ارتفاع أسعار «الخميرة» يمهد لزيادة سعر الرغيف
الخرطوم : عاصم اسماعيل :
كشف اتحاد المخابز عن زيادة كبيرة فى اسعار الخميرة حيث وصل سعر الكرتونة «20» باكو الى 400 جنيه مقارنة بـ180 جنيها فى السابق.
وعزا نائب الامين العام لاتحاد المخابز ،عادل ميرغنى، فى تصريح لـ»الصحافة» امس، الزيادات الى جشع بعض التجار الذين استغلوا الوضع ، موضحا ان هناك احدى المطاحن تخزن كمية كبيرة من الخميرة، ونفى ان يكون ارتفاع سعر الدولار وراء الزيادة في اسعار الخميرة،ورأى انه اذا وصل سعر صرف الدولار 6 جنيهات فإن اسعار الخميرة لن تصل الى ما وصلت اليه، وقال ان اتحاد المخابز يسعى الى عمل دراسات مع الجهات ذات الصلة ليكون مستوردا للخميرة بدلا عن ترك امرها للمطاحن.
وتوقع اصحاب المخابز حدوث زيادات فى اسعار الخبز اذا استمرت الاوضاع على ما هي عليه، ورصدت «الصحافة» استياءً كبيرا من المواطنين واصحاب المخابز نتيجة لارتفاع اسعار الخميرة ،وقالوا اذا استمرت الاسعار في زياداتها فإن المخابز سوف تقوم ببيع ثلاثة ارغفة بجنيه بدلا عن اربعة خلال يومين .
لكن اتحاد المخابز وعد بحل المشكلة خلال اليوم،وقال ان الشق الثانى من القضية يتعلق بحجز المواصفات لكمية كبيرة من الخميرة اثرت على السوق، معتبرا انها المدخل الرئيسى فى صناعة الخبز، مبينا وجود اكثر من 40 الف كرتونة فى طريقها للتخليص من منطقة قرى الحرة.
الصحافة
انها ثورة الجياع قادمة لكنس عصابة الكيزان …
توفرت كل مقومات الانتفاضة الثالثة …..
اذا قلنا ناكل كسرة عايزالها خمار عجين نجيبون من وين
ورأى انه اذا وصل سعر صرف الدولار 6 جنيهات فإن اسعار الخميرة لن تصل الى ما وصلت اليه، وقال ان اتحاد المخابز يسعى الى عمل دراسات مع الجهات ذات الصلة ليكون مستوردا للخميرة بدلا عن ترك امرها للمطاحن.
ليه يا اخونا المتملق للكيزان .. السودان فيه معامل خميرة وانحنا ما عارفين ولا شنو ؟
عايزين تختوا اللوم في التجار برضوووووووووو ما بتحلكم .. الحكومة هي المسؤولة من الحال المتردي وان شاء الله اسعار الرغيف تزيد عشان يقلعكم الشعب السوداني يا آكلي السحت والحرام …
لا الة الا الله محمد رسول الله
ما الرغيف براهو اسعاره بزيد ما ننسي المريسه و الكنمورو و فكى نطه الشوق و الشربوت ييييك القائمه طويله الله يطون فى عونا
اتت الفرصه لاتضيعوها
نفد الصبر خلاص
الدولار حصل 6
الرغيف زاد
صفوف البنزين
الخضار بقي نار
كيلو اللحم حصل 40
الطالبات حملن ولدن
المعرسات اطلقن
البيوت خربن
النخوه السودانيه اتعدمت
الشهامه ضاعت
الطلبه اتعلو المخدرات
القائمه تطول
لك الله ياشعب السودان
انا لله وانا اليه راجعون
الخميرة المحجوزة للتخليص الجمركي في منطقة قري الحرة تم حجزها بسوء نية حتى يتم خلق ازمة ويتم بيع الخميرة الموجودة في السوق التي اوشكت صلاحيتها على الانتهاء والمستفيد من ذلك كله واحد كوز لديه توكيل استيراد الخميرة. سياسة (جوع كلبك يتبعك) التي تستخدمها حكومة الانقاذ مع الشعب السوداني ناجحة 100% – سياسة خلق الازمات ثم حلها لكي يعتقد المواطن العيفة ان من انجازات ثورة الانقاذ انها حلت مشكلة الخميرة التي كانت حلقة من حلقات التامر علينا واستهدافنا في ديننا وقوتنا ومريستنا الفريدة الطعم- لكن هيهات – لن يتوقف تدفق المريسة من الاندايات وستظل راية كل انداية مرفوة شامخة رغم كيد الكائدين وحقد الحاقدين. يريدون ان يفوروا دم الشعب السوداني البارد باخفائهم للخميرة – لكن نقول لهم لقد حبانا الله بخميرة طبيعية افضل من خميرتكم – حيث اننا نضع (الخمارة) في الشمس لبضع ساعات فقط فيسيل العجين من جانبيها تدفقا وتخمرا!!
