المعارضة السودانية تقرر التصعيد وتدعو للأضرابات والاعتصامات للأطاحة بالبشير

Iam sure when we remove the current corrupted regime you will not believe the scandals and the size of corruption done by Albashir and his companions , pls. wait and see, you will surprised.

موعدنا الجمعة 6/7/2012 عقب الصلاة ، لتخرج كل جماهير الشعب السودانى لتشيع نظام القهر والتسلط الى مثواه الاخير ، لنجعلها جمعة للخلاص من هذة العصابة واعادة السودان الى عهده الذهبى وموقعه الطبيعى بين الامم ، لتخرج كل فئات الشعب من رجال ونساء وشباب واطفال لنسمع العالم صوتنا الداوى (الشعب يريد اسقاط الكلاب) ، لنعمل بجد واجتهاد لجعل هذة الجمعة كانها يوم القيامة بالنسبة لتلك العصابة والتى دب الهلع والخوف فى جسدها ، ليعمل كل الوطنيين والشرفاء من ابناء بلادى على المشاركة فى هذا العمل التاريخى واخراج هذة الملحمة الثورية ، غدا الجمعة سوف تنطلق ثورتنا بكل زخمها السياسى معلنة نهاية عهد الظلم والطغيان والفشل وانبلاج فجر الحرية والديمقراطية

سوف ترى الربيع الما زى إسمك يا ربيع.

سجل عندك 4 شواذ افاق في الخطوط الاماية وواحد شاذ راسي دي حجرو ما بيجلي من الرباطة تجار الدين
ونتمني من كل مقهور ومظلوم من هذا النظام الفاسد يمرق الشارع ويعبر عن غضبه وسخطه ..
نريدها دواية ومجلجلة حتي نزلزل اركان البغي والظلم
ومنتصرين باذن الله

جزء من قصيدة صالح للشاعر/ هاشم صديق
آمل من ادارة الراكوبة تحميل مقطع اليوتيوب الخاص بالشاعر هاشم صديق في مكتبات الفيديو

هشام صديق (صالح عام)
هديمك يا وليد مقدود و صابحنا الفقر و الجوع
صبح باب التكل مسدود كمل حتي الملح في البيت
وشن همّ الملح في البيت وكت ملح الدموع موجود؟!
دحين يا وليد هو ديل موُ قالوا ناس إنجاز ؟!!
وشن سّولنا مما جونا غير حرقو الفضل بالجاز ؟
كّل شيتا صعب في السوق من الكبريتة للطايوق
و كان جانا البخت تموين رطيل سكر و صابونتين
نجيب من وين ؟ و اخوك مرفود و عدمان الشهر ملين ؟
أمس زازيت اكوس الدين مشيت لسمية بت مامون
لقيت جابولها تلفزيون سمح بالحيل تشوف الصورة
بى كم لون وكت في نشرة ألأخبار ظهر مك البلد يضحك
جضومو كبار مزرر الكرش بزرار لا مهموم لا مغموم
لا زعلان و شيهو يراري بالألوان
.. وقّد في حشايا تباق نار طريت رفد الوليد و الجوع
و سال دمع الغبينة الحار اريتك يا ملك فد يوم
يخلى الجوع عينيك ما تنوم أريتك يا ملك فد يوم
تحس بي غصة المظلوم
دحين يا وليد هو ديل ما لهم و مال الدين وكت قولهم
كلام الله و فعالهم ما فعال صالحين
كتير فيهم عديل حقار و بالقرآن كمان تجار
و كضابين أكان بنزين عدم .. أو جاز
وتعبوُ الناس و ضاقو خلاص صفوف واقفين
يقولولك إرادة الله وكان عدم الرخيص و الغالى
في التموين يقولولك ده . غضب الله
و كان الموية صبحت طين
يقولولك ده من امريكا والعملا حمونا الشب ولاد الكـــلب
عشان الشعب يحرن تب يقبّل من صراط الدين
دحين يا وليد هو ديل ما لهم و مال الدين
أكان كنزو الدهب و المال
بلايينهم تسوى جبال وعرباتهم تخطف العين
و بناياتم قصور في قصور
وحاة الله و كتاب الله
أكان ادونا طوب فد سور كان سوينا الف أويضة لي مسكين
فترنا من الخطب يا وليد و من طيش العقيد و عميد
و من قل القرش في الايد و من تعب الوقوف في الصف
ومن غبن الرصع بالكف و من حفر الدروب و اللف
و من خت الحلم في الرف كل يوماَ نقيحنا يزيد
دحين يا وليد هو كم دغشاَ عشان نلقاهو دافرنا
و تعبنا شديد؟ و كم حولا صيامنا صبر
عشان يشرق هلال العيد ؟!
اح ح يا وليد لا حتى الخبيز إنضاق و لا هدما كسانا جديد
و شوف المغسة يا وليد سموُ شقانا صالح عام
و كل دمعاَ نزل من عين و كل جوعاَ سكت بالدين
و كل زيناَ محاهو الشين ختو وقعيتو في الإسلام
حرامهم يا وليدي حلال وا نحنا حلالنا كلو حرام

