ترتيبات لإدخال المغتربين في مشاريع التمويل الأصغر
كتب مركز حزب البشير الصحفي
الخرطوم(smc)
شرع جهاز تنظيم شؤون السودانيين العاملين بالخارج في الترتيب لإدخال شريحة المغتربين في مشاريع وبرامج التمويل الأصغر بالداخل فيما يعقد مركز السودان لدراسات الهجرة والسكان بالجهاز غداً الأربعاء ورشة حول ضمانات التمويل الأصغر بالتركيز على شريحة المغتربين يقدمها الدكتور بدرالدين إبراهيم مستشار وزير المالية بسلطنة عُمان.
وقال الدكتور خالد عبد المجيد مدير الإدارة السياسية والدولية بجهاز المغتربين في تصريح لـ(smc) إن الجهاز يسعى لإيجاد صيغة جديدة تمكّن المغتربين والجهاز المصرفي للإستفادة من عوائد المغتربين في مشاريع التمويل الأصغر موضحاً أن الخطوة ستسهم في محاربة البطالة وسط المغتربين بالإضافة إلى بناء مستقبل للعودة النهائية للمغتربين.
وأبان عبد المجيد أن تحويلات المغتربين تبلغ (3) مليار دولار وفقاً لبيانات صادرة من البنك الدولي موضحاً أنها تتجاوز عائدات نصيب الحكومة من النفط، مشيراً إلى أن تحويلات المغتربين تعتبر المصدر الأول للدولة في عائدات العملة الصعبة، مؤكداً أن الجهاز يعمل على منح المغتربين حزم تشجيعية لمشروعاتهم الإستثمارية لضمان استمرارية المشاريع ومساهمتها في استقرار الأسر.
أيها المغتربون
إحذروا…إحذروا…إحذروا
هذه إحدى ملاعيب كرار و كُرْ….مِنُو…عشان يكبروا كيمانهم عند الحكومة…والكلام واضح عيازين ينهبوا مدخراتنا عشان يعوضوا ذهاب البترول ونرى ونسمع بآذاننا (الخالية من الثقوب) ..علاج فلان فى أوروبا ..وسفر فلتكان إلى اليابان ودراسة علان فى الباكستان ..
نحن لا نريد إستثمار ..نحن نريد حقوق مشروعة هى من حقنا فى مساهماتنا على مدى ثلاثة عقود فى الإغتراب..بعد أن يُحل الجهاز الحالى لتحل محله وزارة عديل كده زى كل الدول يكون على رأسها واحد من المكتوين بنار الأغتراب ويعقد مؤتمر شامل يضم كافة أطياف الطيور المهاجرة وتوضع توصيات ملزمة للحكومة أياً كانت لتنفيذ ما أتُفِق عليه …غير كدة يبقى كلام ..ساكت..ولاتنسوا مشروع سندس
قال مشاريع تمويل أصغر بالداخل …لا يا أخوى ..متشكرين
التناقض واضح ياحرامية يا لصوص يعني توفر للمغترب مصدر دخل عشان يرجع نهائي
وتفقدو أهم مصدر دخل للعملات الحرة تجي كيف دي ؟ كان البقول محتال مفتح البسمع
مكوي مرات ومرات من الاحتيال الدبلوماسي ده
اولا لنبادر بتنظيم قطاع الاستثمار ، ولنقنن الاجراءات التي تصب في مصلحة الوطن والمواطن ، ثم لنفكر في جذب اخرين للاستثمار بمهنية واحترافية ، لان ما نشهده حاليا هنالك نوع من عدم التمرس ونقص الخبرة، وتضارب في القرارات ، مثلا كيف لمواطن ( مستثمر ) أن يحصل على قرار من وزير الاستثمار باعفاءه من ضرائب ارباح الاعمال ( لمشروعه ) وفي نفس الوقت تطالبه الضرائب بدفع ضرائب ارباح اعمال، الا يكن ذلك تناقض ، تضارب مصالح، ضياع ، بحث عن مخارج . وهنا يأتي التحايل على النظام ،
من ناحية اخرى كيف نعطى تسهيلات استثمارية للاجنبي وابن الوطن عليه ان يبحث عن اجنبي ليشاركه استثماره ، اليس حريا ان نركن للمواطن ( الوطن لا يعمر الا بسواعد ابنائه ) ،
اخوتي الكرام من المهم ان تكون الاجراءات سهلة الكل يعرف ماله وماعليه ومن ثم نطرح المشروعات بمهنية سيما وان هنالك الكثير من المشاريع التي يمكن ان ترى النور لو تم تسهيل الاجراءات
حفظ الله الوطن
مشاريع تمويل الكيزان بعد توقف نصيب الكيزان من البترول؟ – انا مغترب لكن ما ح أشارك بي مليم واحد (بالقديم)
ياحرامية لفيتو على المغتربين بي كلامكم المعسول اللي جواه السسسسسسم انصح كل مغترب بعدم التعامل مع المؤسسات الحكومية السارقة والمرتشية وعدم الاستماع لخططهم البترول وراح وزراعة ودمروها جيتو تاني ي فكرة جديدة من افكار عبد المنتقم :mad: :mad: :mad:
