خبير اقتصادي : إلغاء ضريبة المغتربين خطوة في الاتجاه الصحيح
الخرطوم (سونا) -أكد الخبير الاقتصادي المعروف أستاذ الاقتصاد بجامعة السودان د. عبد العظيم المهل أن توجه وزارة المالية والاقتصاد الوطني لإلغاء ضريبة المغتربين ابتداء من العام القادم يعتبر خطوة في الاتجاه الصحيح لربط اقتصاد المهاجر بوطنه.
وأضاف المهل بان الخطوة ربما تؤدى في المدى المنظور لفقدان بعض الموارد ولكن في المدى البعيد ستؤدى إلى زيادة التدفقات النقدية الأجنبية إلى داخل البلاد موضحا أن الخطوة جاذبة لاستقطاب تحويلات المغتربين ومدخراتهم من خلال القنوات المصرفية الرسمية بدلا من تحويلها إلى اى جهة أخرى داعيا لتعزيز هذه الخطوة بسياسات تشجيعية تمنح بمقتضاها هذه الشريحة الهامة ميزات تفضيلية مثل أراضى سكنية لبناء مساكنها بالعملة المحلية مع تقسيطها لها بالعملة الحرة بهامش مرابحة لا يزيد عن 5% مع تشجيع المنتجين منها على استيراد السلع الرأسمالية والمعدات والآليات الزراعية بتسهيلات تفضيلية.
قبل كده أعلنها البشير والراجل طلع ما عندو كلمة.
لو فرضنا تم إلغائها عن طريق سن قانون لها وتم تضمينها ضمن الدستور حتي …. أهو نحنا شايفين الحكومة بتخرق في كل القوانين والدستور.
يعني بصراحة المغتربون لا يثقون في أي كوز مهما طالت لحيته وحيلته.
بعدين لفظ كلمة ( استقطاب ) و ( جذب مدخرات ) و ( سياسات تشجيعيه ) بنعتبرها رشاوي القصد منها غير شريف ….. القصد منها أخذ أمواال المغتربين بالباطل وبهذه الوسائل الغير كريمة بالخداع والغش والتدليس … ماذا يعني أن يعطي المغترب مساحة من الأرض في منطقة نائية ليست فيها أي خدمات وشوارع وفي مناطق مجاري السيول ….
يجب ألا ينخدع المغتربين بهذه الإجراءآت كل من يريد شراء قطعة أرض عليه أن يذهب إلي السودان ويشتري بنفسه بعد التأكد من أوراق القطعة الصحيحة وأنها خالية من الموانع.
علي المغتربين ألا ينخدعوا في المخططات التي تأتي من الحكومة ومن السفارات واللجان التابعة لجهاز المغتربين الذين كثيرا ما يحملون مخططات جاهزة مرسومة بطريقة جميلة لكنها تخالف الواقع.
الأخوان وجماعة الإنقاذ خلو لينا أراضــــــــــــى علشان نشتريها ونبنى علي … ؟؟؟ خلونــــــــــــــــا فى حالنـــــــــــــــــــــــــــــــــــــــــا !!!
(( وأضاف المهل بان الخطوة ربما تؤدى في المدى المنظور لفقدان بعض الموارد ولكن في المدى البعيد ستؤدى إلى زيادة التدفقات النقدية الأجنبية إلى داخل البلاد موضحا أن الخطوة جاذبة لاستقطاب تحويلات المغتربين ومدخراتهم من خلال القنوات المصرفية الرسمية بدلا من تحويلها إلى اى جهة))
_ والله وتالله معظم المغتربين عايشين في (تلتلا)..!! لا بتدفعوا ضريبة؛ ولا بيجوا السودان؛ ولا عندهم تحويلات، إستثمارية ياهو يادوب الحاجة عيانة؛ مصاريف المدرسة؛ أبوك ناوي الحج؛ دواء خالتك؛ أختك قرروا ليها عملية؛ حبوبتك كتبوا ليها نظارة؛ بنت أختك نجحت دايرة ليها موبايل؛…..الخ
_ يمكنكم التركيز في الإستثمار على لصوص كافوري وأشقاء السفاح البشير ..
