الخرطوم: الراكوبة
أكدت مصادر مطلعة لـ”الراكوبة” إصدار قرار من المحكمة العليا بارجاع كل ممتلكات نور الدائم ابراهيم المصادرة.
ويذكر أن نور الدائم ابراهيم زوج شقيقة المخلوع عمر حسن احمد البشير.
واطلقت السلطات السودانية في يناير من العام الماضي سراح صهر الرئيس المخلوع نور الدائم ابراهيم .
وسبق وان انتزعت لجنة ازالة التمكين عدد كبر من قطع الاراضي المملوكة لصهر المخلوع نور الدائم في ضاحية كافوري في الخرطوم.
وكانت لجنة إزالة التمكين ومحاربة الفساد واسترداد الأموال، قد أعلنت في مايو الماضي استرداد عدد كبير من قطع الاراضي المملوكة لصهر المخلوع نور الدائم في عدد من المناطق بالخرطوم ومساحتها 17544 متر مربع. وقال طه عثمان عضو لجنة إزالة التمكين في تصريحات سابقة، ان نورالدائم ابراهيم محمد عبدالله استفاد من علاقته باسرة البشير وهو يمثل زوج شقيقة الرئيس المخلوع عمر البشير .
وسابقاً تم القبض علي نور الدائم في ذات اليوم الذي تم فيه القبض على الرئيس السابق.
جانب من ممتلكات نورالدائم ابراهيم، الذي كان يعمل ببيع البيض والاكياس في طبليه بالسوق
اعتقد أن أنسانية القضاء السودانى النزيه فى أعادة المنهوبات الى المتهم البرىء السمح ليست ذات غضاضة , خاصة أنها لا تخرج من تحلل المتهم , أما ما يميز القضاء النزيه, هو صرف حوافز مليارية للمتهم من البند السابع للميزانية كنوع من المواساة على حزنه كونه متهم أولا , ولتأثره المباشر من أخبار الحرب الاوكرانية التى يطالعها فى هاتفه النقال .
وبهذا يضرب القضاء السودانى رقما جديدا فى التعاطف و المخدرة و المغبشة السمحة.
اضحكتني اضحك الله سنك
فى كل يوم يتضح للشعب السودانى أن أدلجة القضاء التى أسسها النظام البائد لا تزال قائمة و متجذرة وأن رائحة فساد القضاء أصبحت تزكم الانوف.
المحرر تعبان وكتاباته تدل تدنى مستوى الصحافه يعنى شنو عنده طبليه اكياس وبيض ده كلام مابقبلوا العقل وحتى لو ثبت زلك فهو ليس مسبه له الله قادر السؤال هل حاز على كل هزه الاشياء بطريقه غير شرعيه وهل هناك ادله لكن انت عارفو حرامى لكن ماعندك دليل عليهو ماتحرج نفسك ساكت لان القانون كما اعطاك الحق سيعطيه ايضا الحق فى استرداد ما اؤخز منه يعنى الشغل يكون مهنى
هل يا ترى استطاع اثبات ملكيته بطريقة شرعية ام ارجاع ممتلكات والسلام.
المفروض لو ما قدر يثبت يتحلل ولا يقبل لنفسه الاستمتاع بالمال الحرام لكن فعلا الاختشوا ماتوا
ومتى كان القضاء السودانى شريفا ولما العجب
هذا القضاء فاااااااااااااسد حتى النخاع ليس الان ولكن من زمن بعيد
مقوله ان الحق والخير دائما ينتصر هى مقوله اكذوبه فى السودان
فاهاهو الحق يزهق والباطل جاء
ويقول ليك (نحن الاسلامين)
ما زال الاكل والقتل والسحل والنهب باسم الاسلام
شئ مؤسف كنا نظن خيرا فى القضاء السودانى لكن ما نشاهده اليوم خذلان للشعب السودانى والله المستعان
بعد دا كلنا نمشي نبيع بيض وأكياس وقانون الثراء الحرام وقانون من أين لك هذا ما حيجرمنا
اشتغل بس البلد مليانة خير
نسال الله أن لا يكون هذا الخبر مظبوط .لا يمكن لاى مواطن سودانى أن يمتلك هذا الكم من الاراضى بأى حال من الاحوال.
طيب وكت رجعوا للحرامي نور الدايم كل الاراضي النهبا مايفكوا وداد ويفكوا ليها
كل مانهبته من أراضي وعقارات وأموال ماعذبنها مالم.
هسع نقدر نقول انو لاعندنا جيش لا شرطه لاقضاء بالفم المليان يعني قاعدين سااااكت
انا ماعارفه تصحيح المسار البتكلم عنه عبد الوهاب دا وينو ؟!!!!!!
