غندور يستهجن سؤال الصحفيين للقيادات عن حلايب

يعني كان شخبطنا كل حيط السودان بعبارة ( حلايب سودانية ) بكرة المصرين بيشيلوا علمهم و حاجاتهم و يطلعوا من حلايب

سبحان الله حتي مجرد التصريح بسودانية حلايب ماقادرين عليها ي ( الدبابيين )

صحيح أن المصائب تكشف معدن الرجال

والله انتو خايبيين ومارجال عدييل كده خايفيين من المصريين ماكل القيادات المصريه بتقول انه حلايب مصريه ليه ماتقولو انتو ؟

دا بكل بجاحة بيقول ليهم انتو اكتبو وقول حلايب سودانية
وانا مابقدر اقول…لانو بكره وزير مصري يقول غندور قال وقال…

بالله عليكم ديل بجيبوهم من وين؟؟؟؟

دي الطريقة البديرو بيها البلاد من 25 سنة….
كل شي واي شي الى ان يصلو الى الانتخابات..
تتذكرو نافع قبل كدا قال شنو في موضوع حلايب؟؟؟؟
العاوز يحرر حلايب يركب يمشي يحررا…
دا بس لانو في ذلك الوقت ما كانو محتاجين ليها…25 سنة ما سمعنا اسم حلايب اللا لما يكونو معصورين… وبعد العصرة ننسا..

انتفضو يرحمكم الله…

حلايب ستكون عقدتكم يا جبناء يا أدعياء البطولة يا نمور من ورق
حقيقة ما قاله واحد صديق قديم كانت الحركة الاسلامية حاولت استدراجه لعضويتها وهو مراهق وأخدوه لمعسكر فهرب من المعسكر وحكى لأصدقائه قال:
لما أسمع أناشيدهم أتأثر وتدمع عيوني ولكن في الليل أسمع صوت السراير تهتز و(تسكسك)

( في اشارة الى انه يسبب لهم الاحراج )
لك الله يابلدى ان كنت تدار بهذه العقلية وتضيع من بين ايدينا بهذه البساطة اذا كان اصحاب القرار يتحدثون هكذا وبلا ذرة من خجل

احراج؟؟ ياخ انتو بتحسو ولا بتخجلو ولا عندكم احساس من اساسو. قول بنخاف من الكلام عن حلايب بنصدقك؟ البيتحرج ما يمشي يتلما في بيتو العزمكم منو شان تمسكو المناصب دي؟

إقتباس: اذا عايزين تثبتو وطنيتكم اكتبو ان حلايب سودانية بدلا من تكرار اسئلتكم للقيادات الحكومية.

أقسم بالله كلام في الصميم مع أنه كلام يؤكد حقيقة مؤلمة جداً وهي أنو نحن ما عندنا صحفيين وطنيين.. عمري ما قريت لصحفي بيقول أن حلايب سودانية وشغالين بس في محاولات إحراج الحكومة عشان يشعلوا النيران بين مصر والسودان.. أمشوا شوف الصحفيين المصريين شغالين شغل نظيف ليل نهار وهم يرددون حلايب مصرية وأنا بنفسي قريت كتاب ألفه أحد المصريين بعنوان (حلايب مصرية جداً جداً بالمستندات البريطانية).

الوطنية في السودان إنعدمت ومافي زول داير يكلف نفسه ويقول حلايب سودانية ومفتكرين أنو دي مهمة الحكومة المزنوقة وعينها طالعة ومفروض ما نساعدها عشان عينها تطلع زيادة وتموت.. تفكير ضحل جداً.

لكن أنا أقول: حلايب سودانية-مصرية ومنطقة تكامل بين البلدين وفيها جيش سوداني وجيش مصري ومواطنين سودانيين ومواطنين مصريين، وستظل منطقة تعايش وتداخل بين البلدين إلي يوم القيامة وما حندخل في حرب مع مصر عشان أشياء تافهة لأنو الفينا مكفينا. ده ما إسمو جُبن، ده إسمو حكمة.

يسبب ليكم احراج يا زق, دى مسألة تراب وسيادة وطنية, أنا شخصيا بديت أفهم سكان حلايب ليه بفضلوا المصريين على الوسخ ديل.

( اذا عاوزين تثبتوا وطنيتكم أكتبوا أن حلايب سودانية ) !!!!!

