سلفاكير يبكي – شاهد صور استفتاء تقرير مصير جنوب السودان في يومه الأول
استفتاء جنوب السودان سابقة يصعب تكرارها في افريقيا
جوبا (السودان) (رويترز) – يعطي الاستفتاء على تقرير مصير جنوب السودان دفعة معنوية للانفصاليين في أجزاء أخرى من افريقيا لكن من غير المرجح أن يتبناه زعماء القارة كسابقة يحتذى بها في أماكن أخرى.
ويدلي سكان جنوب السودان يوم الاحد بأصواتهم في استفتاء على الاستقلال يتوج اتفاقا للسلام وقع عام 2005 وأنهى أطول حرب أهلية في افريقيا. وأودى هذا الصراع بحياة مليوني شخص كما تسبب في زعزعة استقرار دول أخرى في أنحاء القارة.
ومن الصومال الى الكاميرون الى الصحراء الغربية وأجزاء أخرى من السودان نفسه تراقب الحركات المتمردة الاستفتاء عن كثب كدليل على أنه يمكن الفوز بحق تقرير المصير.
وتركت الحدود التي رسمتها القوى الاستعمارية اعتباطا في الاغلب قارة افريقيا لتواجه تاريخا طويلا من حركات التمرد الاقليمية. وقاومت حكومات القارة بشكل جماعي معظم الجهود لاعادة رسم الخريطة.
وكان اخر تغيير كبير في حدود افريقيا حين انفصلت اثيوبيا واريتريا عام 1993 بعد حرب عصابات طويلة واستقبل هذا التغيير انذاك بوصفه استثناء لمرة واحدة. وتعتبر الدول الافريقية الاخرى أن وضع السودان على نفس الدرجة من الخصوصية.
وترفض القوى الغربية ايضا دعم النزعات الانفصالية في القارة خشية انتشار الصراع ومن المرجح أن تدعم فكرة أن الحل لمشكلة جنوب السودان متفرد.
وقال المعهد الامريكي للسلام ومقره واشنطن في تقرير "اليوم لا توجد حركات أخرى في افريقيا لها تاريخ وأتباع محليون ودعم دولي يقارن بما يتمتع به جنوب السودان."
واستعدت الحركات المؤيدة للاستقلال في أنحاء القارة للاشادة بالاستفتاء والاستشهاد به كنموذج يحتذى.
وقال محمد بيسات كاتب الدولة في الحكومة المعلنة من جانب واحد للصحراء الغربية حيث تكافح جبهة البوليساريو الحكم المغربي ان على البوليساريو والمغرب اتباع النموذج السوداني.
وأضاف أن على الملك محمد السادس عاهل المغرب أن يستلهم شجاعة الرئيس السوداني عمر حسن البشير. وقال نفور نجالا نفور نائب رئيس المجلس الوطني لجنوب الكاميرون الذي يسعى الى استقلال الاقلية التي تتحدث الانجليزية بالاساس هناك "بالنسبة للمجلس الوطني لجنوب الكاميرون وابناء جنوب الكاميرون في الداخل والخارج فان استفتاء جنوب السودان مصدر الهام كبير."
وتعتبر منطقة أرض الصومال وهي منطقة صومالية أعلنت استقلالها وتتمتع بحكم ذاتي منذ عقدين أن الاستفتاء نموذج لكيفية الحصول على الشرعية الدولية وفقا لما ذكره وزيرها للشؤون الخارجية محمد عبدالله.
وقال "المسألة بالنسبة لارض الصومال هي الحصول على الاعتراف. أعتقد أنه اذا حصل جنوب السودان على الاعتراف من خلال هذا الاستفتاء فانني امل أن يفتح هذا الطريق لارض الصومال."
وتسعى حركات استقلال أخرى الى الحكم الذاتي في أجزاء أخرى تمتد من اثيوبيا الى انجولا وحتى في أجزاء أخرى من السودان نفسه مثل دارفور.
وباركت دول افريقية أخرى استفتاء السودان بوصفه وسيلة لانهاء الحرب الاهلية. لكن هذا بعيد كل البعد عن تبني المبدأ العام بالسماح باعادة ترسيم الحدود.