ما تستعجل. قريب عينك ما تشوف الا
بس تفاءل لسه الثورة في بداياتها
كل عمايل المنظومة المسماة قضائية تثبت وتوكد ان القضاء مسيس وغير نزية وغير قادر علي تحقيق العدالة وهذا مبدا في صالح وهدف المحكمة الجنائية 00
جداد شنو البجيب القطع دي كلها؟
يا ابن……
لو فلتت من عقاب الدنيا… فلن تفلت هناك…
الجداد بيدخل دهب الصحة بس ما مساعدة ياكل ردة وابو سبعين ويتنفخ في أسبوعين يجيب بيض في شهر ويتولد كل شهر
اخي مهدي جداد رجالات الانقاذ يبيض ذهبا ثم تبيع الذهب و تشتري اراضي….ما في مشكلة و لا سرقة و لا يحزنون….عشان كده قضاءنا العادل رجع ليه ممتلكاته المشروعة.
نا تخجل شوية وتستحي على تفاهتك يا ابوسبيحة الوارثين من المهدية ما عندهم اليوم ورث قدر دا ولو كانت النسألة اقرار الحرامية على استحقاق المسروقات فلماذا نسيت نفسك يا تافه ورضيت بالدوتية
ما تخجل شوية وتستحي على تفاهتك يا ابوسبيحة الوارثين من المهدية ما عندهم اليوم ورث قدر دا ولو كانت النسألة اقرار الحرامية على استحقاق المسروقات فلماذا نسيت نفسك يا تافه ورضيت بالدوتية
السواد الأعظم من المواطن السوداني حتى بلوغ العقد السادس من عمره يناضل من أجل امتلاك قطعة أرض سكنية في بلد يتباهى فيه المسئولون أننا نملك وطنا مساحته – قيل الانفصال – مليون ميل مربع – فلو حظي بتلك القطعة – غالبا – سيرحل دون أن يتمكن من تشييده والسكن فيه.
والله حكايه غريبه شكلو كده والله اعلم ممكن كان يبيع بيضو
ايها المناضلون الشرفاء قاتلوا حتي لاتقام دولة إسلامية مرة أخري بالسودان فهي دولة حكم فرد تتحول الي أسوأ الأنظمة الديكتاتورية ، السعودية دولة إسلامية ةقضاءها تاتيه التعليمات من الديوان الأميري لقطع الرؤوس الابرياء وليس للقضاة إلا أن يتفزوا التعليمات
ديل ما قضاة ديل صعاليك شركاء مع قتلة مجرمين؟ ديل في دول ذو سيادة قانون عمال نظافة ماهايكونو ناهيك عن قضاة؟ بالله ديل تخرجو من وين ؟ وكيف الواحد يقابل ربو فمابعد؟ ياخ هذا الفاسد حتي. لو سالو عامل كارو من اي له هذا يقول هذا لص ناهيك عن قاضي؟ علي الشعب .اخذ حقو بدراعو بس ؟ دا دولة موز وغابة براسة حميرتي والوسخان وجبرين السجم؟؟؟؟
(إنا لله وإنا اليه راجعون)
نريد أن نسمع رأي أهل القانون والمحامين في هذا الحكم القضائي واذا اتفقوا ان قرار القاضي غير نذيه يجب عليهم الانسحاب من كل القضايا أمام المحاكم والا يكونوا مشاركين في نفس المسرحية من أجل الاتعاب.
والله حيرتونا .. يا جماعة معقول بلدنا دي كلها ما فيها راجل ضكران كده يطلع ويقول كلمة حق ويجمع كل السودانيين من حوله وننتهي من المهزلة الحاصلة دي ونتفرغ لبناء سودانا المسكين المغلوب على أمره .. حاجة تحير ، يا رب معجزة من عندك تكفينا وتفرج على أهلنا من المأساة التي يعيشونها منذ الإستقلال وحتى يومنا هذا
سيدنا عمر بن الخطاب حكم بالمنظر فقط وليس بالادلة أو من اين لك هذا طبق ذلك حتى على ابنه عندما راى ابل ابنه عبد الله سمينة ومنعمة فامر ابنه عبد الله وهو صحابى جليل ومن رواة الحديث ان يبعها فورا وياخذ راس ماله فقط والزيادة عن ذلك تودع فى بيت المال لأنه راى أن ابل ابنه قد تكون ترعى بطريقة مميزة عن باقى ابل المسلمين . وواحد كان سواق دفار بالثلث اصبح من اصحاب المليارات والاراضى عادى مافى حاجة وتعيد له المحكمة ما يسمى بممتلكاته ( مسلسل مهازل السودان ) تهليل تكبير ارمى قدام
بختك ياأبو النسب الانقاذي ارتع في مال الغلابا والمقهورين ساااااكت !! سمحه القدره !! مس كده ياوداد !! هههههه