نعم هذا هو الكلام العصيان المدنى هو رصاصة الرحمة فى صدر هذا النظام والرباطة ديل اتفه من انه يقاوموا اكثر من ثلاثة ايام متواصلة – بس الناس تواصل بنفس الوتيرة لاسبوع كامل من الجمعة للجمعة صدقونى حنتفاجأكلنا بانشقاقات وهروب جماعى لكبار اللصوص ..
سيروا وعين الله ترعاكم ،، والله ان قشعريرة سرت فى جسدى وانا استشعر الأمل بسودان افضل قد قرب وان فجر الخلاص اقرب مما تظنون

حاليا ليس هناك دولة وإنما جسم هلامي إسمه المؤتمر الوطني تغذى أعضاءه على المال العام بعد أن دمروا أجهزة الرقابة عليه بواسطةالتمكين – وبعد إن إنتهوا من نهب الدولة يمدون أيديهم الآن ليحصلوا على ما في جيوبكم بحجة التقشف وإعادة هيكلة الإقتصاد- لم يبقى هناك إقتصاد.يحصلون على أموالكم لقتل أهلنا في دارفور والنيل الأزرق وجنوب كردفان والشرق والشمال.
أموالكم التي تدفعونها مرغمين لشراء السلع الأساسية تحرق بها أجساد أهلنا.

تمني أن تتوج هذه الدعوات بفعل حقيقي … فالمرحلة تتطلب نزول قيادات الأحزاب إلي الشارع و قيادة المظاهرات بأنفسهم … كي ينكسر حاجز عدم الثقة بينهم و بين شبابنا المنتفض في المدن و الأرياف
ثورة حتي النصر

اتمنى الجمعة الجاية 13/7/2012 تسمى
( جمعةالخلاص )

هام الى شباب الثورة في الداخل
لا نريد لأحد نهار جمعة الغد أن يجلس خلف الكيبورد ، دعوا مواقع التواصل لشباب الخارج وهلموا الى الشارع ، النصر على نظام الاستبداد لا يتحقق إلا بخروجكم جميعا الى الشارع ، أتركوا الفيسبوك وتويتر والراكوبة وغيرها من المواقع وأحجزوا مواقعكم في الشارع من صلاة الجمعة والى منتصف الليل ،،، لقد حانت لحظة الحقيقة ،، لقد حانت ساعة النصر
المجد للوطن والعزة للسودان

اللهم أنصر الشعب السوداني و بلغه الحرية التي أقررتها و أقرها دينك الحنيف..

(أذ قال ربك للملائكة إني جاعل في الأرض خليفة ) و كيف يكون خليفة الله في الأرض ذليلا مقهورا و لا صوت له ؟؟؟

ليعلم النظام أننا أبناء هذه الأرض و أن ما يدعيه من أن ( شذاذ الآفاق) تحركم قوى صهيونية ما هو إلا من نسج خياله المريض كتبرير للبقاء في الحكم ..

و ليعلم ازلام النظام أن الذي ( زرعهم ) بث الروح في (شذاذ الآفاق ) ليقتلعوهم من جذورهم ..

نطالب الجماهير الثائرة بالإستمرار في الإنتفاض ليل نهار و كلنا ثقه في نصر الله و هو ولي الضعفاء في مواجهة الطغاة ..

مزيدا من الهمة و قوة الإرادة و لتكن هذه الجمعة متصلة بما يليها من أيام …

لا تجعلوا النضال من ( الجمعة للجمعة) أجعلوه راتبا يوميا مستمرا لا ينقطع إلا للصلاة و الضرورة أو الراحة ..

على الأهالي عدم إرسال أبنائهم ( خاصة الروضة و الأساس ) للمدارس ( حماية لهم) ..
فليخرج العاملين تحت مبرر الذهاب للعمل ( للتجمع وسط المدينة ) و هناك عشرات الخطط و الأساليب التي يمكن ( إرتجالها) لمواجهة النظام و ثقوا بأنهم أضعف من أن يصمدوا طويلا ..