وقال زاك فرتين المحلل بالمجموعة الدولية لمعالجة الازمات "هذا هو اكبر اتفاق في القارة من حيث ما يتمتع به من تأييد وضمانات. قامت بالوساطة فيه هيئة افريقية وأيده الاتحاد الافريقي."
وأضاف "ربما تسعى مناطق وقوى سياسية أخرى الى استغلال التقسيم كفرصة لتغيير ميزان القوى في الشمال بعد الاستفتاء. لكن من المؤكد أنه لن تكون هناك رغبة تذكر في الخرطوم في الترحيب بأي ميول انفصالية من دارفور او اي مكان اخر
[ALIGN=CENTER]
[/ALIGN] [COLOR=blue]مزيد من صور استفتاء جنوب السودان في يومه الاول على هذا الرابط :[/COLOR] [URL]http://www.alrakoba.net/news.php?action=show&id=13018[/URL]
دموع التماسيح
و الله كلام مظبوط يا بت الخرطوم المسالة محسوما من بدري ما دايرة دموع
نحن المابنفهم في السياسه من زمان عارفين نتيجة الاستفتاء لصالح الانفصال
باتفاق الطرفين في الحكومة ذي الانتخابات الفاتت كلو مطبوخ من بدري و الله يكون في عون الشعب السوداني بكل فصائله
يا بت الخرطوم انتى ما عشان مسكونه بي وهم انو الجنوبين عريانيين "وهم" انتى ما تخلى الناس فى حالهم وصلحى طرحتك عشان قدو قدو ما يديك سوط "والله ده الراجيكم" فى الدولة الاسلامية .. سلفا بيبكى لانو انسان حاسى بى معاناة شعبو الله يخليهو لينا
عاني شعب جنوب السودان كثير من الاضطهاد والظلم عبر السنين من الشمالين خصوصا البقارة وقبائل الجعليين
ولم يجد حقوق التوظيف ولا المواطنة السليمة فلنحسب كم عدد مديرين الشركات أو معلقين البرنامج في القنوات الفضائية من ابناء الجنوب
فللنظر لأنفسنا كم نحن لانحترم الانسان الاخر خصوصا من غير الناطقين بالعربية مثل اهل دارفور والنيل الازرق
ألم تتغني بناتنا بود الغرب مابسر قلب
ألم نطهد كل النوبة من جبال النوبة ونصفهم بالفروخ والعبيد
واذا كان احدهم لدية احد الأبوين من غير العرب نقول به عرق المر بضم الميم
ثم نستغرب كيف ينفصل عنا الجنوبين ويحاربنا اهل دارفور واهل الشرق
ونقول عليهم عبيد حاقدين
الخطاء فينا وليس في فيهم ;(
ملاحظة كل الجنوبيين الفى الصور غير مقيمين بالجنوب وهذا واضح من مظهرهم وملبسهم اين الجنوبين المقيمين فى الجنوب المطحونين ؟كلهم فى الخرطوم وهؤلاء هم الذين لايريدون الانفصال لانهم عارفين لامسكن ولا ملبس ولاماكل منتظرهم بعد الانفصال وبعدين لزوم الدموع شنو يا سلفاكير مش كان افضل تأجليها لبعد اعلان النتيجة ولا النتيجة معروفة وبتعملوا فيه تحصيل حاصل وتبذير للمال العام
مع السلامة يا حمامه مبروك عليكم دولتكم قشه ماتعتر ليكم
يقول علماء النفس ان البكاء هو أنجع وسيلة لتخفيف الضغط الذي يعتري الفرد خلال ساعات عمله او من خلال مسيرته الحياتية لذا فان بكاء القائد سلفاكير إنما هو تعبير حقيقي عن الضغط النفسي الذي عاشه طوال فترة وجوده حاكماً لجنوب السودان ونائباً أول لرئيس السودان ولكنه اليوم يحس بأنه قد أوصل شعب جنوب السودان الي النقطة التي كان يحلم بها كل جنوبي ليقرر فيها ماذا يريد أن يكون جنوب السودان. لذا فان شعب الجنوب اذا ما إختار الانفصال أو الوحدة التي مازال هنالك بعض قصار النظر يحلمون بها فان هذا القرار لم ياتي من فراغ بل من نضالات طويلة املتها لهم الممارسات السياسية الخاطئة من قبل حكومة المركز.