لسع ما شفنا من الفيل ولا صوفة
فبدلا من ان نتصفح النت احسن نكون صحفي ثورة
فحان الوقت لكي نخرج الشارع وننتفض ضدد العسكر
وانها لثورة جياع
ثورة ثورة
شوفو كلام رئيس المخابز واتمن الوقوف خلف هذه الكلمه وفهمها جيدآ قال ان هنالك جهات ذات صله ودراسه عدم تركها للمطاحن نفهم من هذا ان هنالك جهات ذتات صله همها خلق فجوه مع غياب الرقابه
وتفشى ظاهرة الجشع والاحتكار
لكن هذا الكرت الاحمر وعندما يطرد الكابتن بالكرت الاحمر هذه هى الرصاصه القاتله والنهايه الى الابد
وقيام ثورة الجياع لانو الجوع كافر كما قال عمر رضوان الله عليه لو كان الجوع رجلآ لقتلته
لكن الجوع الان هو الحكومه الحاليه وعدم الشفافيه وفشلها فى كل خدمات المواطن من صحه وسكن وغذاء وتعليم وامن وبهذه الاسباب جاء الفقر والجوع والفتنه
و لسه يا ما حنشوف أيام سودة
ارتفاع أسعار «الخميرة» يمهد لزيادة سعر الرغيف؟!!
أنا قلتا العنوان فيه شي غلط
والعنوان الصحيح أسعار الدقيق
يا كيزان قطعتو الخميره من البلد
بالله الكيزان قاعدين ٢٣ سنه لمن هم ذاتو خمرو
طبعاً الخميره ممكن تعمل ثورة
أصله نحنا دايماً حاجتنا غريبه
غايتو يا كيزان الخميره دي إنشا الله تجيب خبركم
البلد ما فيها خميره
أنا عندي حل انتو تجيبو أبو العفين ويدخل يدو في العجين
والشعب يسميه عيش نافع
اصلو من عفانتو البلد كلها مخمره
٢٣ سنه
يا كافي البلاء البلد مصنع خميره ساي ما فيها؟
ونفى ان يكون ارتفاع سعر الدولار وراء الزيادة في اسعار الخميرة،ورأى انه اذا وصل سعر صرف الدولار 6 جنيهات فإن اسعار الخميرة لن تصل الى ما وصلت اليه،
تعليق : يا عادل ميرغنى يا اهبل انت قريت وين يا بليد اذا كان الميرة اصلا انت بتستوردا من برة كيف يعقل انو ذيادة الدولار ما حاتاثر على ذيادة الرغيف.
واللة انا اول مرة اشوف لى زول بالبلاهة دى.
هاهاها الخوف بكرة نسوان الطرمبات ديل يزيدو لينا السعر وال(نص) يبقى بي عشرة كابو ونتصيع لأنو دا الشي الوحيد البينسينا عفانة الناس ديل !!
السودان دا يا كافي البلاء .. ما في حاجة بصنعها محليا… خميرة ياناس .
. وقال عملوا طيارات من غير طيار و سد القرن !!!!!!!!!!
هههه هاهاهاهاهاها
يا اخوانا الكيزان ديل بجدهم .. قاعدين في الحكم وامن وجيش ودفاع شغبي.. جادين ولو ما ما لاقين طريقة يتخلصوا بيها من الجنازة دي… تعرفوا الكيزان بقوا زي القاتليين ليهم زول بس شايلنوا وما عارفيين يمشوا بيه وين.. بالمناسبة “زي” هنا تعني التشبيه وليس النفي….
الناس دي ما تاكل قراريص وخلاص ، ضروري العيش !!!!!؟؟؟؟؟
نيابة عن علماء السلطان أقول لكم الخميرة تصنع منها الخمرة و أنصحكم بال”إستغفار” بتاع الزبير أحمد الحسن, أما تعليق بتاع “يدخل أبو العفين يدو في العيش” فأقترح تسميته بعيش نافخ على نافخ
الله يستر غلاء في الرغيف والمحاصيل الزراعية الله في
انتفاضية انتفاضة انتفاضة يا رب الشعب جعان لكنه جبان
لا تسعد الامة الا بثلاث :-
حاكم عادل ,وعالم ناصح ,وعامل مخلص
ما الناس بتخاف وهم معتقدين هم كده ما بموت دا موت وجوع فى نفس الوقت ياااا شعب اصحى
لعلم الجميع انا اليوم اشتريت رغيف للغدا 3رغيفات ب جنيه بدل ماكنا نشتري 4ب جنيه التعليق البليغ هو ((حسبنا الله ونعم الوكيل)) ده الجوع ذات نفسه ونسال الي اين هذا الارتفاع الجنوني للاسعار ؟؟؟
اسعار الخميرة !! دا خبر دا !! بعد شوية قولوا أسعار القفف زادت !!!!!!!!!!!!!!!!!!!!