بالغت يا الحوت..!!
في البداية لابد من التهنئة بشهر رمضان العظيم الشهر الذي يجمع كل الطيبات في كل شيء من حيث الصيام الذي نتمنى قبوله من الله ومن ثم الحياة الروحية التي تتجدد بقدوم هذا الشهر الكريم كما انه شهر تواصل في كل الاتجاهات من هنا نحيي كل الذين لم نلتقهم في هذا الشهر وإذا كان في العمر بقية فسنلتقيهم ان شاء الكريم عز وجل.
نعود لعنوان (السطور) وهي كما بدا لكم اريد الحديث عن الفنان (محمود عبد العزيز) الذي يناديه عشاقه (بالحوت) ويحلو لهم وله هذا اللقب لذا انا عنيت مناداته به وحديثي ينصب على الظهور الاول والثاني للفنان ( محمود) في برنامج( اغاني واغاني) الشهير، في الحلقة الاولى ظهر (محمود) ولكن يا له من ظهور كان ظهورًا مخيفًا ومحبطًا بالنسبة لكل عشاق (الحوت) الذين انتظروا ظهوره ومشاركته في هذا البرنامج الذي كانوا يعتبرون مشاركة (محمود) فيه ضربة معلم تحسب لمعدي البرنامج وحقيقة أحسستها في الشارع ان الكل كان منشغلاً بهذه المشاركة التي كانت عبارة عن استفتاء حقيقي لمكانة (محمود) وجماهيريته الجارفة التي لم تتأثر بكثير من ممارسات (محمود) التي تدخل في دائرة عدم المسؤولية من حيث عدم ايفائه بعدد من الارتباطات في حفلات عامة وخاصة ولكن ظل هذا الجمهور متمسكًا بحبه الذي أصفه بالخرافي كما ان (محمود) له شخصية اذا اردت وصفها لاتجد غير كلمة غريبة.. شخصية تبادل هذا الجمهور حبًا بحب والتصاقًا بالتصاق، رغم كل ما يحدث منها كأنه أي هذا الجمهور دائمًا يبحث له عن الأعذار التي تمنعه من الإيفاء بوعوده لهم وهذا هو حال الحبيب مع من يحب ولكن الظهور الأخير (لمحمود) حقا مخيف لأن (محمود) شخصية جميلة وخفيفة الظل وانيق، ولكن كل هذا اختفى بشكل مخيف جعل الكل يتساءل عن ماذا حل بنجمهم المحبوب، ولماذا جاء بهذا الشكل الأقرب للمرض، هذا في الحلقة الاولى، اما الحلقة الثانية التي ظهر فيها فكان شكله افضل بكثير، ليس شكله المعروف، ولكن افضل من الأول، وهنا لابد من الإشارة لان الاستفتاء كان من داخل منزلي عندما رأيت الفرحة في اعين اخوتي والحاضرين معنا لظهوره بشكل جيد وغنى بشكل ممتاز جعل فناني اغاني واغاني الآخرين يستمعون اليه كأنما يلقي عليهم محاضرة فنية، وهذا هو الفرق بين (محمود) وبقية ابناء جيله وحتى الذين جاءوا بعده من نجوم الجيل الحالي و(محمود) ظل الوحيد من أبناء جيله محافظًا على مكانته في قلوب جماهيره التي تحب (الحوت) لشخصه ومن هذه الحلقات سيتضح من هو( الامبراطور) الحقيقي في ساحة الأغنية الشبابية و(الحوت) هو ذلك الامبراطور. سطر أخير:
(بيني وبينكم) فترة جميلة ولكن تحس ان( الطيب ) بعيد بعض الشيء عن جو الحلقات، ولكن الاستديو ما فيهو كلام والديكور خطير لأول مرة في تاريخ الفضائية السودانية وبركة معنى كدا الكلام جاب فايدة.
فايزة ادريس
التيار
سبحان الله حب الناس مذاهب.
ياجماعة حوت شنو قال حوت قال
بما ان القصه تبدأ بفكره.. والاشياء تنمو ثم تكبر,,لا,, فان محمودا ولد عملاقا ,,,وسيظل عملاقا للفن السودانى وفنانين جيله وما قبله وما بعده,,,هذا الفتى الاسمر صاحب الصوت الثلاثى الابعاد نجم ابدع وامتع …صاحب مدرسه فى الغناء المتفرد,,,سيظل يمتعنا بصوته الجميل حتى ولو غنى بالهمس….