ندفع بالضريبة من 20 سنة وما زال ندفع لا ارض ولا سكن ولا حتى اعفاء لما اعفاه الرئيس المبجل عمر البشير بشأن المعدات الزراعية ورجعة ساااااااااااااكت وبنسمع كثير تجربة شخصية والان خرجنا وبنبحث عن وطن
يعنى نأخر الاجازه للسنه الجايه وله شنو ؟
***مايلغوها من السنة دى…والله الضرائب دى هدتنا هد…والقروش بتمشى وين….ماعارفين….ومجمع المغتربين زى الكوشة وعدم نظام وفوضى…مكان تشرب فيهو موية مافى…وكلو سمسرة وحرامية ولصوص…نحنا ندفع فى الضرائب بالعملة الصعبة يمشى يشيلها والى الخرطوم يبنى بيها قصورو ويسفرها لماليزيا ودبى…وكرار التهامى عمل شركة المهاجر العالمية من ضرائبنا البتستثمر فى كل شئ يخطر على البال!!!وجانا هسع حاج ماجد…طبعا ح يكون جاى جحمان بعد ماشبع كرار التهامى وقبلو السعيد عثمان محجوب وغيرهم!!الناس ديل فكرتهم كلهم انو يحلبو المغتربين ديل حلب ويشيلو قروشهم وياريت لو يعملو بيها حاجة تنفع البلد…يستغلوها لمصلحتهم الخاصة…ألا لعنة الله على الفاسدين!
كان ليكم
ههههههههههههههههه ههههههههههههههههههههه دا شرك مقنن اجو بعد السنه تتم اقولو رجعنا القرار زي مواقف المواصلات
بديت تفهمنى يا وديع
مش كان لغوا الضرائب ؟! البين المغتربين و الجهات الرسمية في البلد خربانة خالص ! ثقة مافي كلو كلو !!
ياريت . تكونوا اول مرة عملتوا ليكم شي مفيد للمغتربين في تاريخكم .. لكن اراضي مضروبة في الاطراف بمبالغ خيالية ماعاوزين .. يفتح الله ..
كلام جميل جدا في انتظار التطبيق بس الصراحة ما متفائل شديد
-تسهيل قبول ابناء المغتربين بالجامعات.
-الغاء تاشيرة الخروج وتسهيل اجراءات سفرهم.
-احترامهم ومعاملتهم معاملة افضل من الاجانب في المطار وكل المرافق الخدمية الاخري داخل السودان و السفارات في الخارج.
-صرف تحويلاتهم بالعملة الصعبة وبلا قيود ان رغبوا في ذلك.
-تشجيعهم و تفضيلهم في الاسثمار علي الاجانب .
والا تشمو تحويلاتهم بصلة.
الناس دي ما بتفهم ياخ المغتربيين ديل قالو ليكم ما عايزين مشاريع ولا تحويلات ولا عندهم مدخرات زاتو كرهتوهم العافيه والضريبة دي ما تلغوها الان اشمعنا السنه الجايه ده كلام كضب *كضب كلامكم ده زي الحوار الوطني الا الان مل تم شوفو ليكم شغل تاني انهبو منو يا لصوص يا حراميه كلامكم بقي كتير عن المغتربيين من ما الشوم هاج ماجد اللص الكبير
والله انشاء يتنفذ القرار نحن تعبانين وروحنا طالعة واتغربنا عشان نحسن وضعنا بس للاسف الواحد بقي ما بحب انزل السودان عشان الضرائب علي المغتربين لو ماعندك ملف ضريبي جوازك ما يتاشر
انشاء الله يكون جد تنفيذ القرار مايكون ونسه وحكوة الناس بحكوووها
الافضل تشجيع المغتربين بمشاريع جماعية واضحة القوانين يفضل ان تبعد منها الحكومة ويتم الاشتراك فيها بوثائق تثبت الحق. و هذه المشاريع تعمل في الزراعة والصناعة
اعتقد الضريبه التى يدفعها المغترب تماثل مايدفعه تجار السودان؟؟؟؟
السودانين طيبين خلاص وبصدقو بسرعة دى اسمها الخديعة الكبرى والدليل الالغاء السنة الجاية ليه مايلغوها فورا لو صادقين وكلامهم كتر عن المغتربين عايزين جيوبهم ماعايزين يرفعو عنهم المعاناة ولايحزنون خلو المغتربين لمعانة الغربة وادوهم التاشيرات بس للمخارجة لو صادقين فى المطار او المينا
طبعا هم حا يلغوا الضرائب ولكن حيدفعوكم ليها باسم تاني يعني ذكاه مساهمه وطنيه وتكون بااااااهظه ديل والاد ……… لاخير فيهم صدقوني
هههههههههههه يا حرامية ليش السنة الجاية ياعمر السفاح ويالترابى الماكويس ويا هاج ماجد اى هاج ما حاج انت قائلين فى سودانى تانى بتفش ليكم طردوتنا وكمان جائين تبركدوا جيبونا وسرقتوا البلد كلها يا كيزان يا جزم تشموها قدحة يالصوص تفى عليكم تف عليكم تف
ومنو البخش التجربة الاولى انحنا فاقدين الثقة فيكم
السلام عليكم ورحمة الله وبركاته ،،
زقبل موضوع اعفاء الضريبه والتحويلات يا ريت نجد اجابه موثوقه عن الاستثمارات الجاريه باسم المغتربين والدائره بمدفوعات ضرائبهم ،،، مثال المهاجر لموزين وغيرها من الشركات ،، وهل هنالك كتيبات توضح ذلك ؟
وهل للمغتربين حق واضح ومحفوظ ؟؟ ام هذه الشركات قائمه لتدفع رواتب الموظغين فقط ؟؟ نامل ان نجد اجابات واضحه …
مافى مغترب بيحول ولالا ريال
وينكم البقر الحلوب ماتت توفت ……..بح المغتربين وفروا ليكم الاكل والشرب والمواصلات والتوظيف
اتركونا فى حالنا
خليكم مثلى : انا من زمن نميرى لم اذهـب للسودان .