على الجماهير الثائرة التصدي للرباطة في أول بوادر ظهورهم ( و الإعداد لذلك جيدا )..

(قسما قسما لن ننهار طريق الثورة هدى الأحرار) …

الله أكبر و العزة للسودان … الله أكبر و النصر للثوار ..

التسجيل التسجيل التسجيل يا شباب الحصر يا شباب لهؤلاء اللصوص وأذيالهم وتابعيهم وامنجيتهم وكل من يقف معهم ..التسجيل الدقيق والحصر والمتابعة حتي لايهرب هؤلاء من الحساب ..لاااااااااازم إقوم جسم متفرغ لمتابعة هؤلاء فقط متابعتهم ورصدهم..عارفين فيهم ناس كتااااااار هس بي دقون وبعدين لمن تنقلب بحلقوها وإقودو المظاهرات أصلهم حزب من لا مبدأ ولا أخلاق ولا قضية له..يعني كولهم كدا ارزقية ومصلحجية ..علشان كدا الحتة دي ما مفروض تفوت علي شباب الثورة ..الحساب ولد يا كيزان

اها جاتكم عديل يا ناس المؤتمر الوثني وخموا وصروا ويا فاتو جاييبين ليك اسد ولا كديسة افريقيا ومعاهواخوه وحبيبو اللمبي

يلا ياشباب همتكم إيد علي إيد تجدع بعيد …
الغزرة والكترة مهمة تقوي القلوب ..
لا تخافوا فأنتم مع الحق وأصحاب حق وإرادة الشعوب لا تقهر أبداً ..
المؤتمرجية أجبن من النعام لذا لا ترى من يسير منفرداً ..
الظلمة تجار الدين سيهاروا بأسرع مما تتخيلون وستثبت لكم الأيام صدق ما أقول ..

ناس الانقاذ زمان مساكين ولامن اتمكنو بقو بجهروابافعالم لدنيئة ويتفاخروا بيها وقالوا مافي رجال

I just wonder, why comments are stopped from the reportage written by so called ( UMM Salama Elsadig Almahdi) ,after having 5 comments written by her people, ?paid, . Please, respect our mind (Mahdi family), and do not try to steal this revolution as well. I think Sudanese will be fool if they appoint any of that house in the coming government., but I am sure of the smartness of the Sudanese.
You are sharing in the current government and trying to secure 2-3 seats in the following one, UmSalma and her sister,. Shame on you. What did you do for Sudan when you ruled it for 2 governments, nothing. You live on the history of our hero Mohamed Ahmed Elmahdi, for whom the proverb ( Fire give birth to ash) apply.

أنا من جيل أنتفاضة85 وللأسف أخذتنا الغربة عن مشاركتكم فى هذه الأنتفاضة وكان ودى أن اكون فى المقدمة لاقود أبناءنا أبناء هذا الجيل ضد الكيزان الذين نعرف تاريخهم جيدا من خبث وكذب وأدعاء الباطل واكل مال السحت ونعرف جبنهم وخستهم.أبناءنا الشباب لاتخافوا أبدا منهم ولاتوقفوا أنتفاضتكم بل أشعلوا فتيلها كل يوم وبأعداد تعجزهم من التصدى لكم نفس هذه الوصية أوصيت بها أبنى الوحيد الذى يشارك معكم كنس هذه العصابة وأنافخوربكم كمافخور بأبنى وثورة حتى النصر

هديمك يا وليد مقدود و صابحنا الفقر و الجوع
صبح باب التكل مسدود كمل حتي الملح في البيت
وشن همّ الملح في البيت وكت ملح الدموع موجود؟!
دحين يا وليد هو ديل موُ قالوا ناس إنجاز ؟!!
وشن سّولنا مما جونا غير حرقو الفضل بالجاز ؟