يافايزة يابت ادريس
زولك البتتكلمى عنه ده بره الشبكة وكمان قاطع مويه ونور ,, والسبب معروف ,, والدنيا رمضان وماتتطبلى ليه ساكت ,, وياجوبا مالك عليا .:mad: :mad: :mad:
كلامك صحيح خربت مزاجنا يا كان يسمي (بالحت)
الحوت يا ست فايزة صار سمكة وسمكة سردين ليس الا
ياجماعة السبب معروف الزول ده ……………. الدنيا رمضان والفنان محمود إنتهى من زمان ;(
بدا محمود محبطا يائسا شاحبا شاردا غريبا و نشازا عن المجموعة التي تميزها على الأقل الجانب الفرايحي .. بدا مخيفا و خائفا من كاميرا التصوير .. بدا جامدا حتى إن قدور لم يقدر على دغدغته و إخراجه من صومعة الجمود الأبلهولي .. أتفق أن لمحمود صوتا و لكن الفنان أكثر من مجرد صوت
إقترح تلقيب فرور بـ أشترور فبعدما لعب دورا نشازا في حلقات مضت في أغنية وردي الطير المهاجر .. جاء مجددا و لعب ذات الدور النشاز في أغنية سيبني في هجراني و نتوقع الكثير من السقطات .. و حتى عندما يكون الدور عليه في الغناء تجده عامل فيها كبير و مهم .. يا فرفور الغنى ما صلعة و عياط
يا السلام على عصام بشكل خاص و عاصم و طه و أحمد الصادق و البت شموس و منار و ريماز و شريف ,, بصراحة حاجة تخليك تحب السودان رغم الزمن الكئيب و الحالة المحبطة اللي عايشنها في سوداننا الجميل
لاحظو محمدية كيف تكون تعابير وجهه عندما يتغنى عصام و عاصم .. تراه مبتسما هالا باشا منسجما و لكنك تراه قلقا لما يأتي فرفور
السر قدور أكثر من رائع في التقديم أقول في التقديم .. غابت أفراح إلا ان الرجل ما زال يخفق قلبه حبا لحفيداته و لكنه حب مخلوط بين جد و هزل و إن كان الأول أغلب
دعوة لمشاهدة قناة الشروق عند السابعة و النصف .. ستبكي و إن كنت جلدا صنديد عصي الدمع
بالغتت انت يافايزة
يا ناس هوي صحي دة حوتا
والله الله يكون في عونو:mad: :mad: :mad: :mad: :mad: :mad:
(؟) الكل لا ينكر فنه وتفرده
بس الماحفظه عليه صارت فى عداد المفقوديه
والسبب واضح
احباط حقيقي يا محمود
كلامك صحيح ,الحوت كان لازم بعرض نفسه علي طبيب يا اخوان الزول ده مو "طيب" عديل كدي تمعنو في صورتو (شكلو) يخوف كأنو مصاب بمرض والعياز بالله خطير ونسأل الله السلامة له.
احباط حقيقي يا محمود;(
محمود تعرض للضرب والأساءة والإهانة مرات ومرات من قبل السلطة,لا لشئ إلا لكونه لم يقبل الخوض في أوحالهم ووقوفه بجانب خياراته وقناعاته..محمود يعاني نفسيآ نسأل الله أن يعينه في محنته ويقويه ليعود لمحبيه ومعجبيه كما كان
اخى محمود . لاخير فى امة لا تراعى مبدعيها . ولا خير فى من يرى العيب ويسكت . كثير منا فى مشوار الحياه تصيبه هفوات وعثرات قد تؤثر فى صحته . الادمان مرض والمرض سلطان . والعيب والمصيبه فى اهماله ولنا فى الاسطوره مارادونا مثالا انظر اليه كيف كان ابان مرضه وانظر اليه الان يقود بلاده لنهائيات الكأس . انت فنان اسطوره وفلته من فلتات الزمن لا تجعل اليأس يتمكن منك . احزم حقائبك وتوكل على الله وادخل احدى المستشفيات المتخصصه . وعد الينا بروعتك وصوتك الرخيم العظيم . لك حبى ومودتى .