ولي شنو السنة الجاية السنة دي ماله ابت شنو موت يا حمار الين اجيك الربيع
دي رشوة عشان الانتخابات ..زي زمان بالجامعة كان العشاء حمام ليلة الانتخابات
(وأضاف المهل بان الخطوة ربما تؤدى في المدى المنظور لفقدان بعض الموارد ولكن في المدى البعيد ستؤدى إلى زيادة التدفقات النقدية الأجنبية إلى داخل البلاد موضحا أن الخطوة جاذبة لاستقطاب تحويلات المغتربين ومدخراتهم من خلال القنوات المصرفية الرسمية بدلا من تحويلها إلى اى جهة أخرى)
الخبير دا عبييط ولا بستعبط الفرق بين سعر البنك و سعر السوق ما في حاجة بتغطيه حتى الغاء الضريبة
يادكتور ياشاطر المسالة بتاعتك دي جات متاخرة جدا ومعليش راحت عليك زي مابقولوا اخوانا المصريين…يادكتور ياشاطر اقول ليك المسالة بقت بين الحكومة والمغتربين مسالة حياة اسر او موت او لو صح التعبير مسالة بيع وشراء واقول ليك وفر كلامك واعطيه محاضرة لتلاميذك … والرد طبعا يفتح الله بلغة السوق … انت عارف المغتربيين مظلوميين في الكثير الذي يجب وضع قائمة به من قبلهم لا منك ياحبيبي …..
معظم المغتربين السودانيين وربما كلهم تحويلاتهم تم خارج القنوات الرسمية والسبب هو عدم ثبات سعر الصرف ويا بخت تجار الشنطة ناس دبى والصين والواردات الفالصو
السلام عليكم اولا لابد من اجراءت تشجعية للمفتريين وقد قدمت عدة مفترحات في مؤتمر المغتربين وحتي الان لم نري شيئا
طالبنا بي ان تكو ن التاشيرة سنوية الغاء الضرائب فورا الذكاة بيني وين الله الخدمات ههههه خدمات قال
نحن بفضل الله نعين 70% من الشعب السوداني الفضل حسب احصائيات الهجرة من شئون المغتربيين انفسهم
وبالرغم من ذلك لن تكون هناك ثقة في التحويل بالطرق الرسمية
الا اذا تم اعادة ملاييين الدولارات المنهوبة من ماليزيا واروبا
وبصراحة لابد من بناء الثقة .
نطالب بالغا اجراءات السفر عن طريق جهاز المغتربين بهدله ضرائب خدمة وطنية زكاة خدمات بهدلة خروجية من شباك لي شباك يعني يومك ضائع ضائع المطلوب فقط عن طريق المطار نحن مواطنون ومن حقنا اي وقت عايزين نسافر فيه نتوجه مباشرة الى المطار
ندفع مبلغ معين في اي بنك يفتح الجهاز فيه حساب وبالدولار كمان بس مانراجع الجهاز ونتبهدل
انا مسافر للعيد يوم الوقفه وراجع خامس العيد لازم ينقصو علي حياتي بان اتبهدل شويه بجهاز المعزبين
زي الكلمة المكتوبة في المواصلات
بكرة الركوب مجان
او بكره الركوب ملح ( كراهية للناس البركوبوا ملح معانا )
تقراها كدا نفسك تنشرح وتقول خلاص بكرة اجي واركب مجان لكن الكمساري يقول ليك اقراها تاني لما تقراها تلقاها ( بكره من كراهية ) او بكرة بمعني غدا اليوم عبارة عائمة جماعتنا بقولو السنة الجاية الضرائب معفيه وتجي السنة الجاية يقولوا ليك لا السنة الجاية . بعدين هم عايزين يقعدوا للسنة الجاية ضامنين خالص بكل ثقه وما خططوا حتى لي مساء اليوم ما عندهم اي استراتيجيات حتى لو المغترب دفع ليهم الضرائب ضعف اكراميه من عنده وقول ليهم ورونا تصرفكم كيف فيها .