يا اللي بتسمع والما بتسمع
لازم تفتح اضانك وتسمع
صوت الشارع لمن يدوي
كل قلاع الخونة بتهوي
وكل جباه الكهنة بتركع
وشمس الحق السرقو شعاعها
بكرة بامر الشعب بتطلع
ياللي بتسمع
والما بتسمع
نحن اسودا ما بتدجن
ونحن سدودا ما بتهدن
ونحن جبالا ما بتصدع
لملم ناسك ولحمة راسك
وارفع ايدك عننا ارفع
يا اللي بتسمع
والما بتسمع
لو بي بنادقك ما بترهبنا
ولو بى خنادقك ما بترعبنا
*****
والتاريخ يا جاهل بيشهد
والايام لسع بيناتنا
وكل الحق الضايع بيرجع
يا اللي بتسمع
والما بتسمع
اسأل كل العسكر قبلك
وكل الحاول فكر متلك
الاستأسد والاتنمر
مهما استعلا ومهما استكبر
برضو في يوم الغضبة بيهلك
وبيلقى مصيرو نفس المصرع
واننا أمة عظية اصيلة
لينا خصايص ما في مثيلها
وفينا طباع بالفطرة نبيلة
والاسلام ما جانا الليلة
ولا اخلاقو علينا دخيلة
الايمان من بدري سبيلنا
والقرآن في الصدر دليلنا
انقى وارقى واسمى وارفع
يا اللي بتسمع
والما بتسمع
نحكي ليك لو كان ما بتعرف
حاجة بسيطة بس عن ماضينا
انحنا رضعنا الثورة رضاعة
وبالوطنية انحنا ربينا
التدجيل ما بنفع فينا
والتضليل ما بيمشي علينا
انحنا عبرنا السكة مشينا
وشفنا عدونا وشفنا صفينا
وما بنهاب لا سيخ لا مدفع
يا اللي بتسمع
والما بتسمع
الانقاذ ما بالدبابة
ولا احلام شايلاها سحابة
ولا اوهام عالم كضابة
ولا ارقام خاوية وخلابة
والاصلاح ما جربندية
الاصلاح ما بالزندية
الاصلاح عدل وحرية
الاصلاح موضوع وقضية
الاصلاح عزقة وطورية
نحن بنفكر بتاريخنا
يا اللي بتسمع
والما بتسمع
نحن اولاد الوطن الواحد
متسامحين من يوم ما قمنا
عشنا حبايب ولسه حبايب
ما اتخاصمنا ولا اتصادمنا
فينا مساجد بي تهليلها
وفينا كنايس بي انجيلها
وفينا معابد يسرج ليلها
ربنا واحد وشعبنا واحد
وحبنا واحد ودربنا واحد
يا اللي بتسمع
والما بتسمع
دايرين نختم نحن كلامنا
ودايرين نحسن نحن ختامنا
للاحرار نديها تحية
وللثوار تعظيم وسلام
نحن الفوق الشمس مقامنا
ونحن جبين الشمس مرامنا
ونحن وقود الحارة ونارها
ونحن منية الباغي سهامها
الا ارادة المولى ارادت
حكمت فينا وفي حكامنا
بعد ما ازهري كان هو زعيمنا
بعد المهدي الصلى امامنا
بعد الدرر الزانو زمانا
جات البقرة عشان تحكمنا
وام رخم الله مشت قدامنا
جل جلالة الملك الواحد
يأتي وينزع
ويعطي ويمنع
ويخفض ويرفع
يا اللي بتسمع
والما بتسمع
يومك قرب يا ظالمنا
وبكرة حناخد منك تارنا وما بنرجاهو حساب الآخرة
داكا حسابا من غفارنا
يمكن يصفح ويمكن يسمح
ويمكن يعدك من اشرارنا
الا انحنا حسابنا براهو
يوم الحارة بتوقد نارنا
تحصد كل الداسو حقوقنا
نحرق كل الخربو ديارنا
دايرين نعرف وين شهدانا
دايرين نعرف وين ابرارنا
والشرفا الراحو اوانطة من طلابنا ومن احرارنا
والآلاف الشردتوها من خبراتنا ومن اخيارنا
والمؤتمرات الدبلجتوها من اخوانا ومن اعمارنا
نحن عرفنا البير وغطاها
ونحن خلاص قررنا قرارنا
ونحن حنضرب كل العملا
ونحن حنصلب كل الجهلا
ومن الباغي حناخد تارنا
وعالية ترفرف راية العزة
وغالية عزيزة حترجع دارنا
ونور الفجر القادم يسطع
يا اللي بتسمع
والما بتسمع…
للشاعر محجوب شريف…

*******************************

سَنظلُ نحفرُ في الجِدار
إما فتحنا سَلةٌ للضوءِ
أو مِتنا على سطح الجدار

ياريت لو كنت بالسودان بكرة لانال شرف المشاركة لزرع الخوف فى قلوب سارقي الوطن