معقول دا كلام كبير القيادات الحاكمة !!! قمة الهروب من المطالبة بحقنا المسلوب مع المطالبة بالصياح كتابة بسودانية حلايب … بينما المصريون يعملون بسياسة فرض الأمر الواقع علي الأرض طوال عشرون عامآ من الاحتلال لدرجة تعيين محافظ لحلايب مؤخرأ و ضمها لاقليم البحر الأحمر .. صحيح الرجال ماتوا في كرري .

لازم نسالكم كل يوم وكل ساعة بل كل دقيقة عن تراب الوطن الفرطتوا فيهوا ولاتنسوا ان هذا هو الحرج الحقيقي . سكوتكم جعل مصر تستقوي عليكم وانتم تمارسون معها انحناء وضعف لايشبهنا كشعب سوداني .وكت ماقادرين لحماية اراضي الوطن ودمرتوا سيادته وفرطتوا في نصفه الجنوبي ولسه الحكاية جاااااره كمان تقول لينا اسكتواااا عن موضوع حلايب عشان بعد شوية تقولوا لينا اديناها لمصر بالاجماع السكوووتي…؟؟؟؟؟؟؟اما ان لنا ان نترجل لكنس هؤلا ء المافونين ورميهم في مزبلة التاريخ التي اشك ان تقبل بهم !!!!!

انت على حق ايها المهجن و هذا السؤال لا يهمك من بعيد او قريب ؟
السؤال موجه الى من هو مواطن سودانى المنشأ و الجزور ومأصل و مفصل و لا اود أن اخوض فى الانتماء القبلى لانى انأ بنفسى عن الخوض فيها لانها هى اس البلاء و واتختموها درعا واقيا و معول هدام لتفريق الوطن و المواطن ؟
من حقنا أن نسأل و من حقنا أن نعرف كل كبيرة و صغيرة و ماذا يدور فى الغرف المغلقه وما هى الخطوة القادمه و الدعول يتبختر بين قصر عابدين و حدائق القبه ؟
ردك و امتعاضك دليل خوائك و تهرب من الاجابه .

اقتباس ( اذا عايزين تثبتو وطنيتكم اكتبو ان حلايب سودانية) وانتم وين يا غندور، ما تثبتوا وطنيتكم وانتم أولى مش انتم الحكام، ولا شنو، الخوف ماليكم عديل

انا ما عارف انتو راجيين حتي يقولو ليكم نحن ما رجال

ما انتو عارفين الكيزان خائبين وباطلين منذ عهد التلمذة ولا يوجد جديد في ذلك

كيف تريدونهم ان يواجهوا ليكم المصريين المحتليين حلايب وشلاتين

قوموا الي ثورتكم يرحمكم الله

هبو لدك الكيزان ابناء المواخير واسحلوهم في الشوارع

البروف عنده حق. حلايب واهل حلايب قرروا من عشرات السنين انهم يصيروا مصريين واصبح حلمهم حقيقى ولن يفرطوا فيه ابدا حتى لو تنازل المصريون .وذلك لما يلاقونه من نعيم مقيم وخدمات مهولة ما كانوا يحلموا بها من قبل وعلى فكرة كل المدن والقرى حتى بور سودان يتمنوا ان ينضموا الى مصر لولا الحرج وبينى وبينك يا صاحب المقال انا وانت واكثر السودانيين يحسدوا اهل حلايب ويتمنوا ان ينالوا شرف من ذكر الله المولى العزيز الجبار اسمها وقال لاهل يعقوب وهذا ينطبق على الجميع ادخلوا مصر ان شاء الله امنين. فهنيئا لكم اهل المثلث وتعسا لباقى المدن المهانة تحت حكم ووطاة الانقاذيين والسودانيين الفاشلين

ستقول أن حلايب سودانية حتى قيام الساعة وعندما نسأل في الآخرة سنقول أن حلايب سودانية وما ضاع حق وراه مطالب..
ولكن حكومة الأمر الواقع تلك ياسيد غندور عليها أن تقول أن حلايب سودانية وعليها أن تعمل كذلك على إستعادة حلايب لحضن الوطن(تقول وتعمل).. ,إذا لم تكن قادرة على فعل ذلك عليها أن تستقيل وتذهب حيث تذهب .. وعلى الشعب السوداني العظيم والحكيم في أن يحاكم قادة هذا النظام على كل الجرائم التي أرتكبت في حق هذا الوطن وتضاف لتلك الجرائم التفريط في التراب الوطني السوداني…