وما عودة ابناء الجنوب من كل مدن السودان الا تعبيراً عن واقع أجبرتهم ظروف الحياة الي العيش فيه فترة من الزمن واليوم وهم يعودن ويرددون مثلما قال الشاعر (وطني هناك ولن اظل بغيره متشردا سأعيده وأعيده وطنناً عزيزاً سيدا)
لذا فان التاسع من يناير 2011م هو التاريخ الذي سيحتفل به الجنوبيون باستقلالهم الحقيقي.
سيذهب جنوب السودان من دون ادنى شك ولكن عرى وجزور التواصل بيننا ستكون ممتدة دون انقطاع .
فليكن انفصال الجنوب عبرة لكل سوداني أصيل وخاصة الساسة
انها دموع فرح للانفكاك من حكم الجبهة الاسلاميه وتوابعها ….لاحولة ولا قوة الا بالله
والله انه لامر محزن انفصال الجنوب يوم التاسع من يناير يوم حزن كبير لكن عزاءنا انه يوم فرح عظيم لاشقاءنا واحبتنا اهل الجنوب فالانفصال كان امرا لامفر منه حيث فشلنا فى العيش معا فى هذا السودان اتمنى من النخب الحاكمه ان تعى الدرس لان باقى السودان مهدد ايضا بالانفصال حيث لايوجد سوى الاسلام من رابط بين الكثير من مكونات الشمال السودانى ولبعدنا عن منهاج الاسلام القويم لم يعد رابط الاسلام صمام الامان للمسلمين من ا لاقتال فيما بينهم الصومال وافغانستان قبل الغزو الامريكى مثالا عليه اقترح ان يكون منصبى الرئيس ونائبه حكرا على اهل الغرب والشرق لمدة خمسين عاما حتى نخرج من تهمة استئثار الشماليين بالسلطه ونحافظ على مابقى من السودان موحدا
صور مشرفه تشعر بالفخر رغم ان الموضوع لا يخصني حاليا … اقتدار سياسي غير مسبوق في العالم … مبروك يا حركه شعبيه وان شاء الله نتيجه تعمل صدى في العالم وتصخ اذان الكواويز في جحورهم وزرايبهم … مافي مقارنه ابدا بين التعاطي السياسي في الجنوب والخمج الكواويزي في الشمال وكمثال التزوير المدمر قبل اشهر … ده الشغل يا سلفا وحريقه في ادعائيي الوصايه واللصوص المجارمه المطلوبين للعداله الالهيه قبل البشريه …
Prosperous wishes for your new independent country and may Allah fulfil all your success and shower you with his blessing …
Mubarak in advance Mr. SALFA .
Mubarak to all of you the great noble south nations
ليت قومي عرفوا أن هذا اليوم قد يأتي في حينه ولكنهم ضيعوا الفرصة فرصة الوحدة في مماحكات نافع وترهات ربيع عبد العاطي وأكاذيب مندور المهدي وتهديدات التيس
عاش نضال الشعوب المقهورة في كل مكان في العالم والف بل مليون التهاني ووالأمنيات الطيبة لآهلي في الجنوب الحبيب وعقبال نحن نرمي جلادينا الي مزبلة التاريخ….. اتمني ان ينعموا بالإستقرار والتنمية…..وبنشئوا دولة ديمغراطية تحترم فيها حقوق الإنسان وكرامته عله يصيبنا منها وابل.