الحقد الدفين علي محمود في السراء والضراء ياخي ماتخلو الزول المسكين دا في حالو
ياناس في حاجة انتو مافاهمنها او فاهمنها وبتتهربوا منها الفن دا موهبة مووووووووووووهبة
لا بيجي بي دراسة ولا وراثة(عاصم الببنا مثلا) والناس بعدا كلو بتسمع لي محمود وبتحب فن الحوت غصبا عن ايي حااااااااااااااااااااااااااقد
الحوت في نظري صيره ،،، الزول يا أخوانا كم مرة الكاميرا ظبطتو مستغرق في سبات عميق ،،، بكره الشبكة شويه عليه ،،،
سبحان الله ما أدري من الذي يضع هذه الألقاب لأشباه الفنانين من هو هذا الأحمد الصادق حتى يدعى بالأمبراطور سبحان الله هذا اللقب لم يطلق على وردي وكابلي وأبو اللمين وأحمد المصطفى وسيد خليفه وإبراهيم عوض ويطلق على هذا الشخص وأقسم بالله العظيم أنا لا أجد أي تطريب في صوت ما يسمى بأحمد الصادق هذا ناهيك عن الخشلعه وتسريحة الشعر … عيب والله عيب يا حليل الرجال … وأخيراً إذا كان لابد من المقارنه فالفنان محمود عبد العزيز وعصام محمد نور من أجمل فناني الجيل الحديث ولا يمكن أن نقارن واحد مثل أحمد الصادق بهم … وعلى فكرة برنامج أغاني وأغاني كان نجومه الضيوف الكبار أمثال حمد الريح وترباس وود الحاوي مش أحمد الصاق …
وماذا عن قرد الطلح المدعو فرفور فعندما يطلب الاخ قدور اغنية من احد الفنانين اذا به ينهض من مكانه ويجلس للفنان فى نافوخه وهاك يا صراخ ونهيق حتى يجعلك تعتقد
انه من كتب الاغنية وانه ملحنها وانه موزعها ولاعجب فهو من افراز الانقاذ ونصيحة اقدمها له وذلك بان يتفرق لرقيص المشير والشامبيون ولكن يبدة ان الشامبيون ادركت تراجع مبيعاتها فتخلت عنه …. ياناس الدنيا رمضان ارحمونا من فقاقيع الصابون
لا شك أن محمود عبد العزيز قامة فنية سامقة وذو صوت قوي وشجي ولكنه يحتاج الى دعمكم يا شباب حتى يخرج من وهدته والله يجازي الكان السبب
اولا كل سنة وانتو طيبين ? ورمضان كريم – وانا اقول والله كلامك صح يا ود اب سبح ? احمد الصادق ده منو كمان عشان يسمو امبراطور والله ما عنده أي صوت ولا أي اداء غنائي
وصراحة المجموعة كلها أي كلام زي ما قال الفنان حمد الريح ياجماعة (( ما تطلعو من خماسية الاغنية )) وللأسف لو لاحظتوا ودققتو في طريقة اداء كلمات الاغاني بتلقوا الواحد فيهم طلع نهااائي من الاغنية ——— وبصراحة كده انتو لو عايزين الجد زي احمد الصادق وطه سليمان وغيرهم شاطرين بس في الاغاني الهابطة .
