة لو أنا مكان ما كنت دهسته بس
والله كنت فرمتو فرم ..
لأنو ديل حرامية .. أصلاً هو فالحين بس في الجبايات ..
الله يحرقهم كلهم
بلا مرور بلا يحزنون ..
ياجماعه اي حركه مسلح تتمرد ضد شرطه المرور تسجلني معاها
انا مع حل جهاز شرطه المرور
علي الاقل ناس الامن لمن يعذبوك بيستروك في بيت اشباح ديل بيعذبوك في نص الشارع
والله ناس المرور في السودان أكثر ناس متسلطين على الشعب المغلوب على أمره ولي تجارب كثيرة معهم من الخرطوم إلى بورتسودان وبالعكس فهم لايستحون ويطلبون الرشوة عينك عينك وقد حرمت الذهاب للسودان بسيارة إفراج مؤقت وعلى السلطات إستخدام التقنيات في دفع المخالفات مثل المتبع في كافة أنحاء العالم وعدم ترك الحبل على القارب لهؤلاء اللصوص وقيل أحذروا الأبيضين (السكر والملح) ولكن في السودان صاروا ثلاثة (سكر ،ملح، مرور).