وزير الداخلية: (ما دايرين عسكري يعمل ليهو كرش)
الجنينة:أسامة عبدالماجد:
كشف وزير الداخلية عبدالواحد يوسف عن تعيينهم ولأول مرة عناصر نسائية فنية ضمن طاقم الشرطة بغرب دارفور، وأعلن عن رفع شعار ً«الشرطي أولاً»، وشدد على أهمية تطوير الشرطي والاهتمام بها. وقال لدى مخاطبته ضباط وضباط صف وجنود الشرطة بغرب دارفور إن أول الغيث قطرة وإن القطرة تبدأ بتحسين المرتبات، ونوه إلى أهمية التدريب ورفع كفاءة الشرطة، وقال بشيء من الانزعاج «ما عاوزين عسكري يعمل لي كرش»، وزاد لازم نتذكر العسكرية ونعيد «الصفا انتباه مرة أخرى». وتعهد عبدالواحد بإكمال مباني الشرطة ودعم شرطة الولاية بسيارات ومعدات والاهتمام بالخدمات الاجتماعية، وأعلن عن تأسيس مستشفى في كل ولاية.
اخر لحظة
بالله ذ شكل وزير
ما تنسي كرشك انت تلاقيك فرنده وراء وقدام
انت يا عبد الواحد ناسي انو البشير ده لسة عسكري وبيلبس كاكي واظبلايطات وقاش مقاس 207 .
هذا الأمنجي الشعبي.. لا يدري مهام وظيفته.. وجاهل حتي بحدود تكليفه.. أنت يفترض أنك وزير داخلية..وظيفة سياسية مدنية وليست عسكرية (( مالك ومال الكروش والصفا والإنتباه).. فالتترك المهام الفنية المهنية لشاغريها.. وتمارس مهامك السياسية.. وتوجه عبر القنوات الرسمية..وفقاً للتسلسل الإداري لجهات الإختصاص…(أنا متأكد وزراء الحيرة واللحظات الاخيرة.. المخلوعين في عهد (الإنقاذ).. ديل مابفهمو حتي أبسط حدود مهاهم…وزير داخلية قال… ” لقد شغر هذا المنصب قامات مازالت أسمائهم تملا المكام والزمان..مثل الامير نقدالله الكبير…والشيخ علي عبدالرحمن….وغيرهم من النجوم السواطع..
نقص كرشك اولا و كروش من سبقوك على المنصب
يعنى كل ما في راسك تنقيص كروش بس لا والله فالح وشخصت علل البلد و جرائمه في (عسكري بدون كرش) ينفع شعار جامد بجانب شعار(هي لله) يا نكره
والعملوا كروش سعادتك خلاص العفو والعافية وبعدين لحدي ما تأهلوا الشرطيين والشرطيات واطتنا نحن بتصبح يا سعادتك. عفه اليد وعدم الكروش ما بتحلهم زياده المرتبات بحلهم اليقين والوازع الديني الطلعتوه بالظلم والجشع وأكل مال الناس وقوتهم. وفر مستشفياتك وتاهيلاتك وكان فضل باقي قريشات امشوا استروا بيها الناس البتلقط من الكوش وأكلوا بيها الطلبه وجبات فطور بس يمكن يعرفوا ينجحوا زي أولادكم وأولاد العندهم كروش. لأنو ناس الكروش الفيهم مرقت والانت منتظرهم منهم خير ديل بضحكوا في وشك سااااااي ويصفقوا ليك.
قال ما عايزين كروش قال
البلع البلع وجقم جقم والايصالات والرشوة كيفن الكرش مابتجي ياسياتو الجماعة مناشير وتجنيب شغالين انت وين
هههههههههه شيل شيلتك البشير برجعك الحله تاني، من الله ما خلقك سمعت ليك بوزير بنبز رئيس؟؟؟؟
زي ما العساكر بقولوا “الشرطي العندو كرش حرامي”،المهم الكلام ده يا سعادة قولوا لروحك أول،بعدين قولوا لضباط الخرطوم بعديها لعساكر الخرطوم وأمشي خطوة خطوة لغاية ماتصل لدارفور.
املوا جيوبكم وربوا دقونكم
ياوزير الداخلية ( ماعاوزين عسكري يعمل ليهو كرش ) دي عندها معنيين : ـ
1/ الكرش البتجي من كثر الاسترخاء وانعدام العمل وشراب الشاي والقهوة ساعتين والفطور اربعة ساعات والقعاد في قهاوي الشيشة ساعتين .
2/ الكرش البتجي من اكل المال الحرام والفساد الاداري والمهني والافراج عن العربات المخالفة وتمرير البضائع المخالفة من الجمارك .
اي معنى هو المقصود ياوزير الداخلية ؟
نأمل ان تسجل موقف يسجله لك التاريخ باحالة كل العناصر الفاسدة بالداخلية الى التقاعد, فقط مانخشاه ان نجد صبيحة اصدار القرار شرطة السودان( ذهبت مع الريح )
لعلم الوزير الوهم.كافح الرشوة داخل وزارتك اولا.ثم الادرات الاخري(خاصة المالية)ثم في الاقسام والنقاط.ثم علي الطرق والاسواق.اتحدي انو مافي بوليس مرتشي خاصة مع هذا الوضع.ولو ما اخد بيدو اكل مع مرتشي.واتحدددددداااااااااااااااكككككككككككككككككككككك.الي يوم الدين.
بشبه لي واحد من ناس الانجلو؟
الاخ دا وزير ؟؟؟؟؟علي قول عادل امام