1.بالرغم منأن ظاهرة الاغتراب لها الان أكثر من ثلاثين سنة كمصدر رئيس للعملات الصعبة وبالرغم من الضرائب و الزكاة التي يدفعها المغترب كرها وقليلا ما تكون طوعا. بالرغم من كل ذلك لايوجد حتى الان مشروع قومي استثماري ناجخ لمصلحة المغتربين.فعلي اي اساس سيتطمأن المغترب على لامشاريع المستقبلية
2. أليس من حق المغترب ان يأخذ كما اجبر على ان يعطي
البترول وطار عشان كده اتزكرتونا ما كنتوا ناسننا وحتى عيالنا محرومين من التأمين الصحى وقلتوا المغتربين خلاص موضه وانتهت وبتضحكوا فينا وما عندنا اى فايده هسع بقينا مهمين والله ما دايرين دعم ولا حاجه بس ابعدوا مننا
انا بقترح يكون المسؤل من المشرع الشيخ التقي البيخاف الله الصافي جعفر
اها نسيت الصافي سندس هو
المغترب لا لاقي في الغربة السعادة وفي الوطن شبعان ضرِب
يمشي البلد تلقاه مهموم مضطرب
من المواني بينكرب
مسكوك دوام سك الكلب
يدفع هنا ويدفع هناك من الرسوم لمان غِلب
مافيش خلاف بلدوا العجيب منبوذ ومهري المغترب
يا ناس أصبروا الحال صِعب
واتذكروا الديان ويوماً ما لِعب
يوم تلقوا مظلومكم هناك عند الله واقف مشرئب
يوم داك عاد يوم الحساب لافيه زوغة ولا كِضب
الجماعة خلاص قنعو من خيرا فى البترول
ولازم شوفو ليهم شطر (ثدى) يرضعومنو
اصلهم ما متعودين على الفطامة
هذا بمثابتة تحزير للاخوة المغتربون (رد الله غربتهم بعد زوال هذا النظام)
ما دايرين منكم اي ترتيب دخلوا لينا عرباتنا الخاصة بدون جمارك في حالة النهائي وسيبك من فلسفة إعفاء الموديل دي لانو زي عدمة يا اولاد النصابة
كلام الحكومة للمغتربين كلوا كذب …. و مافي حااااجة منو بتحصل ؟؟؟ اشتغل و اتعب و اتغرب من بلدي علشان تغشوني المغتربين طلعوا زهجانين من البلد ؟؟؟ ما أظن المشاريع دي حتتمول من المغتربين ؟؟؟ شوفوا القروش المخزنة في ماليزيا و دبي بتنفعكم لان ده هو اليوم الاسود … حكومة حراااااامية
الوقت غير مناسب ( لقد هرمنا من أجل هذه اللحظة التاريخية ) اتذكرتونا بي وين الليلة !!! خلاص فلستوا وقبلتوا علينا ؟! لقد هرمت البقرة الحلوب شوفوا ليكم حاجة تانية .
اخوتي المغتربين / لا يلدغ المؤمن من جحر مرتين!!! عليكم أن تتعظوا من تجربة مشروع سندس الزراعي . . الرجاء ان تستشيروا اهلكم بالداخل حول مصداقية هذه الحكومة ( اقصد هذه العصابة) من عدمها سيحكون لكم عن مآسي فساد ما يعرف باهل المؤتمر الوطني( او بالاصح كل من يرفع الاسلام هو الحل شعارا له) كلهم عبارة عن حرامية لا دين ولا وطن لهم لا يهمهم ان تقسم السودان او حتي احترق؟!!! المهم هو ان يظلوا في السلطة مستمتعين( بمال السحت) الذي ينهبونه من الشعب؟!!! تصوروا ان احدهم من ابناء منطقتنا بالولاية الشمالية عندما هب الشعب هناك ضد قيام احد السدود التي سوف تغرق المنطقة كان يقول لهم يعني خايفين علي شوية بيوت الطين بتاعتكم !!! هكذا هم دائما لا اخلاق لهم ولا يعرفون كيفية الكلام بل هم كلهم مثل الزنمبلك بتاع الساعة مليان بكل ما يخطر علي بالكم من سفيه القول ويقومون بتشغيل الزنمبلك ليستفرغ ما بداخله فيخرج مثل تلك الاحاديث التي نسمعها منذ 22 عاما
اياكم أن تنخدعوا لان لبعضم حلاوة في القول حيث يحفظون بضع آيات من القرآن ومثلها من الاحاديث لزوم التضليل وهم يعلمون تماما ان السوداني اذا قلت له قال الله وقال الرسول مستعد يرمي نفسه في النار ؟ بس صدقوني اذا صدقتم حديث هؤلاء الكيزان فلا تلومن الا انفسكم لانه قديما قيل( لقد أعذر من انذر) والسلام لكل مغتربي بلادي الاوفياء وبلاش تدقسوا!!!!لانكم كده حتتلحسوا
انا اخو الحاج اخوي الناس ديل قنعو من البتروووووووول
ودايرين يقبلو علي المغترب التعبان والشقيان والترك اهلو واولادو من اجل لقمت العيش باخي خلوهم في حالمهم وشوفوا غيرهم .
ياخي 600فدان الوزعوها للحلب ديل لو اعطوها المغتربين ماكان احسن
حكومة نصابة والله في عون كل من هاجر وترك وطنو