كل المسئولين الاول ابلد من التاني تحس انهم ما عندهم اي فكرة في الجهة المسئولين عنها فقط ماسكين باخوي واخوك وصاحبي وصاحبك كله من التمكين الضيعنا .
مغترب منذ عام 1977م لم أشاهد أي خدمة للمغتربين تقدم غير إسكان المغتربين عام 1974م والإعفائات التي ألغاها نميري وبدرالدين سليمان وخطة إسكان عام 1977م والتي كانت في مربعات من 69 و 70 والتي أبدلها نميري ومنح الأراضي لنواب مجلس الشعب والجنوبيين بعد إتفاقية عام 1972م وكل شارع عبيد ختم كان ملك لجنوبيين باعوها للشماليين وهي آخر اللطمات والتي أنهت حكاية الخطط الإسكانية للمغتربين وبعدها بدأت بيع القطع للمغتربين وحكاية مؤتمر الجاليات هذه أكذوبة كبيرة لم تجري أي إنتخابات للجالية السودانية بالسعودية بل كان السفراء يعتمدون على ممثلي القبائل ومجلس لجان القبائل وأغلبهم من شمال السودان مناطق المحس والدناقلة وحتى مؤتمرات المغتربين وهمية وصرف بذخي بدون نتائج واللعنة على ما يعرف بجهاز شئون المغتربين وهو جهاز خراب المغتربين وتدميرهم .
تحية لاستاذى الرجل الطرفة الرجل العلامة دكتور عبدالعظيم المهل ودرست على يديه فى جامعة السودان هو شخص اقتصادى بحت ولا اعتقد لة دخل بالسياسة كثيرا ولا اعتقد ان له علاقة بالمؤتمر الوطنى وهو من الجيل الاصيل كان كلامة دايما منطقى ويتحدث عن بلاوى الاقتصاد وتنبا بهذا الوضع من زمن بعيد لدرايتة بالاوضاع اتمنى ان يكون امثال هولاء وزراء لانهم معدن وصدق وامانة لك التحية دكتور المهل
يا أخوتي المغتربين لدي قطعة في الوادي الأخضر ونزلت اجازة ليكي أحاول ابنى فيها مسكن عادي فتفاجئت أنها على الورق فقط وليس لها وجود على الطبيعة ذهب الى أحد مكاتب العقار لاستبيان هذه القطعة فقال لي احسب 200م من قطع الصحفيين وبعدها هذا الفضاء كل مربعات الوادي الأخضر قطعتك داخله فهل يعقل هذا اين الخدمات لهذه المربعات التي تم دفع رسوم لها وووووو الخ .والمدهش ان مكاتب هذه العقار تبيع وتشتري في هذا الورق فقط ومعظم هذه الأراضي تخص المغتربين .
السودان الكبير دا كلو ليش مايكون للمخترب قطعة ارض سكنية توزع وفق الخطة الاسكانية ولا المخترب داود حرام ماهو ود السودان
ههههههههههاااااي قال يلغو الضرائب قال بلاااااااااااااهي هو في زول عندو نية تااااني يرجع ليكم عشان يدفع ضريبه كمان لا يا سيدي زي ما قال واحد من فنانين عهدكم الهابط دا ( تاني تحلم بي حلم )
احتيال وكذب علي مدي 25 سنة دمرتم البلد من كل النواحي-فسادكم ازكم الانوف – الان الانتخابات قربت واصلا مين السازج اللحايرشحكم غايتو الا تشيلوها تزوير….لو يحكمنا اسرائيلي ويفر سبل العيش الكريم للمواطن افضل منكم يا منافقين….بلي لخمة..
ياتو اتجاه صحيح؟؟ القصة ماشه فى اتجاه واحد, لغف ولهط و سرقة وغش وجنجويد وحروب ومحاكم ردة وغضب عالمى ولسه قاذوراتكم ما خلصت.
وليه السنه الجايه يا حثالة المجتمع
الغوها اليوم يا حرامية يا قتلة