وعاش نضال شعب جنوب السودان
والله نفسي افهم الناس الماتو في الجنوب من الشمال ديل ماتو في شنو
دموعك مابتفيدك فى يوم حواسوا اتحجرت – مبروك للسودان الشمال ومبرووووك للشماليين
خوفى أكبر ياسلفا من بكرة تجى انته وليداتك { يالانقاذ الحقينا } .الرووووووووووب
اكيد دموع فرح لانو الانفصال شئ لابد منه بس دموعي انا علي الراحل د- جون فرنق ياتري لو كان حي كيف ح يكون الوضع بس اتمني ما يصير الندم
و الله يا جماعة الواحد زهج كل شوية عملتو شنو للوحدة كل العملتو للانفصال انا ما تابع لاي حزب سياسي انا تابع للسودان الناس بتسال جنوبي شمالي من الغرب من الشرق كلهم بسالوا وبنتقدوا الانقاذ طيب سلفاكير عرمان باقان الحركة كلها عملتو شنو للوحدة مليارات نهبوها تتخيلو انتو لو المواطن الجنوبي لقى شارع لقى امان لقى مستشفى لقى تعليم من الحركة قبل فترة التصويت للانفصال هل كان فكر ينفصل اتحداكم ماكان فكروا في الانفصال و الله انا في فترة قرايتي في السودان زملائي كانو جنوبيين خاويناهم و الله على ما اقول شهيد بنمشي مناسباتهم بناكل معاهم قالو هم مواطنين درجة تانية في الشمال ضايقوكم وين كنايس اتحدى شمالي مسلم يغلط في الجنوبي من ناحية الديانة يا ناس يا ناس و الله احنا حصرنا تفكيرنا في هم السبب احنا ماذنبنا فكروا بعد كدة بعد الانفصال حنعمل شنو خلونا و اقعيين امريكا و الله الفرحانين بيها الجنوبيين و الله ثم و الله انهم لن ينالو منها شئ الا قواعد عسكرية ضغط منها لحكومة الجنوب لتنفيذ اجندتها و ان عملت حاجة للجنوب كلو عبارة عن ضغط للشمال و انا عن نفسي بقول للجنوبيين قشة ما تعتر ليكم الجنوبيين البتكلمو من امريكا و اوروبا المحتفلين بالانفصال ياربي حيجو يحتفلو في بلدهم و لا بعيد بعيد ………..
والله العظيم انا فرحان بانفصال الجنوب لانه وبالذات السياسيين امثال باقان هم الدمرروا البلد دي والله اكبر ولله الحمد .
لدي احساس قوي ان الحركة صامتة حتى تنال الرايه … وبعدها اللي حيتقال كتير وحاسم … الناس ديل ما هينين … وياريت لو كان الانفصال بيقلع الكواويز من كل السودان والجنوبيين ديل يحكمونا ويعلمونا الادب … الهدوء الذي يسبق الانطلاق في الفضاء … احبسوا انفاسكم يا رجرجه واتفرجوا الالعاب الناريه وانفجارات الفرح … مبروك ياريس سلفا مبروك ياعرمان مبروك يا شعبيين
;) ;) ;)
اصرار وعزيمة شعب….فعلا تقرير مصير…بحق وحقيقة…ناس تبيت في الصفوف عشان تدلي بي رأيها….والله روعة
إذا الشّعْبُ يَوْمَاً أرَادَ الْحَيَـاةَ فَلا بُدَّ أنْ يَسْتَجِيبَ القَـدَر
وَلا بُـدَّ لِلَّيـْلِ أنْ يَنْجَلِــي وَلا بُدَّ للقَيْدِ أَنْ يَـنْكَسِـر
وَمَنْ لَمْ يُعَانِقْهُ شَوْقُ الْحَيَـاةِ تَبَخَّـرَ في جَوِّهَـا وَانْدَثَـر
فَوَيْلٌ لِمَنْ لَمْ تَشُقْـهُ الْحَيَاةُ مِنْ صَفْعَـةِ العَـدَم المُنْتَصِر
كَذلِكَ قَالَـتْ لِـيَ الكَائِنَاتُ وَحَدّثَنـي رُوحُـهَا المُسْتَتِر
حققتوها اخوتي الجنوبيون….
هنيئا لكم جنوبكم…..