افضل حاجة انك تعملها تسمع محمود بدون ما تشوفو .:rolleyes: :rolleyes: :rolleyes: :rolleyes:
يا شباب انتو نسيتو انو الحوت غنا للبشير في الأنتخابات وانو رشح المؤتمر الوطني ده كلو عشان شنو؟؟؟:rolleyes: :rolleyes: :eek: :eek: :lool: :lool: :lool: :lool:
حوت شنو ده بقى سمكة فسيخ يابسة
يا اخوانا ده سببو معروف وهي دي النتيجه الطبيعيه للهباب البي يهببه
انا ما عارف محمود دا الناس بيسمعوا ليهو و معجبين بيهو على شنو ما اشيف ليهو اي غنى ولا اي فن ؟
والله يا بشر تتريقو تفنجطوا تنططوا الحوت يا هو الحوت يا هو الجان يا هو الطرب يا هو الشجن يا هو الحنان يا هو الزول الطيب واي زول ما بعرف محمود ما يقعد يتكلم ساكت الزول ده قلنا ليكم مريض عندو التهااااااااااااااب حاااااااااااد بدل الناس تتريق ادعوا ليهو ربنا يشفيهو
وبعدين حب الناس مذاهب ما بتحبوا محمود مافي زول بقول ليكم انتوا غلطانيين وكمان خلونا نستمتع بالجان لو بقى هيكل انحنا مقتنعين بيهو
وما بنطيق لغيرو نسمع يغني للبشير يغني لهولاكو التتري انحنا بنسمعوا
ما بنطيق لغيرو نسمع
مابنطيق لغيرو نسمع
مابنطيق لغيرو نسمع
ارحموا الجان وارحمونا معاكم خلو الزول في حالو يا بشر
يا قناص بالله ماعارف الناس بتسمع لمحمود ليه؟؟؟؟؟؟؟؟؟
للاسف الشديد الفنان محمود عبدالعزيز كما علمت يمر بظروف مرضية
حمانا الله واياكم
ونسأل الله له الشفاء العاجل والكامل
وصادق الدعوات له في هذا الشهر الفضيل بالشفاء
وياريت أحد الصحفيين يتاكد منه شخصيا
عشان الناس تعرف وتدعو له وهو المحبوب من اغلب الشعب السوداني
31
لا افض الله فوهك العزيز ياسر ما خليت لينا حاجة نقولها ويبقي محمود صاحب اكبر قاعدة جماهيرية اطل عبرها فنان شاب
انا ما عارف … لكن وش محمود فيه حاجة بتقول انو ما كويس والحاجة دى علاجات قوية على انو استحملها زول لو ما مجبور علها يارب الكلام الفى راسى ما يكون صاح وربنا يشفية لو كان فعلا …
نسال الله ان يشفيه
بالله شوف الناس الشمارات ديل——طلعتوهو عيان ومات ولا حيموت —-
خلونا من محمود—وشوفو الجنوب ماشي وين—-وعندنا ليكم النور الجيلاني بدلو —-
رضينا ام ابينا محمود كان رمز ولا يزال رمز و هرم من اهرام الاغاني السودانية
ليس معني انه يمر بي ازمة اياُ كانت هذه الازمة نفسية مادية جسدية ,,, ان ننسي له ما قدم
يا عمر و سكت الرباب و سيب عنادك و القائمة طويلة محمود اطربنا يوما في لابد من الوقوف
بجانبه في ظروفه الحالية
برنامج أغاني وأغاني ،،، قمة في الروعة ولكن ولكن الدعايات مسختو عديل ،،، هذا الزخم من الدعايات والاثاثات والبوهيات والعصيرات كرهنا عديل في هذه المنتجات يعني أكثر من 90% من زمن البرنامج دعايات سمجة الناس مجبورة تشوفها في انتظار اغاني واغاني ولكن كثيرا ما نقلب للقنوات الاخرى ، نشوف بنات حواء أو غيرها ،،، النيل ا لازرق حقو تراجع موضوع الدعايات ده لأنو المشاهد كمان عندو وجه نظر ،،،
على الرغم من كل افاعيل محمود من الغاء حفلات وممارساته
الا انه يظل فنان الشباب الاول
ولكن فى الاونة الاخيرة اختفت نضارة وجه بشكل مخيف
زى الزول البساهر اسبوع كامل من غير نوم
ربنا يديهو العافية
( ) السودانى بطبيعتو عطوف وطيب . عشان كده نقول ربنا يكون فى عونو و خاصا نحنا ماعارفين العليه ( ) ( )
اتقو الله فى هذا الشهر الكريم هذا الشهر للعبادة وتهذيب النفس وليس للغناء وهذا صوته جميل وهذا صوته سئ وانتم ايها الفنانون اتقو الله فى انفسكم ولاتكونو سببا فى فساد الاخلاق ما هو ردكم لله يوم القيامة عندما يسالكم فى تقدمونه من غناء وطرب والله خسر وخاب من فرط فى مثل هذه الايام
الحوت والله ماعارف اقول شنو لكن الحوت من حلقه الي اخري في برنامج اغاني واغاني رجع لي مستواه الطبيعي وهكذا هو الحوت مهما حصل يظل قامه وبراي وراي كل من حولي اري انه سيد اغاني واغاني دون منازع ……
الشعب السوداني شعب مغفل وعاطفي . يا اخواننا هذا الحوت ظهر كانه شبح لا يقوى على الكلام وفي بعض الحلقات نائم ويا اخواننا كان دا حوتكم فهو قد صار جيفة لا تحرك ساكنا ورايت كل من شاهده ترحم عليه . يا اخواننا ارحمونا منه